青春期的魔咒

MrBeast

Jane1983 發表於 19-12-30 14:55
回覆 MrBeast 的帖子

呢d真係「這些道理我懂，可是真正面對，教我如何放得下」

有d野，係要有certain 親身經歴先會領悟到

Yanamami

Jane1983 發表於 19-12-30 14:49
回覆 Yanamami 的帖子

咁乜嘢改變你的想法，讓佢早點出去？

我d女係假洋鬼子唔臭米氣既，恨出國好耐，係我夾硬keep住陪我就真~

Yanamami

longlokma 發表於 19-12-30 15:42
我跟你相似，本一直打算孩子在港讀大學，亦相信孩子有能力選讀他想讀的學系，但我們在兩個月內決定及已安 ...

我有个法國人姑丈，來港定居超过半世纪，比佢出生地留得更長时间，視香港為家，年青时在中大任教直至退休｡今天仍不断同我講以学生為榮｡近日亦打算番法國，百般不情願，奈何~佢話佢既学生，仔女同我地既仔女年紀差不多，有能力既都送出国｡

Jane1983

Yanamami 發表於 19-12-30 17:45
我d女係假洋鬼子唔臭米氣既，恨出國好耐，係我夾硬keep住陪我就真~

哈哈，早出去3年，唔只唔捨得，怕學壞，仲使多好多錢ga。

Yanamami

Jane1983 發表於 19-12-30 18:04
哈哈，早出去3年，唔只唔捨得，怕學壞，仲使多好多錢ga。

唔……我对佢同对自己先前一直教養都好有信心~间寄宿学校好嚴下，而且有家姐同親友，甚至我自己同学係果边，应該無问題｡家姐出国後甚至乖左，所以楼主先会见到我話守得云开见月明｡我自己亦因留学而变好左，所以我係好positive. 至於洗多好多錢，都係㗎~但換个角度諗会开心d, 當好似俾佢入左李宝椿禁囉我同学話，反正我死左都係留俾佢地，倒不如应洗就洗係佢地身上，反正用係教育都係抵……禁咪無禁赤~

annielui

Hihi, 有關一些青春期問題想請教下大家, Sorry, 好長吓…..
我女中學前都幾乖,我交託佢做既事/溫習都做到, 佢對自己既要求亦好高, 有時我覺得已經考得好好, 但係佢自己重係唔滿意,
所以讀書方面不太讓我操心,我地既關係亦唔錯….但一上到中學好似突然變了個人似的, 對我好冷淡, 做功課時看一眼都好不滿,
問多一句已經不耐煩, 所以我已經沒有理她的學業, 只係有時關心一下問她OK嗎? 佢必然答案是OK, 我自己識嫁….
我上網看過很多有關青春期的文章(包括此post), 了解到這是由小朋友變大人既必經階段, 即使萬分擔心亦要放手…
但近期由於在網上發怖功課, 我女未習慣此方式,好多甩漏, 又唔知道原來好多科有deadline,所以無交,
上星期已分別接到兩科老師電話追功課(暈), 由於她現在有很多已過期/將到期的功課, 而有些是e-book 要做book report,
但我問過佢原來佢係一直log in唔到,但都無向我地求救 (我女一向比較自信/自尊心強), 所以越積越多,
而她亦未面對過這狀況, 我老公話現在要幫一幫她編排完成功課的次序,補回欠交的功課先….如果我地唔出手佢更大壓力,
我同佢講今次比媽咪幫一幫妳, 之後由妳自己handle返, 但這兩天我同佢跟進時都好黑面吓(唉!!!),
但佢在我老公的威嚴下都要接受……希望快D搞掂我倆都好過點…..

