呈一派了卷，心情好似天氣一樣，灰爆

little_yolky

vicy 發表於 18-6-28 16:52
想問下，嚟緊呈二，大家在暑假有什麼部署？另關於中文科可以點操？Thanks~
...

唔得閒操呀, 有兩場大表演, 要練習, 仲要考琴, 琴老師話要加緊練習, 又要減肥, 好多嘢做呀。 剩係報咗數研暑期班咋。叫佢去上下中文班都話唔上, 煩呀！放咗兩個禮拜暑假, peah到呢, 不事生產。

little_yolky

IloveJJ 發表於 18-6-28 18:17
你女駛乜上中文班呀？  
點解呢個時候考琴呀！考級對升中無幫助又花時間
...

係囉, 又嘥錢, 勁後悔！佢只係考三級, 個琴老師話, 好似行過隔離咁簡單, 咪報囉, 佢D scale勁難聽呀！

我想佢學下作文丫嘛。

熱媽

little_yolky 發表於 18-6-28 18:50
係囉, 又嘥錢, 勁後悔！佢只係考三級, 個琴老師話, 好似行過隔離咁簡單, 咪報囉, 佢D scale勁難聽呀！

我 ...

算啦，難得個女肯考咪比佢考。學成後，以後可以教琴。我要迫個女，佢先肯考

little_yolky

IloveJJ 發表於 18-6-28 19:07
學琴要考我贊成架，只係覺得呢個時候咁忙唔適合啫。

學琴其實主要為應付校內考試咋。如此, 所以阿大都學得懶散(哇, 阿大都會懶散), 上學期2-3個月練校內試歌仔, 下學期又係咁, 一年就咁無咗半年, 學咗5年進展緩慢。琴老師就suggest佢考級, 我話：呈分喎, 佢話：三級好簡單, 好似行過去咁易, 咁咪報囉, 點知佢行過去就易, 阿大行得無咁易丫嘛。

熱媽

IloveJJ 發表於 18-6-28 19:07
學琴要考我贊成架，只係覺得呢個時候咁忙唔適合啫。

咁又係，應該4年級暑假或6年級考就好D，呀媽唔會咁緊張

妹妹頭

回覆 little_yolky 的帖子

琴對升中真係冇作用架, 反而其他比較少見既樂器會好D, 如果有時間, 不如學下中作, 數學依D, 到升中之後至學番琴, 咁係咪好D

little_yolky

妹妹頭 發表於 18-6-29 08:05
回覆 little_yolky 的帖子

琴對升中真係冇作用架, 反而其他比較少見既樂器會好D, 如果有時間, 不如學下中 ...

琴唔停得架, 因為我哋學校必須學樂器, 而且要考校內試。數學100%有學啦, 其實我屋企附近嚟咗個大陸教師開補習社, 大陸會學中文語法, 我本來想阿大去學下中作, 等D句子通順D, 同埋有助佢最屎既重組句子, 不過佢唔肯去。不如迫下佢............

妹妹頭

回覆 little_yolky 的帖子

呈二, 呈三既中文語文卷, 排句成段, 段意依家都好重要, 仲有通常整份卷既一半分數, 都係閱讀理解, 除MC仲要答長答, 中文底一定要打好, 至會高分, 我女語文卷通常都會好高分, 但作文比較弱, 永遠總分都只能剛剛A

vicy

妹妹頭 發表於 18-6-29 09:07
回覆 little_yolky 的帖子

呈二, 呈三既中文語文卷, 排句成段, 段意依家都好重要, 仲有通常整份卷既一半分 ...

其實中文怎樣操才能夠穩定取得高分? 淨係學校課文深究和不供詞填充都花很多時間去溫。大家有沒有心得提供分享？

妹妹頭

回覆 vicy 的帖子

我女語文卷冇問題, 穩定會有9字, 聆聽同說話都冇問題, 只係作文比較飄忽

我見阿女溫語文卷時, 冇特別方法,
-填充(阿女會溫範圍內的課本詞語, 要識寫識用)
-成語同樣地, 會默一次, 再溫成語運用
-其他(重組句子, 排句成段, 標點符號, 閱讀理解...)阿女平時做功課/習作, 已經當溫習, 考試期間冇特別去溫

所以阿女最鍾意考中文, 佢好快會溫完

vicy

妹妹頭 發表於 18-6-29 09:23
回覆 vicy 的帖子

我女語文卷冇問題, 穩定會有9字, 聆聽同說話都冇問題, 只係作文比較飄忽

勁呀，又唔花時間溫習，又取得高分。
可能我囡平時功課求其，考試才認真。
咁我要加更認真睇下功課先得。

妹妹頭

回覆 vicy 的帖子

我覺得, 中文係平時去溫, 唔係考試前一日去溫, 平時做功課認真D, 有錯, 要搵原因, 特別係平時唔明白既地方, 到考試, 就可以溫番唔明白既野, 咁就OK

熱媽

回覆 vicy 的帖子

數學(操卷)就可短時間內見到成果，但中英文成績要改善真係要D時間，除咗睇書要多(唔理咩題材))，練習亦都要常做。我囡起初都係睇D喜羊羊，叮噹果D，之後我買咗本老夫子笑‍‍學成語比睇，她就愛上了，成日去圖書館借書。

vicy

熱媽 發表於 18-6-29 09:57
回覆 vicy 的帖子

數學(操卷)就可短時間內見到成果，但中英文成績要改善真係要D時間，除咗睇書要多(唔理咩 ...

我囡又係數學教弱，有沒有方法去操呢？

熱媽

回覆 vicy 的帖子

弱係指做得慢定唔識先？唔識就要教到佢明，當呀女唔識小數時，我老公真係一條數講足半個鐘，直至佢明，老公再出多題，呀女解釋到係點做先叫完成。
慢咪做多D卷，一份卷如可做50分鐘，我只會比40分鐘個人做，做做吓就會快好多。

最多分的文字題，就關中文事(中文題係有時寫得刁鑽D)，因解錯題自然會錯

vicy

熱媽 發表於 18-6-29 10:36
回覆 vicy 的帖子

弱係指做得慢定唔識先？唔識就要教到佢明，當呀女唔識小數時，我老公真係一條數講足半個 ...

多謝你熱媽，你分享(emoji)，我囡應該係做得太快，重點是大意。有沒有方法令佢提升此弱點？

熱媽

回覆 vicy 的帖子

大意呢家野呢。。。就真係好難幫啦！明明識計但發雞盲睇錯而計錯，令係會令呀媽火氣十足