家有自閉傾向的小朋友......

janet7903

hinhinmummy 寫道:
今日接軒軒放學, 一見到佢, 佢就同我講熱熱, 甘我幫佢除左件外套, 跟住老師出黎, 同我講, 頭先佢自己去書包搵野, 老師問佢搵乜野, 佢話'衫, 凍',   開始識表達

叻叻呀。   

janet7903

stellacl 寫道:
hoho1105,
我個仔平衡都有少少問題, 佢又係成日向前"鐘", 又成日自己"kick"自己, 治療師話因為佢有扁平足, 你個仔有無呢個問題 ?  我個仔有時行行下都鍾意向下望或者側望, 原因係佢追住自己個影行, 不過學dr.T講, 佢無影響人, 我就無特別Stop佢呢個行為.

可能你需要找到原因至可以找方法訓練wor.

聽聽下我個囝跑果時都間中向前"鐘"嫁喎，行路果時我留意到佢有少少內八字腳的(唔知係咪之前買對鞋太大，著果時覺得適合的，但有次有個師奶話我個仔對鞋太大，開始有少少內八字腳，我先留意到，後來就買對細少少的鞋比佢著)唔知有無關係呢？咁佢係咪又係平衡有問題呢？

hoho1105

stellacl :
我個仔唔係扁平足,以前我都以為佢係睇自己個影行,所以無為意,但近期發學唔係,個影係後面,佢都係咁,學校兼收老師無提供我改善佢e種行為嘅方法,接獨過學校安排嘅ot,但第一次只係作評估,當日又落雨未可出外大肌活動觀察佢,要再等三個月才可再有ot :cry: 平日我都有睇佢大肌活動,係大多同學仔中,好明顯佢走嘅時候好唔同.dr.t有無教妳方法協助他呀?

hoho1105

相信唔係鞋嘅問題,唔知係咪前庭問題

hinhinmummy

hoho

如果軒軒甘叻仔識畫隻熊仔就好lor, 係家姐仔最近學識用小畫家畫架, 不過果一幅不靚, 換左lor.

稚言治語

你係dr. t間房話自從大口環'最好的姑娘走左之後, 就....'

我都有同感, 雖然我未曾接觸過你, 但係依家同軒軒做training的st.....十分'符軒' 同埋依書直說.  好似有一次佢做一個做玩小組的評估, 拿住架小巴問軒軒係乜野黎? 軒軒答小巴, 我見佢係張評估表打個x, 跟住係隔離remark"小巴', 即係好似老師跟marking scheme改卷一樣.

而其間, 軒軒拿住支'匙更'擺落口(佢要求軒軒拿支匙更餵公仔食野), 我雖然都知道好不衛生, 但當時佢的面孔係比我覺得佢好似好討厭, 跟住叫我放支匙更係檯面, 再拿支消毒藥水支支, 再叫我工人拿張紙巾抹乾淨.....駛不駛甘呀

janet7903

HINHINMUMMY

咁都得呀，佢可能有潔僻嫁。

旺角雅蘭街個評估醫生好有耐性同細心的。 :wink:

janet7903

好開心呀，卓卓終於主動拉我去廁所同佢VIVI了，希望可以這樣繼續下去，如果連學校都可以這樣做就好了。
仲有一件開心事：卓卓肯指東西及有時說出此物件的名稱。
做了四次語言訓練及天天做家居訓真的進步了不少呀，希望快D講多些野及各方面都有大大的進步。
加油、努力!!!!     

gigi2

Congratulations!     

hinhinmummy

janet

恭喜晒, 比心機d呀, 繼續努力

janet7903

多謝!!
但卓卓未介到片片呀。

稚言治語

hinhinmummy,

評估呢，有時啲測驗要求好嚴格，可能唔關個st事。有啲步驟係需要跟足嚟做。不過喺小組就好少會用呢一類測驗。其實打x唔一定代表小朋友做錯，我用開"α"(alpha)當"啱"，"β"(beta)當錯。咁個"α"睇落去都幾似x架﹗(呢度顯示唔到個"α"字樣)。

hinhinmummy 寫道:
我都有同感, 雖然我未曾接觸過你, 但係依家同軒軒做training的st.....十分'符軒' 同埋依書直說.  好似有一次佢做一個做玩小組的評估, 拿住架小巴問軒軒係乜野黎? 軒軒答小巴, 我見佢係張評估表打個x, 跟住係隔離remark"小巴', 即係好似老師跟marking scheme改卷一樣.

咁誇張﹗ 小朋友口水啫﹗我成日都成身係﹗

而其間, 軒軒拿住支'匙更'擺落口(佢要求軒軒拿支匙更餵公仔食野), 我雖然都知道好不衛生, 但當時佢的面孔係比我覺得佢好似好討厭, 跟住叫我放支匙更係檯面, 再拿支消毒藥水支支, 再叫我工人拿張紙巾抹乾淨.....駛不駛甘呀

janet7903

setellacl

多謝你的教導呀，我只是同佢去過公園玩平衡木咋，等我試下單腳企/跳、腳指夾豆袋先.. 夾波子就試過，但果時都是貪玩玩下唔知原來對平衡有用的。

hinhinmummy

稚言治語,

甘你下次有機會見到你們d舊同事, suggest佢地不好再搵架小巴/的士/巴士做評估啦. 搵架普通車仔好啦.  