其實令我最唔開心既係佢青春期發洩既對象好似只有我, 對我特別冷淡, 不肯親近……以往我地相處好好, 佢亦特別依賴我,
佢中一入學前交過一問卷, 介紹我是一個性格好脾氣好的媽媽(嗚…..只是半年前的事), 而且佢亦成日取笑我,發唔發火都係同一個樣….
(即係嬲唔出樣)…..唔通就係因為咁…我成為佢目標? 我知道現階段不能硬碰硬…….是否要忍耐…但會否習慣成自然????

前幾日執嘢, 見到佢以前既作文….我最愛的人是媽媽….即刻悲從中來, 喊到收唔到聲

Jane1983

回覆 annielui 的帖子

佢自己甩漏，無log in都唔出聲。欠交功課堆積如山，你捱義氣出手幫佢，佢仲好意思黑面！？青春期係易怒和衝動，但唔等於大晒。你應該心平氣和好好同佢傾吓，唔好事事就佢好似買佢怕。
我女都係呢個年紀，你要比佢知父母好愛佢。但佢要合理有分寸，唔係佢最大，你地兩老任佢舞。熟稔引來輕蔑，蝦你最易最就手。你唔好比呢件事發生，否則佢睇你唔起，更難教。

little_yolky

annielui 發表於 20-3-3 14:14
Hihi, 有關一些青春期問題想請教下大家, Sorry, 好長吓…..
我女中學前都幾乖,我交託佢做既事/溫習都做到,  ...

我女女都係咁，上到中學變咗個人，不過佢係對C6衰，因為佢係爸寶，由細痴爸爸痴大，依家就聽到爸爸把聲都唔掂。

忍耐一下，唔會變成習慣，終有一日會雨過天青。

1998Ruby1998

回覆 annielui 的帖子

青春期係好古怪，雖然要依賴屋企但又好需要獨立空間（簡單啲，即係「我唔知點解咁忟咁煩，聽到任何聲音、見到任何人都覺得煩好痛苦，讀書又煩，總之 please leave me alone」）。小小事都可以發脾氣唔開心。
佢成日發你脾氣，會唔會因為你就係最接觸得佢最多嘅人？因為爸爸要返工，大部份時間都見唔到佢又唔會過問佢學習問題，所以個計時炸彈冇爆？

你挨義氣幫佢，但佢有冇出聲要你幫先（喇，唔好話「我見佢咁大壓力，所以出手相救，人地冇講過要你救」）。即係好似啲醫院病人咁，人地死都要出院，醫生都唔可以挽留，要個病人願意先可以留院接受治療。

但點都要 set 返條底線，呢條底線仲要白紙黑字寫明，唔接受啲咩，例如唔準講粗口、可以發脾氣但唔可以向人發脾氣。同埋一定要冷靜，邊個唔冷靜就邊個輸。佢唔冷靜，你更加要冷靜。沈默是金。有一個好重要嘅地方而好多人唔記得：don't just tell them “no”, tell them what they can do。你唔想佢用尖叫去令你聆聽，你要講你想佢用咩方法去令你聆聽。

呢個唔會係形成習慣，但一定要挨到過 DSE。千萬唔好再諗「小學嗰陣佢好乖好聽話」，佢已經唔係小學生，佢自己都冇懷緬過去，你就不能再懷緬過去。如果老師再打電話，直接畀電話佢自己拆彈。
有七點可以試嘅：

1. 冷靜而不凌厲不恐嚇
2. 肢體語言同眼神好重要，要表達你願意聆聽願意冷靜
3. 不能直視、怒視，保持三尺距離。
4. 情緒失控時，退一步、冷靜過後再商量。
5. 佢冇要你幫手，唔好插手。6. 沈默是金，問不過三
7. 紀錄發脾氣時間、當刻你同佢做緊啲咩、有冇外在原因（黎 M、測考、輸比賽、落選）。發脾氣都有 pattern，唔係無中生有。當你紀錄得多，你可能發現到啲令佢爆發嘅原因，可能係佢太多功課、行路聲太吵。

