富安威寶的家長, 入黎交流吓啦

ktmama

Hi, KimmyUmy
嘩, 打邊爐, 正呀.  咁你仔仔負責帶嘜食物呀.  我仔仔上年負責帶牛肉, 所以我喺超市買咗 d 肥牛俾佢帶返學, 諗住無咁 "un", 小朋友容食 d 麻.  不過你記住提仔仔要小心 d 食物熱熱呀.

ktmama

Giann728
咁你女女有無請 ms lam 食呀?  不過唔緊要啦, 咁你咪叫女女自己食埋佢囉

咁又喺喎, 依家呢段時間去睇, 好過近聖誕節先去, 實在太多人, 行都行唔到, 帶住小朋友會比較危險.

最緊要女女睇得開心, 有無影多 d 相俾佢第時睇番呢?

ktmama

Giann728
聽日又要還書啦, 我剛剛做完讀書報告.  今次亞仔借返黎本書的內容都幾好, 又有一隻國語的 cd.

上星期五學校派咗有關上普通話堂的內容.  我見到佢哋張紙今之唱遊既歌曲喺 "兩隻老虎", 真喺啱, 我有隻國語 cd 都有 "兩雙老虎" 這首歌.

兩隻老虎歌詞 :
兩隻老虎, 二兩老虎, 跑得快, 跑得快,
一隻沒有眼晴, 一隻沒有尾巴, 真奇怪, 真奇怪.

KimmyUmy

ktmama

My son have to buy蟹柳, I think the activity is so interesting.

          

Will they take some pictures on that day?

giann728

ktmama,
我女女話無請ms lam食呀﹗

我地去睇燈飾有影相，不過影得唔好呀，好多鬼影呀﹗

好在又有你，我又差d唔記得還書﹗  尋晚翻到屋企女女訓左啦，好在我weekend時已經同佢做定讀書報告咋，今朝做佢實趕唔到，朝朝都要扭一大餐先肯洗面刷牙﹗

哦，原來首歌咁樣唱，唔怪得我好似聽到女女成日唱『真奇怪，真奇怪』啦﹗

ktmama

Hi, KimmyUmy
喺呀, D 小朋友真喺會好開心 GAR. 我仔仔到依家都好鐘意打邊爐 GAR.  

ktmama

Hi, Giann728
喺呀, d 相影得唔靚唔緊要, 最緊要女女玩得開心, 經歷先喺最重要嘛.  

我仔仔以前都喺唔肯刷牙同洗面 gar.  攪到 d 牙仔好污糟, 所以我咪嚇佢囉, 如果成日唔刷牙, 會有好多牙菌膜喺 d 牙度, 夜晚 d 蟲蟲會出黎咬佢 d 牙仔, 會好痛同食唔到嘢, 咁就要去牙醫叔叔度洗牙 la, 所以佢驚驚, 就肯每日都刷牙啦.

ktmama

Hi, Giann728
我今日去接仔仔放學時見到希希企喺學校門口等架校車駛前, 我同佢打招呼, 佢都有同我揮揮手呀.  但我見到你女女額頭好似有少少瘀咗, 喺咪唔小心撞到呀?

原來佢哋聽日都有得打邊爐呀, 等我仲以為佢哋今年無添. 我仔仔負責帶支竹呀, 你女女呢?   不過我聽日都會俾少少獅子狗魚蛋佢帶返學校, 因為仔仔鐘意食麻?

喺喎, 返學校學慶趣班要唔要著校服 gar.

giann728

ktmama,
咦，睇黎我女女認得你啦﹗  

係呀，佢好百厭呀，響我張大人床度碌左落地撞瘀左呀，喊到佢擋豬咁呀﹗ :evil:

係啦，咁遲先通知我地，我放到工翻屋企已經8:45啦，仲邊去買到食物比佢帶翻學校打邊爐喎，工人又唔識睇通告喎﹗  最後，今朝送左女女上校車就叫工人坐車去富安買，買完攞翻學校囉﹗要同ms wong傾傾先﹗  我女女帶豆腐呀﹗

興趣班著便服得架啦，不過記得著圍裙呀，佢地做勞作好dirty架﹗

ktmama

Hi, Giann728
我今日同仔仔返學校上興趣班, 原來佢哋有二班呀, 好彩仔仔幾個同學都喺同班, 有心怡, 雅筠, 仲有一個同班男同學, 但個名唔記得咗添.

我聽 d 家長講話佢哋上幾次有雪糕食,我問仔仔今日無有嘢, 佢話有啫喱糖同麵包.  唔知喺咪因為教 "J" 字, 所以食啫喱呢?  不過仔仔好開心. 我見佢笑笑口咁走出黎    , 紿終都喺學校, 比較有安全感.

