☆屯門聖公會青山聖彼得堂(兆麟苑)家長請進~

tszyau2000

不過,近來學校真係吾知發生咩事,好似出通告甘,明明家長教師會在星期日有活動,但通告在星期四才發給家長,最慘的是....我連通告都收吾到呢?   仲話要抽籤!!! 我都係聽囡囡的同學仔媽咪講才知道 ?   最後今早由老師比電話問我去吾去  

唉....吾通學校掛住處理"校車"問題才會這樣

Ding

tszyau2000

咁有好似亂左d..而且家長教師會這類活動都要抽籤 ?!     .. 今晚你地一定要提出所有問題..我都想知校方有咩改善

tszyau2000

Ding :

siulun呢邊家長教師會攪親的活動, 是要抽籤,話參加人數多而超出,便要抽la!

所以我今晚都盡快收工返lai聽下!

siulun 真的要向青山村請教,學習一下
:cry:

Ding

今日個仔放學帶左套玩具返黎..佢話係老師俾.. 係一盒車仔..有警車,消防車和救護車..車下面有個顏色轆..將架車放在紙上面再推時...就會印出一串有關架車嘅圖案出黎.. 如警車就印手拷..槍之類 .. 好精緻.. 個仔玩得好開心...兆麟果面有無呀 ?

pm-11

Ding
囡囡返o黎都有帶你所的3種車,玩法一樣,我諗係某些東西/事項都相同的.

Ding 寫道:
今日個仔放學帶左套玩具返黎..佢話係老師俾.. 係一盒車仔..有警車,消防車和救護車..車下面有個顏色轆..將架車放在紙上面再推時...就會印出一串有關架車嘅圖案出黎.. 如警車就印手拷..槍之類 .. 好精緻.. 個仔玩得好開心...兆麟果面有無呀 ?

tszyau2000

終於開完緊急家長會,由7:00-9:30pm,都算犀利,亦覺得d家長好難得,因為都有好多家長都百忙中出席!當然包括我在內

今晚的氣氛都叫幾好,d 家長亦無甘火藥味,某頭當然是校車公司&保母,原來吾正面講真係吾知甘多問題,不過我覺得校方吾係甘積極去處理,好似將d 責任推晒到校車公司

不過有d 家長又自私左小小,因為有個家長不滿路線安排....等,但站在校車公司立場,係要顧慮很多,那個家長當然想小朋友第一時間返到學校,又第一時間返到屋企,講真,邊有可能呀

會就開完,大家都溝通過,希望真是得到改善 :

pm-11

tszyau2000

請問到最後校車公司有否提出有什麼改善方案呢?

tszyau2000 寫道:
終於開完緊急家長會,由7:00-9:30pm,都算犀利,亦覺得d家長好難得,因為都有好多家長都百忙中出席!當然包括我在內

今晚的氣氛都叫幾好,d 家長亦無甘火藥味,某頭當然是校車公司&保母,原來吾正面講真係吾知甘多問題,不過我覺得校方吾係甘積極去處理,好似將d 責任推晒到校車公司

不過有d 家長又自私左小小,因為有個家長不滿路線安排....等,但站在校車公司立場,係要顧慮很多,那個家長當然想小朋友第一時間返到學校,又第一時間返到屋企,講真,邊有可能呀

會就開完,大家都溝通過,希望真是得到改善 :

tszyau2000

pm-11:
甘你昨晚無出席!

加加媽咪:
你有無出席呢?

最後校車公司有否提出有什麼改善方案呢?

我就覺得校車公司只有逐個家長解答及解釋,而其中有d家長都有提意見,但實際點改善真不清楚,(因為我覺得校車公司好似頭痛醫頭,腳痛醫腳)依家唯有比時間校車公司la
:exclaim:

昨晚仲講埋老師的態度問題,亦有些家長比意見,甘都係好事的,因為比大家直接對話,好與吾好的批評都吾緊要,最重要家校溝通,甘才會得到改善!!

YYMom

LongLong_ma, 你唔好同我咁客氣啦 我都係笑笑口咁同你講啫      你有冇去家長會呀?

昨晚我都有去家長會, 都有好多人出席. 校車方面, 佢地無乜具體性方案, 但承諾唔會再經常換車, 加強員工培訓(如跟車媬姆要留意的事項), 改善遲到站的問題.有些家長提出了很有建設性的意見, 希望幚到校車公司啦!

經過昨晚大家開心見誠咁講出問題, 希望以後大家都一團和氣啦   

LongLong_ma

tszyau2000,加加媽咪,pm-11,YYMON

我都有出席....我都覺得比較混亂......各家長就講晒自己的意見......但落實用咩方案就真係唔係好淸楚......校車公司只成諾下星期會改善.....但是真是假......真係要恜目而待......如再不改善.....我諗自己辛苦D.....湊仔仔返學(但都有好處,我可以接觸下學校).....現在睇下同公司fight......遲返半個鐘......如可以.....我就一於自己湊!!

