我該如何做個母親

Nath

回覆 little_yolky 的帖子

我囝囝都鍾意一個人上台表演，佢都叫做攞過下獎，所以都有滿足感。多謝您提醒我呢樣野！

Jane1983

我女比較自我，好動，亦都吾識討人喜歡。以前讀K，見到d女仔好文靜，眼定定，好乖巧咁望實老師，有d仲會攬住老師話好鍾意佢。我見到就明白，單論性情，真係輸九條街。

不過我女雖然吾係乖巧，但都聽話，讀書亦好叻，所以慢慢亦走上軌道，小學老師都好錫佢。小朋友在父母關懷愛護下，慢慢會走出自己的路。

yfchoy

Nath 發表於 15-3-19 11:43
回覆 little_yolky 的帖子

可能真係男仔+細b 啦，唯有暫時跟緊d啦。其實我唔介意佢唔得竉，自問自己讀書時 ...

小女都有呢啲問題，幸運的是幼稚園老師包容。但除此以外，小女在堂上是常跟同學傾計和坐不定，老師點講都冇用。到剛上小一，佢原有啲問題繼續出現，但再出現另一啲麻煩既問題(現在仍跟進緊)。當初我係担心囡囡在學校相處不開心(被固意弄傷)而跟班主任聯絡(常初有掙扎是否應介入小孩紛爭，但老公說若父母不為小孩爭取應有的保護，小孩日後就唔會再相信父母有這能力)，但發現事實並非如此(不是囡囡蝦同學)。此事後班主任亦跟囡囡詳談，本以為此事告一斷落，但可能我一直不自覺地努力去做校方的要求(囡囡成日唔記得呢樣嗰樣，唔專心，做功課温書十分慢)而忽略了囡囡的心思，跟着出現不同的情況，老師一直看在眼裡，而我亦忍不住再去跟老師傾談(雖然我都怕被標籤為麻煩的家長和小朋友，但我更怕囡囡一直逃避。)，當我跟老師談起才發現班主任亦發現有同樣問題，老師曾加以阻止。第二個問題開始停止，又回覆番初時的問題，我初時不以為然，担心囡囡受傷害不懂自我保護而再次找老師，結果都是跟原本了解的不一樣。老師今次約了我跟囡囡一齊見面，我已担心到不得了！知道真相時真的令我想當場哭起來。囡囡因為害怕被罵而說了一些故事，佢冇講到用意，但老師跟我們說這可能是要引起父母的注意。其實老公一直罵我的教育方法，常常把"快啲"和罵掛在口邊(可憐的是我一直唔覺得有問題)，由於趕不及温習做功課，假期除了課外活動外，甚小有親子的戶外時間，跟本唔能夠把囡囡的過份精力消耗，當時會影響學習。雖然我明白老公的意思，但囡囡玩完都唔太肯努力，令我有點否定老公的意見。但經過最緊這次見家長(我很怕被標籤為麻煩家長或令小孩被標籤，但若怕被標籤而繼續拉遠跟囡囡的距離，我寧可把實情告知)，老公對班主任都改觀了！當初以為老師不會理會，但最後老師主動跟我們提議由校方幫忙跟進。雖然這已代表校方已關注問題，老師亦叫我哋不用担會記錄在案，始終都有唔舒服感覺，不過起碼校方可幫忙關注有關問題。囡囡現在的成題是有進步，班主任亦不下一次跟我說囡囡是很聰明，相比起被標籤，我應該要更加着重囡囡對做人的態度。這星期我不斷問自己應該要點做才可以令囡囡糾正過來。我希望可以解決到我既問題，令囡囡覺得我是可以信懶的。老公不停跟我說，要比囡囡一個信心，遇到任何事情挫折，事無大小，回家跟父母傾談，一定可以同佢分享和為佢提供到解決方法。咁樣囡囡才不會走遠，我希望可以做得到。現在的小孩其實好聰明，懂得用咩說話嚟打發大人，若小孩唔肯向父母打開心扉，隔膜就會越來越多。好記得老公曾說，現在動不動就打，頭幾次可能怕，遲啲就冇效，咁仲可以用咩方法？

