何文田維記 - 升K2傾傾

nokmom

Cyrusmum, Fiancawong,

今日真係吾好意思,諾諾出晒洋相,攪到少左招呼你地.  本來想同你地去clubhouse cafe飲杯野, 但小朋友又玩得太開心,結果要你地罰企咁耐, 真係吾好意思   下次等我再安排好d 啦   

講開小一,今日經x日報的置業xx有一版講小一入學, 可以睇睇  

fiancawong

Nokmom,
多謝妳和諾諾招呼我地至真, 博博佢玩到唔捨得走, 係的士到仲叫我地搬去呢到住添    又搬, 唔好掛,真俾佢笑c

小朋友個個都要媽咪陪架啦! 我有一個好辦法, 就係諾諾必須要再同cyrus, 倩怡和博博一齊玩多d, 咁就會有改善la

Cyrusmum

SybilChang,
真可惜今次就唔到時間, 希望下次佢哋可以一齊再玩啦!復活節唔係紅日嗰幾日, 我應該都冇問題, 睇吓佢哋幾時得啦!

nokmom,
其實諾諾都進步唔少啦! 初見面時, 佢仲好主動咁同我哋打招呼, 玩都玩得好投入! 不過只係一人多就唔習慣啫!你帶佢多啲落會所同遊樂場玩, 又接觸到多啲唔同小朋友就應該好快冇問題啦!

fiancawong

Hi Hi 各位!
博博嗰班安排咗明天出去行街街, 好開心今次第一次能夠參與班內有家長參與的校外活動, 由9時至11時, 成兩個鐘頭, 唔知會行去邊要行咁耐嘅, Nokmom & Cyrusmum 妳地兩班去咗街街未?

另外, 我到今日都仲未諗到篇家長心聲寫d乜好,份assessment妳地睇完覺得點 我睇完沒有驚喜沒有太失望,所以到依家一點頭緒也沒有, 唯有今晚問下我老公佢有乜心聲啟發下我的思維, 如果唔係23號deadline都交唔到就幣

fianawong

Cyrusmum

fiancawong,
Cyrus嗰班上星期已經去咗行街街, 不過我哋就班啲家長就分咗兩組, 每人只需負責一個鐘! 行程其實只係學校出面行一個大運, 期間要佢哋記錄低一早訂好既設施的次數! 不過小朋友都已經好興奮!
我哋上星期去咗台灣旅行, 今日至第一日返學, 份assessment都係今日放學至攞, 所以一啲都未諗點寫份家長心聲! 不過我都幾開心, Cyrus係行為上有進步呢!

nokmom

fiancawong,

尋日都無入黎check,不過今早都見到妳啦   諾諾個班下星期二先去行呀.

我對份assessment都無乜大感受.  不過我覺得有一些對一個k2小朋友好似困難一點,eg "research skills - collecting data". 另外一些items頗為vague/broad...anyway, 或者我會比這些意見啦.

Cyrusmum,

台灣好玩嗎? 我地本來想easter去旅行,不過妹妹趕吾切做passport,要等遲d啦

fiancawong

Nokmom,
Easter去唔到旅行, 唔緊要la, 等妹妹遲d行得又快又好先去旅行仲好玩la
很贊同妳對份assessment的見解,我自己會比較著重K2下學期嗰份assessment 多d, 而家長心聲我開始有少少頭緒, 就係套用心理學家平時教小朋友咁, 讚老師佢地多d, 鼓勵多d,因為佢地每天都很努力去照顧我們的小孩

Cyrusmum,
去台灣旅行咁好, 好唔好玩呀! 台灣都有好多好嘢食喎, cyrus有冇玩到唔得走呀!

今日行街街, 小朋友就分兩組先後出街, 而家長就要負責照顧晒兩組小朋友, 第一組出街家長係照顧返自己的子/女, 到第二組出街家長就要照顧其他小朋友了, 而我地好多家長都話帶其他小朋友嗰組乖d, 自己的小朋友有媽咪daddy係身邊會零舍活潑好動, 今日活動幾好, 有升旗禮, 有早操跳舞, 個個都跳得好好, 同埋行街街, 可以俾我地家長了解另一些同學仔

咁大家星期六親子運動會見

Cyrusmum

nokmom & fiancawong,
你哋都好, 起碼有啲頭緒, 我仲一啲都未諗到可以寫啲乜! 多數都係交行貨!
今次台灣之旅既行程基本上係為Cyrus而設, 佢實覺得好乖, 所以佢去親邊度都玩到唔願走! 不過有啲我自己都覺得幾好玩既! 但最可惜就係去5日就落咗4日雨, 有啲行程因而受影響, 仲要係我自己最想去既地方, 山長水遠咁去到都冇得睇! :cry: 不過我好阿Q咁同自己講, 可能個天想比多次機會我又去玩啦!
對Cryus嚟講, 去動物園, 探索館, 樂園, 其間又有兩處都有恐龍睇(佢至鐘意), 所以佢好滿足! 對我嚟講, 我就至鐘意係落台中上山去農場, 嗰度啲民宿好靚, 好多都係啲好有特色木屋仔, 但就因為太大霧既關係, 我哋揸車時都只可以睇到前面幾公呎既嘢, 所以揸得好辛苦, 同埋上咗去都係白廢功夫至最慘! 我冇得睇一群群既綿羊仔係一大片草原上食草, 冇得去睇櫻花, 冇得去欣賞其他靚靚民宿, 所以覺得係遺憾! :cry:

