私立學校收費及辦學質素的再思

lyflyk

Soundervolt 發表於 18-6-15 12:24
依賴iPad或其他電子產品上堂/學習壞處特別多，其中一個比較顯淺嘅道理就係iPad顯示屏喺光源體，眼睛對着發 ...

@ Soundervolt, 我都好擔心我個小朋友。。。我都有post過：


聽講學校下年高年級會全面用電子書包，上堂都會係flipped classroom學習，19-20年仲會全校用電子書包。英，中，數，常識，科學上堂用iPad學習，功課都係用 iPad. 至於 Flipped classroom, 學生返到屋企就每日電腦或iPad睇每課老師錄低既短片回家學習，為聽日上堂而準備。

學校上堂又用iPad, 做功課又用iPad，每日放學仲繼續要返屋企為每一科英，中，數，常識，科學睇片學習，會唔會對住電子產品太多？好擔心個仔近視加深，頸部，背部有影響。聽講，對電子產品多，都增加有ADHD的機會更多。

開頭覺得如果只係上堂用來學習都好因為平時見佢帶個書包來來去去，真係好重，加上都好buy朱校長講話將來都可能已經係科技世界，但如果功課又iPad，放學仲要為每科睇短片，咁會唔會過多？會唔會影響小朋友成長或健康？唔想退學所以都想聽下其他用家有無試過電子書包學習既學校。多謝大家分享！

maomaofafa

lyflyk 發表於 18-6-15 19:30
@ Soundervolt, 我都好擔心我個小朋友。。。我都有post過：

工具係用嚟利用，但唔應該被工具控制。應該保留傳統技能，等佢有能力選擇用任何工具幫助自己學習。基本上冇人唔會唔識用touch screen工具，根本唔需要話因為所謂科技世界去降低自己嘅智能。同埋咁細個小朋友根本唔應該長期對着電子產品。恕我直言我係你會趁早轉校....

lyflyk

sasameoileat 發表於 18-6-15 20:05
侄女間學校是電子學習的，間學校的老師講，通常一班學生上網，時間會唔一致，有的人上唔到，畢竟是小學生， ...

你話怕唔識得寫字，可以詳細分享多一D嗎？我無諗過呢一點不過講開都想瞭解下。

popochiny

lyflyk 發表於 18-6-15 20:50
你話怕唔識得寫字，可以詳細分享多一D嗎？我無諗過呢一點不過講開都想瞭解下。
...

先唔講筆順，字的結構，究竟兩劃定三劃，有鈎冇鈎，楝是穿還是唔穿等等都唔重要，因為只要撩到個型，iPad 就出到個字，而且人工智能厲害，例如只要寫個「學」字，已經出「校」丶「習」丶「生」等等俾你揀，莫講細路，我發覺現在很多大人都執筆忘字

公開試還是要用字丶筆作答的

Vanadium

hkpapa852 發表於 18-6-15 17:15
啱啱checky過, 全港可能只有呢間係無財團/大機構背景既私立學校:

國際基督教優質音樂中學暨小學

國際基督教優質音樂中學暨小學其實係幾個大宗教界人士搞起，搞既人好多我都識......由於聖樂係基督教係好重要事工，加上搞既人係宗教界有頭有面，基本上呢啲事係教會裡面一呼百應，信徒及各教會奉獻金錢去支持建立，建校資金應該都幾足，而好多野信徒亦會好平甚至唔收錢去幫手，如學校設計，否則都起唔到間咁靚既學校，或者呢啲係無私眾籌。

而學校應該係非牟利私校，由於係非牟利辧另類教育，政府雖無學校營運資助，但撥地、各樣政府稅項支出，相信都有優惠。

樓主講果間私校，應該係兩回事。佢地間學校係一盤生意，同補習社一樣，建校應該都會人夾錢，但唔會係奉獻，只係投資，而資金亦好有限，否則唔會連執靚個校舍既錢都無。投資係講回報，亦要回水，若學校長遠無回報，就要回水，咁學校就要執笠。

我小朋友之前讀間幼稚園，就係比人追回水，去法庭要求幼稚園清盤，幼稚園好在搵到新投資者解決。

Vanadium

依家教育講既賣點，都不離幼稚園小學化、小學中學化、中學大學化，至於大學.....唔知咩化了。

咩叫小學中學化? 為左令間小學比人覺得勁、前衛、教叻學生，原中學發生既野，就搬去小學做。如以前中學先會用英文學習，而家扮勁小學都用; 中學先有科學科、講做實驗，咁扮勁小學又學做; 原中學課程先開始強調high order reasoning，咁扮勁小學課程又大量引入而唔理小學生個cognitive development係咪可以合理地去得到; 中學先有國外交流，咁依家小學又搞......只要將小學搞到中學咁，就自然有一班家長追捧，個marketing好易做，因家長總希望自己小朋友快人一步勁左，可惜......小學中學化，結果係好表面。

果啲咩flipped classroom，本最應發生既係大學，而中學就睇學生能力與程度，估唔到搞搞下，有人又小學講，究竟講果個知唔知咩係flipped classroom，吹到咁大，小學生應唔應付得到?

