大個囝!大個囡!升班喇~~九龍禮賢幼稚園k2

Allie

glory,

你唔記得軒軒係大仔咩?  佢大過樂樂幾個月, 所以佢咪會好d 囉!  不過我最近睇左本書(呢排成日睇育兒書),  佢話小朋友依賴係大人做成ge!  我覺得幾arm, 我們愈緊張愈容易插手, 結果小朋友都懷疑自己能力, 就希望更多幫助, 惡性循環下愈來愈依賴!  但係我識講唔識做, 對住阿女我都無哂辦法!

"一想起又要重頭來過就好怕無勇氣再生多一個"  --> 十分十分同意!  而家見到d 人帶bb 出街左一大袋用品, 右邊一架bb 車, 見到都慶幸已過了那個階段!

Allie

yukmama,

妹妹同哥哥好似樣呀!  妹妹而家幾大呀?  你返工未呀?

係呀, 湊兩個真係辛苦好多好多!  但又有另一種樂趣.

glory

Allie
我好同意~~小朋友依賴係大人做成, 諗番起樂樂既倚懶都係我地對佢既習慣, 真係要學識多d放手, 好似食飯為例, 開頭佢都會自己'筆', 但筆筆下就停晒手, 跟住我又睇唔過眼幫佢筆, 好多生活細節我都係睇唔過眼幫佢做, 我又要試下放多d手等佢自己來至得, 謝謝你呀))

yukmama
稀文個名好好聽呀, 每次見振易同妹妹張相, 就覺得哥哥好似有妹萬事足咁 努力呀)))開頭可能辛苦, 因要湊大湊細, 但我相信有兩兄妹, 又會有另一種樂趣

yykid

glory 寫道:
Allie
軒軒好乖呀, 識得自動自覺, 尋晚寫個山字, 第一筆寫落黎時, 樂樂只係望住我, 想我話佢知幾時要停, 又唔望本簿, 成日寫都d字歪歪斜斜, 寫字好無信心, 倚懶性好大 :-|
你講得又好岩<生一個就父母開心, 生兩個就小朋友開心>, 其實阿仔大左暫時可以鬆一口氣, 除了功課上, 無了bb時期那種擔心, 有時放假時還可計劃下去邊樹玩, 一想起又要重頭來過就好怕無勇氣再生多一個
點解今日咁小人既, 成個下晝得我同你
禧媽媽呢兩人都無出現喎

Glory
Agreed.  Anson is exactly as Lok Lok when doing homework

katieman

你地有無睇今期親子便利??
有一篇文章講"勿做野蠻媽媽"...正正係我地呢排講緊o既 :

我個女可能之前寫字比我鬧得太甘,同埋我會佢一邊寫我又一邊擦佢d寫得唔直o既字,所以佢宜家日日都自己做晒功課等我返黎,因為我唔係一路睇住佢做時,就算返到去見到佢寫得唔好我都冇心機擦,求其話佢兩句就簽名...
:

Allie

大家早晨呀!  今日我第一!

glory,
大家互勉啦!  我好多時都係識講唔識做架!  尤其是阿女出名慢, 做咩都慢, 我話無忍唔住幫佢就"握"你ge!

昨晚帶住一個好平和的心情同阿女睇功課, 又好似好好多喎!  所以話呢, 個問題係父母度多個係仔女度!  希望我keep到咁樣啦!

katieman,
係?  有無d 精句/方法可提點下呀?

katieman

allie,

有呀,都想打比你地睇,不過我宜家忙緊,下午打出黎~

Allie

katieman,

無問題, 我會好有耐性咁等你架啦!

glory

早呀)))

尋日我開始放多d手比阿仔自己做, 好似做功課咁, 我地行到老遠, 只係耐不耐'裝下佢有無專心, 到佢做完先走埋去睇下寫成點, 其實d字就真係好唔靚, 但我都笑笑口讚佢寫得靚, 又話佢乖自己寫好功課(按住良心), 再問佢邊d字要刷, 樂樂竟然好開心, 係樹跳跳下, 我諗果刻佢都有成功感

Allie
都唔錯播, 尋日算是成功左, 恭喜你

katieman
等你   

Allie

glory,

你成績重好過我喎!  你又開心, 樂樂又開心!  最主要是佢見到自己可以完成到, 好有滿足感同成就感!  你話d 字靚緊要d 定係阿仔的自信緊要d 呀!  我聽過人講話如果媽媽時常陪同小朋友做功課, 無論做得好壞對錯, 個小朋友都會覺得係媽媽的功勞or 過錯!  做得好佢又唔覺得係自己叻, 做得差佢又覺得係媽媽責任!  當然唔陪佢做功課唔等於佢有疑難時我們就手旁觀啦!

