富安威寶的家長, 入黎交流吓啦

giann728

ktmama,
我尋日問女女有無收到聖誕卡，佢話無呀﹗ :cry:  :cry:  唔知係唔係星期五果日佢無返學，ms wong幫佢keep住過幾日先派比佢呢??   

你點知寫錯左呀??  我只係比左ms wong、ms lam、方校長同埋黃主任咋﹗  上年教我女女果d老師都走晒﹗   

我又係星期日同佢做左個讀書報告，今次本書睇左一次咋，都無時間睇，我呢個阿媽真係懶﹗

佢地翻埋星期四就放假啦，有無諗住同仔仔去邊度玩呀??  你有無買果套假期作業呀??  唔知難唔難做呢??

ktmama

Giann728
可能心怡同廸漳俾你女女的聖誔咭仲喺 ms wong 度, 因為 ms wong 琴日同我講會俾佢哋自己派俾 D 同學仔.

因為俾老師 D 聖誔咭, 我會帶住仔仔派俾佢哋, 咁我咪知道自己寫錯咗囉   , 你話我喺咪好唔好意思呢  

我個仔都喺呀, 本書只喺睇咗幾次, 佢話 D 故事好短編喎, 真喺俾佢激 C 我.  反而我同佢喺圖書館借返黎嗰幾本 "亮亮系列" 就每日都睇幾次, 講到我口都乾  

我都有買嗰套假期作業呀, 我諗應該唔會太難啩, 不過唔知做完要唔要好似交功課咁交俾老師呢? 我最怕個傻豬當喺我平時俾佢 D 練習書咁亂咁黎, 唔跟指示, 只跟自己既意願咁去做  

聖誕節假期如果唔喺太凍, 我諗住同仔仔去嘉道理農場行吓睇吓, 同埋睇吓邊度有 D FUNCTION 同亞仔去參觀吓咁囉.
都唔想佢成日留喺屋企咁悶.

喺喎, 今晚六合彩好多獎金呀, 你都去買啦. 中咗當投資, 唔中又可以做善事, 幾好呀, 一舉二得.

giann728

ktmama,
女女尋日收到聖誕卡啦，包括你仔仔送果張，thank you﹗

今日係唔係無書借呀??  我又搵唔到張借書証既??   

聖誕節我會同女女去燒野食呀，希望果日唔會好凍啦，因為係戶外﹗

我尋日買左六合彩啦，不過未對，唔知中唔中呢??   

ktmama

Giann728
應該喺無書借呀, 因為我見佢哋個公文袋跟住個借書日期喺 1月3日, 唔喺今日. 可能聽日開 party, 老師今日好多嘢做, 所以無時間同佢哋借書啩.

燒嘢食都幾好呀, 小朋友會好開心 gar. 我之前試過同仔仔去, 不過點知去到無爐燒, 跟住又開車去另一個燒烤場, 點知可能已經夜咗 d, 亞仔話唔燒要返屋企, 你話幾咁  
試過同爸 B 講不如買個燒烤爐返屋企燒, 點知爸 B 問我喺咪 "嚴"命長 , 唔駛預佢哋二個喎 :tongue:    

我琴日無買六合彩呀, 因為仔仔未夠 "稱", 入唔到, 又唔會留番佢一個喺商場度 ( 有 D 人會咁做 GAR   ), 不過唔緊要, 婆婆有買, 亞仔仲自己講咗 D 數字俾婆婆買, 中咗仔仔都有份     

giann728

ktmama,
原來無書借，嚇死我，我仲以為女女又唔見左張借書証﹗

其實你可以買個韓國燒烤果d爐，效果差唔多架﹗  我地響屋企都成日咁燒架，好過燒炭，真係好危險﹗  我地聖誕果日book左爐呀，所以一定有得燒，我地仲book左隻乳豬仔，我女女第一次燒乳豬，唔知佢會唔會好興奮呢??

我都係好網上投注咋，我唔鐘意入馬會，又多人又雜，最慘係成日要排長龍﹗  咦，咁婆婆有無中獎呀??  如果有，你仔仔米過肥年﹗

ktmama

Giann728
hello, giann728 ee, i am klausdy, tomorroww we can bring some food for classmate to eat.

giann728

Klausdy,
Noted.  Thanks for your reminder!!

ktmama

Giann728
亞仔琴日收到 ms wong 的聖誕禮物好開心, 佢仲好聽 ms wong 話放咗喺棵聖誕樹度, 同埋佢話 ms wong 話到 26 號先可以拆開添 . 不過佢好緊張, 今日成日借 D 二問我幾時可以拆開, 我梗喺照答要 26 號囉, 呢個仔正一心急豬

今日仔仔應該得好開心, 但喺我問佢今日玩過嘜嘢遊戲, 佢又唔答我喎    , 喺呢你女女有無講過玩過嘜嘢遊戲呀.

giann728

ktmama,
我女女都收到禮物，我問女女，應該個個小朋友都有﹗  唔關得我女女唔拆啦，佢平時響學校攞翻黎既野，我未放工前已經拆晒﹗  佢前日竟然識得自己放響聖誕樹隔離堆禮物度﹗  我估都係ms wong教﹗

