關於學鋼琴價錢

AndyRain

kcarol

我都覆左你啦.

AndyRain

kcarol

再覆了你啦.

lamlammama

獨門方法練 sight-reading, 我都有o既，唔公開啦  
你問下 ming2 啦...

Kcarol / RMA / Ming2,

好鍾意睇你地講嘅野, 雖則有啲都唔明, 但都大開眼界呢.
我都好想知點樣可以練 sight-reading 好啲, 如果唔公開可唔可以 pm 我呀?
同埋想問埋 聽音 係咪好講天份架?我見有啲人好勁, 一聽完就可以哼/彈返個 melody 出黎, 我就唔得. 請問有無方法練到架?
另外, 想問埋彈琴時係咪做到唔望琴鍵就最好呢?

MaoMao,

見到你我諗起自己以前學琴嘅時光, 好有 feel. 我又係大個先學, 不過後來停咗 lu

kcarol

lamlammama
有

kcarol

ming2,
見到依家d學生仔真係辛苦, 但係我又唔明點解可以多野做甘囉, 我有個小學學生可以逢測驗考試都請假, 一請2星期, 一個星期係考試測驗, 另一個星期係考完測完未有甘快練好, 但係佢個個月都有test, 即係每個月上2堂; 但係我又唔想quit 佢, 因為佢初初黎我到, 真係好唔掂, 完全below standard, 仲要好far 果隻, postures 全錯, 依家學左年半, 去到gd 4, posture 改番好晒, 仲自己真係"的"起心肝練, 真係鍾意音樂, 唔再係開頭梗硬俾阿媽迫黎。
不過.. 我會叫佢最後/最先一個上, 唔係既話, 我就成日都有個break 係度

掉轉係我, 如果個老師真係好既, 我都會打電話問多幾次, 所以我自己都無整waiting list, 除非個學生父母講明叫我幾時搵佢, 再confirm 有無位。

kcarol

今日收左個新學生, 好無奈, 佢technique ok, 完全跟到晒, 但係musical 好唔掂

我見依家出面好多學生有呢個問題, 大部份都係因為之前係甘練考試歌, 其他歌都無彈過, catch 唔到每一首歌要求既mood & style, 得番d音, 呢個學生仔都係一樣, 仲學到唔想學, 覺得音樂係好悶既活動

我同個家長講個小朋友可能要走回頭路一段時間, 我自己講既, 我都覺得唔開心, 小朋友既家長同小朋友自己當然都好唔開心; 甘辛苦考到張cert, 但就彈到意興闌珊, 甘當初學琴為乜??

Paris

各琴老師,

想問每級鋼琴有冇客觀標準,例如一級學要識彈什麽音,二級學要識彈什麽音.....因見我幾位琴老師有時答D mummy 都不一樣.例 如有位答D mummy已到X級,另 一位就答只係X級尾,未到更上一級等.

RMA

AndyRain,

我明白你都係為左你小朋友而張羅...

可惜我唔係住港島... 我唸 kcarol, 應該都可以 refer 到比你。
而且好似 ming2 咁講，你靠同學 refer 可能仲穩陣呢...

所有野都唔好急，寧缺莫濫。
我相信你一定最後能搵到最好o既。

RMA

Paris,

好明顯，我地其實都係憑果本書大約o既級數去估計各位小朋友o既進度。唔係一定準確o既。

而且大家一樣彈同一首歌，好容易分得出係唔係去到果級。

e.g. 如果一個一級o既學生彈一隻八級考試歌，同一個已考到七級o既學生去彈，應該好有分別。

如果我地話因為果個一級o既學生彈緊八級考試歌就話佢係八級好似唔係幾o岩。

我地對級數應該睇開 d，除非 diploma 就比較 standard d.

