嘉諾撒聖家(九龍塘) 家長入來傾下計啦

K1

Heidi媽:

我阿囡話星期五會派番數學卷，叫我唔駛咁心急，都唔知信唔信佢好   

Blythemia

我地20/11比賽,覺得好似好早,原來你地重早.

係咪去灣仔

K1

Heidi媽:

所以我都唔係幾信


我要sleep,  bye-bye !!!

沙律

E?  我記得上年好快派架喎, 我預計今日既溫習堂可能會派其中一科.....但見heidi 媽都係咁講, 唔通我記錯  

傻妹, 我已經email 咗誦材比你, 請check email  

測埋明天就可以鬆一鬆  

K1 寫道:
Heidi媽:

所以我都唔係幾信


我要sleep,  bye-bye !!!

傻妹

沙律,

巳收妥e-mail啦, 多謝你!
亞女第43個,要2:15報到,真係有排坐.

沙律

傻妹, 就算早出場都要等埋成績, 一樣有排坐!!

傻妹 寫道:
沙律,

巳收妥e-mail啦, 多謝你!
亞女第43個,要2:15報到,真係有排坐.

沙律

heidi 媽,

唔知今日有冇卷派.....

你可以安排咁多節目真係好.  我就唔夠擔咁快放鬆佢, 等考埋試聖誕節先玩!!  最多都係呢個weekend 去玩下咋!!

Heidi媽 寫道:
沙律,
我地上年都派得好快, 星期五測完下星期就派.

我都覺得好開心, 測埋明天的常識就測完 la, 我昨天已同女講比心機測埋佢, 下個月預備了很多節目, 有3個音樂會, 去慈善團體參觀, 海洋公園等 (由暑假買左飛都現在都未得閑去)  

傻妹

沙律,
可唔可以唔等成績出就走?我以前參加過好似可以送去學校ga.
我都好心急想知測成點, 唔知今日有無卷派呢!噚日亞女話中文有少少唔識(兩條不供詞填充),其他都識. 至於數學佢話識晒喎!唔知有無吹牛!


Heidi媽,
咁又係,只要lunch time走就得. 我呢個wkend都好多節目,連續3日都有呀,真係要鬆一鬆呀!! 大家盡情玩啦.

沙律

傻妹, 你就好啦, 個女咁醒目!! 我聽完阿女講佢自已唸住攞幾多份之後就打冷震  

傻妹 寫道:
我都好心急想知測成點, 唔知今日有無卷派呢!噚日亞女話中文有少少唔識(兩條不供詞填充),其他都識. 至於數學佢話識晒喎!唔知有無吹牛!

傻妹

沙律,

我問多兩句咋就話:呀,我唔記得喇! 或者佢係應酬我啫.一日未派都未知呀. 問左亞女今日無派卷喎.等等等.....................

傻妹

Heidi媽,

測驗都要作文丫?真係要好好準備下.
你女女咁叻一定掂既!!!

Blythemia

Heidi媽 寫道:
傻妹,

要作文啦! 作文呢家野真係唔容易, 要教佢作更加難, 因為始終都要佢多些去寫作和幻想多些, 我發覺呀女作文好多時都冇乜內容, 我都唔係好識教, 因為到測考, 都要靠佢自己發揮...

作文呢家野真係都好頭痛.我女最大問題就係冇生活體驗,即係冇內容.生活太幸福,冇乜挫折,冇深刻既感情,人人都和悅色咁對佢,又冇俾人鬧冇俾人罰,每一日都係無事發生.平淡如水.根本作無可作.我可以教佢結構,教佢修辭.教佢後前呼應,但係最重要既內容要由佢自己個腦個度出來,係屋企做功課重可引導下,一到測考,冇得教.

好似今次測驗,題目係記一件難忘的事,佢竟然作去姑姐屋企同表妹玩大富翁!其實都係虛構,表妹得兩歲根本唔識玩,佢亦冇去姑姐屋企同表姐玩.但係既然都作,就俾d點題既內容啦.內容分佔全份作文分四成.冇內容,其他分攞哂都係得合格咋.何況唔會攞得哂滿分.