發展遲緩B媽媽(part 1)

szeszebetty

原帖由 apple~y 於 08-10-22 11:03 發表


12個月大

1歲未識行都唔使太擔心，
佢依家識爬，
就由得佢爬多ｄ，
對佢腦部有好處．

過多幾個月，如果都係無進展，
就再約健康院姑娘啦！

icookies1

我個囡而家歲幾但係姑娘話佢發展慢,好多野都仲未識做, 轉介左去咩兒童發展中心做評估, 見左姑娘,要等多半年才做評估, 如果出去搵私家醫生要幾千蚊呀? 我可以點做?

iamyuen

請各家長交流心得

apple~y

你小朋友幾大呀
我仔仔就快13個月大啦
指領都係未識,我都巳經日日教最基本拍手,byebye都係未識
好擔心

apple~y

原帖由 icookies1 於 08-10-26 23:37 發表
我個囡而家歲幾但係姑娘話佢發展慢,好多野都仲未識做, 轉介左去咩兒童發展中心做評估, 見左姑娘,要等多半年才做評估, 如果出去搵私家醫生要幾千蚊呀? 我可以點做? ...

你小朋友幾大呀
我仔仔就快13個月大啦
指領都係未識,我都巳經日日教最基本拍手,byebye都係未識
好擔心

有個協康評估，$600比你參考0下http://www.heephong.org/chi/slp/files/pstsaforms.pdf

ClaraSham

我囝囝28個月大，於今年9月開始喺荃灣仁濟做早期訓練。

原帖由 iamyuen 於 08-10-27 22:56 發表
請各家長交流心得

apple~y

原帖由 ClaraSham 於 08-10-28 12:55 發表
我囝囝28個月大，於今年9月開始喺荃灣仁濟做早期訓練。

其實我想知發展遲緩幾時先知
好似我仔仔情況算唔算係??
如果做評估應該係幾時做呢??

slh

我個女都係發展遲緩~ 20個月時做評估, 認知, 言語理解及表達有10個月, 而大小肌肉得6個月, 唔識爬/行, 不過上了個多月早期訓練, 已經開始聽指令, 好以拍手, bye-bye 及 間中會叫人同跟人口水尾講嘢, 近呢兩, 三個星期開始學人禁住床仔爬起身, 我覺得佢已經進步咗好多, 但心裡常有問題, 想問吓人:-

1. 發展遲緩 = 智障?
2. 小朋友要幾多歲先知道智力有冇問題?
3. 有冇小朋友細個時發展遲緩, 但經訓練後可追返? 還是會追唔到?

ClaraSham

其實可以排定做評估，排得來都3-4個月，如果真係有問題可以早啲作安排。

但我睇你個b唔識用手指表達，真的要多加留意，我都係從這點開始懷疑我仔.......

原帖由 apple~y 於 08-10-28 13:08 發表


其實我想知發展遲緩幾時先知
好似我仔仔情況算唔算係??
如果做評估應該係幾時做呢??

weiwai

上完一日堂郁4:30pm, 返到屋企5點15分了
又要餵佢食野又要煮飯.........
好似冇乜時間做家居訓練

szeszebetty

原帖由 slh 於 08-10-28 13:49 發表
我個女都係發展遲緩~ 20個月時做評估, 認知, 言語理解及表達有10個月, 而大小肌肉得6個月, 唔識爬/行, 不過上了個多月早期訓練, 已經開始聽指令, 好以拍手, bye-bye 及 間中會叫人同跟人口水尾講嘢, 近呢兩, 三個星 ...

1）起初，我都好想知你呢個問題，但最後問過姑娘，究竟發展遲緩的小朋友到左６歲後，咁會叫做咩野？

姑娘話：〔如果小朋友追得番，就即係無事啦！〕

她們都好好人，唔想傷害我地，所以多數唔會正面回應．

不過，我想現在我地要做的，是要比小朋友做治療，希望從中可以追回落後的．

你的小朋友進步都好快，已經識講野．我的女兒２５個月啦，返左私人的學校上堂已經４個多月，但進步好少，還未識說話．

[ 本帖最後由 szeszebetty 於 08-10-29 10:56 編輯 ]

slh

雖然我女已經開始間中有叫人, 但成日都講d BB話, 而且佢始終都未識自已行, 又唔識由訓轉坐, 我發現佢好以唔識運用腳仔力(定係唔知隻腳係佢????)  有冇人的bb, 有同樣問題?

slh

Hi szeszebetty,

點解你個小朋友要照MRI (磁力共震)? 同發展遲緩有冇關係?

