一呂現家長 / potential 家長會

Homama2004

教協係旺角好望角大廈 / 香港銅鑼灣(唔記得大廈名)"鵝頸橋"旁邊.兩個地點都很方便.我張證已長期借了給同學媽咪.但老公還有一張.

你哋有冇經學校買vcd   <-唔見張通告喎!

我經dangdang.com買了一套普通話版的"柯南"卡通片.昨晚看了兩集,很精彩! 但我老公話佢聽不懂... 比我哋三個笑到佢面黃. 因這次考試成績不大理想(大囡),所以現在"我"很勤力每晚編排定明天她們放學要做甚麼補充,寫定一張timesheet,如能做得好便可以去打波游水等等.原來認真地批改練習都要很多時間,我一邊看電視一邊改都要成個鐘.好似好慘!但沒辦法! 因十月又呈分,真真"大家"都要努力!!

Alice, 我提議你或可以乘那又愉田苑開出的小巴(好似係811),經第一城(紀香麵飽門口)到火炭火車站,好似會近啲,火炭站到大學站車費好似平少少啲!就你方便.

alicetong

Homama,Candy
早晨...做到死死下..骨頭都硬埋？成朝未坐低過....
多謝妳地0既交通建議....我搭車真係唔係好精靈..哈哈哈！

Homama,
原來我會錯意添..因為無理由妳同先生唔係教協會員架？
哈哈...我都要惡補個仔中文..不過暫時都係叫佢做左暑期作業先..仲有今年未做完0既習作..新0既留番書展先買0拿..
見到妳地咁勤力我更加要加油0拿...

Candy,
總之7:30pm係大學站中大個出口等,見唔到妳先call妳啦..
不見不散..我都見到VCD通告但無留意係咩呀？...

candytl

alice,

我女剛剛打黎話頭好痛
我叫工人用熱水袋同佢"full"頭, 同埋叫佢睡一陣, 睇會唔會好啲, 如果我收工前5:30pm佢仲痛, 今晚我就唔去喇. 我收工前用pm通知你, 你記得上綱睇呀.


homama,

我女今日也冇交到張支票, 佢話聽唔到有廣播叫交渦, 我頭先問班主任, 佢話有啲班今日先派通告, 叫我哋下星期一交.

Homama2004

Candy,   天氣一陣雨一陣太陽很容易病,小心小心!! 希望你囡囡沒事,只是詐下嬌!!

alicetong

Homama,
多謝妳介紹d咁正0既鋼琴音樂會比我地...可以比小朋友開下眼界..感受下藝術氣氛？台上一分鐘台下十年功真係無錯...
雖然我係外行..感覺個男仔功力好d..選曲難度高同歌曲討好些...哈哈！我同個仔講..如果台上0個個係你..媽咪就老懷安慰...發完春秋大夢咯？   :wink:  

Homama2004

早晨!請查看電郵.有些相片與你分享.

對呀! 如他們長大一點要付錢聽音樂會便值一些.你知他們沒甚麼耐性!

candytl

Homama, alice,

我同我女最忠意鋼琴, 小提琴, 大提琴三重凑過part. 小提琴拉得唔錯, 好似佢係part-time學生. 鋼琴哥哥也彈得好好, 仲好英俊.
我女話過睌大部分嘅曲目都聽過, 我就只記得一兩首, homama講得對, 聽得多先會熟悉, 熟悉咗先會分彈得好&壞.

Homama,

你囡囡畫副國畫好靚呀, 佢哋學咗幾耐? 你手毛筆字都very good. 你哋係好藝術的一家人.  
你兩個囡好似樣, 十足餅印咁

Homama2004

Candy & Alice,
我在散場時看到外的的海報,原來上星期整個星期都有演奏會,但在網頁沒有資料.下次有再告訴你們.有時間便聽聽!總好過佢哋看肥皂劇!!

Candy,
你囡囡真是有音樂細胞,小小年紀已經可以分辨樂章.前途無可限量.

佢哋由K3開始學,年半年前已停了!時間是一個問題,而間畫舍好似商業味越來越重. 畫畫和寫字都要不斷練習,但奈何時間上不許可,囡囡大些我會重拾我這個興趣.退休時希望可以到社區中心做下義工教下些沒錢學書畫的小朋友.

我爸爸從不迫我讀書,但我讀小學暑假時就迫我寫毛筆字. 都應感激他的!! 如迫埋我讀書就更好囉...

我老公+囡囡們都難得一見我寫毛筆字,令他們一眾佩服得五體投地哈哈!! 但寫完真是累到不得了!!希望學校收貨

candytl

homama,

副畫咁靚, 又有代表意義, 學校實收!!

原來你手毛筆字自細練翻黎的,你爸爸功不可抹, 話是話,
你過陣時有冇試過哭住黎練呀.
你爸爸唔迫你讀書, 你都完成大學, 如果迫你, 咪不得了.
你真係好有心, 如果第時你做義工教人, 令好多窮困小朋友受益啫.

我女今后是否可做音樂黎行, 都係睇佢大個自愿同埋佢有幾努力喇,  畢竟走音樂黎條路好辛苦, 要犧牲同付出好多.