加加媽咪,

我昨晚聽到有個小朋友大聲叫"黃老師"......係唔係加加呀???

加加媽咪

tszyau2000,

我昨晚有出席, 校車公司及家長大致有以下的建議及改善措施, 如有錯漏, 請各位指正

1, 校車公司方面會於下星期一向有搭校車的家長發出行車路線圖及各站上落車時間表
2. 為了安全起見, 每架校車的跟車褓姆的手提電話應配備handfree
3. 每架校車上應存放一份有小朋友乘搭校車之家長聯絡電話的名單, 如因某些上落點有延誤, 褓姆有責任通知家長
4. 同時家長都應該要有跟車褓姆的聯絡電話, 如因小朋友或家長未能於指定時間到達上落點或因事請假時, 家長有責任預先通知跟車的褓姆.
5. 於校車上掛上學校名字的牌及A,B,C路線牌以方便家長識別
6. 跟車的褓姆要睇學生接送証接小朋友, 如果未能出示接送証, 需要簽字作証明
6. 家長及司機/褓姆雙方定期做評估, 以了解校車的服務質數, 同時希望各家長都準時接送小朋友.

加加媽咪

LongLong_ma,

大聲叫"黃老師"果個小朋友唔係加加, 不過佢應該係同班同學仔....    , 你坐咗喺邊度呀??
如果你可以同公司傾到返遲d咁梗係最好啦.

tszyau2000

加加媽咪 :

你都寫得好仔細!

甘你地有無發表意見~~

雖然校車問題吾關我事,但我都真的希望會有改善!!

YYMom

加加媽咪, 多謝你post得咁詳細!以我的記憶, 校車會做第1,4,6點, 而其他係家長的提議, 唔知校車會唔會做啦 ...希望大家唔好誤會,點解話左做, 又做唔到      定期做評估...唔知會唔會真的做    ?

如果我記錯左, 請大家修正     

pm-11

tszyau2000
一早已接到通知星期五要OT,所以無法出席家長會.

加加媽咪
你詳述得好清楚,THNAK YOU,下星期我會留意看看有否改善.不過如沒意外我下個月可能會自己帶小朋友返學,因為我覺得校車有佢o地的困難之處,要佢o地將路線宿短,我諗都幾難,就算答應提早10分鐘到,回到學校都會miss 左早會,我唔想小朋友唔上早會因為每日的早會都會由唔同的老師講授一些小朋友應做or不應做等有意義的道理,有時佢會講述早會老師教左咩新事物等. :  :

tszyau2000

pm-11 :

其實你甘做係好ka,許可的話米親自帶小朋友返學,因為我囡囡都會返lai同我講有關早會的事,她亦好開心,又會同你講今日邊個老師開早會,唱咩歌仔....,有時在早會中都會玩一些遊戲!

雖然學校鼓勵小朋友自己入課室,而我有時亦會順便入埋學校問下班主任d yeh,無辦法la, 我要返工,就算小小時間我都吾會放過,不過囡囡的班主任都幾好,開學到依家,我都接過她幾次電話,例如囡囡... 病左,什至乎提我訂制服等....,都好細心!

所以我對這間幼稚園的老師絕對放心!

pm-11

tszyau2000

絕對同意呀,最多自己辛苦o的都想小朋友學習多些知識.
至於對老師是否有信心......  : 哈哈應該都有o既....希望遲o的有時間可以多些與老師溝通la..

LongLong_ma

各位媽咪,

早晨呀!!!
星期日.....有無人去"大棠"玩呀???(郊外岩亞仔).....所以我都有去.........原來昨天是開放日.....渡假村所有設施都開放俾我地玩.......一去到就有舞獅歡迎......小朋友睇到好開心(不過亞仔就話好驚).....亞仔仲玩左揸電動車....跳彈床....踩單車....做沙樽......射箭~~~.......好開心      亞仔返到屋企就問我幾時再去!!!

加加媽咪,

星期六我已知自己衰左(認錯人).......因為我見到真正的加加.......今次我諗無認錯.......4:00pm係課室門口同黃老師攬埋一齊果個......係咪???       ....妳係我身邊行過(唔知妳見唔見到我呢?)......不過,我拖住人地個女.......佢拉住我唔俾我行......所以叫唔到妳!!!
個日仔仔無返......因為佢氣管敏感.....岩岩睇完醫生....所以等佢係屋企休息 囉!!!

tszyau2000

good morning:

由於學校攪得太急,所以星期日去吾到,不過,聽你甘講,當日玩得好開心,有機會遲D自己去law!

加加媽咪

早晨呀各位!!!

LongLong_ma,
原來你星期六都有返學校投票, 我諗你見到果位........應該係我, 弊喇~~~~俾你認得出添!!!! 以後出街要小心d先    你下次見到我一定要叫我喇 嘩, 原來你星期日有去大棠, 如果一早知道有咁多嘢玩我都帶埋加加去啦.