大個囝!大個囡!升班喇~~九龍禮賢幼稚園k2

glory

禧媽媽
工人應該知我裝左鏡頭
今日禧禧帶左乜野水果呀? 阿仔帶左一個梨, 一個桃, 幾粒桔仔

siumom
體操班都幾多學生, 聽阿仔講係哥哥教體操

yykid
4號家長日想帶又想唔帶樂樂, 禮堂聽操作式學前數學時阿仔係樹實聽唔到, 一陣人地講一句佢又問一句  

禧媽媽

woon-woon
我冇記錯的話, 軒軒冇返體操

glory
嘩..樂樂帶咁多生果呀, 咪有排介紹  
我只有帶一個好大好大的"水晶梨", 貪佢應節ma  

glory

禧媽媽
嘻嘻, 尋日經過街市, 見有桃同桔仔, d桔仔好得意細細粒, 似縮左水既橙, 諗住一陣老師問阿仔都容易介紹

禧媽媽

glory, 祖安, yykid.........

我由尋晚, 到而家都冇咩心機  :cry:
因為尋晚周老師打比我, 講番禧禧平時點樣 :
佢話佢好特別~ 唔鍾意出聲/表達 (呢樣我接受, 因為佢對外唔願講野)
平時好鍾意扮"超人"動作添 (好在老師話冇打人咋) 佢其實都有同禧禧講過, 有其他卡通人物~好好睇架, 超人唔好架~成日打交唔好學.   
跟住叫我唔好比咁多超人佢睇, 因為佢平時上堂遊魂魂果陣, 估計佢都係唸梗"超人", 救命呀.....佢已經入晒腦, 點搞呢??
可能逢星期日~睇2套超人電視la (而家唯有係呢方面入手)
仲有認字差~心散  

Allie

禧媽媽,

不要洩氣呀!  有問題要克服!  既然老師留意到他的問題, 咁有無比d 意見你點做呢?  我個女有專注力不足呢個問題, 所以我睇過好多書, 亦都比阿女上過一d 專注力的班. (小童群益會, 女青年會果d.)  你都可以找找看.

其實平時在家, 你有無發覺老師講的問題呢?  根據研究愈睇得多電視專注力會愈差.  我成日都唔想比佢地睇咁多電視, 但有時又好難做到!  就講超人, 我老公自己都鐘意睇, 攪到阿仔成日同佢玩打交, 激死我!

慢慢來, 愈早知道問題愈易解決的.

Allie

woon-woon, 禧媽媽,

係呀, 阿仔無返體操班的.  所以都見唔到你地!

阿仔今日病左, 自從呢個工人來左之後, 阿仔病左好多次呀!  之前幼兒班反而無咩點病過!  呢個工人d 衛生常識好唔掂, 如果佢地重係bb的話, 一早送佢走了!

glory

禧媽媽
唔使太擔心, 禧禧還細, 宜家同佢改都還可以...
'唔鍾意出聲/表達'~~好多小朋友都會係, 包括樂樂, 可能平時係屋企得一個人, 要佢地同外界接觸真是要慢慢來, 尤其是對住師長會害羞
'超人'~~相信會入腦, 可唔可以減少一套呢? 或者係呢個時段你地帶佢出去玩, 幫佢預錄但只錄一套, 可行嗎? 到時唔覺唔覺唔播番比佢睇
有沒有其他玩具係禧禧所愛, 例如車, lego...如果佢提超人時你地唔好搭佢, 同佢轉移話題, 用其他玩具分佢心...
有時問下禧禧上堂有無專心? 提佢上堂唔專心會唔知老師講乜野...
'心散'~~實有, 記得有人話過, 四, 五歲小朋友專注力只有十至十五分鐘, 至於'認字'佢地仲細, 禧禧喜歡看圖書嗎? 朗讀時一邊讀, 一邊指住d字可以吸收收幾快
可能接近家長會, 老師開始逐個家長致電

