我該如何做個母親

yfchoy

little_yolky 發表於 15-3-17 17:36
係呀, 我屋企果兩隻嘢係無乜承擔的。不過, 唔會只學半年咁少, 佢哋拖下拖下, 芭蕾舞都學咗3年先叫停, 妹妹 ...

小女都係跟妳的囡囡差唔多，冇乜上進心，又超級唔專心，但教過的老師都話佢係聰明，好多時教一次搞掂(專心唔hyper mode時)，這令我好難定到方法幫佢。佢學琴兩年半，沒有考琴試。因為一開始老公便表明只係為娛樂，本來從冇其望，但頭一年俾我迫佢每天練習至有明顯進步，囡囡亦由第一堂搖住個身嚟上堂到現在剛完成了二級考際比賽。當中真係有點扭曲了當初意願。當初囡囡係要求要學琴，四歲時開始學。我一直努力要求囡囡做到老師每堂要求，但實在很多時囡囡係唔願意去練，我講過無次冇心機學便唔好學，把老師的時間給其他小朋友(老師幾FULL下)，但囡囡又唔肯，我試過放手唔理，囡囡一時時肯做，但有時又做一撻糊塗，真的好嬲但都繼續學。一直唔對比賽有期望，但往往佢又做到我意料之外(由於佢常不專心，表演好飄忽，但可能因為佢從不太認真對待比賽，往往可以鎮定地彈。)老師說囡囡比賽真的有機會爆冷，因為佢會在彈琴時有感情，這是編不到人，但由於太抒發自己，有好多時要着重琴譜的要求時佢就會出事，今次的二級比賽我就同囡囡講，不要再想什麼技巧，就彈妳覺得抒服的感覺，雖然冇名次，但跟第三名都只係兩分之差(我知道兩分可以差好遠)，我已感到十分開心！老師亦跟我說囡囡是當天她的學生比賽中最高分的一名。不過，老師話由於由二級去三級時就一定不可以再懶惰，要認真練習。而囡囡仍然唔願練習(佢揀歌去練)，都唔知點算(老公就話一年唔得咪兩年，佢要既係囡囡對彈琴既嚮往，但我真係好難忍到佢唔肯練琴或唔認真去練)

little_yolky

yfchoy 發表於 15-3-18 17:08
小女都係跟妳的囡囡差唔多，冇乜上進心，又超級唔專心，但教過的老師都話佢係聰明，好多時教一次搞掂(專心 ...

我最大鑊係樂器係學校要求一定要學, 唔停得, 音樂仲要呈分。

yfchoy

little_yolky 發表於 15-3-18 17:14
我最大鑊係樂器係學校要求一定要學, 唔停得, 音樂仲要呈分。

咁我好彩小小，學校冇一定要求。

Heyheyjoyjoy

我問下聞下看下，發現阿仔被我預期識得多。有關不專心，就算我和他説敎，也周圍攪。

但被說教後不合作則是對不同人的反應，對有些老師是合作的。

我問tutorial的老師則說又專心又合作，check 他是否學識所教，他又識。

Heyheyjoyjoy

其實我不想管學校，只是如他是學校學不識，到底是能力問題（細仔），那應repeat；還是方法問題，那應轉校。

Heyheyjoyjoy

問題是：如果懂了，就不會不懂造功課，也不會在校造工作紙慢。
我想來想去也不合邏輯。

Heyheyjoyjoy

好提議。要試試。

Jane1983

回覆 Heyheyjoyjoy 的帖子

如果小朋友在校學咗吾識，家長在家教吓佢，都無所謂，最緊要小朋友最後是學識了。

zanezane

回覆 Heyheyjoyjoy 的帖子

我明你的困惑，我的做法係因小朋友們返學學得唔錯，見功課係佢地能應付的，才可只限時去訓練佢地。
你的case又唔係好同，佢在學校唔了解清楚功課要點先做到，咁在屋企會多好多困難，難再迫佢就會更無奈

zanezane

回覆 Heyheyjoyjoy 的帖子

咁可能佢真係未遇到個夾的老師。。。。老師咁睇佢，佢都好難喜歡老師。

MrBeast

Heyheyjoyjoy 發表於 15-3-18 20:35
我問下聞下看下，發現阿仔被我預期識得多。有關不專心，就算我和他説敎，也周圍攪。

但被說教後不合作則是 ...

