將軍澳媽媽,你們會幫小朋友報邊間幼稚園呀?

MMM888

Uncle-dos
我同你一樣交左＄３００收位費比梁省德，
交的原因同你一樣，都係覺得間學校好有心，
將好多好的資源放係學生身上，
仲有譚主任的講解好好，佢應記一功．

cpy, slk, janet
我昨日都收到循道的信，係下午班，
甘我就唔駛煩，因一定唔會選．
唔知係米細女關係（十月）所以下午班，
我都係好早就交表．
另外明日我會同女女去力勤面試，
比多個選擇自己呀麻．．．
明日個個都好忙呀．

MMM888

perrymon
我唔會選循道啦，因係下午班，
另外宣道程度都幾好，你可以考慮，
不過我係覺得唔就腳，所以無選．

cpy
我覺得你都講得好有道理，
打好個底都係好岩架．

dleelm

popo1026,

多謝你的分享.   可否講下你的小朋友在易澤峯的校園生活? 多唔多功課做? 有無課外活動? 老師有無愛心? 是否好大機會上陸慶濤小學?

iwff

windpuff,

我今早收到力勤電話約interview, 本來約10/11下午1:45pm interview , 但我要返工 , 所以改了明早10:00 interview , 我同仔仔 9:00 面試完易澤峰之後 , 應該夠時間去力勤的 , 但應該見不到你了.

MMM888,
你明早幾點 interview 力勤呀 ?

slk

循道係收我個仔上午班丫.不過我都唔會交留位費啦,因為真係唔就腳. 如果落大雨就大鑊啦.

cpy,
其實如果去外國讀書,升到大學一樣好辛苦架,我個細佬就係個好例子.因為之前太嘆啦嘛.而且入唔到間好嘅大學,一樣無咩作為,不如留返係香港好過.係呢!你有冇同個仔買升學基金/儲蓄保呀?我有同個仔買架,我倆公婆就係驚到時要用咁大筆錢,所以依家儲定囉,我哋仲諗,如果個仔讀到就用來交學費,讀唔到就係養老架啦 :cry:

janetlam74

明天是6/11了....有排忙,大家加油啊!!!

昨夜同老公傾左一陣....都可能放棄保良局,
因我去交表時已排到no.391,下午班都可能無份!
所以只會有宣道,信義會,循道呢3間了

M8,
我睇天書講東華三院的課外活動都好多...
上到小學中學都幾好,
可惜我無申請力勤,因都覺遠!

slk,
我都同你一樣諗法,同囝囝買左儲蓄保,到佢大時讀到
就比佢用,讀唔到就用黎養老睇病....

popo1026

dleelm,
我個囡由第一日返學巳經乘坐校車(之前無返過幼兒園，只是返過畫畫班每週一小時果種)，校車嬸嬸好好，我個囡好鍾意佢架，可能我個囡好期待返學，返學從來都無哭過，我只知每班約31人，有些活動會再分細組(我個囡講)，第1個月無功課做，十月開始每星期都有填色功課，自由填色，其中有些英文生字，有配對。
每2個月有生日會、哈囉喟(28/10)那日是可自由服飾返學校玩。
我個囡個班主任好有愛心同交帶，其他少接觸唔多清楚。
剛剛報了名參加興趣班(自己俾錢)返學校玩，幼班得芭蕾舞班同兒童舞蹈班可參加，我見芭蕾舞時間是星期四下午(我個囡要午睡)所以報了兒童舞蹈班($40/堂)有12堂。

MMM888

iwff
我明日約左１１：００面試，
可能都會見倒你，不過我捻你認我個女好d


Janet
力勤係有個朋友極力推薦，
所以我會去試下law,
循道我唔會捻架啦，
真係好有問題．

slk

請問噚日係咪有媽咪想我show某間幼稚園嘅info架,因為我唔記得咗係邊2 間呀,唔該再講多次丫

iwff

MMM888

你個女都好易認, 她幾大呀 ? 我仔仔1月出世 , 外表可能大些. 佢喜歡坐BB車 , 出街懶行又要抱 , 所以我可能會同佢坐 BB車 , 因為易澤峰去力勤都要一段路 , 唔知會唔會扣印象分呢 , 差不多3歲重坐BB車 .

Janet
不要打定輸數易澤峰唔收啦 ! 我相信交表遲與早不是主要問題 , 比心機interview吧 .仍有很大機會的,

CPY

slk
我想要培正,禮賢&創價...thanks!!!!  :

我有買教育基金呀.但好細銀碼.到時都唔知值幾錢啦...諗諗下不如用來買匯豐好過.... :cry:

MMM888

iwff
最好唔好坐車仔啦，我都唔比我個女坐去面試，
因個個都係自己行入去學校，好似唔係幾好甘，
另外我個剛兩歲，佢十月出世，係細女，
所以會無甘著數，甘等你叫我啦．

slk

iwff,
我聽日要in三間幼稚園都唔敢俾個仔坐BB車,一來我驚佢太攰,坐BB車太舒服會瞓著.而且我都會覺得推BB車嘅形象唔係太好囉. :

iwff

MMM888

我都知道坐車仔唔好了 , 唯有佢唔肯行就我辛苦些抱啦 !

