一呂現家長 / potential 家長會

alicetong

Homama,
我應該一定要照訂(b.生本教材、簿費及雜費之總數),對嗎？
( 生本教材出面書局可以買到嗎?)
對唔住..太多問題指教.....

candytl

學校折扣係95折.外面大多書店係9折左右啦!-----我唔知原來出面買仲平過係學校買架, 但回條已交 冇得回頭.

我女英文仲未派, 數, 常派咗, 常識只得91分, 我聽到后有啲失望, 但好快就調節好心情. 聽佢講班上過半人係"9"字頭, 大圍人黎科都唔錯.

alice,

你媽媽情况都幾令人擔心, 希望佢快些退燒.
我爸爸前年又係發燒唔退, 醫生又揾唔到原因, 一個月內出入住院6,7次, 最后查出原因排期做手術, 又等多一個月. 宜加總算冇事. 希望你媽媽都好壞冇事.

candytl

homama, alice,

pls check pm.

alicetong

homama,  candytl
問清楚原來自己個仔無心肝...我寫左通訊欄比佢佢都唔比老師睇？都算...咁老師寫佢手冊時都唔識講...真係比佢激到〝鼻哥隆〞出煙兼半死?唉....       

alicetong

candytl ,
妳講得好0岩,我都唔知原來學校訂仲貴過出面...??而且仲要等到開學先派添....無得暑假睇定先？所以..識多個朋友真係好好架？ 不過要自己跟就一定麻煩d囉？

Homama2004

alice,
如果讀56年級時你便要留意,聽班主任講升中面試有些中學會睇埋手冊,默書簿,中英文作文.家姐個班主真係唔話得,十月那次家長會已同我哋講定.我有同事最近才知,但個仔已經寫到本手冊花里花碌.

剛那男同學媽咪打來同我講不用為囡囡的中文成績驚嚇,因佢哋今日派卷,他的成績更驚嚇!(剛合格)佢那班有差不多一半人不合格添!那天考完中文就一隻二隻話淺,又話未試過重組句子咁淺,考出的成績來嚇到我們一眾家長暈低...

你好好保重呀! 這陣子要"騰"出"騰"入看老人家,不要咁激氣!

我應該一定要照訂(b.生本教材、簿費及雜費之總數),對嗎？
( 生本教材出面書局可以買到嗎?) >   應該係.因4年級已沒有英文故事書要訂.生本外面應沒有得賣,因好似係內地和香港某組織研究出來的教材.讀了那麼多年,你認為如何??

candy,多謝你的PM.

咦! 我書展買的BCA補充好似和學校一樣喎!

candy & alice,
pls check PM.

alicetong

Homama,
咁我就慘0拿...個仔本手冊字體識飛唔在講..??(呢排默書明明100分,點知字體肉酸筆劃唔清楚當錯字？),話極都係咁..做野馬馬乎乎...如果寫手冊呢？起碼有兩次『課堂上大聲講說話』,佢係好容易被分散注意力又活潑好動架？特別把口....
聽妳講原來分分鐘剛合格甚至乎唔合格添呀？睇0黎我真係要食定驚風散接受0黎近0既派卷時間
     哈哈哈！

Homama,candy
多謝妳地支持同關心...原本今晚自己要去跳中國舞,但係唔睇過媽咪又唔放心..下午最新消息係..肝、腎、胃都未照到？推左去照膽管,(因為農歷年膽管發炎先割左個膽係同一醫院？),姑娘同佢插左尿喉同比純氧氣佢等佢舒服d...

candytl

唔記得問你哋, 校刊係咪年年都出的, 潯晚我女話要買校刊, 我話$50太貴, 唔好買喇, 佢當場眼濕濕, 搬咗好多理由出來, 我講一句, 佢駁十句, 好激心啊.
最后我話捐俾學校起天臺, 佢先收聲.

Homama2004

校刊係咪年年都出的: 係! 還印有各年級的級相,一些日常課堂的照片等等.以往我係買一本兩份看,但係今次兩個唔肯要買兩本話第日大個做紀念喎!

