DSE 2023 中英數5+%終極排名之啱睇隨便用，唔啱睇咪嘈

twhkleung

猴子爸 發表於 23-12-24 11:25
我提出嚟，係想知道嗰位家長係咪因為自己小朋友嘅中學冇公佈CEM 5+，冇上榜，唔憤氣，所以有咁樣嘅反應。
...

你第一句己經講左你個心地唔好, 只要人地提出疑問, 你第一時間估人地
"嗰位家長係咪因為自己小朋友嘅中學冇公佈CEM 5+，冇上榜，唔憤氣，所以有咁樣嘅反應。"



唔好再講多錯多了...

twhkleung

猴子爸 發表於 23-12-24 12:45
你又冇指出哪個留言，哪個反應，本身又態度惡劣，你只不過係one of many haters而已。
...

重要响道继續講埋d挑釁性说話, 真係惡晒!

HK-MAN

PTL_L 發表於 23-12-24 13:48
聖誕快樂呀！眼不見 為乾淨天氣凍，由佢哋圍爐啦

其實個爐無問題，意見唔接受都冇問題，只係人品出了問題。撐呢個post既人 都有好多，撐佢人品既人唔知有幾多呢？真心撐佢人品冇問題既可唔可以表下態？等佢開心下。聖誕快樂，新年幸福。

fwstides

其實，有學校沒公佈相關數據，incomplete data，列出有嘅數據還合理，硬砌個排名榜，除了圍爐仲有乜意義？

lot888

(路過，可以skip以下廢話) 最少網主一定撐，4日內有350個view, 這樣高hit rate，可吸引一眾商戶，你可留意近期EK廣告是否多佐？年尾要跑數呀。樓主可能只係一個liqulity provider，一兩句回應就能引起大家討論，賺曬。

蛋白超人

fwstides 發表於 23-12-24 14:47
其實，有學校沒公佈相關數據，incomplete data，列出有嘅數據還合理，硬砌個排名榜，除了圍爐仲有乜意義？
...

金像獎頒獎典禮過後，有導演出嚟呻，話佢拍嘅果部片基於各種原因放在倉底而冇上映，聲稱如果大家睇咗，金像獎最佳電影一定係佢，最低限度都應該有提名，所以該導演得出一個結論：今次嘅頒獎典禮唔完整、唔全面，頒獎典禮只系有上映嘅電影之間嘅圍爐⋯⋯

猴子爸

LSYHK 發表於 23-12-24 12:38
你真係接受別人的意見嗎？
順你意者你接受
逆你意者就是別人mean 你 就是haters

多謝你比較持平嘅留言。有見及依家咁熱鬧，d haters出晒嚟，好似羣魔亂舞咁，而我又當然唔怕啦，張無忌喺光明頂都一人單挑六大門派啦。（haters又會跳出嚟話：你憑咩同張無忌比呀？嘻嘻）
我都好想再一次講清楚：
由於中學公佈成績方法不一，升中家長好難先可以比較到心儀中學嘅學術成績，而學校排名就係為咗方便家長學生做決定。如果要做排名，基於乜嘢準則好？4+？ 5+？ 3322？ 3大率？混合？
我係支持中英數 5+嘅。
原因：
1. 中英數係必修科，所有人都要考。冇乜水份。
2. 中芵數係學術嘅根本，亦都係最能反映中學6年期間如何栽培學生。
3. 5+基本上佔全考生10-15%，足夠反映成績嘅優越性
4.點解要睇「優越性」？因為家長目標係英中，而英中收小六學生時，係有起碼八成半全港成績排喺前列4成中嘅，擁有已經係比較拔尖嘅學生，對呢啲中學亦應該有更高嘅要求。
5. 呢個榜主力在乎「競爭力」，如果只講4+，3322， 其實對大學選科係冇乜幫助嘅，家長選全英中學時，都會考慮該學校嘅拔尖能為先, 補底為後。此外，有啲學校雖然4+高，但5+可能低，如果冇同時公佈4+同5+之下，「假設」4+同5+份量一樣，就會對該學校程度作出誤判。
6. 此榜嘅缺陷，就係全港只有三分之一中學有公佈中英數5+, 冇公佈嘅學校，咪冇得上榜，而(emoji)d學校家長咪好唔開心囉。對呢樣野，我都無能為力㗎，你哋鍾意鬧就鬧啦。

hiuching8

最能反映學校實力的是教育局的增值數據，學生成績進步係最重要

PTL_L

HK-MAN 發表於 23-12-24 14:07
其實個爐無問題，意見唔接受都冇問題，只係人品出了問題。撐呢個post既人 都有好多，撐佢人品既人唔知有幾 ...

