子女的期望 vs 父母的期望

little_yolky

greentea000 發表於 17-3-15 19:15
唔同人/年代既尾班車分別好大呀！
我阿媽果代係30，到我中學係35，而家見幾個女senior都話40先生

你講既係文化上既尾班車, 其實唔同年代, 女性既生理時鐘都無好大改變, 只係醫學好咗, 營養好咗, 令到身體健康咗, 稍為延長咗個可生育期, 不過, 最好既生育生齡, 其實都係咁上下。記得重點係要計首胎。

greentea000

關於做題慢，家族方法好絕情下，就係平時做功課都限時，小學係星期一至四2小時內，星期五、六、日加埋4小時內。食飯都一樣，食45分鐘，夠鐘未食完都收起。
平時放任拖拖拉拉，考試自然快唔到，根本唔適應。操卷有些少幫助，不過一般人無我家操咁多。

如果無特別問題(e.g. adhd)，呢Ｄ拖延症要狠心解決。

little_yolky

greentea000 發表於 17-3-17 08:43
關於做題慢，家族方法好絕情下，就係平時做功課都限時，小學係星期一至四2小時內，星期五、六、日加埋4小時 ...

但係點解決? 食飯就話可以收起啫, 做功課點計時, 真係揸住枝筆呆咗望天架。

greentea000

回覆 little_yolky 的帖子

佢唔好好食飯，你都可以收起，你點解決？
兩件事本質係一樣，你係解決唔到自己既心魔。唔食飯，係家事，老師唔理。唔做功課，係公事，老師會搵你。老師唔理既你都主動KO，老師理既反而你唔理？

greentea000

拖延症真係好恐怖，尤其我呢行，延誤工期罰款好重既！

一發現有拖延症既組員會唔俾重要野佢做，可以調走佢更好！！！

wan_sosin

little_yolky 發表於 17-3-17 10:15
但係點解決? 食飯就話可以收起啫, 做功課點計時, 真係揸住枝筆呆咗望天架。 ...

做功課當然可以計時，唔一定要用罰，可以用獎勵或儲印仔，如果只是抄寫功課慢，就抄寫功課計時，限佢一個合理時間。如果真係獎都唔得，就惟有比個後果佢，要點比後當，家長自行決定。
這些都是幫助ADHD的小朋友方法，對SEN小朋友，就盡量用鼓勵/獎勵，因為罰佢哋就好易打沉。
不過我在功課上無需用這些方法，我仔已體會到快些完成功課的好處，做完可以去玩，佢亦學識咗好好把握返學時間去做功課同温習，上次中默要背默唐詩，佢是在學校背好返來，佢目的仍然是想回家玩。可能你唔太認同學習係為了玩，但這個仍然是好有效的方法。但我要安裝這個程式入我仔個腦，都花咗好多功夫，當然由幼稚園做起，小一二都未算行得太順，到今年小三已好少DOWN機。不過而家個程式都要升級，就係要提高準確性。

yovin

樓主：謝謝你的分享！
你的經過能警剔大家同時，也能使讀者憶起不少與父母間的點滴。
我想問問： 1你對媽媽有沒有半點美好的回憶,？2你有没有曾經好好地溝通一次，去直接表達你的不滿（即是直接話她教你的方法不正確）？3她有否向你道歉過？

little_yolky

greentea000 發表於 17-3-17 19:48
回覆 little_yolky 的帖子

佢唔好好食飯，你都可以收起，你點解決？

首先, 佢一定唔會唔做功課, 只係會亂做一通, 務求填滿晒D格仔。但抄寫無得亂做, 所以先喊。或者係發夢, 做到9:30！
另外, 佢間學校, 老師唔會搵家長的, 佢發咗一個學期夢都無搵我, 好寬容的, 只係扣佢操行分。佢做功課做到錯晒, 班主任仲問佢：XXX, 你媽咪係咪無同你對功課架? 阿細話：係呀, 我自己做架。然後, 班主任仲表達憐憫之情, 同佢講：哇, 你好叻呀, 如果有唔識, 記得嚟問我呀。搞到好似我好懶咁。班主任又唔諗下, 做乜功課都要媽咪對, 呢D好似係佢做學生既責任嚟。

little_yolky

wan_sosin 發表於 17-3-17 23:58
做功課當然可以計時，唔一定要用罰，可以用獎勵或儲印仔，如果只是抄寫功課慢，就抄寫功課計時，限佢一個 ...

抄寫同佢計時, 佢會寫到打風咁, 我哋抄寫=中英書法, 要計入考試分入面排名次...............

wan_sosin

little_yolky 發表於 17-3-20 11:54
抄寫同佢計時, 佢會寫到打風咁, 我哋抄寫=中英書法, 要計入考試分入面排名次............... ...

