番禺會所華仁小學

easiness

raymond1981,


歡迎你加入呢個大家庭，得閒多啲上o黎呀!

麟媽媽

呢排真係熱得緊要，琴日陪完個仔踢波，
番到屋企我有D中暑咁呀！好唔舒服。
亞仔踢完波曬得好紅呀，擦左防曬都係咁，
手臂同面都好紅，可以點整整佢呢？
佢仲擦損左眼一片紅….我好肉赤呀！
佢呢排睇得波多，直頭當左自己係朗拿度！！
你地講開約出黎，去邊呢？去戶外？！
呢排個太陽真係猛得緊要….怕唔怕呢？
如果室內又有咩好地方？

Raymond1981,

你好！歡迎你。
你的BB兩歲，呢個時候最好玩。
我先生亦是華仁舊生，不過佢年紀大好多啊！
佢比李克勤還早一屆，呵~呵~爆左佢D秘密添！

Felix喵喵，

嘩！有人公開讚你好老公喎！
做左Daddy 典範，抵讚！   

felix喵喵

raymond1981

真係唔好意思,
我之前冇同你講我是ms99的老公添...喵喵
anyway, 謝謝你先!!

felix喵喵

麟媽媽

麟仔鍾意那個球星嫁,
如果是英格蘭的碧咸都好d,
因為他在夏天也是穿長袖衫的...喵喵     

ms99

麟媽媽，

攪嘜鬼亞仔鍾意朗拿度? 鍾意佢"哨"嗎?
  嘩! 曬到成隻乳豬仔咁，夜晚可以加餸啦，係咪要片皮呢? 屋企有冇蘆薈產品呢? 對曬傷皮膚有消炎作用，又天然，唔怕敏感嘛。你真係偉大了，冒住催殘皮膚嘅危險陪個仔踼波，配服!  
麟仔踼波時飲多啲寶礦力呀! 補充大量出汗流走的鹽分。

ms99

raymond1981，

呢度現身的男士須少，但好多都在背後默默支持的。每逢有活動就會傾巢而出，因為好多都係華仁仔變成華仁爸，大家好有共鳴的。
哎呀! 畀felix喵喵入到位添，又開心幾日了。

小小問題? 1981是代表出生年份嗎?  

睡公主

raymond1981，

歡迎你加入，
我個駙馬都係華仁爸，
當然都係一把年紀。

misskho

Raymond1981

My son is now in P1.  In my opinion, the time when your kid attends primary school will be a time when you are truly tested on your patience.  Just imagine ....   spending almost a week on english dictation, you're totally sick of it,  and he still makes the same mistakes .... over and over.  Drives me crazy.  I think that helping my son with his schoolwork is the biggest challenge that God ever presented to me!!!

So enjoy it when your kid is still "young".

睡公主

面對現實既日子終於來臨，
大家有冇喜出望外呀！

今次我就嘔少好多血，
因為亞王子今個學期冇乜唔小心既錯處，
但唔代表佢成績好咗喎！
而係佢真係唔識做所以攞唔倒分！   
所以我同佢講今次啲成績反映佢對書本未完全瞭解，
嚴格嚟講，佢係退步咗（讀書態度）。
當然我冇怪佢，
只要求佢自己好好反省（希望佢真係識諗啦）。  

麟媽媽

睡公主，

亞仔仲細，比D 時間佢喇。

麟少今次幾好，科科都有進步，
除左中文(一)，不過呢科都係重災區囉！
大圍跌就無計喇.....
而問左好幾個家長，
嚴重失分區為「中文聆聽部份」，
鬼咩...聽一次便要係下面搵答案，
閱讀理解有得比佢地抄都抄錯，
何況只聽一次？！呢部份佔10分，
好多人失分一半或以上！
所以升小二既家長好留意下喇。

麟媽媽

ms99,

你一講完我便問亞仔，
碧咸定朗拿度靚仔有型呢？
佢答得好肯定 - 朗拿甸奴先至最有型！
我問點解呢？佢話好型又踢得好，
我話仲有呢？！佢話朗拿甸奴成日笑，
因為佢踢波好開心，佢睇都覺得開心！
亞仔話都覺得踢波係最快樂的。

既然佢咁諗... 咁都好既....
我唔會將真相話比亞仔知，
我覺得朗拿甸奴唔係想笑，
只係棚牙太哨，合唔埋個咀咋。

麟媽媽

有時亞仔諗D 野我真係唔明？！
我睇佢琴日份常識卷，
叫舉例寫一種生物同非生物，
咁生物佢寫「人」，當然無問題，
但非生物佢寫「筆芯」，
但佢又寫錯做「心」字，比人扣左分。
我問佢點解呢？寫「筆」都一定啱，
點解寫多個「心」字，畫蛇添足呢？
佢唔答我反問咩叫「畫蛇添足」？
我解釋完一輪佢又咋咋帝，
耍開左我問佢既野！好古惑呀！！  

ms99

麟媽媽 ，

我聽到麟少咁答都笑咗出嚟，
雖然我唔識波經，
但眼見個個男仔鍾意踢波的都好有活力，
而且同波友的關係可以keep到結婚生仔，
所以踢波唔止係運動，仲要係友情嘅氧份。
我個仔今個暑假都開始學踢波，
之後有時間再請教你去邊度學啦。

ms99

麟媽媽，

我都覺得小一常識科有條題目好古怪。
有圖畫枱面有四樣餸：魚一碟、什錦小炒兩碟加一碗熱湯類。
問題：這些菜式應配上那種食物作為主食?
亞仔答：蒸魚、飯
咁就錯一半，因為同麟仔一樣手多多，又或亞仔唔肯定答嘜野，所以寫兩樣。

另外有題畫上節日食物同填色，亞仔每幅都畫得好靚好仔細，睇得出用咗唔少時間係呢part，唔知係咪畫得太detail，竟然填色只填一幅算了。佢仲搏咀有一幅畫了年糕而冇填色的，是因為他畫了白年糕??? Oh! 白糖糕就食過，何來白年糕呢? 真激死。   :tongue:

ms99

raymond1981 ，

你的出現，直頭將呢度嘅age average大大降低，多謝!   

ms99

睡公主：

睡王子強項就係唔駛你勞氣都交到貨，
夫復何求呢? 羨慕! 羨慕!

睡公主

ms99 寫道:
睡公主：

睡王子強項就係唔駛你勞氣都交到貨，
夫復何求呢? 羨慕! 羨慕!

總之，你睇我好，我睇你好啦！

呀！又係問嘢時間，
請問上學期張優點咭同埋
上、下學期張操行咭
喺我地處還是未派回來？