禧媽媽

allie
係呀! 我而家打算由電視開始入手
但佢好衰~成日"烚"工人, 所以咪係下午時間自已開電視囉. 你知la~下午卡通片幾豐富. 我而家希望唔睇咁多之後~會好轉, 但都唔敢肯定  
同你近呀, 我老公又係成日買d"超人"擺設返黎, 都唔知係咪咁樣, 所以亞囝迷埋一份  

glory

Allie
小朋友病真係辛苦, 我地又會擔心佢地, 工人做事都係求求其其, 真係要'盯'到實

禧媽媽

glory
我都打算慢慢縮, 由2變1套, 希望可以再由1變0, 不過要時間. 其實我聽完電話之後, 都問過禧禧, 你平時上堂係咪掛住超人呀 ? 佢唔出聲(即係有囉), 我跟住話~周老師提媽媽, 唔好比咁多超人你睇, 同埋小朋友唔可以成日唸住超人架, 因為超人成日打交, 佢跟住話好, 希望由今日起, 慢慢同佢傾計可以la

leungmaggie

hi 咁多位，

我俊熹都有返體操理，第一堂仲中頭獎，撞左落地，額頭正中間起左層豪宅呀！:cry:

maggie

Allie

禧媽媽,

叫工人姐姐多d 同佢玩, 佢就會無咁想睇電視架啦!  有無試過同禧禧玩棋?  買d 類似康樂棋同佢玩, 學識左之後叫佢教埋姐姐玩.  咁當佢想睇電視時就叫姐姐同佢玩棋囉!  我個仔初初學識玩時好興奮日日搵人同佢玩架!  玩厭左一種咪玩第二種囉!  只要工人有心機同佢玩, 我諗佢寧願玩多過睇電視啦!  佢地都係悶同心引先成日想睇電視者!  我有一排忙阿女功課, 唔得閒理佢, 就成日比電視佢睇, 攪到佢睇到傻哂咁!  而家我都同佢介緊!  一齊努力啦!

glory

禧媽媽
比d信心, 慢慢一定可以改善, 努力呀))))

leungmaggie
撞左落地都幾嚴重喎, 咁星期六有無再去玩呀? 你囝囝讀邊一班?

Allie

glory,

係呀, 工人來左後阿仔阿女成日肚痛呀!  激死我 !

不過今日見到阿仔成個無哂心機, 訓係度唔講野, 我真係好擔心!  平時佢發燒都通屋走架!  病左留在家, 一定每半個鐘頭一call架, 今日在cam 看都見唔到佢, 原來訓在床上唔願出來玩!  唉!

glory

禧媽媽
睇電視真係會好入迷, 我本身就無睇電視習慣, 老公以前就好鍾意睇電視, 有時叫佢都聽唔到 阿仔細時我還容許佢係房內睇電視, 當阿仔上學時我就嚴禁, 好好睇既電視節目只可預錄, 等阿仔訓左先睇, 因為我怕阿仔都會好似佢咁變成電視迷

Allie

leungmaggie,

你小朋友是那一班呢?

希望俊熹個額頭仔好番哂啦! 咁佢有無嚇怕唔敢上堂呀?  其實體操係好好架!  我都好想帶阿仔上!

glory

Allie
軒軒睇左醫生未? 軒軒病到唔願玩一定好辛苦, 希望軒軒快些好番

Allie

glory,

你好有power呀!  

我老公就係果種一開左電視, 就你叫佢都聽唔到果種!  最離奇係有時d 電視劇, 佢一向無睇開, 但去到人地屋企, 佢都可以全視貫注咁睇哂!  但係平時佢又好少自己開電視, 話電視都無野好睇, 除了睇新聞!

Allie

glory,

多謝關心!  重未有時間帶佢睇醫生呀!  本來諗住如果佢重係咁, 就叫奶奶下午幫幫手同佢去睇醫生, 點知佢去完ng ng之後, 就生猛左好多了!  而家再觀察下先!  希望無野啦!

yykid

禧媽媽

Don't be upset as 禧禧 still young.  So let start to assist him to change his habit of watching  超人.
Remember I went to the 小一講座, the speaker also reminded that as a parent, we should not let the kid concentrate on TV or 遊戲機.  However my son also concentrates on both.  I need to do something on it also.  努力呀, 禧媽媽