P.S.: 唔好意思，我唔想講得太明顯學校的事情，因為老公不讚成我跟別人說。我講出故事只想跟各位講，好多時不要過份執着小孩的成績，要更加關心小孩的心理質數。到事件發生後，有時後悔已太遲。人與人之間的關係和信任唔容易建立，但好容易破壞。所以要認真地關心子女，我知道這裡的JM都十分關心自己子女，可是有時一些外來因素影響自己一直堅持的價值觀，從而做出一些一時混亂的思想。我以前亦不想過份催谷囡囡，但小一將近，令我不得不拉緊自己和囡囡，由於囡囡的聰明，提早出現一些應該幾年後才出現的現象。雖然痛，亦幸運地我能及早發現，老師亦願意幫忙，希望能把囡囡的心重新打開俾我和老公進入，並能引導囡囡。我唔清楚自己做唔做得到，但起碼我會盡量去做，很希望回覆小時囡囡對我的信任。

200904

回覆 yfchoy 的帖子

多謝你的分享啊！無論如何，你真是一個好媽媽。


的確，哪個媽媽不希望自己的孩子乖巧，聽話？然而，當我們遇到小朋友有些叛逆，有些頑皮的時候，我們應該如何做呢？感謝你分享你的case，雖然不是太明白，你女兒在學校發生了些什麽，但我覺得，老師都很有愛心，都努力與你一起幫助你的小朋友。

我覺得你做得很對，一定要在小朋友小的時候奠定親子的基礎，否則，待她們到青春期，便更加遠離我們了。

祝福你，永遠是小朋友的良師益友，親密無間。

Jane1983

回覆 yfchoy 的帖子

親子關係好緊要，有問題，及早發現，可以快d幫到小朋友。
加油，比心機！

yfchoy

200904 發表於 15-3-19 13:34
回覆 yfchoy 的帖子

多謝你的分享啊！無論如何，你真是一個好媽媽。

多謝，我都多謝老師冇放棄佢。其實我覺得自己唔算係一個好媽媽，因為我太冇耐性。回想起，囡囡曾有一段時間成日想講一些事情俾我知(有時係天馬行空)，曾經有段事間有外傭，我却依賴了外傭去做一些學校工作，我過往沒有全心地跟。現在沒有請工人(因為不想把責任推却他人)，我是在職媽咪，放工接回囡囡回家，補習社做的功課亦要在家跟進一下，又要迫佢練琴(佢又唔肯唔學)，跟本冇時間好好談。我只懂得催佢快啲，因為唔夠時間用，但當時我有真的想過佢既感受嗎？朝8晚6不斷上堂、學習、做功課，有時温埋書，其實回家當然想唔做嘢。耐何有時仍未做得好而再寫(如字寫得不好會被老師改正)，其實係咪可以由得佢交功課，待老師要佢重做，要承擔番自己做得唔好帶來既後果反而效果會仲好(老公常提這點)？我諗好多媽媽都過唔到自己呢關，想小朋友的功課做得好，得到老師讚賞。但諗深一層，家裡做得好但課堂功課做得差，唔係都是一樣嗎？可能有啲老師認為家長唔跟功課，令孩子做得差。因為這點，可能大家都將功課做到最好。但老公成日講，字只要睇得明白，何需去執着。與其執着呢啲，不如着重係其他更重要的地方，這才是有效率。