我好想知佢係不係有潔辟?

我看返d 帶, 軒軒呢期教牙刷, 佢拿住支牙刷刷牙, 個st都無鬧佢. (不過我都擔心不係好衛生, 但我見過佢地姐姐仔有清潔d玩貝/教材)

最攪笑, 玩照鏡, 佢望住自己個樣, 跟住鍚落去, 好鬼c攪笑

稚言治語

我唔肯定你講嗰個係邊個喎﹗

hinhinmummy 寫道:
甘你下次有機會見到你們d舊同事, suggest佢地不好再搵架小巴/的士/巴士做評估啦. 搵架普通車仔好啦.  

我好想知佢係不係有潔辟?

hinhinmummy

稚言治語 寫道:
我唔肯定你講嗰個係邊個喎﹗

[quote]
hinhinmummy 寫道:
甘你下次有機會見到你們d舊同事, suggest佢地不好再搵架小巴/的士/巴士做評估啦. 搵架普通車仔好啦.  

我好想知佢係不係有潔辟?

[/quote]

男的, 帶眼鏡的, 不好講姓啦,.

稚言治語

我知道啦﹗但係我諗我幫唔到你，因為我好少喺其他場合見到佢，平時去上course、開專業會議之類都唔多覺佢會去。

janet7903

好開心呀，卓卓終於識扣及解大鈕(但只限自制扣鈕版平放在桌上才做到)，而穿衫後解鈕及扣鈕就唔多得。

好奇怪，囝囝明明認得及講出顏色的名稱的(見到紅色說"RED"，紅、黃、藍、綠都識的)，但學校的單元教學填"X"(不識講認知唔得)，我今日問過班主任，佢話問過卓卓，但佢唔講所以寫"X"，仲話卓卓連同老師BYE BYE都無的。但係我地面前成日講嫁喎。   

siubchuma

由 承承媽媽 於 2004-11-25 00:40:43

我家有一個,如果你家都有,大家可以走埋一齊傾傾呀!

承承媽媽 -- 承承 -- 31個月 --n1
Kmwun -- 俊希 -- k3
AgnesNg -- 浩賢 -- 5歲 -- N4
stellacl -- Harris -- 5歲8個月 -- N4
mrsphcheung -- Yiuyiu -- 4 y 8 m -- N3 in a CCC
Mrs cheng --Hon Yiu -- 3 y1 m -- K1 in Int'l Kinder
csokchoi -- Anthony -- 28個月

各位媽咪/爹o地,
大家好!我是新加入的...,很高興有這個地方,讓我們"這些"家長,可以在此互相分享、支持同鼓勵,請多多指教!!   

我的囝囝快28個月了,回想起...
他在健康院打完歲半針後,做了一個小測驗(看看他各方面的發展是否與年齡相符),當時醫生說他語言比較慢了些,但不算是大問題,因他的理解力還可以,並說有些小朋友在歲半至兩歲期間的語言發展差別會很大。

直至囝囝兩歲(今年一月)入讀nursery後,過了大約三星期,學校發覺他與同齡的小朋友比較,語言發展較慢(至少慢半年)及專注力較弱,而且時有情緒及行為問題(他會自有自玩,完全莫視老師正進行的活動,'訓'地發脾氣,大力打頭,大叫,撼頭落地/牆/門/櫃或任何硬的東西,像'扣'頭般撞前額或'訓'低撞後腦(其實在家都一樣,這亦是我一直最擔心的,可是由於我得一個小朋友,而身邊又無親戚朋友有年齡相近的小孩,所以在沒有比較下,我也不知道他這些行為是否*正常*或者只是每個小朋友在未識說話前必經的階段 :-| ),後來學校請我去陪了半堂課,我才有機會親身看到囝囝在行為上與其他小朋友的確有很大的不同(如他不合群,不跟隨課堂的程序,不聽老師講話,只喜歡自有自玩,走來走去),像是失控似的 。

之後我帶囝囝到健康院,醫生了解情況後,寫了一封轉介信給他到兒童體能智力測驗中心做評估,在4月6日當天,醫生觀察了囝囝玩玩具時的行為及反應(約1.5小時),發覺他有著多項自閉症的特徵,而目前最大的是溝通及行為問題(:cry:評估結果:有自閉症傾向及小肌肉較弱,認知能力(智齡)與年齡相符,但語言理解同表達就比智齡慢:cry:)。

社工替他排了今年9月入讀I位,由現時至8月,我暫時只安排了他在協康會返暫託服務(每星期4次,每次大約2個鐘)。除了排I位,評估中心並沒有其他的offer (如: ST / 社交小組... )。

在評估後,我看了一些有關自閉症的網站及書籍,看了不少多從來不認識亦沒有想過要看的資料,的確了解多了,但愈是了解,愈是擔心,愈是害怕,我明白我要堅強,因囝囝極需要我的(長期)照顧,但我的心真是很痛很痛... :cry:  :cry: (以前我計劃過一條路,想他行,但現在*當然要放棄了,只希望他能融入主流教育/社會)。

我巳在3月開始成為了全職媽咪,希望親自照顧會對他有多些幫助。現在每天早上(8:00-10:00)會和他一起玩玩具,做一些家居訓練,看VCD,(10:30-11:30)到室內遊戲室及公園玩,下午就會到協康會返暫託。