只會說對教育越多認識，就會知咩係綽頭得個吹字，仲吹到大一大，咩係實務真幫助小朋友成長同學習，令學生打好基礎，有長遠學習效果。

hkpapa852

Vanadium 發表於 18-6-15 21:48
依家教育講既賣點，都不離幼稚園小學化、小學中學化、中學大學化，至於大學.....唔知咩化了。

咩叫小學中 ...

最重要係，不少家長小朋友入唔到名校，可能會為咗自己感覺良好，去搵概念股搏一搏。

成功了就更可以話自己眼光獨到。但如果失敗咗呢？
家長：無咁易啩，咁多猛人坐陣，應該衰極有個譜嘅！

RunningPig

hkpapa852 發表於 18-6-15 21:55
最重要係，不少家長小朋友入唔到名校，可能會為咗自己感覺良好，去搵概念股搏一搏。

成功了就更可以話自 ...

有猛人咩？

Vanadium

hkpapa852 發表於 18-6-15 21:55
最重要係，不少家長小朋友入唔到名校，可能會為咗自己感覺良好，去搵概念股搏一搏。

成功了就更可以話自 ...

我一諗到小朋友第日大個，寫求職resume講邊度畢業，然後人問.....香港有間咁既學校咩? 答....啊, 係咁, 搞搞下執左。唔知對小朋友有無影響?

真係......小學唔係幼稚園，當然中學就更重要，若然小朋友大個後，小學既根又無，中學既根都無埋，成長既中小學無人識亦不存在，所謂母校同以前既老師全部只係自己個腦到，會唔會有點可怕?

想入好學校、理想學校大家都係家長都會明，但唔使博到隨時連子女個成長回憶都攞走埋，係一間普通津校到讀，好好醜醜認真讀好佢，有成績難道無好學校收插班? 若然連係普通津校都讀唔出成績，咁又何苦用錢去意圖改變不可改變既事實呢?

greenleaf

Vanadium 發表於 18-6-15 21:48
依家教育講既賣點，都不離幼稚園小學化、小學中學化、中學大學化，至於大學.....唔知咩化了。

咩叫小學中 ...

Vanadium確實很有見地，你以小孩子的需要為教育的重心，為孩子按步就班地教育他們，並不是為了市場化等造就商人謀利。商人只着眼看那裏有賣點便隨波逐流，那管孩子和老師的死活。最可憐的是家長選擇後不能不妥協，兩年後教育方針又改變了，孩子能轉校嗎？高年級的孩子有好的中學嗎？
受傷害的豈止是學生，教師呢？奉勸有教育理想的老師接受私校聘任前要三思，商業機構良莠不齊，它可以令你朝不保夕，隨時請閣下離去，所以流失率非常高，這學校就是一個最典型的例子。(也順道送贈將會意氣風發的主管，"他朝君體也相同"。

mamaishere

hkpapa852 發表於 18-6-15 17:08
我唔討厭佢架, 只係我對佢所謂既既"理念"有懷疑

其實我一年到晚都質疑過唔少學校, 有D中學仲比我質疑到連 ...

所以話你個人有幾無聊，人生花咁多時間喺D咁嘅嘢上面獲得滿足感，好可憐啊！go get a life!

Vanadium

greenleaf 發表於 18-6-15 23:26
Vanadium確實很有見地，你以小孩子的需要為教育的重心，為孩子按步就班地教育他們，並不是為了市場化等造就 ...

你真係連我唔想講果句都講埋。好多人以為教育係純咩理念咩理想，但小朋友教育好多時首要係講關係....師生關係，以及同學間關係。私校老師流失一定高，原因係私校無可能比個個老師係津校maximum人工，私校為計成本，一定係適當時候，炒走人工高果班，或限死下面果班無得加人工，最後佢地自己走。小朋友唔識咩教育理想或理念，無大人咁清楚讀書係為咩，只係知剛剛建立好關係既老師，下年又唔見，無師生關係下，教學一定事倍功半。

還未計同學呢? 同樣年年有人插班又年年有人走，咩建立左既感情都過眼雲煙。

而呢種冰冷、就當真係有知識但無感情既教育，對小朋友影響其實比知識更大，可能小朋友會失去同人建立關係既信心，長年都係咁，暗地裡人生觀都可能好受影響。我識有人係年年轉校下，言談都感覺佢地睇野係有少少唔同。

我強調唔係針對某學校，只係講緊私立私校既大圍實況。

一間學校大量員工流轉，不離工資比唔足、工作環境差、工作受壓受氣或違背教育信念，正常黎講，點會話一兩年前請佢地時就大家理念一致，覺得能力可配合，但一兩年後，就話完全唔同晒，故走得應該只會前面原因。

mamaishere

sasameoileat 發表於 18-6-15 20:05
侄女間學校是電子學習的，間學校的老師講，通常一班學生上網，時間會唔一致，有的人上唔到，畢竟是小學生， ...

