討論下.. ..國際學校會比名/神小好嗎？

Osiana

Monstereasy 發表於 19-2-22 18:42
任何行業都需要創意，金融業千奇百怪基金，完全創意無限。

設計kill youblater (accumulator) 呢ｄ產品，咪係創意囉！

Soundervolt

Sing13 發表於 19-2-22 18:37
有一個問題想請教，有邊樣是官津名校有而直資學校不能提供既嘢呢？
除左慕名而來既叻仔叻女，仲有冇呢？
...

直資政策多年，真正喺呢個政策之下喺各方面都有好成績嘅學校其實並不多，例如DGS、DBS、SPCC等直資傳統名校，佢地未轉直資之前已經係強校，學校嘅成功同轉為直資冇直接關係。反觀一眾SJ、MCS、MPS等冇轉為直資嘅津貼名校並冇被其他名校轉為直資之後係各方面拋離，近年有幾間傳統名校申請轉直資都被政府拒絕，好明顯政府已明白直資出現嘅問題。優質嘅學校未必需要揀學生、收額外學費都仍然可以喺各方面做得好好，呢尐教育信念咪就係直資傳統名校所不能提供嘅嘢囉。

Soundervolt

Sing13 發表於 19-2-23 10:42
"各方面都有好成績嘅學校其實並不多"你既結論如果是三四年前可能正確, 但當直資親生仔出來以後, 幾間新興 ...

我之前咪話受惠直資嘅新校得三幾間，而且港同學費好低，資源唔會係辦得好嘅最主要原因，相信係本身嘅教學方針同能力，同每月收多少少學費冇必然關係。

Soundervolt

Sing13 發表於 19-2-23 10:42
"各方面都有好成績嘅學校其實並不多"你既結論如果是三四年前可能正確, 但當直資親生仔出來以後, 幾間新興 ...

“有直屬中學既名官津是放棄兩成自己學生,換入Band1A, Band1B既學生”

有直屬中學既名官津只有B3學生不能夠直升，升上直屬中學部當中仍然需要收本身小學部嘅B2學生，而且某尐體藝強校亦會收成績較次嘅街外學生，所以唔會全校都係B1學生。

“直資六年前收既外校生生源是遠不如名官津”

為何？親自挑選過嘅學生（俗稱親生仔），生源遠不如抽纖嘅官津學校？好成績嘅直資，六年後又會收成績差嘅學生嗎？

Soundervolt

Sing13 發表於 19-2-23 11:30
以上幾間都是等到親生仔考DSE先出成績,名氣需要時間,正如港同今日與六年前相比,對叻學生既吸引力大大增強. ...

“而且好多唔上EＫ既家長仲拿DSE之前既學校名氣作參考.（唔想下當年是５個band,中五淘汰一批)

唔明白閣下意思。

除咗港同、優才，亦未見其他直資新校有高升之勢。WKF近年仲頻頻轉換校長，而且課程亦繼續調整當中。直資學校就一定好？辦學者嘅能力往往比資源更緊要。

Soundervolt

Sing13 發表於 19-2-23 11:45
派位收既是5個Band中既band1 同3個Band中既band1學生有分別吧. 名中收返來既學生,要培養六年,　唔似以前 ...

相信閣下並不瞭解WKF情況，不過我身為街外人亦唔方便太多指手劃腳，睇下有冇其他EK網友可以補充。

被直資小學取錄嘅學生，只係適合到面試機制，未必一定係優質學生。

2、3嘅問題都係還原返資源唔係各方面好成績最主要嘅關鍵，家長願意為小朋友學習付出金錢或學校請多幾個外語老師，只要資料利用得唔恰當，多多資源都冇用。

Soundervolt

Sing13 發表於 19-2-23 11:45
派位收既是5個Band中既band1 同3個Band中既band1學生有分別吧. 名中收返來既學生,要培養六年,　唔似以前 ...

我做過某名津校嘅PTA見過有關數據，由小一到小六嘅學生流動量大概係10-15%，呢十多巴仙同學可以左右大局嗎？

一間名津直屬學校何來30%B3學生？阿仔學校近年畢業人數大約有190人，升上中學部人數每年徘徊喺16X人，何來30%？ 唔好憑自己想像就當成事實，不過有咁嘅諗法，唔單止您一人。

Soundervolt

Sing13 發表於 19-2-23 13:04
我前文是講兩三成升唔上,唔同學校百分比不同,唔可以只用你個間學校做代表,有D中學自行階段是唔收自己小學 ...

直屬津校升中人數係受政府規定，所以唔會低到30%，所以早排港華唔想收咁多華小學生唯有希望脫鈎或轉為直資。

呢排真係好忙，已經同您傾咗一朝.....如果遲咗複製您，請見諒！

Soundervolt

Sing13 發表於 19-2-23 13:33
先多謝你既認真回帖.你有時間先回吧.有D學校既直屬位是分比兩間小學既. 所以會有30%以上升唔到.
...

嗰尐係聯繫學校，唔係直屬學校，兩者有分別

Soundervolt

Sing13 發表於 19-2-23 13:44
本帖最後由 Sing13 於 19-2-23 13:58 編輯

南區著名女校嘉諾撒聖心書院，雖與中西區兩間直屬小學保留直屬關係，但本年度（2014）的升中派位自行收生階段報名，卻決定取消「直屬直升」機制，全面開放五十八個中一自行分配學位供全港小六生競逐，即撤銷兩間直屬小學共二百七十名應屆小六生的升讀優先權

https://orientaldaily.on.cc/cnt/news/20141211/mobile/odn-20141211-1211_00176_060.html

Soundervolt

Sing13 發表於 19-2-23 14:12
本帖最後由 Sing13 於 19-2-23 14:38 編輯

其實您都係屬於典型認為直資學校一定優於官津，有資源一定有優勢嘅家長。

讀書及教學並非咁簡單....官津直私都會有佢地嘅好學生，學校質素同優勢並非用要交學費同唔使交學費而區分，而係只有辦得好同辦得唔好嘅學校。

至於校網問題我亦多次喺EK解釋過，大家唔應該只聚焦校網內豪宅地段，每一個校網都會函括豪宅同基層社區，例如您所講嘅灣仔包括跑馬地但又包括駱克道劏房、麗德村，九龍城有九龍塘但又包括賈炳達道、有1500個單位嘅美東村。抽得纖大家都機會均等。