九龍塘基華小學-家長站

KiuKiu媽媽

funfun, 收到啦!

各位, 今朝又發生追車事件, 校車7:10就到啦, 當然早到, 重差2個小朋友, 又系唔等就開走, 我一轉身就見到佢地追緊過來, 個媽重好惡叫個小朋友快D啦, 我話唔好急啦, 系對面等啦, 因為架車系會轉上山坡再接三個學生, 轉返到我地等車對面條線, 再去下個站, 唉又系咁, 真系要拆訴, 我見另一間小學, 早我地小小, 但人地都等成5分鐘, 等齊學生先走, 邊有咁架, 這個問題我一定要找到校長同佢講先得..激氣呀!

numen

唔係呀~早到仲要唔等人,好在我個仔早D落樓等校巴,早成2個字落樓呀！！如果等唔到校巴,都唔知點算...

KiuKiu媽媽

numen
我都系呀, 我7:03就落樓, 我個座好近車站, 驚就系驚搭唔到"車立"架咋, 因個個時間真系爆架, 上唔到就要等下一架, 所以要早小小落樓, 佢地開學初系話7:15架嗎, 好多時都系7:10就到, 咁講真其實時間都充裕等多一兩分鐘唔緊要啦, 有時真系搭唔到"車立"就系差個一兩分囉!

LEON

KiuKiu媽媽，
你地有冇開心見成地同driver&保母傾呢個問題呢？佢地有乜回應？
明天你會到嗎？一位？我同hb一齊出席呀！

KiuKiu媽媽

leon
我明天系會同老公一齊出席, 因為剛開學, 一齊去了解下家長會的情況!
校車的問題, 我見到有學生未到都同佢地講 "等多一陣啦", 佢地都唔理架, 望兩望, 都唔夠30秒就開走啦, 重話, 唔返唔使同佢地講架啦, 總之佢地唔見人就走, 話之理咁, 之前校車公司個負責人態度都好有問題, 好似唔志在您搭唔搭咁, 您咪唔好搭囉, 邊有咁樣架 (聲明司機及姆媬的態度系無問題的, 姆媬亦系友善的), 應該系校車公司與學校的指引唔清楚無溝通好, 校車司機 / 姆媬 / 家長都要大家合作架, 咁接送小朋友都順利啦系咪, 好似放學咁, 個姆媬唔同朝早個個架, 佢唔理學生的家長到左未有無人接, 就將小朋友放哂系車站, 叫某某家長睇佢地都試過呀, 我地D家長咪叫小朋友萬一家長未到, 你地一齊行過去商場里面個門度等囉, 唔好走失, 要一齊等, 佢地放學都試過好早就到, 有些家長又未都, 我覺得放學都唔緊要, 因為我地家長們都溝通好, 大家可以互相幫助接左小朋友先, 互等囉, 總之大前提系確保大家的小朋友安全返到囉!

真系要正視這個問題呀???!!!!!

KiuKiu媽媽

各位早晨呀, 星期六開完家長會, 時間好緊急, 常識科老師都無見到, 亦沒有去聽講座, 由課室出來比校長捉住, 因為我交左封信比佢投訴校車, 雖然校長有初步答到一些問題, 但因為實在有太多家長投訴, 校長好似家長圍攻咁, 系咁問佢問題, 唉...但聽聞學校都好保護校車公司架, 所以投訴都可能無用呢????!!!!!

我現正聯絡到一姆媬車司機, 希望自組姆媬, 請問各位在官塘區的家長是否有興趣, 由於我地人數未定到, 我個邊大約有5-6個小朋友, 負責人話若果多些學生, 佢直情可以開條線比我地, 但車費未訂到我知, 因為亦要知人數有幾多, 同地點, 所以若各家長有興趣可以PM我, 等我統籌下, 反映給負責人, 睇下可唔可行, 您們可以提供上車地點及落車地點, 我再集結與負責人溝通!

LEON

KiuKiu媽媽，
good morning !
若果能自組姆媬車便方便得多，不用受氣嘛！但組成後記住要問校方可否加入校車隊，否則小朋友要排家長接送隊再由姆媬車司機接上車！

星期六我都冇去聽講座！當日感覺班主任同英文科老師都很好，反而有d家長好激……

KiuKiu媽媽

Hi LEON
我大致上知道系校車队上哂, 先到姆媬車队, 跟住就系家長队, 我聯絡的這個司機系接開基華的學生, 由于佢唔系行官塘這邊的, 無辦法接到我地個區的學生, 只不過佢要睇情況是否可以開左一條線, 依家只系好初步, 您有無興趣加入呀, 您現時返學放學時間如何呢, 有無咩問題呀???