Agree! 長期望螢光幕加上用短片學習，對小孩真係害多於利。聽落去用電腦係可以有利於學校去分析試卷及教學質素，但其實講到尾都係為咗學校自己嘅未來改善。真係想知道其實對當屆學生本身直接嘅得益究竟係咩？仲有，到考試溫習高峰期用iPad嘅時間應該分分鐘長過瞓覺時間，日刨夜刨短片加望住個iPad成個禮拜(或成個月)，對眼真係會頂唔順！

mamaishere

Vanadium 發表於 18-6-15 22:26
我一諗到小朋友第日大個，寫求職resume講邊度畢業，然後人問.....香港有間咁既學校咩? 答....啊, 係咁, 搞 ...

我好認同你呢點！但好奇怪，身邊頗多德萃父母係真心好滿意。識幾個真係在所不計日日山長水遠入大埔返學，佢哋對硬件問題睇得好開，認為校舍設計是否優質對小朋友其實不重要，佢哋舉個例子就好似自然學校佢哋嘅校舍設備一樣破破舊舊康樂營質素，最緊要反而係軟件吸引小朋友學習。

呢批家長大多數嘅特色：試過被傳統學校折磨大人小孩都頂唔順、不喜歡填鴨催谷學習方法、想有英普語境、小孩每日開心愉快期待返學、純粹想小學初中讀得開開心心然後有課程可銜接外國高中升學、覺得國際學校又太貴、又或負擔到IS但認為過份西化及中文程度低....等等。請問你對呢類家長又有啲咩意見？

poonseelai

mamaishere 發表於 18-6-16 07:23
我好認同你呢點！但好奇怪，身邊頗多德萃父母係真心好滿意。識幾個真係在所不計日日山長水遠入大埔返學， ...

正所謂百貨養百客

mamaishere

poonseelai 發表於 18-6-16 08:44
正所謂百貨養百客

所以我覺得只要啱自己口味就ok，唔啱就唔好揀，無需要其他人認同你所有嘅觀點，人哋唔認同就單打奚落評撃其他人嘅睇法。世界咁大，只有你覺得嘅先合理，持相反意見就係錯係蠢係唔識諗？好多嘢唔係乜乜率乜乜數據就可以解釋一切。

Vanadium

mamaishere 發表於 18-6-16 07:23
呢批家長大多數嘅特色：試過被傳統學校折磨大人小孩都頂唔順、不喜歡填鴨催谷學習方法、想有英普語境、小孩每日開心愉快期待返學、純粹想小學初中讀得開開心心然後有課程可銜接外國高中升學、覺得國際學校又太貴、又或負擔到IS但認為過份西化及中文程度低....等等。請問你對呢類家長又有啲咩意見？

其實你都講晒重點了，而且.....某私校投資者都話係睇準呢個"市場"。

我完全知道果位投資者既想法，因自己小朋友要讀書時，都發覺若無理想學校收可去邊? 然後諗到若然開返間學校針對我心態呢個市場，應該唔少客源。但果位投資者既兩個女，係讀Maryknoll小學，傳統名校、操練、多測多考、追逐成績。

有時生意做定唔做，除左講有無市場、有無錢賺，都要講有無埋沒良知。究竟點解咁耐都無人搞賺錢既私立中小學教育? 真係無有錢人睇到呢個"市場"? 我諗我地平民諗到既，有錢人點唔會知，大把有錢人自己仔女都要讀書，但教育係講下一代，市場化教育，借教育搵錢，相信唔係個個做得出，而真正搞一間過到良知既優質學校，投入既資金應該好大，而好大機會不能回本，做既人都要以善心去做。

教育就好似信仰一樣，我地只以對現實社會評論，而唔係批評人既信仰，評論從無話絕對對錯，只係一個睇法。若然有人既信仰好確定係子女開心、學到英文就得，將來既事將來先算，咁旁人係無得指指點點，網上討論，只係比仍尋覓緊方向既人去參考。

我有啲地方都尋覓緊，都不時參考人地既講法。