大個囝!大個囡!升班喇~~九龍禮賢幼稚園k2

禧媽媽

glory, allie
唔知老師~而家係咪要求高左 ?
禧禧近呢2星期都冇貼紙, 失望到不得了  :cry:

Allie

禧媽媽,

禧禧都好d 呀, 會失望!  我個仔一d 反應都無呀!  我話點解咁耐無sticker ge?  佢就找番之前有sticker 果頁話, 咪有囉!

禧媽媽 寫道:
glory, allie
唔知老師~而家係咪要求高左 ?
禧禧近呢2星期都冇貼紙, 失望到不得了  :cry:

Allie

glory, 禧媽媽,

你地有無諗過阿仔大個d 果時, 唔請工人架?  真係唔想對住佢地呀!  

六合彩, 六合彩, 你幾時比我中你一次呀!!!!!!

禧媽媽

allie
禧禧失望原因~並非在意寫得好, 而係儲夠貼紙之後, 同我換獎品 (=玩具)  

禧媽媽

allie
我都戥你辛苦, 放工之後要照顧2個小朋友, 剛剛亞囡上小學, 又要兼顧埋睇亞囝, 仲有要"及"實個工人.
有架~我有唸過大個之後, 就索性慳番d$, 唔用工人.
慳番果d$~都可以比禧禧讀私校囉  

Allie

禧媽媽,

原來儲貼紙有野換!  都好喎, 等我又試下先!

"及"實個工人 ----> 一言驚醒夢中人tim!  我個工人就係可能呢排我唔得閒理佢, 咩都無睇佢, 所以開始走樣!  我諗我都係要睇得佢緊d 先啦!  

Allie

禧媽媽,

但係無左個工人, 可能都要請個part-time, 都唔慳得幾多咋!

都係中六合彩穩陣d!

禧媽媽

allie
得架~之前係呢度, 好似係瀅瀅媽咪教, 不妨試下.
抽多小小時間~"及"實工人啦, 等佢醒覺d

禧媽媽

allie
係wo, part-time 都好貴下.
分分鐘~每日用2個鐘都差唔多.

glory

Allie, 禧媽媽
我宜家對工人, 都係採取不聞不問政策, 有野就搵佢做, 做錯了就照講, 費事浪費精神同時間係佢樹, 同埋我工人唔多講野, 同佢講野都係一句起兩句止, 大家無乜感情…
我真係好想阿仔大個後唔請工人, 但睇怕都要上了中學後有自立能力, 小學階段放長假一個人留係屋企會擔心, 我六合彩只係有大獎時會買, 咁無誠意似乎中既機會好微

Allie

glory, 禧媽媽,

唉, 我以前同d 工人幾friend架!  有傾有講, 好開心架.  佢地走左之後都有打番來同我傾下.  所以, 相比之下, 而家呢個真係勁唔掂囉!  

glory, 如果六合彩要講誠意的話, 我日日走去馬會求佢又點話! (好似d 人向名校d 校長求個學位咁!)  

Allie

禧媽媽, glory,

你地有無去下圖書館借書架?  以前我都會買下書比佢地睇, 因為以前佢地細個, 一本書可以睇幾十至幾百次都唔厭, 但而家佢地好似大左d 之後, 就對舊書興趣少左!  所以我都會去下圖書館借書, 慳番唔少!  (如果唔計我成日唔記得還, 比佢罰錢果d)

禧媽媽

Allie 寫道:
glory, 如果六合彩要講誠意的話, 我日日走去馬會求佢又點話! (好似d 人向名校d 校長求個學位咁!)  

allie, glory
笑C我      
仲咩講講下六合彩~會變左誠意架?
喂..你地知邊間馬會鍾意收叩門的話, 不妨話我知  
我又要去, 希望求番個靚no  

禧媽媽

c 囉, glory 你千祈唔好嬲  

glory

Allie
我最憎個工人整爛野唔出聲, 以為得過且過, 宜家見到佢整爛野又無出聲, 唔係特別野我都算, 真係唔想同佢講咁多...
嘻嘻, 以前買六合彩都抱有希望, 宜家人多排隊買唔到就自我安慰, 慳番廿蚊
我都會去圖書館借書, 以前樂樂對睇過d書有興趣, 宜家就寧願玩玩具, 為求佢對書有興趣, 我都係去圖書館借, 一次借十二本(兩個證), 不過都幾難揀書, d書好殘好舊又有(臭)味, 每次睇完都立即洗手(可能我有潔癖)

禧媽媽

allie
之前就有, 而家冇lu
因為好懶去借, 借左又要留意到期還, 不過真係好多書借, 可以成日換


glory
其實有時唸, 工人只要錫我亞囝就算, 得過且過又1年.

禧媽媽

glory
係呀
整爛野唔出聲成日驚鬧. 佢又唔知, 唔自首太太仲嬲  

Allie

glory, 禧媽媽,

其實我記性好差, 所以有時屋企唔見左野, 我都好遲先發覺!  最近諗下諗下點解阿仔無哂d 褲仔, 問佢, 佢又話唔知, 最近忽然醒起一條褲, 就形容比佢聽等佢搵.  終於兩日後, 條褲再出現番!  你地話佢係咪有問題呢?

Allie

glory, 禧媽媽,

我又唔覺工人有整爛野, 唔知係我唔發現定係真係無整爛野呢?

glory

無拿拿點會嬲

禧媽媽 寫道:
c 囉, glory 你千祈唔好嬲  

係啦, 好快又一年, 工人對於我地黎講都係過境性質