大個囝!大個囡!升班喇~~九龍禮賢幼稚園k2

glory

tiffshiao/ 禧媽媽
校車終於正常番啦, 無遲咁耐, 同埋樂樂呢兩日都好鍾意搭校車, 因為有街街睇...樂樂就唔係好識表達今日係學校做過d乜, 問一句有時答有時唔答講第2樣野, 真係比佢激c

yykid
咁岩我地兩個小朋友坐埋一齊真好, 希望佢地會成為好朋友, 我地又可以互通消息
Anson尋日帶左乜野茶點? 樂樂尋日帶左5塊動物餅, 全部食晒呀

愛美
你囡囡係讀上晝定下晝? 今年高班? 又要諗升小學真係苦惱  :-|

愛美

glory, 我女讀下晝班架.今年高班

愛美

禧媽媽, free day 果日就全日都係玩o甘滯, 踏下單車, sir 滑梯, 玩遊戲, 平時老師都會安排時間比佢地去花園散步, sir下滑梯, 要睇老師點安排

penpen

禧媽媽,
星期一係幼班既free day, 通常都有得踩, 星期五就就唔知, 不過我諗係老師同佢哋講既! 我囡昨天是free day, 佢話俾我知有新單車添~ 以前淨係得黃色, 現在有藍色和紅色!! 我最鍾意佢哋有分享時間, 等小朋友可以練大d個膽仔!! 仲可以增強佢哋既自信心呀!  

glory,
開學頭幾日可能會亂小小, 有d又可能遲咗上車落車, 所以路住果d都會遲咗d, 適應咗便ok, 我囡囡呢兩日搭都同幼班既新同學坐, 我見到時就發覺, 不知不覺我囡囡真係大個咗好多呀!!  

glory

penpen
其實我最擔心就係free day果日既分享時間, 樂樂好怕羞, 可以陪上堂果日玩傳玩具/波遊戲, 開始玩時都無乜野, 當知道音樂停時手持玩具既同學要講自己個名時就即刻話唔玩, 仲話要去vv添, 第二日陪上堂時玩有隻雀仔跌落水, 音樂停咁岩捉住佢時, 佢又係樹大哭.......諗到要分享既時間我都 唔知仔仔會唔會因此怕返學

penpen

glory,
唔洗擔心啦~ 老師會俾好多鼓勵,勇氣同信心佢地架!! 我囡第一,二次分享時都超級細聲, 到第三次, 老師話佢進步左好多呀!!  我相信到咗下學期,你一定會發現你囝囝進步不少架!!
最緊要你收到分享紙時,若果到你囝囝,你應該會在FRI.收到的, 問囝囝想分享d咩~ 最緊要知道係d容易, 知佢能力範圍輕易做到的(我囡之前果個學期3次都係唱歌, 有其他同學分享畫魚,介紹自己的玩具,打功夫...你可以參考下), 若果囝囝話唔知,你再俾d意見佢, 等佢自己選擇, 跟住再同佢練習下, 最好係一日練習1-2次,不要太多, 怕有反效果, 到返學當日之前鼓勵下佢, 我覺得唔好話佢唔洗怕羞, 即係都係我之前講過果d唔好講d唔開心既說話,同佢講相信佢一定做得到, 會支持佢, 自己做個動作取個心/膽/信心, 放心佢個心度!! 加油呀!!     
另外, 小小貼士, 我囡囡第一次分享時, 是開學不久, 那時她返學都仲係好怕羞, 講野好細聲, 當時我將我囡表演的流程寫咗響將分享紙度, 等老師睇到可以幫下佢, 我寫咗我囡先介紹自己, 跟住唱咩歌, 最尾仲寫咗, 媽媽在家(我是家庭主婦)會支持佢, 叫佢加油! 後來老師寫番將分享紙返來仲讚埋我添~    
以上小小意見分享, 希望不要怪我八八卦卦!  

