一呂現家長 / potential 家長會

Homama2004

今晚會一家人去睇(小孩不笨2. )9點50分0個場...做夜精實行大把位... 哈哈！
>咁開心!
"你"記得帶定紙巾抺眼淚呀
如去新城市可以一到二樓新裝修後的商務,大了很多.可惜沒有星光行/德福那兩間的座位.

candytl

homama,

好欣賞你對兩個囡囡的"賞識教育", 我要多多向你學習!!(好真心地講)

潯晚睇星島有講黎過topic, 其中有段"四粒糖的故事", 我睇后好受啟發. 故事大意係有位同學打人, 被校長見到喝止, 並叫他放學后入校長室, 校長見到佢, 遞過第一粒糖同佢講: 這粒糖係獎勵你守時, 准時來見我. 個男仔好驚訝.  校長攞出第二粒糖, 「這是獎你的, 剛才我不准你打同學，你立即停手,可見你很尊重我.」接着, 校長再掏出一粒糖放到男生手裏, 說:"我調查過,你出手打人,是因為那同學欺負女同學,你只是代女生出頭,說明你很有正義感, 這粒糖是獎勵你的." 聽到校長的話, 個男仔好感動, 懇切地向校長道歉, 並答應以后再不打人. 校長拿出第四粒糖, "你能夠承認自己的過錯，是勇氣的表現，我再獎你這粒糖, 現在你可以走了."

alice,

"有要求係好...但係要適當囉..對兩者都好.."----我會緊記, 時時提醒自已架喇, 我黎頭話要檢討, 轉頭又來, 最該罵過個係我呀!!
　　

alicetong

candytl,homama,早晨呀..

尋晚一家人睇到眼濕濕...真係笑中有淚？估唔到先生仲厲害過我...哈哈！我真係睇到有我鬧仔女0既影子呀？老實講為人父母加埋工作壓力,仲要係晚黑以有限時間去處理小朋友功課、情緒....又點會有好心情呀？...成日以我地大人0既眼光去要求佢地？相比之下我係同樣年紀都未必有佢地咁醒目同識咁多野....有時雖然明白,識得講但未必做到,做得好..主觀多於客觀...希望大家互勉之？多d提點我呀.....

"四粒糖的故事", 真係值得我地去反思...對一件事？處理手法不同..出0黎0既效果截然不同呀？...我對仔仔0既態度應該改變...多d舉手指公讚佢..而唔係鬧佢呀？... :

Jammy_pang

Thank you for your opinion.  My daughter is promoted to K2 this year.  Do you know which school is better ? 呂小 / 浸信會沙田圍呂明才小學 ? I like 呂小 more as the communication between teacher and parent is closed, but I am afraid that there is great pressure from P.3 ....  Please advise.

candytl

Jammy_pang ,

我認識嘅人中, 有人揀一呂, 有人揀沙呂. 學術成績如果以升中為重要指標, 咁兩間都差不多, 校舍就沙呂占優, 至於校長主任老師如何, 除非係兩間小學都讀過, 唔係都幾難比較. 不過, 有一樣相信兩間都會有, 就係每間學校實有些好的&唔好的老師.

Homama2004

Jammy_pang ,
Candy 說得對: 每間學校實有些好的&唔好的老師,猶其準貼學校,沒有炒人的制度,所以有些老師真是做又...不做又是.....

Candy & Alice,
昨天抱悉在家,一整天沒有上BK.不知甚麼原因我用不到PM.這是中大地圖供你們參考到音樂會的場地:  http://mmlab.itsc.cuhk.edu.hk/cm/campusmap/img/cumapa4.pdf (Location Code: C1a, Building Code: C1)

Alice,你老公都幾感性 ,我老公沒有眼紅還指出了戲中一些不會邏輯的情節.

Candy,多謝你四粒糖的故事,我會多加使用.

candytl

ALICE,

你今個暑假去唔去珠海玩呀, 我想去渦, 你有乜地方好介紹?
我好多年前去過一次, 我諗宜加唔同晒囉.

Homama,

你身體冇事嘛! 唔該你張地圖.
近黎一年, 我大女抵抗力差咗好多, 好易傷風感冒, 我家菲傭又係, 佢兩個同埋一間房, 是但一個病, 另一個也跟住病. 好煩惱, 以后請工人都要請個身體好嘅先得. 聽講食鱼肝油可增强抵抗力, 宜加我每日都叫兩個女一齊食, 不過最好嘅辦法都係多做運動, 所以今個暑假, 我已下决心放工后帶我女跑步. 星期六, 日游水.  

alicetong

Homama,Candy

暑假我想去濕地公園同昂平360行下.....
妳地有無興趣呀？

alicetong

Candy,
多謝妳..d帶我錄完0拿？可以安排比返妳...點書時無意中見到有隻關於樂理光碟..可能我地都0岩用架??

alicetong

Homama,Candy,
我呢排好忙呀？每年一度盤點開始..好在有學生幫忙咋....

Homama,
妳無野呀麻..呢排天氣唔好？真係要小心身體..大家都要多加保重呀？
佢都算係0既..或者細個時媽媽唔係身邊單親又會感觸多d囉..
唔該晒妳張地圖呀？希望我安排到時間去啦....