你仲咁認真想改變人哋睇法？一個願打一堆人願捱啫！天氣咁凍，飲杯熱茶暖肚好過啦

猴子爸

hiuching8 發表於 23-12-24 15:50
最能反映學校實力的是教育局的增值數據，學生成績進步係最重要

呢樣野係重要，但睇不出學校嘅競爭力。

lot888

回覆 liverpool2023 的帖子

這差不多是必然的結果，基於不同經驗，每人心目中都有一個排名，又未必可接受其他人挑戰。再者，這個時期，自行前非常敏感，會造成引導，學校被排得高當然好，被忽略或排得底確會對某些持分者帶來麻煩。如樓主目的只是想整理數據，客觀地呈現家長眼前，就不應回應任何問題，不回應並不代表示弱，而是尊重游戲規則。如立法就跟行政分開，又跟釋法分開，這就是基本三權分立的道理。如預有人發問及挑戰這個表，自有其他人回應，不需樓主參與，這有机會成減少不必要紛爭。家長覺得個表有用就拎去用，冇用就可不理(我自己會登入校網，看看各校務報告後判继，不完相全信這些數據，亦有很多事是數據不能反映，單從數據判继學校好懷，只會限制自己眼光，錯失尋找更好的机會)。

2jkidsfather

lot888 發表於 23-12-24 18:37
回覆 liverpool2023 的帖子

這差不多是必然的結果，基於不同經驗，每人心目中都有一個排名，又未必可接受 ...

你的三權分立的比喻不錯，可是現在已經是行政主導，三權歸一的情況。

Poyau

hiuching8 發表於 23-12-24 15:50
最能反映學校實力的是教育局的增值數據，學生成績進步係最重要

中一收生越佳進步空間越少?
據文憑試日校考生等級分佈
B1要由4去5較B2由3去4難?

2023年
日校考生
等級 中文 英文 數學 | 選修 | 甲類
--------------------------------------------------------
5** 1.1% 1.0% 1.4% | 1.8% | 1.4%
5*+ 4.4% 4.1% 5.7% | 7.0% | 5.4%
5+ 10.9% 10.3% 14.4% | 17.4% | 13.4%
--------------------------------------------------------
4+ 32.8% 27.8% 38.6% | 42.0% | 36.8%
--------------------------------------------------------
3+ 60.4% 53.4% 58.2% | 66.7% | 62.4%
2+ 88.3% 78.9% 82.2% | 88.1% | 86.0%
1+ 97.3% 91.8% 92.6% | 96.3% | 95.4%
--------------------------------------------------------
U 2.7% 8.2% 7.4% | 3.7% | 4.6%

23-12-24 20:57 上傳

下載附件 (94.75 KB)

itckei2003

回覆 Poyau 的帖子

B3入B2出, B2入B1出, 有進步空間.B1入B1出, 無進步空間.

可以既話, 我都係選 B1 學校.

73662710

liverpool2023 發表於 23-12-24 20:11
本帖最後由 liverpool2023 於 23-12-24 20:13 編輯

其實我不明白將有公布5+既學校排一個排名，有什麼可 ...

其實非常有參考價值，認為冇參考價值，可以不看。樓主是根據他能力範圍內所得的資料排的，是真實的資料，並沒有生安白作。，
認為唔夠完美的，自己可以做出一個更好的，唔應該詆毀別人。
DD仔已經被人駡走，原因是在真實的數據底下，某校家長老羞成怒。

fwstides

蛋白超人 發表於 23-12-24 14:58
金像獎頒獎典禮過後，有導演出嚟呻，話佢拍嘅果部片基於各種原因放在倉底而冇上映，聲稱如果大家睇咗，金 ...

對住某台的頒奬禮，大家睇完比啲掌聲配合吓咪好，係要踩場，沒完沒了。一切都講公信力，信就比like，唔信咪學網友話齋，慳返啖氣暖吓肚過節好過

Zleep

真係唔知嘈黎做乜，冇排名咪冇排名，兩袖清風，有乜好介懷？
唔通讀QC 包尾的又會覺得QC 整體cem 5＋率高而自豪？
讀xxx 級頭的又會覺得xxx 唔係個榜度會覺得唔抵？

反而我係覺得猴子爸太得閒了，有點樂在罵戰其中

hiuching8

itckei2003 發表於 23-12-24 21:20
回覆 Poyau 的帖子

B3入B2出, B2入B1出, 有進步空間.B1入B1出, 無進步空間.

不是的。大部分科目level 5+比率少於兩成，level 5*+比率少於一成。band 1a的中一學生係全港頭九分之一，如果能拿到5*/5**就是進步了。