青少年亦可以用呢四招：

1. 當父母不斷追問，可以直接關門入房/廁所，畀空間自己冷靜
2. 冷靜過後，自己組織言辭解釋自己情況，並講出希望父母做咩（例如：唔好插手、相信佢嘅決定）

3. 可以發脾氣，但一定不能向人，要發脾氣就搵一樣死物發洩（畫畫、跳、枕頭、皮球）

4. 如果父母唔識冷靜，你就一定要做冷靜嗰個，邊個冷靜到就邊個係贏家。

gigayan

annielui 發表於 20-3-3 14:14
Hihi, 有關一些青春期問題想請教下大家, Sorry, 好長吓…..
我女中學前都幾乖,我交託佢做既事/溫習都做到,  ...

我將你呢個post問咗我中一嘅女，我話點解你地升中後會咁嘅？佢睇完話：佢估你女係比較需要面子，login唔到已經覺得瘀瘀地，再加上父母不停夾擊佢做功課，佢會覺得好煩好煩。

呢個時期當佢地無出口要幫手，父母真係純觀察好了，我女d功課都多到做唔停，但佢又做兩個鐘抖三個鐘，我見到都炆，又篤實佢做功課，點知差不多做晒，新嘅功課又嚟，之後佢話：都話㗎啦，做唔完㗎，我自己會跟啦！咁我就無再理佢，避免一場世界大戰。

annielui

回覆 Jane1983 的帖子

多謝你意見...唉！如果唔係青春期我一定唔會忍氣吞聲，但因為看好多文章話青春期既少年人自己都控制唔到自己情緒，而唔係故意激人，所以我會唸其實佢都唔想佢都好唔開心，佢黑面只係發洩自己情緒，所以我唯有忍以免關係再差落去...妳女女都係青春期，咁佢有乜症狀嫁？有冇目標人物？目標人物又會點應對呢？感謝

annielui

回覆 little_yolky 的帖子

爸爸一定好傷心...咁爸爸而家點應對？都是是愛與忍耐嗎？點樣聽到佢把聲都唔掂？爸爸好慘！咁請問佢對妳同其他家庭成員又點嫁？係咪妳比較有威嚴又唔煩佢所以佢佢會少少D病發？
妳覺得真係唔會變本本加勵！愛與忍耐可以戰勝青春期，真的嗎？

annielui

回覆 gigayan 的帖子

妳女果然係同輩明白青少年心理！唔該哂佢！自s. 1開學佢唔比我理佢D功課我已放手，但今次係因為分別有兩個老師打比我了解，而我知道不斷再有功課到期，所以先介入....如果佢真係自己處理到，我都好想放工可以休息吓，唔想再產生磨擦，但佢地今次第一次咁樣查功課，提交功課，好多技術性問題佢處理唔到，但礙於面子又唔求救，所以其係越積越多，我真係覺得呢個時候要幫幫佢，即使受佢黑面對待，補返D功課搞掂返個進度，我會比返佢自己處理，希望快D重入正軌，大家都開心！咁妳女女有冇青春期發病？有冇目標人物？目標人物又可以如何自處？
感謝！

Jane1983

回覆 annielui 的帖子

保持良好關係係最緊要。親子關係唔好，你講的所有嘢都聽唔入耳。你忍讓佢唔正面衝突係好，但等佢靜落黎，一定要傾吓佢咩事、點解咁負氣，亂發脾氣對人唔公平，how about 我又好似你咁對你，你覺得點？教子要有義方，咩係應做的事應有的態度，分寸係邊，好清楚，唔可以剩係忍讓。
我女so far都幾乖，佢係比較奇怪。佢在家溫和友善，但對外人反而會比較硬。試過和佢去同學聚會，我地一班家長一齊食嘢，我行去裝吓佢，見佢對其他同學都幾惡，個樣奄尖腥悶，唔係我心目中的佢。返到屋企，我都有同佢詳細傾。細路哥成長就係好多問題，唔係呢樣就果樣。一家人感情好，同舟共濟，重有有雨後見彩虹。

gigayan

annielui 發表於 20-3-4 10:54
回覆 gigayan 的帖子

妳女果然係同輩明白青少年心理！唔該哂佢！自s. 1開學佢唔比我理佢D功課我已放手，但 ...