我個女1個月大時照過1次, 係因為係先天眼仔有問題, 所以要照吓個腦同眼仔有冇結構上的問題同有冇腫瘤, 不過e生冇講有冇其他問題喎~

szeszebetty

原帖由 slh 於 08-10-30 19:11 發表
Hi szeszebetty,

點解你個小朋友要照MRI (磁力共震)? 同發展遲緩有冇關係?

我個女1個月大時照過1次, 係因為係先天眼仔有問題, 所以要照吓個腦同眼仔有冇結構上的問題同有冇腫瘤, 不過e生冇講有冇其他問題喎~ ...

就係因為我個女發展遲緩，醫生話有可能關個腦的問題，所以就叫佢照．因為個腦神經有問題都會影響佢的發展．


醫生有無話你個女點解先天會咁，你佗女女時，有食避孕藥嗎？

有時都唔知點解自己個女天生有問題，又唔係遺傳，真係連醫生都解釋唔到．

我都聽過有個小朋友，４歲先識爬，係就係慢左好多，不過都總叫做有一日識．你都要對女女有信心呀！

slh

我地而家重check緊點解阿女會由先天的眼仔問題~ 因為陀佢嗰陣都有在c+ 同政府睇過, 結構性的超聲波都做過2次, 淨係話佢比較細, 每次返去check都話有長大, 係細碼b , 又照過幾次ulta sound, 但都冇人講過有問題, 重要生咗2日後比我擦覺佢隻右眼冇張開同隻左眼好細, 我話比姑娘聽, 由姑娘再叫e生check先知道有問題 ????

昨天返去遺傳科聽之前抽血結果, 話DNA SIZE , 數量 同型態都正常~  佢地會再CHECK 吓其他嘢, 但唔一定找到那裡有問題, 因為1條DNA裡有太多細胞, 在現在的技術不可能全部CHECK 晒   !

我陀呀女時前, 一直都冇食避孕藥, 因為我地都TRY咗年幾先有BB~ 而 陀佢時淨係在7,8個月時有感冒, 當時E生淨係比咗D 維他命我食同叫我多D 休息~

直到而家都冇人知道點解呀女係咁??

sammitai

我仔仔現在21個月仍未識行及企,又唔識講野.已做了1年物理治療.(評估現只得1歲)又未安排I位.我都唔知點算.

atty

當我知亞仔發展遲緩時, 我就發晒癲咁上網, 向BK/其他網站找發展遲緩o既文章。

我亞仔4、5個月已經發現遲緩，但好可惜，相關既資料唔係好多;反而語言遲緩就好多

只有好少文章係講到BB大個後，可以同正常小朋友一樣。令我覺得發展遲緩係好難變好，依家我同好多媽媽一樣，等評估，之後等排E、I、S位。

依件事令我更了解自己，原來係咁脆弱，EQ低同無愛心。我已經同老公有爭執，未有BB前我地根本好少有磨擦。因為大家心情都唔好, 所以好小事都放得好大, 再咁落去, 我唔知仲可唔可以放更多心力去幫BB。因為我連自己都搞唔掂!!

myboyjon

好有同感 。 有時候 ，醫生，先生，家人講D唔arm听的话 ，会好氣餒 ，心情好差 ，係咁喊喊喊。 同老公也有爭執，but我覺得老公一样承受份工，BB壓力，要體諒佢既感受。女人find it easier 去面对BB有事。remember 老公係你精神支柱同战友, sit down and have a chat with him.

原帖由 atty 於 08-11-3 11:54 發表
依件事令我更了解自己，原來係咁脆弱，EQ低同無愛心。我已經同老公有爭執，未有BB前我地根本好少有磨擦。因為大家心情都唔好, 所以好小事都放得好大, 再咁落去, 我唔知仲可唔可以放更多心力去幫BB。因為我連自己都搞唔掂!!

szeszebetty

slh
原來你囡囡已經進行過咁多test，但都係唔知點解．
如果係咁可能有d野真係無人可以解釋得到......


sammitai
你排左政府幾耐？記得社工講過，大約排一年左右都會有位．
你可以再聯絡下社工，睇下有無其他方法幫你，或者排埋S位．

atty
起初我知道個女係發展遲緩，都唔開心過一段日子．
但後來想通左，個女雖然係比正常小朋友慢．不過一直都叫做進步緊，我地應該一家人同心合力咁幫佢，照顧佢，教導佢
你都唔好氣餒呀！
如果真係好唔開心，搵社工傾下．你仔仔好需要你地的支持．

Noemie

各位、
請不要放棄、因為我們子女的進歩是要靠我們的支援、我們是他們的支柱、我們所做的一切、他們是感受到。小女已経１３歳了、但我仍会不停地選擇適合她的訓練。希望大家継続努力、不要放棄。
主会祝福大家！