中學學位分配(完)

kiwaiwong

聽完你講，好似明白多了。 Thankyou !

櫺囹桼 寫道:
[quote]
kiwaiwong 寫道:
007，謝謝你的見解, 如在本區(九龍城) 想入女校, 但女校好像全都有直屬小學, 是否機會較微?

kiwaiwong：
傳統名校大多數都有聯繫 / 直屬小學…所以可以放出嚟學位唔多(多數不能高達30%上限…)而家長又趨之若鶩(一般1:10以上…)，競爭情況係可想而知！如果只係成績優秀而冇特殊技能(如具代表性之獎項…)，或在面試中未能脫穎而出…成功不易…！
或者可以利用一下“兩個”自行分配學位…一間揀一線心儀女英中(MCS、協恩…等)、一間揀比教低調又冇咁熱門之女英中(真光女書院、聖家…等)一試！
007

[/quote]

櫺囹桼

Marco-ma 寫道:
007，

真係好多謝你咁有耐性解答我地呢班媽咪嘅問題   

我囡囡在大埔讀小五，成績應能保持在全級十名內，
原打算報迦密柏雨，但有剛升讀的同學覺得太死板，
和小學比較沒有什麽課外活動，很悶。

於是再諗莫壽增，琴日去完學校參觀對校舍"硬件"
有點失望，"軟件"方面校長話五十多位老師有
四十多位在校授課超過十年 ~~ 係好定唔好？？

大埔仲有邊d選擇？

如果出沙田區，又可以選邊間唔係死谷成績？
呂明才有小學，係咪一定唔好博呢？？

好多問題，希望指點指點 :

Marco-ma：
1)最近好多地區名校之會考成績有超越傳統名校之感覺！(去年柏雨會考摘198個A、而莫壽增亦摘136個A…)…個人認為唔多唔少都係靠催谷及犧牲一下課外活動…
2)至於老師問題，老嘅經驗足教法古老、新嘅老師經驗不足教法靈活(有辣有唔辣…)。
3)課外活動唔一定要學校舉辦..只要家人支持(假期時放下書本...)，坊間都有好多活動可以調節身心...甚至於家人一起同樂..更易親子也！
4)小朋友才小五，唔使太心急...而且大埔區英中派位率高...繼續由佢開開心心完成小學課程罷！

007

Marco-ma

櫺囹桼 寫道:
1)最近好多地區名校之會考成績有超越傳統名校之感覺！(去年柏雨會考摘198個A、而莫壽增亦摘136個A…)…個人認為唔多唔少都係靠催谷及犧牲一下課外活動…
2)至於老師問題，老嘅經驗足教法古老、新嘅老師經驗不足教法靈活(有辣有唔辣…)。
3)課外活動唔一定要學校舉辦..只要家人支持(假期時放下書本...)，坊間都有好多活動可以調節身心...甚至於家人一起同樂..更易親子也！
4)小朋友才小五，唔使太心急...而且大埔區英中派位率高...繼續由佢開開心心完成小學課程罷！

007

多謝您的意見，007！

嘜我好緊張咩？但係好多小五媽咪同我一齊研究緊喎！
等我放鬆D先    

Anyway, 真係唔該哂

chanms

007 & 各位家長：

可否給些意見？
我和兒子已有一間目標官校，差不多非入不可，不過要等到明年7月才知結果。

現在，我應該要報定直資，獲取錄後就拒絕offer。然後，等7月中央結果公佈後，未如理想時，再返去先前取錄兒子的直資中學求情？

還是，完全唔報，等7月中央結果公佈後，才去報心儀的直資呢？

請各位給些意見     

One-One

007, 你好. 小女就讀南區田灣始南小學, 屬區內band 1小學. 第一次呈分試全級5/196. 第二次呈分試全級21/195. 在自行收生中報了津貼的聖士提反女子中學, 庇理羅仕女子中學, 直資的聖保羅男女中學, 聖保祿中學(禮頓道). 是否過份偏向太困難的中學呢? 女兒第一志願是津貼的聖士提反女子中學或庇理羅仕女子中學, 其次才是直資的聖保祿中學. 如此報讀會否影響將來的攪珠派位? 因為所報的都不是區內中學. 勞煩解答. 謝謝!

hehe22

櫺囹桼

多謝你的解答! 我都好想我仔做番"平凡人", 所以我不會著重找一所資優學堂給他, 只是怕入到一所中學D人當佢怪物!你所講既A君同B君佢都幾相似, 不過已經比小學"玩"到唔多似"怪物"了! 你所講你女兒那班"恐佈人"係中學生??

lambbma

007,

如屬band1頭至中(約全級1X/160),沙田區.  應報邊兩間.  聖公會TST有冇機會?  請俾d意見.

