嘉諾撒聖家(九龍塘) 家長入來傾下計啦

rita118

我囡囡讀三年班, 老師話這個是學校的規定, 我問可否只補考英文, 佢話補考就要考晒三科, 佢都無辦法, 補考得分亦唔會對期考成績有影響, 話當考驗吓佢喎.  

vvmakyy

rita118

又會咁既? 咁係咪所有人中, 英, 數其中一科唔合格, 都要補考哂全部?

rita118

係呀, 學校話未符合升班要求, 給予機會補考(三科), 同班有幾個女仔都係咁添, 重災區?!!!!  我問其他家長, 個個都話有問題, 叫我搵校長傾吓, 真係唔明補晒為乜? 在於激勵阿女發奮或是打擊弱小心靈? 睇嚟我都要搵人做心理輔導喇!!!

vvmakyy

除咗英文科外, 其它科都有8x, 7x, 係咪應該特別惡補英文科先啱呢? 試吓同阿囡講老師希望佢升 P.4 時能夠打好基礎, 考多次當加深記憶

rita118

rita118

講係咁講, 個個同學仔都埋手緊暑假嘅活動, 佢要重新考過試, 真係幾hurt, 好在佢夠傻, 只係問math80幾分都要考過, 唉, 我個女學緊phonics , grammar, piano, 下星期請埋補習老師惡補英文, full晒.

rita118

Hi Heidi媽咪, 您好!
我囡囡讀c班, 最粗魯同無禮貌嗰個就係佢喇, 英文科老師都打過俾我投訴佢無禮貌, 又唔係叻, 我問番班主任, 佢話阿女係粗魯啲, 對同學的態度有時會有問題, 注意改善一吓啦.   我個女係大din大肺型, 叫佢斯文係有一定難度, 佢應承我話會改0架.

irismama

各位聖家家長,
想請問你地有冇小朋友1st Round 15分入到聖家呀？？
pls!好鬼担心啦．．．．．

綽盈媽咪

以我所知15分係有機會抽到入聖家, 不過真係要有運. 好似瑪莉諾,st.mary,天神要20分先有機會抽.

irismama 寫道:
各位聖家家長,
想請問你地有冇小朋友1st Round 15分入到聖家呀？？
pls!好鬼担心啦．．．．．

K1

我就係15分入架!

肥肥師奶

Hi rita118

很明白你而家既心情，因我囡囡 (小五)一向成績都係麻麻地，每次收到囡囡既報分電話，我都有想暈既感覺，好彩我夠大份，頂得住，如果心血小d 都比個囡激死......

講真，我都未聽過其中一科吾合格，要重考三科    我吾明學校既用意係咩??? 不過，你千其吾好灰心，囡囡好需要你既支持。   

日本便當

今日同一個好耐冇見既朋友講電話, 佢個女係都係讀st+( kowloon tong), 佢同我之前個fd講既野一樣, 佢話d 老師好冇愛心, 好冇heart, 各位家長,可以就呢個point發表嗎?你地既意見相信幫到好多未讀而擔心呢個問題既媽咪, 因為st+呢個point都好似好出名....我好擔心
ps.仲有功課晚晚做到十一點, 係咪好多樣架?
          

vvmakyy

想問各位媽咪

星期六講座老師講穿著校服, 頭飾問題, 想問學校遲些會唔會派通告比我地架, 有d唔係好記得

另外運動服係咪有分5種顏色, 代表5個社架, 但係在 cover playground 時見到套運動服 only 係藍色, 咁點分呀

因星期六好多人做校服, 我趕時間冇做外套, 但夏天白色外套好像好厚, 是否有需要買嗎

vvmakyy

hi heidi媽

原來學校每日下午都有一堂”多元智能堂”, 星期三及四仲多多一堂, 而每一日堂數時間都幾長, 50mins/堂, 咁一日咪上得好少科目 lor, 如果唔參加多元智能堂, 除做功課外, 小朋友d時間可以做什麼, 會唔會浪費呢,? 因為我見好多學校堂數都好多, 反而冇時間參加課外活動, 但我反而驚太多課外活動堂而影響主科堂

肥肥師奶

日本便當,

每次見你既留言，都感受到你既擔心，不如我又講下我既感受你知...

我囡囡今年小五，可能我個囡好好彩，過去五年既班主任和主科老師都吾錯，我囡囡從沒對老師有什麼投訴，只有話那個老師好有趣、這個老師好關心佢地，所以係我心目中聖家既老師真的不錯。不過，我相信每間學校都會有嚴既老師，他們會較嚴肅，不會時常笑面迎人，我自己就吾覺得有咩問題，因為每個人都有自己處事既方法。

至於功課，我個囡都係偏"慢吞吞"個隻，有時做功課真的會做到8:30 左右，再加上溫下默書、quiz 等，10:30 之後先上床一d都吾出奇，但你話晚晚只係做功課做到11:00 就真係有d 誇張

日本便當 寫道:
今日同一個好耐冇見既朋友講電話, 佢個女係都係讀st+( kowloon tong), 佢同我之前個fd講既野一樣, 佢話d 老師好冇愛心, 好冇heart, 各位家長,可以就呢個point發表嗎?你地既意見相信幫到好多未讀而擔心呢個問題既媽咪, 因為st+呢個point都好似好出名....我好擔心
ps.仲有功課晚晚做到十一點, 係咪好多樣架?
          

Blythemia

肥肥師奶:

mission completed! 你話要我收你錢咁我就聽你話啦.到時我叫個女交貨俾你.

差d熱死異鄉,36.8度,重要係冇風個隻!

日本便當:

坦白講,我地功課唔算少,但係你話做到十一點,我個超慢板既女五年來都極少.係佢自己time management出左問題先至會偶然幾次係咁(例如做專題研習,前面懶懶閒,後段趕餐死.又或者睇左或抄錯手冊,好夜至發現原來自己做漏野).所以你朋友話經常做到十一點,真係要問清楚佢囡囡幾多點鐘開始坐定定做功課.會唔會係佢好依賴人地倍佢,實際上真係用筆用腦做既時間唔係咁多?

單講件數,係幾嚇人既.我地隨時有七八樣功課,最高記錄星期五有14樣   ,不過默書改正又係一件,作業改正又係一件.若然平日成績中中挺挺既,可能5至10分鐘已經可以做完一件.當然如果咁岩要作文,就杰d.我見我囡d同學仔重有時間夜晚睇電視,有時導修堂又做完哂野可以去電腦室或圖書館,證明唔係每一個小朋友都要好多好多時間先至可以做哂功課.

全校咁多老師,我地當然識唔哂.聽囡囡講,有d老師好好,佢地好鍾意,有d老師就唔鍾意,因為覺得一係教書較悶,一係較惡.但從佢所講事例,我會覺得絕大部分既情況,係嚴唔係唔惡.如果講到做老師冇heart,我會覺得係一個句好重既說話,除非有好實在既事例,好強既理據,否則唔適宜以偏蓋全.再講,就算有老師冇愛心(老師都係人一個,雖然我地對教育工作者既品德操守有特別高既要求),我相信以成間學校教師人數來計,佔既比例亦唔會好大.