Cyrusmum

琴日好在天公都算做美, 特佢哋可以順順利利完成到個運動日, Cyrus玩得好開心, 不過今年好似多咗人咁, 好多項目都好多人咁

fiancawong

Hi Hi,
運動會嗰日我地12點半就到咗藍灣半島商場食下野, 坐坐下就見到灑咗幾陣雨, 時大時細咁都有d擔心, 好彩由運動會開始至結束都冇再落過雨, 個天都對我們唔錯la , 但係有d攤位俾雨淋到好污糟所以冇玩到 , 但博博最鍾意係草地上跑來跑去搵同學仔捉依恩, 跑到攰晒, 一上車就.
係今次親子操中, 我見到博博竟然可以跟足晒節拍咁跳, 仲跳得很開心, 令到我倆公婆很意外第一次見佢咁投入, 咁又證明佢思想又大咗, 冇咁怕醜
     

Cyrusmum

今個星期五我有得返學校同啲小朋友開生日會呀!    你哋返去多數會做旁觀者, 定會諗啲嘢同佢哋玩?
今年夏季校服你哋會買啲乜呀? 我就差唔多要由頭買過晒咁! :cry:

nokmom

fiancawong,

諾諾今年運動日都玩多左, 無落雨真係幾好   完左之後我地同諾諾巴士迷搭下巴士,本來諗住搭118,點知大少要答106,結果用左90分鐘先去到紅磡 我問佢仲敢吾敢吾聽我地講, 佢都話怕怕啦

cyrusmum,

個日我地排緊"sir 盤"時諾諾見到你同思瀚,不過太遠所以無叫你地.

上年十二月諾諾爸爸去左佢地生日會.  好似同佢地玩左卜傻瓜,同鬥吾笑!(係咪好無聊哩 )

我今次都要幫諾諾訂運動衫同外套,不過佢都只係著4號乍 :cry: 外套我諗緊好吾好訂6號, 費事出年又吾著得....

Cyrusmum

nokmom,
今日我遲咗起身, 所以送唔切思翰搭校車, 所以就自己送佢返學校啦! 一到學校門口, 就見諾諾嗰班係度唱校歌, 佢見到我哋仲主動同哋打招呼添呀!  
我都係咁諗, 件外套我都諗住訂大一碼比思翰, 免得出年又要再訂過! 至於其他嗰啲, 訂6號又好似剛剛好, 訂8號又即刻好大件咁! :cry:

fiancawong

Nokmom,
嘩!90分鐘又真係耐咗d, 我坐118番屋企總站落都只係要75分鐘 咁仲好, 諾諾以後聽晒媽咪話

Cyrusmum,
博博依家都係著緊6號, 我諗思翰又高大過博博,著8號會好d, 佢地係呢一年高得好快架  
番學校開生日會, 諗d野同小朋友玩佢地會好開心架, 我一月時去, 著埋睡衣同佢地一齊玩傳波,搵隻歌仔同小朋友一齊跳舞做運動,然後送d小禮物,個個小朋友好投入同興奮

Cyrusmum

今日返咗去同佢哋開生日會, 不過時間好短呀! 9:30老師就要我走啦! 想再玩多陣都唔得呀! 見到啲小朋友個個都好開心熱情, 唔怪之得佢哋個個都咁鐘意返學啦!

你哋有冇安排啲乜復活節活動比小朋友呀? 今次我就乜都冇攪, 覺得好似好易過, 可能放思翰去婆婆度住兩日, 又同佢返大陸兩日, 咁就過咗個假期!


SteffiGraf,
Kristie好叻女! 今日party大家玩緊遊戲時, 有姨姨送茶點到課室, 佢即時企起身同老師講, 佢有咳咳, 所以唔飲得果汁呀! 真聽話呀!

nokmom

Cyrusmum,

Yes, the Easter holiday seems rather short this time.  We'll bring both kids to Macau for 3D2N and Nok Nok will join a easter music workshop for half day.  The rest will be play play play la  

fiancawong

咁啱!我都會同博博去深圳朋友仔屋企度玩番2日,去ocean park玩一日, 就咁輕輕鬆鬆過埋呢個復活節假期.

請問返大陸除咗帶回鄉證, 係咪要帶埋passport同身分證架

Cyrusmum

fiancawong,
係呀! 回鄉証就係過大陸關, 過香港關時就要有Passport/回港証 + 身份証! 咁你哋會去深圳邊度玩? 有朋友做導遊, 咁就實好多好玩/好食地方去啦!

nokmom,
睇你既安排又真係已經將個假期填得七七八八啦! 希望大家都玩得開開心心啦!

fiancawong

Cyrusmum,
問清楚出門就安心好多,唔該晒妳! 去到深圳都係搵d博博啱玩嘅遊樂場, 第二日就會去動物園

Nokmom,
復活節嗰幾日會暖番, 咁就輕鬆d唔使帶咁多野去澳門玩la.

大家復活節玩得開心d, 我今日已經好有holiday mood

Cyrusmum

fiancawong & nokmom,
你哋個假期點呀? 有冇玩到唔願返嚟呢?