以上的種種，在這星期裡認真地問自己究竟想囡囡成為一個咩既孩子？當然我不會放棄成績，但我會不停提醒自己咩才是最重要。一個成績好叻好聰明既人，但沒有好品德、對別人冇禮、對長輩不尊重、不明辦是非，這是我想要囡囡成為的人嗎？昨晚臨睡前囡囡發脾氣唔出聲但大力，自己做完擦牙換衫便入房，這是平時佢三催四請都唔做既事(因為一些小事，但可能佢覺得好大)，平時我已破口大罵"冇禮貌"，"唔可以咁"。但我昨晚選擇沉默，站在房間等她開口要求我幫助(因佢唔夠高取衣架)，待佢開口後，其實氣氛開始好啲，最後我在床邊跟囡囡傾談，把我以前的做法和剛剛的做法跟囡囡談論，初時佢都唔太好語氣(跟我平時生氣一樣)，後來再講多幾句話佢知咁樣可唔可以幫到自己開心？發脾氣的目的是什麼，發洩情緒是可以，但不要太耐。大家互不秋啋會好過嗎？再問問佢諗吓有咩方法可平息自己怒氣，咁樣講講吓，真係覺得佢平息咗而唔係打發我。希望佢真係可以揾到去平息自己怒氣既方法而唔係等怒氣慢慢消失，在家父母明白，會忍耐。但其他人不會這樣。我希望能一直堅持到改變自己嚟引導番囡囡。

yfchoy

Jane1983 發表於 15-3-19 13:47
回覆 yfchoy 的帖子

親子關係好緊要，有問題，及早發現，可以快d幫到小朋友。

係，但好多時因外來的因素而影響了自己。我會提醒自己

yfchoy

還有一點分享，不要害怕小朋友跌到(不論任何方面)，過程父母可能會很痛，但唔俾孩仔們去面對失敗，日後便未必有能力去承擔失敗帶來的後果。近幾年的學同自殺，往往都話因為壓力大，家長會話壓力又話唔知係邊度嚟。這星期我再諗，現今的壓力係大(不論是家長給的還是小孩給的)，但不能因為怕有輕生的念頭而害怕。有時有目標便有壓力，而目標和壓力亦是動力的來源。要怎樣將這3種力量變成正能量是很重要。有些小朋友真的做任何事都好好，受到各方讚賞，一旦受到挫折，未必懂得處理而想歪(年紀越小越危險)。若能教導佢哋 "失敗乃成功之母" 的名言，從失敗中汲取教訓，人生不只得一個考驗，若佢哋明白，將能成為可做之材。

話雖如此，能教到小孩有此觀念實在很難。好多道理都人人明白，但當運用起上嚟就真係好難(所謂 "知易行難"。我好似講到跟樓主的topic離開好遠了！多謝各位有耐性地睇咗我啲咁長篇大論又費話既Post，我講出我這星期的感受出嚟都抒服多了！

Nath

回覆 Jane1983 的帖子

照你既形容，我個囝都同你囡囡既性格相近，希望真係如你所講，可以越來越進步，越做越好啦。

Jane1983

回覆 Nath 的帖子

比心機，個個小朋友都會shine，就睇吓有無伯樂，通常小朋友第一個伯樂就係亞媽

Nath

回覆 yfchoy 的帖子

好多謝你既分享，可以帶比大家多d反思。父母就係子女既一面鏡子，所以我地真係要時常提醒自己首先要做好本份。唔想小朋友發脾氣，自己都要收下火。想囝囡分享多d自己想法，父母都要肯心平氣和去聽先得。我最鍾意就係臨瞓前熄左燈後傾下心事，通常都可以聽到一d心底話。

Smilealitto

我是一個緊張的家長, 樣樣都要plan ahead, 今年小朋友考小一, 報了十多間小學, 結果獲取錄的也不少....但眼見整個k2的生活, 確實苦了小朋友, 興趣班, 考證書, 面試班, 比賽....k3不斷的面試, 她努力的表現自己, 對一個5歲的小朋友來說 真的over load了
有一日, 我當小朋友入睡時, 看見她乖乖酣睡的樣子, 我記得, 當她出生的一刻, 我對她唯一的期望, 只是要她做一個健康幸福開朗的小孩子...所以在學校列中, 我選了功課量少的一間讓她好好享受學習, 我想, 我希望她對學習有持久的興趣而不是為應付成績的那種....樓主, 考試是過程, 很多因素影響結果, 但親子時間開心童年則可以自己把握....慢慢取個平衡吧. 始終讀書之路非常漫長, 大家加油