Homama2004

我小學4年級前就不大願意練,56年級就自動自覺地練!
哭住黎練呀 > 咁就無

慚愧!我未完成大學呀! 只是讀過預科和在大學完成文憑課程,不應"賴"爸爸的,只是自己"懶".但現在讀完大學都可能找不到工作,而我覺得大部份小朋友都要迫下,希望迫迫下便會自動自覺.

candytl

Homama, 你真係謙, 我中學畢業咋. 雖然識你唔耐, 你俾我印象係知書有禮, 有耐性好脾氣嘅媽咪.  讀書都係冇得逼, 尤其是上到中學, 根本冇得逼, 同埋讀書好睇人, 未必係"一分耕耘一分收獲. "

alicetong

Homama,Candy
我返0黎0拿....
妳真係好勢利呀..寫得一手好字，呢幅畫係同女女一齊參與畫0既作品..意義重大,
我同candy對妳印象都一樣...雖然相識時間短,言行舉止間察覺妳係好賢淑同有內涵0既媽咪,再睇埋妳同女女0既相片..真係好書香世代呀？居然係親子網大家都咁有緣份相識到...仲有Candy都係...教導得女女又斯文又乖女...彈琴讀書又叻？

反觀我自己呢排脾氣都唔係咁好...仔仔每句說話都頂心頂肺..星期日我忍唔住打佢...自己隻手都青埋？但係好言相勸佢又唔睬妳....成日都同妹妹計較...佢可以做咩..我唔可以..態度唔好兼紮晒馬0個隻......有時候自己都唔想？但係...又真係好激氣呀？因為星期六、日多是我一人帶兩個...教得哥哥,自然顧唔到妹妹..比個妹自由d..個仔就比說話我聽...工人當然幫唔到手啦...

alicetong

Homama,
呢個大陸網站http://www.ppstream.com可以免費睇世界盃不但只.,我見到都有柯南卡通片免費上載看,我小朋友比較喜歡看多拉A夢,連國家地理雜誌頻道都有..有時間妳可以參考下呀？

Candy,
上次妳提過學校代買100蚊10隻VCD紀錄片,我上網睇過..下面都有一輯National Geographic (Take you all over the world )我呢到都買左一套..妳有興趣我都可以借比妳睇...

Homama2004

Alice & Candy, 我那有你哋講得咁好! 我有時都很惡咁鬧佢哋三個(包括我老公),樓上樓下一定聽到…

Alice,
多謝你介紹!!
兩個小朋友係咁,好似我兩個讀書成績差咁遠! 我都好煩! 唯有盡量平常心咁面對.你可以試下我的方法,規定時間(如30分鐘)給兩人個別與你獨處,一位比佢自己睇書(總之做自己嘢!),一位你陪佢溫書/講故事又好,佢哋有時喜歡和媽媽獨處講下心事. 對我來說係可行的方法之一. 我還未見到張通告,可否email一張到我的yahoo a/c.謝謝!!

candytl

ALICE,

我女今日又冇交到張支票呀, 佢話冇聽到中央咪叫交
你仔仔係咪今日交咗?

我以前也經常為我女練琴而發脾氣, 亦試過出手, 但之后就好后悔, 細心諗吓我細個又邊有咁乖呢? 宜加嘅小朋友雖然條件比我哋細時好好多, 但佢哋要面對嘅厭力比我哋細時亦大好多, 除咗讀書, 課余仲有好多嘢學, 幾辛苦架. 我宜加都盡量克制自已, 最好唔好同阿女”硬碰硬” , 有時真係頂唔順, 我會行開做其他嘢先, 等大家都消咗淡氣, 先再繼續.
我兩個女都係時時争嘢, 家姐為奪回妹妹攞佢嘅嘢時, 也學我”出手”, 我的言行就係兩個女嘅榜樣,   諗到黎層, 幾大的”火”都要壓住.

我想要隻vcd copy呀, 但又唔好意思再麻煩你

candytl

homama,

可惜我張通告俾細囡丟咗, 唔係我可以email 俾你.

alicetong

大家早晨!
Candy,我無訂呀..因為學校都訂左一套..
National Geographic (Take you all over the world )
妳有興趣我下次囉比妳啦！唔好客氣...

Homama,
請check PM..

( 妳地小朋友呢兩日放假有咩安排呀？)

一陣再傾過...哈哈！

candytl

今日排到我女去做體檢, 我冇請假, 婆婆帶佢去. 醫生講的同舊年一樣, 身高唔合格. 兩個囡都遺傳咗我, 點算.

派咗暑期作業, 我女每日都好”忙”咁做.

alice,

唔該你呀
我争取今個星期五睌係一城馬鐵約你交收. 你過日如不在沙田我再約過你.

candytl

homama, alice,

我朋友介紹個"儿童文學"講座, pm咗俾你哋.
我會帶我女去聽, 睇你哋有冇興趣.

alicetong

candytl ,
我仔仔今年體驗..體型ok屬中上..右眼唔合格,排到7月28號再驗度數..睇怕都要做四眼雞丁0拿？

暑期作業上星期已派左..差不多做完添？另外小三舊習作都要佢做埋....

星期六學校家長日兼我長週,所以星期五晚我唔得...星期六
2點後都可以？不如再約呀....
睇番張VCD表格原來6月30 日已到期,如果妳仲想訂我諗打電話去都ok0既...送多set0黎學校咁解0者？