另對體育有興趣(因係男仔, 鍾意無時停)曾代表學校參加比賽但無得過獎, 報體藝有冇機會? 但又覺得體育係香港冇得發展同會好辛苦(驚兩頭唔到岸). 點算....    

櫺囹桼

chanms 寫道:
007 & 各位家長：

可否給些意見？
我和兒子已有一間目標官校，差不多非入不可，不過要等到明年7月才知結果。

現在，我應該要報定直資，獲取錄後就拒絕offer。然後，等7月中央結果公佈後，未如理想時，再返去先前取錄兒子的直資中學求情？

還是，完全唔報，等7月中央結果公佈後，才去報心儀的直資呢？

請各位給些意見     

Chanms：

1)《差不多非入不可》...細嘅有咁嘅諗法=天真，但大嘅都係咁諗…假如、萬一、唔好彩、唔覺意、不幸地…派唔到…又點算呢？
2)如果有直資考完唔簽名放棄派位，叩門時又隨時收番：
a)“非君不嫁”…唔收你個仔唔得！
b)呢間學校好打有限…我就唔會要！
3)祝你困囝好運！

007

櫺囹桼

One-One寫道:
007, 你好. 小女就讀南區田灣始南小學, 屬區內band 1小學. 第一次呈分試全級5/196. 第二次呈分試全級21/195. 在自行收生中報了津貼的聖士提反女子中學, 庇理羅仕女子中學, 直資的聖保羅男女中學, 聖保祿中學(禮頓道). 是否過份偏向太困難的中學呢? 女兒第一志願是津貼的聖士提反女子中學或庇理羅仕女子中學, 其次才是直資的聖保祿中學. 如此報讀會否影響將來的攪珠派位? 因為所報的都不是區內中學. 勞煩解答. 謝謝!

One-One：
望女成鳳係合理嘅…方圓幾公里之名校差不多都畀你囊括了…想當積極進取！
聖保羅男女中學去年有1,340人報名(有90個學位…收生率14.9:1)…其餘名校都應該有幾百人報名…同樣收生率亦接近10:1！不是說沒有機會…不過亦要睇埋其你囡囡其他條件、面試情況及其他對手！
1)自行分配學位唔會對大抽獎有任何影響！(西貢區得1001間津貼英中，唔出外求都唔得啦！)
2)南區英中比率相當低　(舊年英中指數為8.71，即是2.9個band１生爭一席英中．．．)，相信屆時填表時∼你仲更加頭痛！
3)祝你囡囡好運...名校一擊即中！

００７

櫺囹桼

hehe22 寫道:
櫺囹桼

多謝你的解答! 我都好想我仔做番"平凡人", 所以我不會著重找一所資優學堂給他, 只是怕入到一所中學D人當佢怪物!你所講既A君同B君佢都幾相似, 不過已經比小學"玩"到唔多似"怪物"了! 你所講你女兒那班"恐佈人"係中學生??

hehe22：
陳奕希都係讀band３學校...所以唔一定名校先可以栽培到資優生！
我囡囡今年F3了！

007

櫺囹桼

lambbma 寫道:
007,

如屬band1頭至中(約全級1X/160),沙田區.  應報邊兩間.  聖公會TST有冇機會?  請俾d意見.
另對體育有興趣(因係男仔, 鍾意無時停)曾代表學校參加比賽但無得過獎, 報體藝有冇機會? 但又覺得體育係香港冇得發展同會好辛苦(驚兩頭唔到岸). 點算....    

lambbma ：
今年有2個自行分配學位機會...TST當然一試、第二間可揀低調少少之英中...

