解答任何有關學習鋼琴的問題

浩浩daddy

原文章由 ming2 於 08-1-22 23:13 發表

浩浩daddy

Alfred套書要幾耐先會學晒我諗我答你唔到啦..因為我冇學生用緊呢套書...希望有其他媽咪/老師可以答到你啦..sorry..

買琴方面$5-6千蚊如果係直接向一手私人用家買,可能都仲可以買到d唔太差0既琴,不過如 ...

ming2,

咁請問係咪買一手琴會穩陣d？喺琴行（tom lee）和琴倉買分別如何？如果係一手琴，約$25000請問有甚麽選擇呢？

囝囝依家喺栢x學緊，咁其實跟琴行老師學和跟私人老師學嘅分別喺邊度？d人講嘅名師係咪多數都係私人教多架？唔好意思呀，因為ming2都係老師黎！

其實囝囝個老師係新老師黎，廿幾歲讀緊U。最初係教幼兒音樂班，我見囝囝跟佢學得好開心，於是比佢跟老師一對一學囉。雖然老師有心機，囝囝又學得開心，但新老師始終經驗淺，對小朋友嘅進度會唔會有影响呢？

重有係囝囝彈Harmony時候只係郁手腕彈落去，並唔係郁成隻手臂，咁啱唔啱？

VENUSSUM

原文章由 ming2 於 08-1-22 22:54 發表
VENUSSUM

ha..ha..多謝捧場..其實我都好怕Yanni會話我多事架..話晒呢個topic佢先係樓主嘛...宜家變左好似得我一個係度答咀咁.. ..

做我0既學生係咪真係好幸福,我諗要問番佢地先知啦...我諗唔鬧人個下都會係0既...不過惡起上黎佢地就知C架啦...ha..ha..

anyway,我祝你好運,可以快d幫囡囡搵到個"新方向"啦..

多謝祝福
肯用心去鬧學生的才是好老師呢!   當然受唔受, 真係睇學生啦, 所以我成日都教個女學識點樣從另一角度, 去體會鬧你果個, 係想你好定找你出氣, 識得諗, 得著果個就係自己~~

浩浩daddy

原文章由 ming2 於 08-1-23 11:45 發表


浩浩daddy

琴倉賣個d係二手琴/翻新琴,而tom lee佢地係賣新琴架..所以兩者係好唔同.

二萬五budget可以有好多,你想要有牌子定係唔太介意個牌子呢??

唔洗唔好意思喎......多數0既"名師"都會係私人老師黎...因為 ...

ming2,

多謝意見！我想有牌子會好d, 信心大d嘛！！！

講得啱，我會比囝囝繼續跟依家嘅老師學習。其實呢位老師幾好，肯聽家長意見，可能係經驗淺，佢最初冇注意到囝囝嘅手型唔好，但我提出之后，佢就同囝囝每堂加手指練習同要我平時幫囝囝練。

不過真係經驗問題，佢有話比我聽唔知點教囝囝放鬆雙手。於是我走去摷書，比我喺本專講幼兒學琴入面揾到方法，之后同囝囝練習。到上堂時我問佢覺唔覺囝囝有改善，佢話覺得有喎！

所以除左老師要努力，各位家長都要努力呀！

VENUSSUM

原文章由 ming2 於 08-1-23 14:14 發表
VENUSSUM

最慘唔係個個家長好似你咁識諗呢....我記得有一次有個家長帶左個女黎話係有人介紹佢搵我,不過問佢係邊個介紹,佢又唔肯講,咁我就冇再問落去,而佢個囡囡之前係跟另一個老師學0既,學左都有年幾架啦..黎到我到,我一睇就同佢執左好多野,由睇音,轉指法,手指/手型...etc,不過最慘係個囡囡成日都唔係好聽教,練琴又唔多認真,所以好多時覆琴覆得唔好,又遊緊雲時,咪俾我鬧lor...終於佢(媽咪)挨唔住(個女)俾我鬧,就話唔學啦...咁我當然由得佢啦..對我黎講多一個唔多,少一個又唔少...佢停左年幾左右啦..係一個偶然0既機會下,我得知原來佢係由我之前所提及0既"探射燈"學生個家長介紹0既...其實應該係話..佢見我個位"探射燈"學生學得唔錯,所以就問佢係邊度學,跟住就黎搵左我...佢停左之後,又走去問我個學生家長話佢囡囡以前跟我時係咪又係咪我鬧得好勁,我個家長咪答佢唔係lor..(因為個位"探射燈"學生本身自己好聽教,好肯練琴架嘛...咁又點會俾人鬧呀...)..所以有時我諗d人淨係識得見到人地跟邊個老師學得好,就走去跟人地個老師,但係佢地自己有冇諗過人地個小朋友除左個老師教得好之外,又放左幾多時間心機去練琴呢?!...自己學得唔好,係咪全部都係老師0既責任呢?!自己有冇用心去聽老師教,有冇用心去改d問題呢?!?...