我地個班, 好多人開開下就走左, 可能要返工同要上堂呀, 反而比較多家長問小朋友在學校的情況, 因為個別有些小朋友都好多問題下!

LEON

KiuKiu媽媽，
我唔係住東九龍的！我小朋友同funfun mama囡囡同架姆媬車，唔知係咪你搵那位(亞太)？而家我小朋友返放學平均都要1hr，無奈都要接受！ :cry:

KiuKiu媽媽

物小朋友返放學, 都要1個鐘架, 咁都幾耐喎!呀, 我知啦, 您的問題即系funfun的問題, 我又攪錯左另一位媽咪呀..哈哈!funfun的問題我亦幫手向校長反映左, 另Please check PM!

傻鴨菇芝

KIU KIU 媽媽:

pls check pm thanks

funfun

KiuKiu媽媽,

唔該哂,希望各校車問題學校會正視和幫忙。

家長會

abckwan

Hi KiuKiu,

My neighbour and I are interested. We live on Broadcast Drive. Please advise if possible.

Thanks

KiuKiu媽媽

abckwan,
咁我預左您先啦, 因為我要統計下人數同行車路線給負責人, 睇下佢可唔可行, 我想了解下, 您的上車及落車是否都在Broadcast Drive??

abckwan

Thanks

Our departure and pick point are 6-8 Fesseden Road, Phoneix Court.

Please advise the time and the fare.

KiuKiu媽媽

abckwan,
get back to u soon!
可否提供中文呀??

abckwan

Sorry I don't know how to type Chinese.

KiuKiu媽媽

今日個囡派默書, 系99分, 依點解呢?? 原來系默錯左標點符號, 或者讀P1會知Story 2, 最尾個句兩句的結尾同開頭都系用"...", 咁我就系教阿囡唔好留左呀, 唔系就要扣分, 點知呀囡有默都要扣1分, 原來老師改左默" . ", 咁阿囡唔小心無留心聽清楚, 就全部默哂出來, 唉...唔知系咪我教錯佢, 害到佢無100分, 個囡成篇都背到, 就系無聽清楚老師指示, 咁我都無話個囡, 我當佢100分!

咁我諗住打電話問英文老師了解下, 點知我打去, 這個英文老師的語氣, 唔好話親唔親切呀, 應有的禮貌都唔多識喎, 我一向同人講電話都系好重禮貌, 一定好客氣的語調咁請教, 點知老師給我的感覺系, 您小朋友無聽清楚, 我已經講得好清楚重要講埋中文, 佢都錯喎, 所以要扣分, 咁佢咁解釋我都無野, 我就話, 因為我都系跟住原文同個女默書, 連標符我都要佢記實, 唔知老師會改左, 咁我就再問佢, 因為Stroy3都有好多標點, 咁重使唔使默呢, 佢話佢地只系默句子, 小朋友咁細個, 佢地唔會默標點, 咁點解又會默" ? !"這些標點呀. 但如果唔默標點, 咁點解又扣要分, 您地話佢講野系咪有問題, 好似好想收我線咁, 急住走都未定....當時系5點正

不過做老師系咪應該樂于同家長溝通呢, 家長對小朋友的分數有疑問系咪應該詳細解答呢, 亦代表家長系重視個小朋友, 唔系使咩由家課話"下周默書...." 要串生字串到默書個朝都重串緊呀, 我唔系為左個1分唔開心, 而系同佢講完電話好唔開心, 這個老師系新老師, 我有機會都要課主任講講先得!

jocelyn123

KiuKiu媽媽,

默書都係要考默寫能力和不能忽略的聽寫能力，所以當你同囡囡默書時，提醒她要靈活些，不要死記。老師都無錯，唔好投訴佢啦！可能她今天接十幾個一樣的電話呢！我

KiuKiu媽媽

jocelyn123,
其實我都明白做老師的壓大好大, 學您話, 佢真系接左好多關於標點符號的問題都未定, 我亦知我囡囡的唔小心無聽清楚指示, 所以我都無咩野, 不過當時聽完佢電話覺得好唔開心, 咪打一大段呻下無野的, 多謝您的開解, thanks!