Candy,
其實我都好少返鄉下..不過每年重陽節都會同家人返去掃墓,今年暑假應該都會去大陸短線旅行0既..或者澳門都好多年未去過...暫時都未知去邊度玩...或者會返樟木頭行下..我地有間渡假屋係度..不過都好多年囉？一年都返唔到去幾次..每次抹塵抹餐〝蒙〞..搵自己笨...哈哈哈！

Homama2004

濕地公園同昂平360 >
都有興趣去,但想在天氣沒有那麼熱(如11月/3月時)才去.一定會安排去迪士尼+迪士尼酒店住番一晚.今年沒錢去旅行便去迪士尼算啦!!

candytl

考完試后, 每日返學3個鐘, 都係玩玩下, 小朋友好happy.

潯睌見我女攞出兩張抄滿晒謎語的A4紙出來考爹哋, 我好奇怪, 問佢點解寫咁多字, 佢話今日返學要玩估謎語遊戲, 所以要寫多啲謎語考同學, 我話使乜咁辛苦啫, 你帶本書返去咪得囉, 點知佢話驚本書唔見渦, 都係抄好啲
唉, 我唔知好笑定好怒, 唔怪之潯日下午叫佢練琴時, 佢遲遲唔練, 仲話好忙啦.
我諗起"四粒糖故事", 立刻贊佢:你好愛惜書渦!!
哈哈, 宜加想起, 都覺潯晚自已贊佢時有小小違背"良心".

candytl

alice,

"點書時無意中見到有隻關於樂理光碟..可能我地都0岩用架??"-----啱用呀, 可唔可以copy?

下個月去迪士尼一張飛任玩三個月, 到時先去埋昂平仲好.
濕地都係遲啲, 我同事話宜加周六, 日好多人.

等我搞掂兩本書再約你交收.

alicetong

大家早晨...
Homama,
咁又係..上次我端午節去雖然廸士尼落住雨....走來走去都好鬼熱..影d相出0黎油光滿面..同秋冬天去係兩回事？
其實海洋公園都有興趣去睇下水母館...遲d無咁熱先啦！哈哈！貝貝仲未入住濕地公園呢？
妳會唔會同女女去睇鋼琴音樂會呀？...

candy,
無問題..我copy隻比妳呀？希望ok啦..
錄音帶可以聽日比番妳..copy妳ok先..唔急架！要勞煩妳就真...
係呀？聽晚我同仔仔都有興趣睇鋼琴音樂會..不如約埋一齊去好嗎？一於妳做盲公竹..我忙到無時間細心睇資料呀...

candytl

alice,

勞煩你!
咁我哋約7:30pm係大學站中大個出口等.

Homama2004

Alice, 相信你是教協會員.有舊同事在午飯時和我講電話,講起原來教協會員住迪士尼酒店有九折呀!
http://www.hkptu.org/_welfare/ticket/disneyland.htm

多謝兩位問候,沒有發燒,但喉嚨還是痛到飛起!!

海洋公園都有興趣去睇下水母館 > 同事朋友去過話有少少搵笨,排兩個鐘,睇五分鐘.只是像個比旺角金魚街內大魚缸大小小的魚缸.聽完我都打消去的念頭. 去前都係問多些人好些呀!

妳會唔會同女女去睇鋼琴音樂會呀？ >都在安排時間,未肯定!你哋可能都見到些呂小師兄師姐呀! 我也通知了一些比較熟的媽咪.

Alice & Candy
pls check PM

alicetong

Homama,
〝教協會員住迪士尼酒店有九折呀!〞係咩..我都唔知喎？應該佢唔會check身份證0既.?..妳囉我張卡去訂未得囉....再唔係又或者我幫去book睇得唔得？妳問清楚再話我聽呀......唔好客氣喎...

妳要小心保重身體呀？暫時唔好鬧先生同d女咁多...哈哈哈！

多謝提示..我大安主意,指意晒candy架0拿...

candy
〝咁我哋約7:30pm係大學站中大個出口等.〞一於咁話..不見不散..我搵唔到就打電話比妳啦！(我係未可以搭馬鐵定80k轉火車呀？)


  

alicetong

Homama,
原來所謂0既水母館要咁辛苦排隊先睇得5分鐘..真係未搞我咯...
其實教協都有好多優惠..例如訂電器、買文具種類又多較市面平...暑假有時間我地都可以約埋Candy去行下架.....

Homama2004

早晨呀! 兩位. 今晚記得帶件冷氣褸,演奏廳內的室溫有時幾低呀!

Alice,  謝謝!我都有教協証. 對呀! 我最近在那處買了一部三星洗衣機比豐X價平差不多一千圓呀! 我囡囡最喜去那裡買文具,有一種Pental 塗改帶6mm,好像唇膏樣子,非常好用,好像4.X.我每次去都會入定貨. 好彩我們學校五年級都未用原子筆做功課,如不是塗改帶用得更快呀!又多樣支出.

Candy, pls check PM

candytl

嘩, 係教協買嘢好抵渦 可惜我冇啦. 我連教協係邊處都未知.
你哋有冇經學校買vcd, 我潯晚已簽通告買, 超抵呀, 10張vcd只賣$100, 原價$680架, 每張vcd長55分鐘, 潯晚係電腦下截睇咗少少, 類似科普紀錄片,  非常不錯的暑期節目   

homama,

"今晚記得帶件冷氣褸,演奏廳內的室溫有時幾低呀!"------多謝提醒.  

alice,

你搭bus到沙田火車站去好啲渦. 你使唔使趕翻屋企接阿仔呀, 我會係新城市同我女會合后搭火車去.
今晚係大學站中大出口等, 不見就call我啦.