小五就黎第一次呈分.....需要正能量!

妹妹頭

回覆 little_yolky 的帖子

但係依4分係中文總分差4分, 係好緊要架, 反而如果讀本卷差4分, 就唔係好緊要, 因為再計埋%, 可能只係總分差0.X 分

妹妹頭

回覆 IloveJJ 的帖子

所以往往呈分一開始, 好多黑馬會跑左出來, 小心小心

little_yolky

妹妹頭 發表於 18-5-30 10:16
回覆 little_yolky 的帖子

但係依4分係中文總分差4分, 係好緊要架, 反而如果讀本卷差4分, 就唔係好緊要,  ...

唯有咁安慰佢啦, 唔通話你死喇, 得返6X咩, 仲要考呈一架, 等佢以為無乜嘢, 唔好打沉佢丫嘛。不過, 的而且確係比數學卷得6X好好多既。

little_yolky

妹妹頭 發表於 18-5-30 10:18
回覆 IloveJJ 的帖子

所以往往呈分一開始, 好多黑馬會跑左出來, 小心小心

希望阿女係其中一隻黑馬。當務之急係要保持身體健康, 近排真係熱到飛起。

Yanamami

IloveJJ 發表於 18-5-30 09:36
嘩，乜你咁誇張？
我自己份人從來無壓力，考筆試更從來無緊張，最緊張就係考琴、考車、考急救，但都唔會話 ...

調節方法係：多d諗下阿仔好处，多d感恩佢身体健康，多d為佢同你关係好而开心｡
我細女呈二间得－大病，怪病，來回睇趙長城医生6次，惊到鼻哥窿都無肉……果一刻真係只要有健康，話之佢考咩学校~

Yanamami

IloveJJ 發表於 18-5-30 10:44
咁我知佢好處。我只係想令自己唔好咁睇重得失

轉移focus. 你focus係得失上咪压力大~不过針唔拮到肉唔知痛……要失去先知重要……健康真係好重要｡經过果次我好化，好少再鬧女，有时激氣，同自己講，佢生勾勾健康企係我面前，乜都晤重要了｡

little_yolky

IloveJJ 發表於 18-5-30 10:26
所以我咪咁大壓力囉！
其實阿仔已比平時早溫得熟，但我都好驚咁

又話阿仔補咗習成績穩定咗? 仲驚乜? 阿大補咗數研之後, 我定晒喎, 真係一科數學可以頂住其他科既輕微失誤。萬能既數學。

little_yolky

IloveJJ 發表於 18-5-30 12:19
我打算cut咗佢了！我覺得無用，佢去做得hea。
而且，我唔係覺得佢會做得差過之前，只係莫名咁緊張，好似覺 ...

之前又話補咗好咗既?
其實唔駛咁驚喎, 因為我哋測驗多, 成績一直mon住, 無乜反常, 係有一兩個比平時好咗, 但唔多。書都係果本, 都係咁溫, 而且中英文你哋作文佔咁高, 好難突然爬升的, 係科數要小心D。


老實講, 溫書唔會有咩靈丹妙藥, 你話有幾名升跌, 就好正常啫, 唔會有好大改變的。變得勁, 係中游份子。好似阿大剛剛常識都勁跌咗, 人哋勁升, 咁唔係人哋爬頭, 係佢失準。我同阿大講, 當份卷好多人高分過你, 表示份卷淺, 但你無把握好, 所以俾人過咗你。我依家主要係睇實佢唔好病, 近日天氣好似玩人咁, 下個禮拜又話打風, 一濕身就好麻煩, 阿大好潺既。

smartcash

IloveJJ 發表於 18-5-30 08:00
下星期就考試，明明比以往早讀熟，但我都硬係覺得仲好多野未熟咁，尋晚瞓瞓下突然起身睇下阿仔幾時考音樂， ...

明天就考啦！我的心情反而放鬆左。要温的得同唔得都差無幾啦。我呢幾日要做的就係鼓勵佢，希望到時狀態ok啦！加油！加油！

littlelamlam

smartcash 發表於 18-5-30 14:45
明天就考啦！我的心情反而放鬆左。要温的得同唔得都差無幾啦。我呢幾日要做的就係鼓勵佢，希望到時狀態ok ...

係呀! 平常心啦, 我地緊張佢地可能壓力仲大, 盡左力已經好好, 加油

little_yolky

littlelamlam 發表於 18-5-30 16:23
係呀! 平常心啦, 我地緊張佢地可能壓力仲大, 盡左力已經好好, 加油
...

真係忙到無時間緊張, 九萬咁多嘢迫埋兩個禮拜入面做！

bbeasy25

我地一樣，已經考緊中英口試音樂，但仍然有quiz。仲有quiz出到好鬼難，攪到好多人唔合格，打擊自信。下星期開始考呈分，今天應該開始溫。大家一起努力，加油(emoji)(emoji)

ellako99

妹妹頭 發表於 18-5-30 10:18
回覆 IloveJJ 的帖子

所以往往呈分一開始, 好多黑馬會跑左出來, 小心小心

我最擔心就係呢樣

smartcash

jessiejy 發表於 18-6-5 12:38
今日終於考完了, 放工回家後可以有得睇下電視啦
仍然考緊或準備考的媽媽, 加油呀! ...

考完啦！考完啦！     

其他媽媽，加油呀！