RMA

lamlammama,

唔好客氣，我主要係黎呢度學野。黎左 1 個月，已經學左好多好多野。

要 sight-reading 好 d，我唔反對大家講o既要慢 d，浸耐 d，事實上係好需要時間，但如果冇實質方法，時間係會浪費o既。

呢幾年我令到一見到 sight-reading 就喊同話唔學o既學生，變到個個星期第一件事就係要做 sight-reading, 係佢唉我做唔係我逼佢做...

playing at sight o既 technique 無疑係一個音樂學生其中一樣最有用o既 asset.

係，聽音係要好有天份o既，歷史話 Mozart 有超人o既記憶力，可以聽一次就默返出黎，同原譜大部份相同。

如果有 absolute pitch 的確又係容易 d o既。因為 music talent 最基本就係 absolute pitch 同 rhythmic sense.

我唔覺得唔望 key 就係最好，不過係會 free d o既同埋expressive.

AndyRain

Ming2, RMA & kcarol

嗱, 真係唔係有心同你地作對, 但係我係一個要上班的媽咪.  除了我請病假或帶他們覆診, 基本上我都沒有機會見到佢d同班或同級的同學.  朝早就連學校都未正式開門我就要放低佢自己等開門. 所以都係無法問到其他同學仔.  唔係玩你地呀, 係真架.

在未搵到新老師前唯有跟住呢個亞夢老師啦, 希望佢快d醒啦.  不過, 若佢再夠膽問多我一次係咪出年年尾考, 諗住考幾多級, 我一定唔會再交學費.   直衝過對面馬路係另一間琴行報名算了.

現在唯有看看有沒有消息啦. 謝謝你們這幾天替我想的辦法.  下星期一應該會有結局編 - 究竟琴行總監會唔會現身呢? 琴行總監係邊個呢(十居其九一定係我估個個老闆)? 琴行總監會跟我說什麼廢話呢??? 下回分解.

AndyRain

kcarol

Pls check pm. tks.

heifamily

kcarol / Ming2 / RMA各老師(排名不分先後 )
想問下其實係唔係老師都希望D學生去考試？
我於呢方面考慮咗好耐，e+好矛盾(開頭諗住玩下，等佢喜歡音樂，手腦訓練etc)。
女女(6歲)都學咗2年，由開始有時喊住放學到E+可以好開心練琴45分鐘都話要繼續練，我諗佢真係喜歡鋼琴掛！我其實都好想知道佢嘅level，但聽聞一join考試就起碼操幾個月，我問過d有join考試嘅小朋友(有d考8級)，佢地話唔好玩又悶兼練琴好似行刑咁。
我真係好想我女enjoy學琴嘅樂趣，欣賞音樂，可否俾d意見？
如果唔去考試，老師會唔會嫌佢冇大志？

AndyRain

Hi, heifamily

我也是家長, 我也和你一樣想小朋友開開心心的去enjoy彈琴.  

不過我會覺得是需要去考試的, 因為張cert可以俾到一個肯定自己(當我自己係學個個), 同埋有d挑戰. 不過梗係唔係級級考啦, 如果級級考都無時間學其他歌仔.

我自己特登買左本兒歌的琴譜叫個miss教個仔, 因為我諗識彈一d熟識的歌咁會學得開心好多.  就等如你識得彈你好鍾意個首流行曲, 你會好開心的.  一路彈一路唱, 好free的.

RMA

heifamily, (雖然按住 alphabetical order or arbitrary, just don't care   )

好高興聽到你小朋友 enjoy making music.

考試係實際o既野，如果家長要求，我又覺得學生可以做到o既，通常都會 permit.

當然我亦會 invite 學生去考試，特別係佢地已經有兩年+ 冇乜比賽 / 表演 / 考試。

悶唔悶完全係學生o既態度。有兩個學生彈同一首歌，一個話好悶唔肯練，一個就憑呢首歌攞到國際性比賽獎項。悶，因為佢地根本就唔係彈琴o既材料。

10 個小朋友，真正 enjoy music making o既，我大膽講句一半都冇。

祝你小朋友力爭上遊。