再有興趣加埋體藝(體藝唔計quota合共3間)↓

體藝唔係放棄文法教學(除體藝堂數比一般學校多之外，其餘課程一樣...)，佢係強調一生一體一藝...從艱苦訓練體驗人生...第日易於面對/克服困難！(真係要刻得苦耐得勞先好報讀...)
體藝要in2次，第2次要考體藝...所以就算有獎牌~唔一定收；反而有潛質又唔同！

就算都唔得...沙田派位也相當理想！


007

One-One

謝謝 007!

vivi_vivi

007,

好多謝您對我哋呢班待產 (等待升中) 媽咪的支持，經常不厭其煩咁提供一啲好實用ge 資料同意見俾我哋，希望您能夠續咁支持我哋啦。

其實，我都曾經問過有多關於深水埗網ge問題，而家我又有問題喇。按以往ge記錄，深水埗網摘英中ge比率都幾理想，如果係男仔ge話，策略上如果係大抽獎度放英中男校係首志願，機會率也很大，但係今年較以往ge形勢有好大唔同，英華書院將以一條龍收英華小學，而根據資料，英華小學今年約有5班6年級學生，七除八扣之下，剩番2x 個位將會放係大抽獎度，如果係咁，對於一啲冇庇蔭ge band 1 男仔，入英中ge 機會率咪會細左好多 ，事實上，區內男女校英中只廖廖可數，如果係咁，咪真係 ，唔知可唔可以提供一些選校策略呢 (無論自行或大抽獎)？
相對嚟講，如果囝囝轉去觀塘網是否機會會大些呢 (雖然觀塘網摘英中比率約為6，比深水埗幾乎高出一倍)
  

櫺囹桼

vivi_vivi 寫道:
007,

好多謝您對我哋呢班待產 (等待升中) 媽咪的支持，經常不厭其煩咁提供一啲好實用ge 資料同意見俾我哋，希望您能夠續咁支持我哋啦。

其實，我都曾經問過有多關於深水埗網ge問題，而家我又有問題喇。按以往ge記錄，深水埗網摘英中ge比率都幾理想，如果係男仔ge話，策略上如果係大抽獎度放英中男校係首志願，機會率也很大，但係今年較以往ge形勢有好大唔同，英華書院將以一條龍收英華小學，而根據資料，英華小學今年約有5班6年級學生，七除八扣之下，剩番2x 個位將會放係大抽獎度，如果係咁，對於一啲冇庇蔭ge band 1 男仔，入英中ge 機會率咪會細左好多 ，事實上，區內男女校英中只廖廖可數，如果係咁，咪真係 ，唔知可唔可以提供一些選校策略呢 (無論自行或大抽獎)？
相對嚟講，如果囝囝轉去觀塘網是否機會會大些呢 (雖然觀塘網摘英中比率約為6，比深水埗幾乎高出一倍)
  

vivi_vivi：
不用客氣…養兒一百歲，長憂九十九！而家與生“半打“起年代完全唔同…以前“半打”時代，天生天養…做父母唔使點奔波、煩惱、掛心…都有一兩隻跑得出！而家...好似我咁…得一件！就好似得一支筆…壞左就冇spare、冇得寫添

深水埗英華轉左一條龍…係會少左啲學位…不過競爭又細左啲！(當然不是相對…)好多傳統名校區之英中都係間間有直屬 / 聯繫小學…可以拎出嚟抽獎嘅都係“濕濕碎”加埋加埋…佢哋年年都係咁樣揀中學！

所以如果計過官塘有著數(數係死，人係生…用番舊年資料逐間計band１男仔位、升中生…兩區比較之下！)…係可以跨返官塘嘅！…不過個人建議唔使太急→密切留意最新中學一覽表幾時公佈…再留意最後申請跨網日期…再決定未遲！

007

vivi_vivi

007,

唔該晒你ge意見。

crystalwesley

hi　007

本人有事一問. 我是元朗區的. 如果我的兒子是band one 中. 我在luck draw 的時候安排選中學名次的時候.第一間是心怡的英中.而選第二間的時候是否要保守一點而選一間band one 的中中呢? 請幫忙給我一點意見吧!   

yygoodo

Dear 007,

你簡直係我們的明燈, 多謝晒你既指點!
    