有時做老師真係唔係易架...好彩我都仲有d學生係會俾我鬧完都寫信多謝我..ha..ha..

遇到識諗的學生係最安慰的:)
依家的小朋友太受保護了, 鬧下都唔得 (所以我對兩個細路係可以打鬧得好甘的, 我亦同佢地講, 應該唔會有其他人咁惡對你地架喇, 嘗過呢d苦頭, 出去就可以吃得開, 當然事後要解釋得令佢地心服口服至得啦)   再者就係家長又抱住花左錢, 就應該有回報, 唔諗下俾左錢, 係要再付出努力才有成果的,  有天資都要練琴啦, 何況天資呢樣野唔係人人有, 就要將勤補拙......
所以我成日都同個女講, 唔練琴就不如唔好學, 要我使錢黎勞氣, 仲要傷感情, 好無謂,  唉......

aliceandleo

原文章由 ming2 於 08-1-23 15:06 發表



浩浩daddy

你果然係一位好daddy...亦好多謝你會俾機會呢d"新"老師...

想買有牌子0既琴,$25000 budget, 有牌子0既離不開都會係Kawai or yamaha,不過低model 0既yamaha 聲音同手感應該唔及kawai 0既model 好喎... ...

ｍｉｎｇ２，
ＫＡＭ即係ＢＵＤＧＥＴ　＄２５０００　ＢＵＹ部ｋａｗａｉ係好Ｄ？？？？？

[ 本文章最後由 aliceandleo 於 08-1-23 22:15 編輯 ]

MM223

原文章由 ming2 於 08-1-22 23:07 發表



MM223

ha..ha..你都唔知呀..果個學生有好多野都好攪笑架..記得佢初黎跟我學左半年左右,佢個女同學又想過黎跟我學(個時佢都係5歲人仔左右),佢唔知係咪怕失寵,佢既然私下同個如學仔講話"我miss好多學生架,佢冇時間 ...

Hi ming2,
你這位探射燈學生都真係幾攪笑吓
我女兒11歲才跟這位老師學琴,現在踏入第三年.但佢就冇D咁攪笑嘢!

VENUSSUM

原文章由 ming2 於 08-1-23 18:01 發表


VENUSSUM

我都同意...宜家d小朋友真係太受保護啦..雖然我小朋友未至於要我郁手打,不過要鬧起上黎,daddy都好惡架..所以一出聲佢地就已經怕怕架啦...ha..ha..

我對住d懶練琴0既學生,我都會直接同佢地家長講之餘,亦 ...

係架, 睇人地覺得惡, 但其實好多時自己仲惡  不過我都係撰擇做一個惡媽媽

浩浩daddy

原文章由 ming2 於 08-1-23 15:06 發表



浩浩daddy

你果然係一位好daddy...亦好多謝你會俾機會呢d"新"老師...

想買有牌子0既琴,$25000 budget, 有牌子0既離不開都會係Kawai or yamaha,不過低model 0既yamaha 聲音同手感應該唔及kawai 0既model 好喎... ...

好多謝意見，暫時還很初步，需要多d時間考慮，anyway 多謝先！

samsmama

hi,ming2
真係好多謝妳呀,pm答得咁詳細,
祝妳名師出高徒,桃李滿門.

mmak

數碼鋼琴 一問 ??

請問 數碼鋼琴 可 否用到8級 ??.... 因怕 鋼琴 嘈, 所以想買 數碼鋼琴