小朋友幾多歲開始學琴好D呢?

winwin323

ming2,

多謝妳回覆 !!

我之前掛住問問題, 無為意原來妳已經有第2 個bb.  
恭喜, 恭喜!! 就生得啦, 小心身體, 妳囡囡肯定好開心, 可以做姊姊.

關於我囡囡d拍子問題, 我今日要問下老師.  其實我都唔知囡囡點上堂, 而且個老師每堂之間d時間都好緊迫, 佢d學生一個接住一個, 所以無mug時間同佢溝通.

我自己其實都重有樣野好煩, 就係.........我唔識彈琴, 囡囡剛開始學琴時, 我都跟到佢, 知佢彈緊邊個音.  到佢學到第2本書o既後部份, 我已經跟唔到佢, 佢係咁彈, 我都唔係好知佢彈到邊, 唔知有無錯    

上星期, 囡囡個老師同佢買左本新書, 我尋日睇過下~~嘩!! 我諗我一定更加唔知佢做mug , 又點同佢練琴呢??
真係好煩    

Martin媽咪

ming2,

我係 martin 媽咪, 我同 winwin 一樣都唔識琴, 囝囝剛學琴, 自己唔識都唔知怎麼樣好, 唔想因自己唔識而放棄比囝囝學, 其實有無書, 可以買等自己學o下, 請多多指教       

AQMum

Ming2,

唔該晒, 我仲想問吓, 如果我無實際睇住小朋友學, 剩係聽老師講解, 是否足夠去幫小朋友練習呢 ? 我係完全未學過琴個隻呀, 真係擔心幫唔到個女.  

winwin323

ming2 寫道:
......老師同家長0既溝通就變得非常重要,我自己就習慣無論d堂幾密都好,我都盡量會落堂之後話番俾家長知個,等家長可以幫忙指點吓個小朋友…

ming2,

好多謝妳回覆, 真係麻煩晒!

我囡囡個教琴老師, 唔似妳咁樣.  每次落堂都好少同我講"學左d咩要同埋練習時要留意d咩".
所以通常學完琴, 我會book琴房同佢練, 只係跟番手冊上學左d野彈.

但係我囡囡學左~半年到, 確實係進步左唔少.  未彈過d歌, 可以就咁彈出黎, 係衰在無晒d拍子.  我尋日問過老師話我囡囡好心急, 所以有呢個情況, 不過都唔係大問題.

我都算啦, 由得佢自由發展.

再次多謝妳回覆 !!

Martin媽咪

Winwin323,
你個女幾多歲呀, 學了半年已經能夠自己彈, 我囝囝現在剛剛學, 我都唔識琴, 都係幫唔到囝囝練彈, 我自己無琴, 只有個電子琴, 比囝囝練手指位, 等有興趣才買琴比囝囝      

Martin媽咪

ming2 寫道:
AQMum,
冇問題,如果個老師講解得清楚而你又係一開始已經有跟老師所講0既去幫助囡囡練習,已經足夠了,因為我d學生都係咁學,d媽咪都係落左堂聽完我講就照住我講咁去陪個小朋友練習,最多有唔明時咪再問我lor…

yi2,
唔好意思,唔係好明你問d琴ok0既意思係指咩….如果係話可唔可以用到八級,我可以話你知我自己以前都係用大陸”Hero”到八級先轉琴,所以問題不大…最緊要睇你自己鐘唔鐘意d聲同touching….

Winwin323,
如果你囡囡係識數但係懶數(尤其係練琴時),但係對住老師就肯數0既話,就問題不大,但係如果係唔識數或者even對住老師都唔願數,咁就唔係太好啦…

Martin媽咪,
你最好都係每個星期抽d時間帶囝囝去琴行練真正0既鋼琴,因為用電子琴練得多,你囝囝係真鋼琴時會唔識用力/或者會手指變型架

Ming 2,
因我唔識, 我在通利琴行買, 琴行就話此款電子琴是有 touching 功能, 可比囝囝暫用, 到時有興趣再換琴, 是不是呢?