今日阿仔又有點咳, 可能天氣太乾了吧!

glory

Allie
嘻嘻, 我同你都坐言起行, keep 住呀
你又講得好對, 媽媽陪做功課只會養成習慣, 我都要切記
可能天氣開始乾燥, 提軒軒飲多d水丫

尋日茶點, 我放了幾條蔬菜蝦條去茶點盒, 樂樂話我知佢唔知點解d蝦條有綠色野係樹, 謝老師經過問老師點解, 老師話佢知係蔬菜 (大鄉里 )

Allie

glory,

哈, 樂樂又幾有求學精神喎!  唔明就問, 保証唔會亂放野入口!  

昨天陳老師打比我, 話仔仔係學校大便有血, 重幾多tim!  唉, 我都唔知點解, 其實佢好少去唔到廁所ge, 而且又有食好多生果, 都會咁!  其實近呢個月都間中有呢個問題!  昨天我老公又帶左去睇醫生, 同之前d 醫生講法一樣, 飲多d 水, 唔好食熱氣野同埋唔好飲奶粉!  始終都唔知咩事!  好擔心!

Woon-Woon

早晨各位,

glory

Allie
以前阿仔約一歲至歲半時都試過有軒軒的情況, 睇醫生話可能皮膚薄, d 臭臭硬所以逼損了, 試過一排又唔覺有, 一係諗下煲多些潤腸既湯水飲下(無花果瘦肉), 介清口, 睇下有無改善
阿仔好怕死, 細個時就唔驚佢擒高擒低, 大個反而樣樣都想試

woon-woon
上次同阿仔返大陸, 回鄉卡+回港證, 記得好似回鄉卡+passport都得, 不過唔肯定, 去邊樹玩呀?  

Allie

woon-woon,

我同你一樣呀!  有時看完育兒書呀, 聽完講座呀, 又會好一排, 之後又故態復萌!  所以我而家成日提自己睇多d 書囉!  有d 自己同知, 不過當係一個提醒囉!

去邊度玩呀?  真開心!  我個番禺之旅都唔知幾時先成行lu!
以我記得好似要 id card + passport + 回鄉証的.  因id ｃａｒｄ無相所以一係帶回港証，一係帶ｐａｓｓｐｏｒｔ．

Allie

ｇｌｏｒｙ，

無花果瘦肉？重要唔要加ｄ咩架？我唔係好識煲湯，成日都係ｃａｒｒｏｔ瘦肉咋！

我個仔就唔知死，成日撞到個頭瘀哂！佢細個影ｄ相，張張個額頭都瘀瘀黑黑的！

係呢，想問下你地ｄ小朋友會用ｃｈｏｐｓｔｉｃｋ未呀？

Woon-Woon

Allie, Glory
咁我唸都係帶定身份証同passport隠陣

Allie

woon-woon,

嘩, 咁你記住影多相返來比我地睇下啦! 間屋咁大可以同媛媛玩捉"衣""人"了!  咁你玩得開心d 啦!

多謝你提意, 我而家同佢試緊飲鮮奶, 不過佢都係鐘意奶粉多d, 或者又試下轉奶粉先!

瀅瀅媽咪

Woon-Woon
嘩!好開心wo, 之前都聽伯母講妳地會去大陸玩, 伯母話妳好神秘, 唔知去邊間酒店, 我話可能比個驚喜妳la,  視察完環境返來話番比我地知
講開大便問題, 完來除了我女外, 完來妳們的小朋友都是這樣的, 瀅瀅其實由1個月已經有這問題, 因為我女唔足月出世, 耍食d特別奶粉, 初時4-5日都冇大便, 大下大下有時幾日一次去大便都有血, 因為我女唔食菜同水果, 所以比多湯佢飲, 現在好好多了, 雖然不是日日有大便, 不過出血問題小了些

pccheng

Allie,

用雪梨南北杏無花果同瘦肉煲湯, 可以潤肺潤腸.

小朋友會用ｃｈｏｐｓｔｉｃｋ未呀？~用左兩三個月la.

Allie 寫道:
ｇｌｏｒｙ，

無花果瘦肉？重要唔要加ｄ咩架？我唔係好識煲湯，成日都係ｃａｒｒｏｔ瘦肉咋！

我個仔就唔知死，成日撞到個頭瘀哂！佢細個影ｄ相，張張個額頭都瘀瘀黑黑的！

係呢，想問下你地ｄ小朋友會用ｃｈｏｐｓｔｉｃｋ未呀？