本帖最後由 Candy_family 於 12-3-22 22:25 編輯
其實我想話, 我個仔小一至小三係讀私校, 都係標榜愉快學習, 但我唔想佢中學都係讀私校, 因為我覺得始終都要面對現實的, 眼見佢學校D程度, 我真係唔敢想像佢可以點同人fight, 胆粗粗同佢轉過黎福小, 學校仲收佢讀英文班, 開頭真係好驚, 因為佢小一至三都係讀中小的, 而家一下子要佢面對好多改變: 搬屋, 轉校, 轉為全英上課, 無晒D同學仔, 而且仲多左個細佬, 點知佢好快就適應左, 下學期開始仲考得好好tim, 而且學校生活都算OK, 老師都好OK, 小五升中家長會我都有去, 我唔覺周校董有D咩說話講得有問題喎, 唔覺佢睇唔起福小學生, 完場時, 我地仲主動去打個招呼, 初初佢知我個仔讀邊班時, 佢都有縐縐眉的, 話呢班D成績麻麻喎, 點知佢一睇成績list, 知我個仔全班第一, 全級第十, 但操行得C+, 就好担心咁問做咩事咁洩呀, 到佢知我個仔唔係洩, 只係唔識控制情緒, 就同我個仔傾計, 教佢點放鬆, 點令自己無咁嬲, 証明佢係關心學生的, 佢講得好啱, 讀書係刻苦的, 讀書唔係歎世界, 自古以黎都係咁架喇, 佢想學生成績好D, 係想佢地升上中學唔洗咁辛苦, 如果個距離拉得咁遠, 佢地上到去真係會好辛苦架, 大家要明白呀 |