200904

回覆 yfchoy 的帖子

在你的字裏行間，我真心覺得你很用心地去思考，去反思。比如你深覺孩子的行爲就是父母的一塊鏡子，你意識到女兒在效仿著你平時發脾氣的樣子。

如何處理好親子關係，是我們作爲父母最需要去思考的一項任務。放輕鬆，我們是父母的同時，也是一個正常的人，有自己的情緒。

你已經在體諒你哪有些字可以再寫得工整些，她自己改不改就由得他自己決定吧。與其執著于字的工整，還不如多些時間讓她閲讀，幫助她的閲讀理解能力。

這是我的看法，當然，我的女兒還在幼稚園階段，可能在女兒已經是小學階段的你面前，我的建議只是班門弄斧，但我真心覺得體諒孩子的累，孩子的辛苦，激勵她們，而不是苛責她們，她們是懂得分辨和感激的。

yfchoy

200904 發表於 15-3-19 15:38
回覆 yfchoy 的帖子

在你的字裏行間，我真心覺得你很用心地去思考，去反思。比如你深覺孩子的行爲就是父母 ...

不會了！我的老公都不停話我太執着寫字方面。在幼稚園時我冇理會囡囡的字寫得好唔好，可是到小學則為了老師的評分而執着起來，見到因字體不正要測驗被扣分時，真的後悔當初為何不去糾正，開始會焦急，有時好像為了發洩而罵。但首先要能接受寫得唔好便扣分，由得小孩被老師扣分。我已將要求續步調低，希望佢能知道自己的問題。

KCKLau

回覆 yfchoy 的帖子

你既事件都好貼題，感謝你分享，大家都學到嘢，有時同小朋友相處都好講技巧，不過我覺得小朋友是白纸一張，他們的脾氣性格往往是父母的倒模，試下注意多一些自己的言行會否被他們模仿，或者可以找到問題玄機！

yfchoy

KCKLau 發表於 15-3-19 16:08
回覆 yfchoy 的帖子

你既事件都好貼題，感謝你分享，大家都學到嘢，有時同小朋友相處都好講技巧，不過我覺 ...

多謝提點，認同部份性格係父母的倒模，但今次的事件令我大為打擊是作為父母的我倆是從來唔會係囡囡面前做(一直明白身教重要，有些事係堅持點都唔會在孩子面前做)，看見囡囡的反應真有點為佢感可憐，但再諗深一層，要恨恨的跌一次，等佢知道嚴重性，佢先懂得反思(但第二天又再犯，令我和老公十分....唔知點形容，不過我亦冇再俾自己只係罵，會同佢解釋分析)。我唔知道幾時佢先能明白和真正能戒掉，但我會提醒自己不要動輒發髀氣。

KCKLau

回覆 yfchoy 的帖子

到底佢做咗d咩行為令你覺得咁嚴重？畢竟得幾歲人仔，會不會係你自己放大咗件事呀？

yfchoy

KCKLau 發表於 15-3-19 17:49
回覆 yfchoy 的帖子

到底佢做咗d咩行為令你覺得咁嚴重？畢竟得幾歲人仔，會不會係你自己放大咗件事呀？ ...

現在的人仔唔同以前，我以前都跟你諗的一樣，覺得大啲就無事，但事實並非如此，囡囡錯誤對待咗個行為，長此下去只會越來越嚴重。因為唔止一次，會影響到囡囡日後的人際關係和做人的態度。若不盡快認真地更正佢既思想，會好麻煩。係咪放大咗件事就睇吓你着重於邊方面。若然只是小事，老師會否堅持邀請家長到校？(老師比我的感覺絕對不是問責，係真係想一齊解決)

BabyAndre

200904 發表於 15-3-5 08:31
默書是課外證書班。

樓主不要介意，默書證書班用來做 Cert back up 考小學作用不大。

Herobear

我個人認為可以happy school,不過你target神校係要重點prepare
父母影響大過學校
當你明白有咁多人報，人地點解要揀你？就唔會失落
心理質素都好重要
小朋友嘅智商係天生，同父母有關，冇得改變
但係我地可以將佢嘅能力引發到最高
另外，奧數真係操嚟冇用