☆屯門聖公會青山聖彼得堂(兆麟苑)家長請進~

tszyau2000

MARCO仔仔 :
我好認同你的講法,小朋友真的不斷比驚喜我地,所以好多時比我個囡攪到我吾知好嬲定好笑!

你講開書法,吾知是好事定壞事,我今個暑假就幫囡囡報左仁愛堂"寫字班",原先都幾好,但後來佢又好似吾想寫字,因為有些字筆劃比較難寫,她驚左,所以我要篤住她寫的,有時她真的吾願意寫,我都好"蚊",要慢慢引導她寫,但又每當老師派回功課時,給她星星貼紙獎勵她,她會好開心,那時又會說好鍾意寫字,無她付!

講真囡囡上完這個暑期寫字班,她學多左好多生字,耐性亦好左D,所以她辛苦D都值得!

加加媽咪

tszyau2000,

其實我同LongLong_ma都係要返工架, 我都係得閒先入黎傾幾句, 係呢,你平日係咪好夜先收工架, 咁返到屋企又要湊囡囡都幾辛苦.

Ding,
我都同意咗俾囡囡去做“讀寫困難早期徵兆研究”.

睇到Macro仔仔媽咪話原來"大埔海濱公園"有咁多野玩, 真係好吸引, 我都會請假同囡囡去, 希望藉住依次旅行一來可以陪囡囡玩, 二來可以認識吓囡囡d同學仔、同學仔的家長仲有d老師.

chunchunmama, 原來你就快生BB喇, 恭喜你呀, 記住小心身體, 留番下年同埋bb一齊去咪仲開心.

LongLong_ma,
琴晚個 Talk 真係幾好, 講到成9:45pm先走, 我同老公座咗喺左面第二行, 你呢??

MARCO仔仔

re :教寫字

我自己都曾經話錯marco
我見教佢玩 uno , 飛行棋, 一教就識, 就高估左marco 能力,
教佢寫字時, 到 佢比我想像中慢, 曾經話過佢幾句...
佢喊住同我講, 我會寫到靚為止, 果刻, 我知鬧錯左佢,
仲驚佢之後提起寫字都怕, 好彩佢無炸....

諗起都好內疚...始終寫字係好講佢控制支筆o既技巧, 唔同 玩......   

chunchunmama

我係龍成花園個間琴行學的, 老師個別教授的, 每堂半小時, 我以前5 day work, 所以捒星期六早上學。

MARCO仔仔 寫道:
chunchunmama
有親子班學琴咩, 咁好 玩 ?

MARCO仔仔

TESTING

tszyau2000

CHUNCHUNMA:

點解你甘快就決定3號開刀?
比預產期早!

MARCO仔仔

chunchunmama,
OIC, 我知邊間LA,
聽落好 有 趣, 一齊學, 陣間亞仔識我都未識 :  :

tszyau2000

MARCO仔仔:

甘你都可以叫marco試下,可能佢有這個天份呢! 而我囡就一定吾得,因為她是坐吾定,仲要佢睇樂譜真的不敢想像!

Ding

chunchunmama

hahah..親子學琴..唔好啦.. 我d手指又短又肥.. 又無音樂細胞.. 不過如果笫二時個仔喜歡學..我都會俾佢學 .. 都係睇佢興趣啦.. 我就發覺佢鍾意創作多d.. 好似玩泥膠..砌 lego ..就算砌圖都好鍾意..我記得第一次佢2.5歲時叫買一幅超人砌圖..100pcs..初時以為佢一定唔掂..又會整唔見晒..不過唔貴($10)..咪買囉...點知同佢一齊玩幾次之後..佢竟然識砌.仲係由中間開始.. 除左同色果d佢認唔到之外..其他就砌晒出黎.. 幅砌圖到衣家仍然健在..無少到.. 跟住我都買左2幅俾佢玩...我諗第二時d興趣班..我會揀一d多創作嘅俾佢  

祝你一切順利...生個可愛bb    

MARCO仔仔

Ding,

100PCS 砌圖, 都好 叻喎, 係咪因為佢好 鐘意超人呢, 所以好比心機砌, 都好有 耐性TIM..

LongLong_ma

嘩.....個個小朋友都咁勁既.....驚喜????...亞仔幾時先俾我呢???   

tszyau2000

LongLong_ma :

其實吾係咩好勁...我志在比個囡囡參與多一些群體活動,比佢認識多些朋友! :

chunchunmama

今日見到妳個女試童軍制服!