算啦!candy,這只是一言九"頂"的開始...好像我有兩個快踏入青春期的囡囡,有時難聽講句真係"頂心頂肺". 前些日子聽講座話佢哋踏入青春期時的小朋友,語言訓練已經差不多完全develop得好好,所以要練習多些,叫我哋當係佢哋在練習講嘢,咁會好過啲!! 還有千萬不要干涉兄弟姐妹吵架,只要不出手便行,好似work,現在轉頭便見佢地攬頭.講者話很多大人吵架不懂自行收聲,因由細到大都有人叫佢收聲,所以要訓練佢哋自己懂適可而止. 幾阿Q,但不失為一好辦法.

alicetong

candy,
校刊我無買過...因為覺得50蚊好貴呀？相反校曆就幾有用,
有晒新學年要注意學校特別日子？幾實用囉...我仔仔檬查查反而買唔買同買乜都無乜所謂？ :

學Homama都講得好0岩, 一言十頂0既日子我已經過左好耐...個女k2仲大小姐脾氣添...兩兄妹打就經常？哥哥反而識忍忍手...妹妹就用行力打？我經常都要用藤條威嚇佢地架...

candy,Homama
原來個仔話writing animals riddle要寫7句,佢寫得4句？連題目都睇唔清楚？ 我明佢點解得36分0拿？)肯定今晚返去睇清楚仲壯觀添呀.?....所以話？就算溫足100分...唔改烏龍大意就萬萬不能....個仔試過一年級試卷後面0個版18分全部無做？佢話睇唔到....奈何？

Homama2004

好彩我兩個好似未動過手打架.可能因我一向不打佢哋,驚佢哋有樣學樣.細個都係罰佢哋"企"地下格仔唔準行,佢哋已經好驚了.可能係兩個都係女仔好啲啦!

alicetong

唔知係未生仔先...個女都特別粗魯,同哥哥武刀弄搶唔在講..所有白雪公主、灰姑娘、Barbe公仔從少都話核突？鍾意d乜呢？巴斯光年...Winnie the pooh,超人...彈珠人,一律男仔野？連衫裙有公主都唔肯著....多左個仔咁？

candytl

我兩個囡係屋企成日爭嘢, 乜都爭一大餐, 妹妹爭唔贏就哭, 冇人理佢就越哭越大聲, 家姐又唔讓佢, 所以我屋企成日嘈喧巴閉, 我估隔離屋都怕咗我哋.

Homama, 今早聽到P5家長講, 佢哋嘅小朋友今次中文都考得好差, 話閱讀理解部分失最多分. 所以你都唔使太過擔心你大女, 大圍人都差, 唔單止你大女.  

Alice, 你囡囡嘅性格一定係開朗樂觀型.  我兩個囡嘅性格好女性化, 龙其是大女, 做乜都前騖后怕, 冇胆量, 黎啲性格對以后出來社會做事好不利架. 相反, 開朗樂觀型嘅人出來社會好受歡迎囉.

Homama2004

candy,阿Q精神咁想!鬧鬧下...感情可能會越來越好,

多謝你關心.我都聽到今次除了精英班外,班班中文都考得好差.咁個心都定啲,起碼大圍都係咁!唉!但成績表上出現個"C"都很嚇人呀!怎樣去見中學,中學唔知你學校個個都係咁喎!

Alice, 我兩個囡囡這兩年都只喜穿褲,但都好過花大多時間在打扮上,咁細過扮到幾時喎!見到有雜誌封面那位Cream成員14歲就拍性感相,真是...

呀!想起我細囡書包好似還有點書和作業,等我今晚查查再通知你.希望那些書不是太"花",你還用得著!! 你媽媽如何??

昨晚看完"小孩不笨2"出來,個個媽咪都眼紅紅鼻紅紅,是有些情節比較不合情理,但個個演員都演得很出色. 有位媽咪同我講,坐佢前面那位男家長都不停抺眼淚,可見幾厲害!男兒眼淚不輕彈!校長副校李主任都有出席,話今天發行商會有禮物送給他們.我見4年級以上的小朋友便會感動會流眼淚,但低年級的便只識笑.我覺得適合家長&老師看,你們有機會便和老公去看.