目標人物當然係我，爸爸細細個佢就驚，一個眼神殺就令佢立正企好，不過大個女了爸爸都轉咗一個方法同佢做friend，宜家無咁驚爸爸，但都仲有威嚴。開學時，我仲未tune到，都火星撞地球，最近用返佢語言同佢溝通，佢就順返晒。

其實佢地明父母愛佢地，但當成日提住佢地就覺得好煩，覺得用「愛」做藉口要佢地乖，如果小朋友懂性就唔需要時常提住。

little_yolky

annielui 發表於 20-3-4 10:40
回覆 little_yolky 的帖子

爸爸一定好傷心...咁爸爸而家點應對？都是是愛與忍耐嗎？點樣聽到佢把聲都唔掂 ...

因為爸爸把聲好似鬼食泥咁，又不斷um um尋尋，我聽到都覺得煩㗎。佢同妹妹咪一日到黑嘈交打交囉。我惡，所以佢「比較」少發癲，但都有㗎。我同佢係保持距離，所以關係無咁差。我無乜理佢既。青春期唯有佢唔理你，唔叫你幫，就唔理佢。你做乜鬼理佢啫，咪俾爸爸幫佢囉。而且log in唔到，教佢log in一次就得喇嘛，仲有乜要幫呢？你自己搵D嘢做下，唔好以佢做中心。你有你既世界，佢有佢既世界。有需要，佢搵你你就繼續幫佢，但點到即止，避免過猶不及。
一來佢以為你覺得佢無能，二來自己送上門係咁幫佢就唔矜貴，佢亦唔識感恩。

至於爸爸既心情呢⋯⋯有一次，佢響港鐵站見到個年青爸爸抱住個幼稚園小朋友返學，咪即刻諗起以前囉，然後又諗起依家⋯⋯

little_yolky

gigayan 發表於 20-3-4 10:31
我將你呢個post問咗我中一嘅女，我話點解你地升中後會咁嘅？佢睇完話：佢估你女係比較需要面子，login唔到 ...

你女女講說話你聽唔好夾擊佢做功課

佢有做有交功課就唔好理佢啦，我個都唔係1X個鐘唔停做，佢有時都上下whatsapp，上下youtube，睇下閒書，唔出大事就唔好理佢了

annielui

回覆 1998Ruby1998 的帖子

好多謝妳意見呀! 我係在職媽咪, 以往女女放學回奶奶度做功課, 我放工揍返佢, S.1前既學習/起居都係我負責, 爸爸好少插手....S.1雖然我老公風趣幽默, 但一發火唔係人咁品, 佢大聲少少我女已經眼濕濕, 所以可能我女就算不認同都唔敢黑佢面, 而我女對老爺奶奶都會視為長輩咁尊重, 亦唔會黑佢地面, 而我.....最會煩到佢, 又唔夠惡...所以佢將情緒都放在我身上....會唔會係咁呢?.......如果係既.....向好方面唸, 起碼佢有個發洩地方, 唔會谷埋谷埋......其實佢唔會點駁咀, 只係黑面, 對我好冷淡, 保持距離....但已夠我難受了....成日反問自己做錯咗D咩引致現在這局面.......會唔會真係用愛與忍耐可化解?
妳話一定要挨過DSE? 此話何解?
感謝

annielui

回覆 Jane1983 的帖子

但係佢而家拒絕溝通, 如果係佢心情好時講, 又怕佢反應大, 又黑面收場......點好呢.....send whatsapp好無呢?但又怕佢唔睇....唉! 我真係好鬼無性格