讀'聖瑪加利大幼稚園'家長入來傾傾啦!

papadaddy

Pochacco2001,
祝晴晴身體健康
學業進步           

papadaddy

charmaine
天氣轉涼,自己和小朋友都要小心身體.保重保重

mrs.correia

cfman,

是下幼孝班,o甘琛瑜o係那兒上車?  Silvestra很高興地知道可以在這兒遇到朋友仔, 佢而家猛話要同琛瑜say hello.

Silvestra:  琛瑜! Hello!  星期一再見!
  

cfman 寫道:
mrs.correia ,

我問琛瑜有冇一個女同学仔叫'Fe li Fa'，她停一停，好似想一想，便說有，不過很好笑，她讀咗'Fi Li Li Sa'.

你的囡囡是否讀下幼孝嗎？

cfman

Pochacco2001

kakibeebee & papadaddy,
多謝你們的祝賀!

mrs.correia

heima,
唔好意思講錯o左!  但剛剛Silvestra一見到熙熙張大頭相便嗌 '呢個係熙熙.'  跟住我問'你又知,o甘佢讀邊一班?'  佢話'下幼信班, 坐B車 (但一時又話坐藍星星,都唔知佢係唔係真係知)'
上次去水塘, Silvestra是紅草菇組,佢個樣好易認,係人都話佢個上唇中間生到成粒珠o甘,即係牙尖咀利好叻講o野,o甘又係o咼,叫親佢幫我執番d野,佢就多多辯駁,一時話係阿妹o係佢番緊學o個時整亂,梗係要阿妹自己執番。  一時話自己兩隻手都好忙無手執(其實兩隻手都'才查'住支珍寶珠食緊),激死我!  還有Silvestra上顎兩隻門牙蹦o左,好似m字,所以佢自稱為"麥當勞牙"。  我想都無乜邊個有o甘o既特徵o係紅草菇組,如果你有印象就應該係佢!  謝謝你的照顧!

各位家長,
知唔知點整大d相呀?

heima 寫道:
mrs.correia, cfman

會唔會同車有人叫熙熙呢? 我仔仔唔係坐D車的, 仔仔坐校車都識到好多小朋友, 見到有d哥哥姐姐好照顧佢, 校車褓母話d小朋友叫熙熙做bb, 可能佢成個bb樣.

mrs. correia,

你囡囡讀下幼孝嗎? 咁我應該見過佢, 上次去水塘, 我係照顧紅草菇, 她是否紅草菇組的? 我睇你的大頭相都睇唔清囡囡個樣, 有無大d相睇下呢? 原本我識得一個小朋友係讀下幼孝班的, 是熙熙表姐的朋友, 我以為去水塘可以見到佢, 點知佢轉在讀上午班

cfman

我想熙熙跟琛瑜應該很熟的, 我都無問佢, 佢都係即刻叫出琛瑜個名的, 不過唔朋點解熙熙上次係timesquare見到琛瑜會扮唔識的?係呢, 個日見到o既係琛瑜公公定爺爺? 點解佢知到仔仔叫熙熙時, 佢會話原來你係熙熙, 係唔係琛瑜講的呢?
女仔同男仔真係好唔同, 女仔鍾意同人分享, 所以會多d講學校o既事, 但男仔就好少, 問佢都只係講少少咋

我收到你的email address了, 我都係晚上先可上網的

JoJo

各位,
我一直有留意你地既message家.. 我呢位苦惱既家長又有野要請教啦..

想問一問你地舊年除左報呢間之外.. 仲有冇報其他呢..

因為我報左寶血, 星期六仲interview埋.. 而家老公同我都心大心細唔知揀邊間 (if 兩間都收)..

唔知你地, 仲要要係有亞仔既媽咪有冇case好似我咁家.. (要搭校車返學)..

我分析過寶血如係女仔會著數d.. 雖然小學都係男女校, 但上到中學就係女校.. , 但環境比聖馬加利大, 大好多..

唔知你地點睇.. 能否比d 意見我呀..    

cfman

Heima,
我有個同事個仔又係叫熙熙，咁我哋有時都會有gathering，可能爺爺以為同一個小朋友仔啦！
女仔同男仔可能有啲唔同，貪靚好多，平日都歡喜照鏡子；唔知你記唔記得，halloween party 那天，我貼了幾粒鑽石在她的面上，女仔真係好貪靚，鑽石fix not well, drop, 她拿着它不放，就算老師捉她的手仔跳舞都拿得很緊，要我

heima

mrs correia,

你囡囡講得無錯, 熙熙係坐B車, 何解唔同班唔同車都識o既, 小朋友的社交能力真強

你張大頭相大在, 睇得清楚點, 我認得細妹呀! 細妹係唔係開學日同之前一些需回校的日子都有跟姐姐來的? 而Silvestra, 我諗我估到係邊個, 每組得7個小朋友, 學校網頁有無佢張相呢? 如果係幼班活動晝圖畫個女仔 , 我可以講講佢係水塘o既事

cfman
女仔貪靓好正常, 男仔貪靚就驚了. 你好有心機幫囡囡扮靚靚, 中秋節的相熙熙又係坐係琛瑜旁邊, 所以我睇到琛瑜的打扮, 你囡囡是11月或是12月出生的? 李老師說遲些會有通告請我們帶食物回校

heima

JoJo

你要睇睇自己o既首要條件係咩?如果係地方, 咁就唔駛諗, 梗係揀間大的啦. 另外都要睇下你想仔仔係學校得到d咩, 我唔知道寶血的教學方法, 係唔係一樣呢?