  

winwin323

Martin媽咪,

我囡囡就快5歲, 佢剛剛學琴時我係可以跟到, 因為都係彈3隻手指位(即是高音c,d,e, 低音c,b,a), 佢彈中間(middleC), 我就彈隔離o個個.  

但係到後期, 佢學晒10隻手指之後, 我已經跟唔到, 佢彈得太快, d音符位置我都未攪清楚, 佢已經彈左.

我都係買左個電子琴o係屋企, 但係我囡囡唔係好願彈, 佢話個touching唔同鋼琴, 所以我都係book房同佢練.

其實我又想買個琴比佢, 但係又怕上小學後, 佢會放棄學琴(因為怕功課多).  而家都15,16唔知點.

Martin媽咪 寫道:
Winwin323,
你個女幾多歲呀, 學了半年已經能夠自己彈, 我囝囝現在剛剛學, 我都唔識琴, 都係幫唔到囝囝練彈, 我自己無琴, 只有個電子琴, 比囝囝練手指位, 等有興趣才買琴比囝囝      

winwin323

ming2,

我囡囡係識數拍子, 不過就懶數, 提住佢就數, 唔提佢就"側側膊".  尤其是呢排學緊半拍, 數1拍半時要--1n2, 佢就係唔鍾意數個n, 真係比佢激親.

老師都話佢有時就數, 有時又唔數, 不過問題唔大.

就係因為咁, 所以我先問下妳意見.

**重有一樣野想問問妳意見, 就係買數碼琴好唔好呢?
有日經過琴行見到d數碼琴, 囡囡彈過話幾好, 而且價錢幾平, 同埋個樣又幾靚, 究竟好唔好呢?

ming2 寫道:
Winwin323,
如果你囡囡係識數但係懶數(尤其係練琴時),但係對住老師就肯數0既話,就問題不大,但係如果係唔識數或者even對住老師都唔願數,咁就唔係太好啦…

Martin媽咪

ming2 寫道:
martin媽咪,
如果你買0既係數碼琴,咁就可以有鋼琴0既touching,但係如果你買0既係普通電子琴,咁就做唔到鋼琴0既touching 啦...唔知你係買邊種呢?!

ming2,
多謝你回覆, 是買了數碼琴, 有 touching那種, 是否都可暫用, 到時等囝囝有興趣才買...呢?






        

winwin323

ming2,

多謝妳回覆!!
關於個琴, 我要再諗諗先, 好似都係買個正宗0既鋼琴好d.

ming2 寫道:
Winwin323
咁就最好由老師出馬叫囡囡多d數拍子啦…老師做衰人點都好過自己做衰人呀嘛…囡囡會容易d接受架…
數碼琴好唔好就睇你要求有幾高啦…基本上用到五六級都唔係太大問題0既,再上就可能係手感同聲方便會差少少啦…始終都係正宗0既鋼琴個feel好d…對於高級者黎講…

Mummy

其實呢個問題我想問左好耐, 因為我細路仔時 (約3年班), 我阿媽買左個鋼琴比我 (大陸牌子 Hero), 學左唔係好耐因為學業追唔上, 所以就冇學。  個琴大大話話都有20年, 而家仲o係度, 我諗住到2個月後我搬左, 就會 "接番"個琴返屋企。

我而家個仔3歲2個月, 平時佢都好鐘意玩自己個玩具琴, , 都想比佢學琴, 話曬自己有個 "現成"鋼琴將會搬番屋企, 唔使買又唔使租丫嘛, 不過唔知會唔會早得滯, 又驚佢坐唔定。  想問下有冇小朋友3歲就比佢學琴既媽咪?

Ciz

Ming2,

想請教你一個問題, 我囝囝剛剛三歲, 近來成日話要學琴(相信係電視, 同埋上緊個葉氏音樂班影響), 但佢係完全坐唔定嗰種, 而我又問過一個教琴嘅鄰居, 佢都話太細唔適宜學, 但係我又唸, 係咪應該趁佢好有興趣嘅時候開始呢?  可唔可以俾啲意見我?

如果真係學嘅話, 唔買琴住又得唔得呢?