咁都唔難，你定埋規則係要寫得整齊，所以要定適當時間，如果原本要用一小時，就逐步縮短時間，每10分鐘咁樣減時間落去，如果一開頭就cut佢一半時間，係好難做到。通常開頭都要容易達到，令小朋友有信心去努力。
但連功課都要計分，都幾煩，相信如果男仔唔多啱呢類教學方法。比我個仔都一定唔高興，雖然佢如果認真去寫，D字都會唔錯。

little_yolky

wan_sosin 發表於 17-3-20 12:13
本帖最後由 wan_sosin 於 17-3-20 12:15 編輯

咁都唔難，你定埋規則係要寫得整齊，所以要定適當時間， ...

之前中文書法係有考試的, 不過, 可能校長想減考試減壓力, 所以無咗, 計平時抄寫分。

即係, 明明20分鐘點都寫得好, 但佢要用45分鐘, 開頭就set 30分鐘俾佢。咁樣?

wan_sosin

little_yolky 發表於 17-3-20 12:22
之前中文書法係有考試的, 不過, 可能校長想減考試減壓力, 所以無咗, 計平時抄寫分。

即係, 明明20分鐘點都 ...

對，定一個唔會太難的目標，當佢見到自己做得到，有進步，而你又發揮極力讚賞嘅神功，再加埋獎勵，小朋友會較有動力。當然小朋友可能做到兩次後又會返下轉頭，但都要繼續鼓勵，同埋唔好因為做唔到倒扣佢嘅獎勵，例如減佢一個貼紙嗰類。
逐少逐少去進步，比小朋友感受自己嘅進步，其實同讀書差不多，你一定懂

little_yolky

wan_sosin 發表於 17-3-20 12:44
對，定一個唔會太難的目標，當佢見到自己做得到，有進步，而你又發揮極力讚賞嘅神功，再加埋獎勵，小朋友 ...

真係好攰, 點解呢隻嘢讀書要阿媽我咁傷神...........

wan_sosin

little_yolky 發表於 17-3-20 13:56
真係好攰, 點解呢隻嘢讀書要阿媽我咁傷神...........

你有一個唔洗傷神嘅大女已經唔錯架啦，細女唔係有乜特別問題，這類小朋友其實唔少。細女可能係嚟比你知道多一點你過去未必會知嘅事，你訓練佢，定佢訓練你，睇你點睇啦!

greentea000

yovin 發表於 17-3-18 18:39
樓主：謝謝你的分享！
你的經過能警剔大家同時，也能使讀者憶起不少與父母間的點滴。
我想問問： 1你對媽媽有沒有半點美好的回憶,？2你有没有曾經好好地溝通一次，去直接表達你的不滿（即是直接話她教你的方法不正確）？3她有否向你道歉過？

美好的回憶就是小學跳級之前吧，去到小二還是挺快樂挺無憂無慮的。另外，我媽煮菜好吃，不過我對吃興趣不大。還有就是我媽買衣服捨得花錢，常常給我一套套的買，好幾百塊錢的眼也不眨一下。可惜飲食和衣服上我們要求不一致，最終也是吵架源頭之二。

2和3要說的比較長，剛加班幾個通宵，緩一口氣再說。

greentea000

隔離post講programming同coding，令我諗起自己最差既電腦科，中四中五兩年經常唔合格。中四完有打算drop，不過又唔甘心。後尾電腦班最叻既男同學出手相助，我回禮化學科，CE拎個D叫做有交待。估唔到而家小學已經玩到咁高級。
另，果位男同學小學已經有電腦科家教老師，佢亦如願做左IT人。

wan_sosin

greentea000 發表於 17-3-23 09:36
隔離post講programming同coding，令我諗起自己最差既電腦科，中四中五兩年經常唔合格。中四完有打算 ...

現在coding班，4,5歲都有得報名，那個創業開班嘅人，我都識佢。小朋友當玩好了，將來大把人會識，好似而家個個都學琴咁樣。

wan_sosin

little_yolky 發表於 17-3-20 11:52
首先, 佢一定唔會唔做功課, 只係會亂做一通, 務求填滿晒D格仔。但抄寫無得亂做, 所以先喊。或者係發夢, 做 ...

剛剛先留意到你講check功課，幫唔幫小朋友check功課，有時要睇埋小朋友性格來決定，功課責任當然一定是小朋友的，但佢哋是否有效學習是另一個問題，家長適當時可以監察，有時睇功課也是監察之一，知道佢哋有無留心聽書，有無求其做功課，睇功課唔一定要個小朋友去改的。
功課錯了給老師改，亦唔一定個小朋友對佢嘅錯誤會深刻，因為有些老師為求快，比返個答案學生就算，而學生為求快，抄返老師個答案就算，最後唔明自己錯了什麼，整個學習過程出了軌，變成無聽書，亂做功課，求其改正。