寶血小學係政府資助, 所以係派位的, 但聽聞有部份學位不是資助, 所以係可以直升, 上年我沒有幫仔仔報寶血, 原因都係女仔太多了, 我都只係睇到學校相係咁, 真實係唔係我無查問過,

JoJo

heima,
我就係佢既VCD到睇到的確女仔比男仔多.. 但我星期六interview都見到有不少男仔黎interview..

佢算係一條龍.. especially for girls.. 就最適合..

我都幾concern佢既男女分部家. .. 我見寶血小一派位.. 女仔就大部份分返寶血小學.. 相反我見聖馬加利大, 男仔好多都入到華仁喎..     (呢點又係我考慮既)

小新媽媽

heima,
我都同仔仔報左名12月interview. 想請教你聖瑪加利大係用咩教學方法, 同埋有無web site. 我搵唔到.

charmaine

Jo Jo

Re : P1 Placement

I understand the current P1 Placement system offers equal opportunities for students (in the "lucky draw") disregarding the kindergarten.   

STMG boys got more admission to Wah Yan than Precious Blood.  Is it because STMG boys gain more points at the Discretionary Placement (such as points from siblings, alumni parents, Catholic,etc)?   Or they have perference at the final stage of application, in July / Aug : waitlist & "door knocking"?

It is hard to find out!

Charmaine

JoJo

Charmaine,
If it is really what you said, is it means study in Precious Blood or STMG are the same result for P1 Placement?   

Liu

我囡囡今日冇返學佢塊面同對手出左好多一粒粒應該係一舊舊蚊”lan”既野,重有水泡添.佢又痕又痛,真係好慘!左眼皮腫到瞪唔開隻眼!!星期六佢同一隻狗玩完,第二朝起身都只係小小紅點;點知越夜越犀利!!我諗可能都係隻狗有蚤!見到佢係好辛苦,又唔R得,連搽藥膏都喊到拆天!!聽日都可能返唔到 :cry:

Liu

mrs.correia

cfman,

我知道誰是琛瑜了!  琛瑜是爺爺嫲嫲帶搭school bus的, 而且如我沒有估錯,妳有做中秋節家長義工,妳還曾說過不和琛瑜一起搭school bus回校,是因為怕琛瑜一和妳一起便不捨得離開妳,不願上課,因此當日妳自己來學校無跟車, am I right?

孝班的小朋友大多數那個月出生?  sorry, 不太清楚,但我囡是January出世,我估孝班是January to May.

God Bless.  :

papadaddy

小新媽媽
try this:
http://www.stmkg.edu.hk/

mrs.correia

heima,

多謝妳記得Silvestra and Olivia(妹妹)!  是的,Silvestra係幼班活動畫圖畫個女仔(紮馬尾)。 不知道Silvestra有沒有頑皮,麻煩妳呢, 多謝妳的照顧!

God Bless!  :

heima

mrs. correia,

Silvestra 好活潑, 好奇. 去水塘o既時候, 老師叫小朋友唔駛排隊咁行, 但就唔可以超越老師. 但係可能Silvestra對四周好好奇, 好多次都想行開, 不過老師好快就叫佢番轉頭, 因為都叫在好多次, 所以我對佢好有印象

幼班的小朋友仲細, 唔會太頑皮, 同佢講下, 佢地都會聽, 所以唔難照顧, 佢個班有個小朋友仲要拖住我行

mrs.correia

Liu,
我個二女都試過,中秋晚去醫院的公園龜池餵龜(探爺爺),番到屋企見到小腿出左好多一粒粒應該係一舊舊蚊”lan”既野(小小紅點),又痕又痛,第二天還有很多大水泡,全條小腿又腫脹又實,horriable!  我好驚是毒蚊,立刻帶佢睇醫生,不過醫生唔認為,佢話應該是對某成藥敏感(當晚被咬後搽上),醫生立刻幫她另搽其他藥(有少少"累"固醇,唔知藥名因藥盒無寫),每日三次吃抗生素及搽藥膏,三天後好番曬!
妳早些帶囡囡睇醫生,不要再搽成藥吧(如有的話)!
希望早日康復!  God Bless!

Liu 寫道:
我囡囡今日冇返學佢塊面同對手出左好多一粒粒應該係一舊舊蚊”lan”既野,重有水泡添.佢又痕又痛,真係好慘!左眼皮腫到瞪唔開隻眼!!星期六佢同一隻狗玩完,第二朝起身都只係小小紅點;點知越夜越犀利!!我諗可能都係隻狗有蚤!見到佢係好辛苦,又唔R得,連搽藥膏都喊到拆天!!聽日都可能返唔到 :cry:

Liu

Pochacco2001

Liu,
你囡囡會唔會係出水痘呀?小心身體!祝她早日康復!