琳琳小天使

PoPo1026, 唔知你個女既班主任係唔係李老師呢？
[quote]dleelm,
我個囡由第一日返學巳經乘坐校車(之前無返過幼兒園，只是返過畫畫班每週一小時果種)，校車嬸嬸好好，我個囡好鍾意佢架，可能我個囡好期待返學，返學從來都無哭過，我只知每班約31人，有些活動會再分細組(我個囡講)，第1個月無功課做，十月開始每星期都有填色功課，自由填色，其中有些英文生字，有配對。
每2個月有生日會、哈囉喟(28/10)那日是可自由服飾返學校玩。
我個囡個班主任好有愛心同交帶，其他少接觸唔多清楚。
剛剛報了名參加興趣班(自己俾錢)返學校玩，幼班得芭蕾舞班同兒童舞蹈班可參加，我見芭蕾舞時間是星期四下午(我個囡要午睡)所以報了兒童舞蹈班($40/堂)有12堂。  [quote]

slk

CPY

禮賢
主要教學語言: 中、英
附屬/聯繫小學: n/a
師生比例: (無提供資料)
外籍及普通話教師: 1及0
04/05學費: 10001-15000 (11期)
主要教學方式:設計活動�方案教學；主題教學
教學特色：　
- 著重宗教及品德的培育
- 重視家長及家庭的關顧,設不同的家長服務及家訪活動
功課類別: 圖畫;寫字;手工;工作紙;閱讀圖書
最多人升讀的小學: 紅磡信義;獻主會
面試形式: 小組面見;家長陪同
面試內容: 溝通技巧或應對;自理能力
其他考慮: n/a

培正
主要教學語言: 中文
附屬/聯繫小學: 培正
師生比例: 1:15
外籍及普通話教師: 3及0
04/05學費: 10001-15000 (10期)
主要教學方式:設計活動�方案教學；主題分組活動
教學特色：　
- 發揮兒童的潛能;啟發多元智能
- 培養主動學習精神;奠定語文學習根基
- 以基督全人教育為本;培育兒童的靈性發展
功課類別: 寫字;工作紙;閱讀圖書
最多人升讀的小學: 培正
面試形式: 小組面見
面試內容: 溝通技巧或應對;禮儀;常識
其他考慮: 兄姊就讀或畢業生;家長為學校校友或教職員;家長願意配合學校的辦學理念

創價
主要教學語言: 中、英及普通話
附屬/聯繫小學: n/a
師生比例: 1:10
外籍及普通話教師: 2及2
04/05學費: 15000-20000 (11期)
主要教學方式: 設計活動�方案教學；全語文教學法
教學特色：　
- 以幼兒為中心,採用多元化教學模式,著重兒童親身體驗及親子活動
- 透過不同活動培養兒童觀察、分析、思考、判斷及對事物探索及意念
- 透過操作式數學學習,培養數學思維才能,以及啟發對數學的興趣
功課類別: 圖畫;寫字;手工;工作紙;閱讀圖書;親子活動;資料蒐集
最多人升讀的小學: n/a
面試形式: 個別面見;家長陪同
面試內容: 溝通技巧或應對;禮儀;常識
其他考慮: 兄姊就讀或畢業生;家長為學校校友或教職員;家長願意配合學校的辦學理念

windpuff

slk,
係囉！我尋晚同老公商量過，都係太太太趕勒！所以今早打左去力勤改期至11月9日下午去interview囉！可能要請假呢！ 皆因佢地話黎緊果幾個星期六學校都有活動，而上午又有小朋友上學，所以惟有揀平日及下午時段interview囉！無計啦！唔知in完後幾耐到有就知收唔收呢？

iwff,
你仔仔好晒未呀！小朋友的體子真係比較容易病呢！尤其依家轉天氣，我地大家都要小心d囉！力勤我改左期interview至11月9日，遲些同你分享啦！  

popo1026,
咁易澤峰有無收到你囡囡呀？有時我都覺得學校見小朋友時interview都無咩標準，加上in幼稚園的小朋友實在太細囉！好難從一次見面就作出公平的評估呢！

CPY,
St. Andrew原本在通知信裏已經約左9:00am，所以我無改期，加上佢地話約需45至1個鐘左右，希望係真啦！如果唔係，我驚我地趕唔切in宣道囉！

CPY

slk
唔該晒你呀...辛苦晒  

windpuff
我都怕趕唔切.你會否同你老公一齊去呀?我諗住如果真係趕唔切.叫老公去宣道登記先....唔知咁樣得唔得呢?

dear all
你地可以話我知....當interview時,如果你可以陪小朋友一齊in.老師問你小朋友野時,但佢地冇反應/唔答時,你地會點做?repeat問題一次定係唔出聲好呢

slk

其實你出聲都無用,先生都係睇小朋友反應,吓吓要你重覆佢先答已經失咗個意思啦.我會同佢講,先生問緊你嘢喎.有時唔出聲交俾先生會好啲,因為有啲先生唔鍾意父母插咀.好似上次去循道咁,我老公就用另一個方式重覆問問題,我就即刻話等個仔自己答丫嘛,先生即刻點頭.不過,我一向都鼓勵我個仔佢自己諗吓點答,有時佢搵嘢,問我啲嘢去咗邊,我會要佢自己搵.若果搵唔到,我會幫佢縮窄個範圍或俾小小提示.有時佢問我嘢,我要佢自己諗吓係咩來再答返我.小朋友思考係好緊要架.所以佢到依家,人人都讚佢把口叻同個腦轉得快.(唔發脾氣嗰時)