私立學校收費及辦學質素的再思

hkpapa852

punlik 發表於 18-6-14 12:09
以上三間小學因為沒中學, 反映自己既價值就是升Band1中學率.學校既重點自然系這方面. 學校小一選學生時,  ...

眼前既事未做好, 就去想將來的事, 的確有點不切實際

未為小學升中做好安排, 就諗點入大學, 日後點貢獻社會, 甚至改變世界, 到底係理想定係堅離地?

不過, 請不要隨意曲解我既說話, 我只係話未來兩三年只要符合3322就近乎可以入到本地大學, 無話過以後都會係咁.

稍為用腦去分析都知點解會有咁既推論:

兩三年後既中學畢業生, 正正是幾年前開始, 升中低潮時既小六/中一學生. 日後大學學位數目不變(就至稍為增力), 但報考大學人數一直下跌, 入大學機會自然高咗.
但當升中人數回升後, 日後入大學機會又自然會低番.

唔認真去諗清楚人地發佈既信息, 只懂過濾性接收或以偏概全既家長, 就係現今不少私立/直資學校Marketing既對象.

hkpapa852

punlik 發表於 18-6-14 12:30
只識比較Band1 率,
唔識分析原因, 背後教學理念既更容易誤導其他人.

真正有理念的, 正如WKF, 雖然我不認同, 但佢暫時都係貫徹始終, 我亦欣賞佢呢點

反之, 如果學校太跟潮流, 朝令夕改, 又如何令人相信佢既理念?

還是佢根本既理念就係當年劉德華廣告上既名句: 今時今日咁既服務態度, 已經唔得嫁啦!

Soundervolt

punlik 發表於 18-6-14 12:27
語言流利, 言之無物起碼總比聽唔明, 講唔到要好吧.人地是否言之是否有物, 聽唔明英普既應該都唔識分吧.
...

您又用一個差同更差嘅scenario去做比較，我會重視仔女喺學習上各方面嘅平衡。

Soundervolt

hkpapa852 發表於 18-6-14 12:33
真正有理念的, 正如WKF, 唯然我不認同, 但佢暫時都係貫徹始終, 我亦欣賞佢呢點

反之, 如果學校太跟潮流,  ...

幾個朋友仔女讀WKF，據佢地都話近年學校都冇以前咁輕鬆。

Soundervolt

punlik 發表於 18-6-14 12:58
關鍵你要明白.Band1率唔是衡量小朋友及學校唯一標準. 當然你可以話又要Band1率, 其他各方面都勁.(咁就直 ...

所以我咪話要喺學習上平衡各方面，B1只係其中一個目標（目標並不表示一定能夠達到）。我當然明白每個人能力都會唔同，但每個人亦應該喺成長路途上學會對任何事物嘗試努力爭取，努力過後就算結果不似預期亦無話可說，但唔係將目標不斷降低就自我感覺良好。

我相信您亦唔會教仔女唔需要努力讀書，將來只要有其他一技之長，賣保險就係人生目標、將來嘅理想生活？

千祈米再用李嘉誠、李兆基都冇讀過大學呢尐理論去討論教育。

Vanadium

若然針對某小學講教學情況，可去某小學之討論。

樓主呢個post值得討論，係"私立私校"既出現。私立私校，講中小學，過去有"靜宜"及"地利亞"等，大都已執笠，亦係當年飛仔飛女蘊藏地。

現有間學校又讓呢種私立私校再生，如果唔討論資金與營運，唔討論校董會既成員，唔討論學校能否長遠運作，只講教學同宣傳理念，應該係駝鳥想法。

大家繼續，只希望唔覺意睇到呢個post既家長，清楚明白依家係講緊一間由一個前運動員做老板投資成立兼目標係賺錢既私立學校，問一問，一間學校運作經費幾錢，起間學校幾錢，請個真係有料既老師幾錢，而個老板又有幾多錢?

Soundervolt

Vanadium 發表於 18-6-14 13:41
若然針對某小學講教學情況，可去某小學之討論。

樓主呢個post值得討論，係"私立私校"既出現。私立私校，講 ...

靜宜你都識！思明又識唔識呢？以前有間”萃X”係呢類私學嘅表表者。

hkpapa852

Vanadium 發表於 18-6-14 13:41
若然針對某小學講教學情況，可去某小學之討論。

樓主呢個post值得討論，係"私立私校"既出現。私立私校，講 ...

想糾正一下, 我唔認為老板係"前運動員", 佢頂多只係"以前係學界運動有D成績"既前落選區議員候選人

hkpapa852

punlik 發表於 18-6-14 12:58
關鍵你要明白.Band1率唔是衡量小朋友及學校唯一標準. 當然你可以話又要Band1率, 其他各方面都勁.(咁就直 ...

對, 每個人跑道唔同, 不過要記住, 香港真係好細, 升學/就業路向選擇有限, 職場/錢途上亦嚴重頃斜.

唔走大路而去探索不知名小路, 風險自行評估.

今時今日即使有人擁有當年李嘉誠既志向同遠見, 都唔會再創造到同當年李嘉誠一樣既傳奇.

Soundervolt

hkpapa852 發表於 18-6-14 14:36
想糾正一下, 我唔認為老板係"前運動員", 佢頂多只係"以前係學界運動有D成績"既前落選區議員候選人
...