我都有問女女呀，佢唔肯講玩過咩呀，激死﹗ :evil:

我今日同女女做左半本假期作業啦，仲有半本﹗ 我想問本作業駛唔駛交翻比ms wong架??

ktmama

Giann728
我前日接仔仔放學時, 都見到你女女都有攞住一份禮物. 不過個花紙顏色就唔同. 今日問過仔仔, 佢話唔喺個個小朋友都有 gar, 只喺嗰 D 乖乖既小朋友先有喎, 都唔知個傻豬有無講大話  

我琴晚同今日已經同仔仔做完本 EX LU. 我都唔知要唔交番俾 MS WONG. 或者到時照俾佢帶返學囉.  

學校 POST 咗去旅行 D 相出黎, 不過我哋只有二張大合照, 你有無寫紙晒相呀?

ktmama

唔經唔覺已經放咗 5 日假期 LU.  亞仔開始想返學, 成日問我幾時可以返學.  佢話好想快 D 見到 D 老師同同學喎. 咁鐘意返學, 真喺抵錫.  

giann728

ktmama,
你仔仔好乖喎，我同女女講下星期二要返學，佢話唔翻呀﹗

尋晚我捉住同佢做晒d功課啦，過兩星期又評估，要的起心肝同佢溫吓書先得啦﹗  係呢，你知唔知道評估會唔會考翻上次果d架?? 定係新教果d呢??

我boxing day果日唔記得同女女拆ms wong份禮物，尋日先拆咋，係顏色筆黎架，仲有擦膠、貼紙同埋髮夾，我女女好開心呀﹗  

ktmama

Hi, Giann728
我仔仔份禮物就無髮夾, 不過就有一本 note pad  

呢二日都入唔到 e-mail 同 寫唔到 blog, 真喺有少少悶呀, 希望快 d 維修好啦.

我諗形式上應該同上次差唔多, 但就應該會偏重新教嗰 D啩.

我又喺呀, 真喺要同佢溫書啦, 呢個仔又喺成日掛住玩.
我今朝捉住佢睇咗 PHONICS 既 VCD, 聽日就捉住佢睇 英文 PRE-SCHOOL 隻 VCD.  希望咁樣可以幫到佢啦.

giann728

ktmama,
我想問吓係唔係total有31張中文字卡同埋32張英文字卡呀??  我女女成日攞晒出黎四圍放，都唔知有無唔見到呀﹗ :evil:  :evil:  :evil:

今日入到去寫blog喎，係就係慢d，不過好過無啦，唔寫我驚唔記得要寫咩啦﹗

jocola

你們好呀！

我個仔一歲多d，現在開始留意幼稚園呀，想問問各位媽媽威寶的教學係似我地個細個o個d幼稚園，定係好似而家好興o個d project approach ga?
課程算深，淺 or適中呢？

環境我就好鐘意啦，但其他野我咩都唔知，所以要請教下大家，謝謝！

ktmama

Giann728
中文字咭 :  31 張
英文字咭 : 由 a-m, 每個英文字母有  4 張, 總共有 52 張.

你就好啦, 我 直情入唔到 blog 呀, 又收到 e-mail, 真喺好無奈

giann728

jocola,
其實都算project approach架，每個星期有一個主題，小朋友要圍繞住呢個主題帶d野或做d野翻學校分享學習咁囉﹗  其實幼兒班課程就唔會深，因為主要教自理，又無考試又無功課﹗  上到K1就開始深，好似我女女半年已經學左31個中文字、10個數目字、英文字卡都有5x張，仲有考試同埋功課﹗不過，其實小朋友應付到既，可以放心﹗

環境我都好鐘意呀﹗

giann728

ktmama,
丫，係呀，52張英文字卡，我數漏左添﹗   

今日應該入到去囉喎，明顯比尋日load得快好多，你或者再試多幾次啦﹗

ktmama

Giann728
唉, 依然喺萬試唔得呀, 真喺無奈. 唔知會唔會喺自己部腦開始年老呢  

你開始同女女溫字咭未呀? 我今日同佢溫咗中文字咭, 或者聽日同佢溫下 d 英文字咭啦.

時間真喺過得好快, 好快佢哋又要返學 lu.

jocola

giann 728,  thx for your answer ar! 因為我都想我個仔讀n1, 要開始留意啦！但又怕有d學校project approach 得大勁，最後唔係好學到野，升上小一好辛苦，照你咁講，威寶都好似幾好woo..........

giann728 寫道:
jocola,
其實都算project approach架，每個星期有一個主題，小朋友要圍繞住呢個主題帶d野或做d野翻學校分享學習咁囉﹗  其實幼兒班課程就唔會深，因為主要教自理，又無考試又無功課﹗  上到K1就開始深，好似我女女半年已經學左31個中文字、10個數目字、英文字卡都有5x張，仲有考試同埋功課﹗不過，其實小朋友應付到既，可以放心﹗

環境我都好鐘意呀﹗