Down Syndrome - Not disable, differently abled.....

hanhanmama

chelseama,

等我拾人牙慧(之前上過協康舉辦的有關課程)解釋吓, regina, 請指正/補充   
所謂感統,即感覺統合,是腦神經處理感覺資料的過程,通過感覺系統輸入感覺資料,在腦幹部進行感覺統合,然後作出適應性反應.感覺系統除了一般人所知的視覺,聽覺,味覺,嗅覺,還有觸覺,前庭平衡覺和本體感受覺.若感覺系統失調,便會產生一些問題.例如前庭平衡覺失調,其中之一徵狀是常跌倒.
我所知,感覺統合評估,可經有此經驗的職業治療師做,通常最初她/他会俾份問卷你填,然後加上臨床觀察,作出評估,若真是感統失調,便會進行一D針對性的感覺刺激活动,即感覺統合治療.

chelsea.mama 寫道:

感統即係??
有??感統訓練係有幫助? 我都吾知澄澄感統怎樣?

reginang

hanhan ma
其實呢方面既資料我不是太清楚   祗是在網上隨意睇過 :-|
之前治療師建議比astha坐"千秋",手抱著平躺的她扮飛機前後搖晃,又2個成人一人一手執大毛巾四角,將小童置在毛巾中間左右擺動,這類動作都可幫助刺激前庭和改善感統,觸覺方面可用一些不同軟硬度既擦擦手/身體,讓小朋友觸摸不同質感的物件,用一個大小適中的波在手腳身體上按摩,這些可以刺激身體的觸覺.
我諗你地都有做過以上的吧  

hanhanmama

regina,

你講得好啱 猶如當頭棒喝     

閑閑的老師常對小朋友,甚至家長,講好多鼓勵性的說話,她很細心,小組每個小朋友她都能時時找到其優点長處而加以稱讚,她的口頭禪"我好鍾意你呀".例如小朋友坐得定定,她會對着佢講"xxx,你坐得好好,我好鍾意你呀".我都要學吓常常着眼hanhan長處,即使係微不足道,去稱讚她.aiya,重有老公呀,今晚就同他 "我好鍾意你呀"   

reginang 寫道:
hanhan ma
我既睇法係,我地小朋友去參加小組,目的係去學習,因為有不足所以才會去,我會著眼自己個女既長處嚟增加大家的信心,如果祗著眼在短處方面,那便會於日覺得有不足之處,心情一定不會好過.
我相信我們做既一定不少,試想想有多少家長會花上好幾個月時間來鼓勵仔女去踏出第一步,我同家人就花了很長時間,失敗失敗再失敗,嘗試嘗試再嘗試,不要問自已是不是做得不夠,應該問怎樣做才會做得更好,我們還有很漫長的路要行,大家努力加油 !!!!

hanhanmama

regina,

你講得好啱 猶如當頭棒喝     

閑閑的老師常對小朋友,甚至家長,講好多鼓勵性的說話,她很細心,小組每個小朋友她都能時時找到其優点長處而加以稱讚,她的口頭禪"我好鍾意你呀".例如小朋友坐得定定,她會對着佢講"xxx,你坐得好好,我好鍾意你呀".我都要學吓常常着眼hanhan長處,即使係微不足道,去稱讚她.aiya,重有老公呀,今晚就同他 "我好鍾意你呀"   

reginang 寫道:
hanhan ma
我既睇法係,我地小朋友去參加小組,目的係去學習,因為有不足所以才會去,我會著眼自己個女既長處嚟增加大家的信心,如果祗著眼在短處方面,那便會於日覺得有不足之處,心情一定不會好過.
我相信我們做既一定不少,試想想有多少家長會花上好幾個月時間來鼓勵仔女去踏出第一步,我同家人就花了很長時間,失敗失敗再失敗,嘗試嘗試再嘗試,不要問自已是不是做得不夠,應該問怎樣做才會做得更好,我們還有很漫長的路要行,大家努力加油 !!!!

reginang

hanhan ma
冇錯,多d稱讚他們,他們學野都學得快d架
讚吓老公啫,唔洗   喎    

尋日我放假,一齊去左赤柱游水,佢今次表現好好,係怕海水拍打岸邊的聲音,反而出左出面就冇咁驚  

今朝astha 開始係新中心上個別訓練喇,撞埋今早公司有野做冇得去陪佢,唔知佢上堂上成點  

hanhanmama

今日同老公睇咗超級無敵掌門狗   

wewangwang

今期壹週刊(倪震封面)有香港醫學會副主席史泰祖夫婦和她智障女兒的專訪,值得一看.

reginang

wewangwang
我已睇左他們的訪問,thanks.  

hanhanmama

今早我地都去左赤柱吃早餐和參觀海事博物館，hanhan對館內的電影甚感興趣。可能因為最近我們減少了她在家看電視的時間   

hanhanmama

hanhan今日好似有D唔舒服, 很累, 容易哭, 常扭人抱, 不過冇燒, 所以都俾佢返學, 已知會老師, 希望佢冇乜大礙.

呢排轉天氣, 很乾躁, 容易病, 大家都保重呀, 煲D湯水

hanhanmama

wewangwang,

thanks. :wink:

reginang

hanhan ma
hope han han get well soon ~~~  

astha呢幾日都很扭計,小小事情唔順意就流馬尿,婆婆話我連放左幾日假,日日跟住我四圍去,成塊貼身膏藥咁痴住我,連去廁所都要坐係門口等我出嚟  :-| 簡直係人釘人  

今日婆婆就命令我同老公一齊放假去拍拖,我地北上去深圳腳底按摩加晚飯     返到嚟婆婆又話佢一d都冇扭計,都唔知d小朋友係未真係識搵人蝦  

reginang

hanhan ma
你有冇興趣去麥當勞道果間女青度食晏呀,不如搵日約埋一齊去  

reginang

chelsea ma
你去左邊呀 )))))))))))))))))))))

chelsea.mama

regina, hahanma:
我返黎啦! 呢排忙d !  特別今日好充實呀!
9:00am同老師傾學習目標
9:30am口肌訓練
10:30am言語治療
2:00pm感知堂
現在有2hrs 空檔時間返家.
不過regina你今天北上, 都應該無時間同我chat 啦!

昨天我同澄澄到disneyland---just 去到門口, & 迪欣湖玩左半日, 你地有無去過? 迪欣湖兒童遊樂場有個水池, 澄澄玩水好開心.

reginang

chelsea ma
我今日係返工呀,尋日先北上  

reginang

chelsea ma
嘩,一日做咁多野,澄澄頂得順冇  

reginang

chelsea ma
我睇唔到d相  

hanhanmama

regina, chelsea.ma,

今早返學, hanhan似乎回復生氣, 可能前天扭眼瞓.  不過在家就常懶洋洋, 可能吊緊電視引.

昨天同佢去Dr. Kxxx, 買了一對波鞋, 似乎行得好左, 買鞋真係要實地試著試行才可.

明天有校外活动, 去UNY看家居佈置, 配合今月主題:我的家庭.  chelsea.ma, 澄澄學校今个月有冇户外活动?

因為治療師建議, 最近多左同hanhan練習生活技巧, 即是在家要佢多參與, 例如沖凉前佢要自己取衫和小毛巾, 我掠衫時她要幫手拿衫給我...

要預備接hanhan放學, 下次再傾.

hanhanmama

多一句: chelsea.ma, 我都係睇唔到D相.