愛美

glory, 唔洗擔心, 小朋友個個性格唔同, 一定有d好大膽, 有d又好怕醜, 我個女就係屬於好怕行出黎面對人個隻, 不過老師會幫佢地, 適當時侯會提示同鼓勵佢地架. 同埋分享,可以係叫囝囝帶件心愛既玩具番去, 講比大家知點解佢會鐘意呢件玩具, 可能會比叫佢係o甘多小朋友面前唱歌簡單好多. 總知想分享d咩都最好由小朋友自己決定, 父母只可以係引導

禧媽媽

penpen, 愛美
嘩!!
freeday 咁爽架 ~~ 全日玩, 第2日會唔會又掛住玩 ??

glory
樂樂情況, 同禧禧好似, 因為開學第2日, 玩傳波仔, 第1次其實明明停係佢手, 但係就即刻再傳比第2位同學仔, 到第2次冇得狡猾喇, 老師叫佢出去, 講自己個名同邊個帶返學 ?? 佢唔答, 仲"箇"實我, 當時 tiffshiao 都見到, 場面多尷尬

glory

pepen/愛美
唔該晒兩位呀, 你地既意見真係好, 可以比我作為參考
我覺得仔仔返了兩日學都大個左, 無以前咁怕面對陌生人, 尤其是搭校車已經是一個大挑戰, 可能班上既同學好多都好主動, 大膽, 也受了些少影響, 到要分享時一於記住你地比我既提示先

katieman

我個女前日我比左6粒士多啤梨朱古力餅仔同一條henz 乳酪bar佢,返黎同我講食晒d野^^尋日比左兩個citysuper買既小面包比佢,佢話食唔晒,因為小朋友比野佢食^^
今日我比左一件蛋榚卷佢..佢自己要求o既^^
前日何老師打比我,話我個女坐一陣又要走開..我即日就問佢係咪咁..佢自己都認,而尋日好似冇咁問題喇..希望教得好我隻monkey女啦..

glory

禧媽媽
真係好似呀, 我當時情形yykid都見到, 場面又係尷尬
樂樂脾性有時好硬頸, 話唔玩就唔玩, 返n班時, 同我講定係學校唔唱歌, 唔做動作, iiiii....真係無眼睇

katieman
你囡囡真係好, 咁多食物都肯食, 每日既茶點唔會好難諗...
開學初期佢地都未咁適應, 番多幾日一定會好好

禧媽媽

glory
禧禧應該放學喇!!  
唔知今日情況如何呢??
haha....如果禧禧同樂樂一班, 我相信我地起碼仲有人陪, 唔洗其他家長, 對我地印象咁深刻  

katieman
你就好喇, 囡囡咁叻, 食晒d茶點, 我禧禧帶少少, 都要打包返屋企  

angel7351323

咁多位媽咪:
                     請問禮賢幼稚園好唔好呀?收多少錢1個月呀?d老師有冇愛心呀?哪個老師比較好呀?
                                                            thx

tiffshiao

阿仔今朝好叻無喊啦, 希望繼續係咁, 校車ee一見佢

glory

禧媽媽
我隻仔宜家應該等緊校車啦
哈哈哈....同一班佢地一定好合拍jet, 老師就一定成日問佢地問題, 因為我發覺老師可能知道佢細膽, 音樂好多時係佢度停

tiffshiao
你仔仔好o力呀, 我都諗緊今日佢地返三個鐘, 唔知會點呢

shermanbb

愛美,
    阿wing講

katieman

禧媽媽 & glory,
我個女平時食野好渣ga,所以我都唔知佢真定假..?
不過我見個女返學咁開心,我都高興晒..
最好笑我個女同我講:"幾搞笑呀!校車個ee見我就話鍾意我,重抱住我喎!我之前都唔識佢o既...."

shermanbb

angel7351323,
    禮賢幼稚園好唔好???緊係好啦,$1520一個月,個個老師都好有愛心架,wahahahahahaaaa
      

愛美

kitty&mimmy, 我知, 不過下晝班比上晝班少d功課, 同埋08年又轉全日, 有分都唔諗o甘多lu

愛美

agree, 你睇我地d家長就知間學校好, 幾有愛心啦..haha      

kitty&mimmy 寫道:
angel7351323,
    禮賢幼稚園好唔好???緊係好啦,$1520一個月,個個老師都好有愛心架,wahahahahahaaaa