我今日接仔仔放學, 聽校長話佢哋 NCC 班 D 同學帶返學校既嘢食, 都差不多食晒, 真喺佩服呢班小朋友   , 校長仲話 UK D 學生下星期有 BBQ 添呀, 真喺 "正" 呀  

giann728

ktmama,
你仔仔鐘意就好啦，咁佢係唔係同我女女同班呀??  我女女個體操老師轉左呀，工人姐姐話佢鐘意依家呢個多d，上次上完堂出到黎好開心架﹗  你最後有無同仔仔報到體操呀??

嘩，佢地真係好犀利呀﹗  我問女女食左咩，佢話豆腐同蛋蛋(魚蛋)。 我估佢唔止食咁少既，因為翻到黎屋企佢都唔肯食飯﹗

嘩，即係下一年佢地都有得BBQ喎﹗  好好玩呀﹗

ktmama

Giann728
喺呀, 我仔仔同你女女喺同班 gar. 我最後無同仔仔報呀. 所以會下期同佢報, 或者到時心怡都會報 gar.

我聽校長講話佢哋差唔多食晒所有嘢, 所以老師都叫佢哋唔好即刻再食嘢住.

唔喺呀, 喺後年呀, 佢哋出年都喺中班咋. 聽 d 家長講, 到時又會再重新編班, 所以 d 同學仔可以又唔同晒.   , 又要重新適應.  不過其實都好既. 可以俾佢哋識多 d 同學仔麻.

ktmama

Giann728
聽日又喺還書既大日子 lu. 今日下午趁仔仔得閒, 順便同佢一齊做埋個讀書報告 lu.

唔知今年喺咪真喺唔駛做親子聖誕掛飾呢 到依家都未收到通告喎 , 不過我都買定咗材料啦, 就喺做沙樽啦. 原來心怡既媽媽又喺咁諗喎, 真喺橋啦.

giann728

ktmama,
我又係響weekend時做左份報告啦，米就係驚自己又唔記得聽日要還書囉﹗

今朝原本預備左d聖誕卡同小小聖誕禮物比老師，要我個女攞翻學校，點知佢今朝趕唔到坐校車呀，所以成袋野又攞翻上樓，希望聽日送得出啦﹗

你地好犀利呀，我通常都係收到通告先行動﹗  我估都咁遲，可能今年唔駛做﹗ 或者你留翻同仔仔一齊玩啦﹗

giann728

ktmama,
我女女尋日攞左d聖誕卡翻學校啦，不過我女女話ms wong無幫佢派喎，你仔仔收唔收到呀??   

今日個天好黑呀，聽日可能會落雨，我已經同我女女請左假星期五唔返學去狄士尼，可惜天氣唔係幾好﹗聽日我女女都唔上英文班啦，第二堂就走堂添﹗

尋日我放左本圖書入書包，我女女更係睇唔到，佢無還到呀﹗  不過老師照比張圖書証我簽名﹗  我尋晚同女女講左好多次叫佢今日記得還，唔知佢會唔會又唔記得﹗

ktmama

Giann728
無收到聖誕咭呀, 我問過仔仔, 佢都話無收過. 可能琴日老師, 所以無幫希希派都唔定.

唔怕啦, 可能到時又會好天 d 呢. ms wong　話通常馬鞍山落雨, 出面都未必會落雨 gar.

你喺咪將個公文袋擺到最入呢? 我諗希希應該會記得 gar.

giann728

ktmama,
可能老師真係太忙啦，又或者佢見仲未到聖誕節﹗  我聽朝唔駛翻工呀，睇吓去唔去接女女放學先，如果去，到時問吓老師先﹗

你聽日會唔會去接仔仔放學呀??  聽日要上英文班喎﹗

我其實就咁放個公文袋響書包，可能女女見唔到呀﹗  我尋晚將個公文袋放入通告袋，因為佢本功課我次次都會夾響通告袋入面，如果佢交功課，一定會見到﹗

ktmama

Giann728

我聽日會去接亞仔放學呀, 因為聽日會去婆婆度.

聽亞仔講聽日要帶手襪,頸巾返學喎. 你女女有無同你講呀. 記得幫佢準備喎    不過我會俾仔仔帶埋冷帽返學. 雖然老師可能無話要帶, 不過俾 D 同學仔睇吓, 認識吓都好呀

ktmama

Giann728
亞仔今日帶咗手襪, 頸巾同冷帽返學. 放學去接仔仔時, 真見到仔仔個樣, 喺笑 C 我. 原來 MS WONG 見佢帶得咁齊全, 幫佢全部戴晒上身.   

今日下午同仔仔返學上 FUN ENGLISH, 見學校有 D 去旅行既相 POST 咗出黎. 但我諗未齊, 我睇過, 好似我地得一張集體相, 等我聽日又返去八o卦吓先得.  

ktmama

Giann728
今朝同仔仔返學校, 順便帶佢派聖誕咭俾 d 老師. 都好開心 gar. 仔仔開心我又開心, 不過我呢個媽咪真喺唔合格, 居然寫錯咁二個老師既姓氏 , 真喺抵打  

聽日又要還書 lu,  本讀書報告今次喺油顏色, 亞仔當然又喺油到出晒界 , 而我就覺得無奈.