不知你可否給予我一些意見
囝囝現在小六, 算是Band one 頭, 每次考試都會是全級頭三名(但今年六年級成績表変左冇名次), sports都o.k., 田徑,足球及乒乓球都是校隊, 但music就死到庳! 佢間學校係普普通通既街坊小學, 唔知可唔可以在自行嗰轉博一些勁d既學校:

策畧一 :        1st choice 九龍華仁書院
                2nd choice 長沙灣天主教中學 (band one中至尾英中)

策畧二 :        1st choice 英華書院
                2nd choice 長沙灣天主教中學 (band one中至尾英中)

請提點!
    

hazelsin

Dear 007,

007,
   
不知你可否給予我一些意見
小兒現時小六,全級頭五名內(唔清楚實際名次)，屬黃大仙區，希望可入英中，區內英中有五間，其中有二間是女校，男仔的機會相對少D，而老師俾唔到意見(新老師)，在選兩間自行中學時，跨區的機會比較大嗎？囝囝好多同學跨區選沙田，我唔知

櫺囹桼

crystalwesley 寫道:
hi　007

本人有事一問. 我是元朗區的. 如果我的兒子是band one 中. 我在luck draw 的時候安排選中學名次的時候.第一間是心怡的英中.而選第二間的時候是否要保守一點而選一間band one 的中中呢? 請幫忙給我一點意見吧!   

Crystalwesley：
元朗去年得904個英中學位(區內769+區外135…)，而區小六生就有8,667人(band1生佔2,889 人…)，所以選校策略唔能夠好似傳統名校區咁→1、2、3、4都填哂英中！(粗俗一點講：睇餸食飯！)

個人估計第一志願已經派完所有區內英中學位…(隨機編號可能仲係要2,000之前…)…所以第二志願入到英中都可能係區外一兩個 / 唔就腳之學位！

如果抽獎運好嘅又夠膽色，第二志願亦可揀間區外英中，不過第三志願就唔可以揀band 1中中…(因為萬一前兩志願都唔中…你就要認命！如果唔係：你三志願也比人高一級 + 一個唔好彩…派去六、七、八..打後志願就慘了！)

007

櫺囹桼

yygoodo 寫道:
Dear 007,

你簡直係我們的明燈, 多謝晒你既指點!
    
不知你可否給予我一些意見
囝囝現在小六, 算是Band one 頭, 每次考試都會是全級頭三名(但今年六年級成績表変左冇名次), sports都o.k., 田徑,足球及乒乓球都是校隊, 但music就死到庳! 佢間學校係普普通通既街坊小學, 唔知可唔可以在自行嗰轉博一些勁d既學校:

策畧一 :        1st choice 九龍華仁書院
                2nd choice 長沙灣天主教中學 (band one中至尾英中)

策畧二 :        1st choice 英華書院
                2nd choice 長沙灣天主教中學 (band one中至尾英中)

請提點!
    

Yygoodo：
囝囝成績已屬難能可貴之列…恭喜！基本上揀咩中學都冇咩問題！
三間中學都好，又唔係死讀書、壓力也不算大：
1)九華雖然近年成績有點下滑，但無損其江湖地位！…因為他雖貴為傳統英中，但一直以來都係平民天堂！無需要以摘多少個A來保持聲譽…學校係希望學生可以可以在多方面都有所成就…所以收生準則夠全面：“學習動機、態度、成績、禮貌、口才、合群性、責任感、獨立思考、父母支持、服務、運動、音樂、各種突出表現、獎項、獎學金等。”
2)長天亦係一間區內名校…學生質素不俗，校風良好，課外活動亦頗活躍！
3)英華書院好似轉了一條龍(留意有幾多位可以放出嚟…)...收生似乎著重學生成績！
自行分配學位，無絕對方程式…因為就算成績、體藝好...都要睇面試表現…所以最好有時間帶同囝囝參觀以上學校(有開放日更佳…)…等佢決定！(佢喜歡→面試時就會信心大增也！)

007