再想糾正一下，您地唔知老闆係畢業於世界排名過萬嘅Business University of Costa Rica，擁有該大學工商管理學士學位咩？ 除咗電影中虛構嘅Jurassic Park外，原來高斯達尼加仲有呢間商學院大學。

hkpapa852

Soundervolt 發表於 18-6-14 15:30
再想糾正一下，您地唔知老闆係畢業於世界排名過萬嘅Business University of Costa Rica，擁有該大學工商 ...

其實佢有冇講係邊年畢業?

佢2011年選區議員時, 話自己只係中學/預科畢業咋喎!

Soundervolt

hkpapa852 發表於 18-6-14 15:50
其實佢有冇講係邊年畢業?

佢2011年選區議員時, 話自己只係中學/預科畢業咋喎!

徐潤容以自由黨員身份，曾參選上屆西貢區議會選舉落敗，當時他申報只讀到中學，但他如今在德萃網頁稱畢業於Business University of Costa Rica，擁有工商管理學士學位。這間名不見經傳的拉丁美州哥斯達黎加私立大學，國際權威商學院認證機構都沒有它的記錄，多個大學排名榜上亦不見其蹤影，學校網頁稱成立於一九九二年，提供遙距課程，講明「All learning takes place online（所有學習在網上進行）」，高中畢業或年滿十八歲持有高中文憑同等學歷者，即可報讀學士課程。

徐潤容向本刊直認，學位是「用了年幾」讀的遙距課程，當年因有意投考政治助理才報讀。他說只在男拔讀了兩年，會考後升讀專業教育學院（IVE），被問到會考分數，他就支吾其詞：「我諗不高分，好似是……check番先，後補番俾你得不得？」

徐潤容的拍檔、二零一二年退下男拔校長一職的張灼祥，離任前向傳媒說過「肯定不會再擔任其他學校校長」，即使日後有新工作，相信亦不會與教育及政治有關。但去年他的妻子范玲開辦「卓翔兒童語言傳意教育」搞Playgroup，張灼祥以「拔萃男書院前校長」名銜舉辦面試講座，其中「面對面家長顧問諮詢服務」每四十五分鐘就收一千八百元，卓翔與徐潤容的公司，亦有合辦中文課程。記者以市民身份到卓翔查詢，職員說張灼祥是中心的榮獲顧問，又指中心將邀請張先生出席講座，講解小一面試要準備的事項。但她強調，報讀其活動不一定有利學生入讀德萃。

Soundervolt

hkpapa852 發表於 18-6-14 15:50
其實佢有冇講係邊年畢業?

佢2011年選區議員時, 話自己只係中學/預科畢業咋喎!

其實恩格斯兒童康樂體育會去年三月曾被傳媒踢爆，多次租用公眾運動場舉辦牟利的兒童運動會，卻沒有向康文署申報，涉嫌違反場地使用條件。徐潤容事後聲稱款項只是「報名費」，用於支付員工薪水、買獎杯、宣傳橫幅等。記者問起他今年成立的易獎盃製品有限公司，他直言恩格斯每次比賽都有「千幾二千個獎」，「如果不是咁大型比賽，獎盃需求咁多，他獎盃公司一個甩了我們，咁我們就好大鑊。」徐潤容更自爆親子比賽最受歡迎，「基本上小朋友同家長有機會一齊參加比賽，一齊攞獎。親子可以話是豬肉獎，個個都有獎。」

呢位老闆都好識搵錢，獎盃製品都撈埋.....

https://www.youtube.com/watch?v=w_gf97JJJoE

mcl203

Soundervolt 發表於 18-6-14 16:10
其實恩格斯兒童康樂體育會去年三月曾被傳媒踢爆，多次租用公眾運動場舉辦牟利的兒童運動會，卻沒有向康文 ...

恩格斯，我識噃，參加佢地比賽好易攞獎～～～

Ryan_baba

Soundervolt 發表於 18-6-14 16:10
其實恩格斯兒童康樂體育會去年三月曾被傳媒踢爆，多次租用公眾運動場舉辦牟利的兒童運動會，卻沒有向康文 ...

話時話，我屋企都有幾隻恩格斯嘅獎盃，唔知徐生會唔會考慮一下攪個獎盃回收計劃呢？

Vanadium

我覺得人地搞學校又未必要太計較佢出身同有咩學歷，如果李嘉誠話搞間學校我極有興趣呀，雖然佢都無讀過大學，但以佢資歷同更重要....豐厚資金，間學校點會做得差?

其實某學校老板有無向家長講過佢有幾多資金去買地同起佢所謂既小學及中學? 依家一塊地閒閒地以十億計喎，未計建築費，無10幾億都起唔到間學校吧?

依家租人地啲爛校舍改裝成自己學校? 咁裝修費都應唔平喎......做到佢靚靚地都上幾千萬吧?

我想....過去無咩投資者敢搞牟利私立中小學，應該係計過條數唔係好掂，都係搞返幼稚園算。

再講，香港依家仲有無1間運作緊既私立牟利小學或中學? 除左得水。

其實家長真係好想脫離所謂傳統教育，與其比人攞晒啲錢黎做咩都唔知，何不自己搞呢? 開個WhatsApp Group，成立一個"我要真教育"群組，成立間有限公司，發行1000股，每股100萬，集資10億，然後搞間學校，5文7語，股東就可以讀，學費年7萬以維持運作，讀完股權可轉讓比下一手，可能搞得好，到時有人1000萬去買你果1股，為左讀間學校。

以上當然純講笑，不過今時今日香港中產家長真係無野多就係錢真係多。