可能係信心唔夠，怕做錯被責怪、又或無興趣、etc, 最簡單直接就是和當事人談心，對症下藥。

Nath

回覆 Heyheyjoyjoy 的帖子

我都遇過類似情況，K2 時老師都話阿囝上堂唔專心，貪玩，但當問佢問題時佢又答到。當時老師因為見佢係班中最細個幾個，所以都冇太過怪責。只係每有機會見到我時都會投訴下。跟著我就唯有不斷提醒佢上堂應有態度，幸好到下學期時見到有明顯進步。到左K3時我又嘗試放手，看看佢會如何表現。開學數月老師都冇聯絡我，屋企人每日接放學亦冇話聽見老師有咩事要我地跟進。咁我就以為一齊還可以。點知到家長日時，老師話阿仔都有d口頭交帶叫佢返屋企做既功課冇做，所以覺得佢唔專心，唔達標。咁我事後每天都問佢有冇家課冊以外既功課，咁佢又會講返出嚟。其實唔知佢係咪覺得呢類功課可做可唔做，所以唔問就唔講。其實如果老師早d話我知，等我跟下，就唔會攪到佢被歸類位唔專心，唔達標既類別。阿囝亦因此覺得老師標籤佢，唔多喜歡佢咁。老師知道佢有幾間唔容易考既小學有offer時，都有d唔相信咁。
自此我都唔敢咁放手，唯有長氣d問多d。希望到小一時佢大個d，可以做得好d。

Jane1983

回覆 Nath 的帖子

幼稚園都標籤小朋友！小朋友覺得老師吾鍾意佢？
聽咗個心都吾舒服，學前教育真係愛心為主，學術為副，幫助小朋友打好基礎上小學，吾係咁卦

Nath

回覆 Jane1983 的帖子

所以我知道之後個心都有d唔開心，覺得好似自己跟得唔夠，令到阿囝被標籤。雖然經過一個月既跟進，阿囝返嚟都有話老師讚佢有進步，但我知道佢都仲係覺得老師唔多錫佢。不過好彩佢好鍾意英文老師，同學關係都好，所以都个好鍾意返學。我都同自己講，阿囝唔係嗰種會討好老師或識時扮乖既人，預期上到小學都有機會再發生類似情況，唯有自己多d同老師溝通，幫手補下底囉。

Jane1983

回覆 Nath 的帖子

好彩小朋友仲鍾意返學。
如果升果間係比較傳統的小學，初頭自己跟緊d都好。教小朋友自理，承擔讀書的責任，家長放手都有一個過程，慢慢來。

little_yolky

Nath 發表於 15-3-19 10:42
回覆 Heyheyjoyjoy 的帖子

我都遇過類似情況，K2 時老師都話阿囝上堂唔專心，貪玩，但當問佢問題時佢又答 ...

唔好意思, 唔好怪我話你幼稚園老師簡直係神經病, 唔好話幼稚園, 就算小一小朋友, 寫埋手冊都做漏功課啦, 何況口頭。我哋學校每日會依猫日誌俾家長, 有功課會寫埋落去的。
可能男仔+細B係要跟多少少, 你努力D跟下、放下, 咁希望小一二就可以放多D手。

little_yolky

Jane1983 發表於 15-3-19 10:56
回覆 Nath 的帖子

幼稚園都標籤小朋友！小朋友覺得老師吾鍾意佢？

唉, 真係

我哋學校幼稚園幫小朋友打好既小學基礎係：自律、自理、自信、閱讀習慣, 係咁多。學術老本食到小一下學期就無了, 但呢D老本, 長食長有。

MrBeast

回覆 Heyheyjoyjoy 的帖子

仲有可試下 catch them doing the right things, 捉到就當然要讚下和肯定佢的努力

Nath

回覆 little_yolky 的帖子

可能真係男仔+細b 啦，唯有暫時跟緊d啦。其實我唔介意佢唔得竉，自問自己讀書時都唔係呢type，但我就好擔心會影響佢既自信，所以成日都有鼓勵佢，係屋企都努力訓練自理同專注。其實真心覺得老師咁樣就好容易令家長變成'怪獸家長'

little_yolky

Nath 發表於 15-3-19 11:43
回覆 little_yolky 的帖子

可能真係男仔+細b 啦，唯有暫時跟緊d啦。其實我唔介意佢唔得竉，自問自己讀書時 ...

我大女都係11月底細B, 不過佢好專心守規, 所以老師同學都錫到佢燶, 不過, 就係無自信。所以, 我有咩方法呢, 就係佢有咩興趣, 就俾佢學吓, 見有潛質的, 就俾佢學多啲, 表演多D, 咁佢依家呢方面做得好好, 因為成日表演, 所以, 個人好有自信(果方面), 一上到台就好似上咗身咁。希望幫到你。