我昨天去左屯門醫院產檢, 醫生問我想開刀或試生? 佢問我想吾想試生, 有六成機會順產, 不過都有子宮爆裂的危險, 我諗都係開刀好d, 第一胎係開刀生, 今胎再開多一次都冇分別啦啦! (係最後一次吾緊要啦!) , 同埋我好驚痛好多個鐘跟住生吾到先開刀, 甘好吾抵嘛!

醫生真係幾好人, 佢問我十月尾至十一月初期間有沒有喜歡的日子開刀, 我心諗可以比我擇日甘好, 不過我都係是但講3號, 2號要入院啦!   甘我即係去吾到觀課啦!   

tszyau2000 寫道:
CHUNCHUNMA:

點解你甘快就決定3號開刀?
比預產期早!

  :wink:    

chunchunmama

Ding,

妳個仔可以砌到100pcs的Puzzle, 真係好勁好叻仔!
砌圖要好有耐性至得, 我估妳個仔耐性都幾好, 學琴應該冇問題既! 佢大少少比佢試下都好架!

我自己覺得如果時間許親子學琴班都不錯, 我和亞仔一起練琴都好開心, 每人輪流彈一首歌仔, 有時佢彈我要伴唱架! 我當半個小時係親子時間咋!

我都係音樂白痴,  有時老師問我琴鍵係什麼音? 我都慢半拍諗一陣先答到, 但亞仔可以即時答到, 好似難吾到d小朋友甘!

chunchunmama

tszyau2000,

你個女甘醒, 彃琴睇樂諳絕對難吾到佢啦! 吾好低估d小朋友既能力呀! 我覺得佢會鐘意彈琴, 有機會快d比佢試下啦!

[quote]
tszyau2000 寫道:
MARCO仔仔:

甘你都可以叫marco試下,可能佢有這個天份呢! 而我囡就一定吾得,因為她是坐吾定,仲要佢睇樂譜真的不敢想像! [/quote

tszyau2000

CHUNCHUNMA:
你又黎甘講啦,
好啦,我都要收工啦,遲D再傾過!
BYE!
  

MARCO仔仔

chunchunmama,

咁祝你生個肥肥白白的 小 B, 順順利利.

        

chunchunmama

各位媽咪早晨...

tszyau2000,
我報左名參加「EQ寶寶」幼兒小組課程(共四堂),  
你有沒有參加呀? chunchun的EQ真係吾掂, 希望這個課程可以幫到佢少少!

加加媽咪,
多謝你的關心呀!

MARCO仔仔,
好多謝你的祝福呀!
你個Marco仔個樣好鬼得意!
我亞仔都係叫Marco架!

tszyau2000

各位媽咪......早晨

   我岩岩返到公司!

YYMom

chunchunmama , 你好呀, 我大仔都係兆麟讀k2, 我兩個仔都在屯門醫院出世 !
你遇到個醫生真係好人, 我當時大仔都係開刀, 但第二胎醫生都無問我想吾想試生, 怕唔怕, 就話你今次自己生啦, 得架啦!我都無"反抗",只係問佢有無子宮爆裂的危險, 如果爆裂有咩後果,佢俾個答案令我唔係好安樂!因為我兩胎好近, 嗰時成日覺得自己風險較高 ...後來同個私家醫生傾, 佢話以香港的技術, 子宮爆裂的機會好細, 我先放心咋 雖然唔係話屯門醫院個醫生講嘅嘢唔啱, 但係你知啦,大肚婆好sensitive架嗎, 講得好聲氣少少得唔得呢, 真係 !好在後來細仔都順利出世, 唔使開刀, 同埋只係痛左七個鐘, 真係好感恩   祝你今次一切平安, 生個健康bb

chunchunmama 寫道:
...
我昨天去左屯門醫院產檢, 醫生問我想開刀或試生? 佢問我想吾想試生, 有六成機會順產, 不過都有子宮爆裂的危險, 我諗都係開刀好d, 第一胎係開刀生, 今胎再開多一次都冇分別啦啦! (係最後一次吾緊要啦!) , 同埋我好驚痛好多個鐘跟住生吾到先開刀, 甘好吾抵嘛!

醫生真係幾好人, 佢問我十月尾至十一月初期間有沒有喜歡的日子開刀, 我心諗可以比我擇日甘好, 不過我都係是但講3號, 2號要入院啦!   甘我即係去吾到觀課啦!