我細囡看完話用了首尾呼應法喎! 大約咁上下:"片頭有一些語句:你最近一次讚人是幾時?片尾:舉多些拇指,舉少些食指.

Homama2004

聽到話迪士尼將推出$400套票,在7-8月時可以任去任玩.所以打消了這個星期日去迪士尼的念頭了.咁7-8月就算不拿自己假期都可以在星期六日任去.
我們一家有購博物館全年套票$200,太空+科學+歷史+藝術+海防+文化博物館,由購票日開始計一年內全年任入,很抵!去科學館還包埋特別展覽的部份.我囡囡對去科學館樂此不疲.你們都可以想想!!我自己就很喜歡去藝術博物館

alicetong

大家早晨！


Homama
〝我們一家有購博物館全年套票$200〞係未意思一家四口去都可以呀？...
囉書0個度又要勞煩妳0拿...謝謝妳！   
小孩不笨都想帶小朋友去睇..早場慳d...

媽咪情況係醫生照膽管囉左3粒石,最奇怪
農歷年割膽點解睇唔到膽管有石呢？...真係唔知有無搞錯！
連隔離左右床d病友都係咁話...尋晚起初同佢傾計都精神..
跟住就話凍蓋毛毯..發冷係咁震,再問姑娘囉多張毯....姑娘
話通常發完冷會再發高燒..即量體溫升番38度..話遲D會再高D添..跟住大家唔想阻住媽咪休息都走0拿...跟本肝同腎都未搞點到,反而囉左膽石...尿已經無咁鮮紅轉茶啡色...

candy,
我女係算活潑男仔頭咁囉...但係見到陌生人就又唔叫人又唔出聲..次次跟哥哥參加同學仔生日會都要差唔多散先肯落地？所以人人都唔知佢咁大小姐脾氣..哈哈！

Homama,candy
想問下妳地通常咩時候會得閒見下面..等我就就...會唔會帶埋小朋友呢？

Homama2004

我囡囡今天都派了英文GE.細囡拿了97.5(全班2,3左右),大囡出乎意料拿了87.5:因這個分數在隔離兩班好似已排第一,在佢個班排6,7左右啦!我好開心呀!!!終於有個A-(85以上)出現在成績表上.佢班主任係出名教英文好,真係好!!

Alice, 如在三年級已拿76,(希望你不要介意)老實講句可能低咗少少,我大囡那時都可以拿到85以上,現在都可以變成咁(69.5), 佢作文就好彩保持到78!所以暑假要補補!!你知呂小的學生成績競爭很大,一分兩分已經差十多名名次呀!第日又不知學校有幾多band 1 quota.我哋都唔想點谷佢哋,但都要向現實"升中"低頭.看看那部份弱便做多些那部份啦! 我這個暑假"計劃"要大囡每天做重組句子+排句成列.希望佢下次有72以上,有番個B-比人睇.

Homama2004

〝我們一家有購博物館全年套票$200〞係未意思一家四口去都可以呀？...>>係呀! 四位有親屬關係的成員

alicetong

Homama,
其實係今次大考前,我一有時間已經比佢做左一本4上中文習作...但係出0黎0既成績都係咁..點算呢？佢本身烏龍大意一定有影響？應該係邊度搵料比佢呢？...或者有無邊幾本習作內容好d架？我都要佢呢個暑假操中文重組句子+排句成列+閱讀理解？今晚返去睇清楚佢衰乜野先....

alicetong

Homama,
咁又真係好低喎...但係平時weekend先生有事做？星期六、日得我帶住兩個,星期日仲無埋工人添...所以好少family gathering家庭樂...有苦自己知？

Homama,candy
不如講下自己屋企排位呀？...
家裡我係最細..所以係無主見0個隻..依家生左兩個已經算好叻架0拿？( 我自己當咋...?)當然都係檬檬下..哈哈哈！