小朋友幾多歲開始學琴好D呢?

SARIDON

Dear Ming2,

Thank you for your reply.

Saridon.

小B媽咪

ming2

多謝你的寶貴意見.

哎..我自己已經好低聲下氣.(例如:佢彈完一首歌之後,我會讚下佢彈得好好,不過啲手指如果係曲曲咁彈仲好.....) 佢就會多多直口,扁哂嘴,又話唔夠力.........但係佢上堂時,老師咪仲指得多,佢反而唔出聲.哎....真比佢吹脹.我都知老師一句等如金句.無論如何我會繼續努力呀啦!

恭喜你呀!當豎琴運到屋企時, 你咪可以彈比囝囝聽囉!雖然好貴,但係物有所值嗎? 恭喜恭喜!       

小B媽咪

ming2

謝謝你.我會叫老師下堂同我做下"梅"!

BB通常喜歡模仿大人．我相信你對仔女一定會喜歡．如果換轉係我有個豎琴，我會頭痛點樣教囝囝愛錫個豎琴（因為佢來過粗老）   

小B媽咪

Ming2

上個星期我朋友個老公又係道講,話佢識得有個朋友係大陸某某音樂學院畢業.佢見意佢買YamahX好啲. 跟住，佢話佢有全新琴，因為係陣列品關係，所以可以平賣比佢．U3-兩萬幾，U5-四萬幾．哎....佢又唔信我呢啲係翻新琴．我怕佢被人呃......

以你專業意見，可否指點迷津－如何分便新琴&翻新琴呢？謝謝．

提外話，老師上星期係本五線譜寫上緊記曲手指用指尖彈琴．跟住又同佢講學多兩本琴書，就可以升班．佢一聽到呢句說話之後，呢兩日我提佢曲手指彈琴，佢都無再嫌煩．擒晚佢仲話今晚想學琴，不過因為我要等送貨，所以帶唔到佢，另到佢好失望，家下個心好過意唔去．

近日天氣很寒冷，小心保重身體．   

maymaymaymay

唔好意思，我想插小小咀講返d新琴、陳列琴、翻新琴既野。

新琴：
冇錯，yamaha係tomlee代理，但係佢只係香港既agent，唔係全世界既agent，我識得有個friend就係買左架yamaha 既全新琴又唔係tomlee買，個價錢只係tomlee既60%。
點解？？？因為佢同日本yamaha既內部職員好熟，而且佢又係做logistic既，所以就可以用一個好接近批發價既price買到而又好客易ship到hk。
只不過我地普通一個end user係絕對做唔到，所以希望大家對tomlee唔好睇得咁高。
其實有數得計，我諗批發價大約只係45%-50%，以yamaha U1例，面價~$42,000，即係入貨價~$21,000，每部既毛利可達~$15,000，所以tomlee先可以養到咁多職員同埋地方；"ming2"你都知老師幫學生買琴可以有7-10%既commission，而且學生只需張你個number講俾個sales知，你又有commission，學生又可以less少少，所以就算佢賣到U1去$35,000，再減去你commission$3,500同埋$2,000既gift，每台鋼琴都有接近$10,000既毛利。

陳列琴：
其實真係有陳列琴架，只不過真正既唔係太多，一個月只有約300-500台運到hk(我既KAWAI曾福師傳講)，點解日本自己唔賣返？？因為日本係冇二手(中古)市場，就算係陳列品都冇市場，可能因為日本文化係均一價關係，每種產品只有一個定價，唔會話A公司賣貴D，B公司賣平D。
但係點至係真正陳列琴？唔係翻新，我都唔係太清楚，同埋好難講出黎，所以要去D大型既琴倉搵，而且要搵D有口碑既公司先好買，早半年壹周刊都踢爆火炭間松X琴倉賣"翻新琴扮陳列琴"。有樣野就可以好肯定咁答大家，一般既屋村琴行琴室就一定冇陳列琴賣，因為佢地絕大部份既琴都只係buy from琴倉，唔會好似琴倉咁一次過ship到成50台黎hk，而且琴倉既陳列琴就一定惜貨而售，絕對唔會批出街。

翻新琴：
以日本$21,000 yamaha U1批發價計為例，陳列品再折多30%，~$15,000琴倉購入價，再加上$1,500既fix cost，所以如果賣低過$16,500就一定唔駛問亞貴，一定係翻新啦。

小B媽咪

maymaymaymay

多謝你的詳盡意見.

以你意見,以陳列琴U3-兩萬幾; U5-四萬幾,係未真係有可能買到呢?不過一個外行人,真係好難分便出佢係唔係扮陳列琴.希望我朋友唔會被人呃啦!

maymaymaymay

commission:
如果我冇記錯commission既分佈係：
TomLee:
miss介紹tomlee既學生買琴 -- 5%
miss介紹非tomlee既學生買琴 -- 7%
教師協會介紹 -- 10%
以琴行身份介紹 >10%

柏斯：
miss介紹 -- 7-10% (視乎琴種)

你地可能會問點解我會咁清楚？因為我有好多friends & relationship都係大琴行做staff，所以我成日都八到呢d野

售後服務：
tomlee就做得唔係大好啦，因為係新加玻、澳洲、加拿大既yamaha agents都係保用10年，相反tomlee就得一年，但係大家都係yamaha原廠運過黎既新琴，why tomlee又做唔到10年保呢？

售價：
ming2指直接問廠買比代理買仲貴，呢個答案係肯定的，因為廠做批發，代理做零售，如果個個客人都直接問廠買，咁咪冇公司肯仲做agent啦

小B媽咪

不過Tomlee係一道好,有人專本上來你屋企度位.

好似我有個朋友本來想買部U1,但係因為佢哋樓梯唔夠闊,要焗住買第二個modelo既琴.同埋佢話嗰到啲人真係細心講解比佢聽啲琴有咩分.

MrsLee

以下是我個人買鋼琴的小小分享 : -

女兒學琴差不多一年了，家中有副小電子琴作練作用。由於小琴已開始唔岩音或間中失靈，故計劃買過副大些的電子琴給她。。。於是帶她往選琴，雖然款式很多但小妮子卻鍾愛一副數碼鋼琴 @!@..... 只好掃興而回。

由於地方淺窄又 budget 有限 ，只好自己再去選擇。由最平宜的約一千元開始研究，最後發現 touch feel 完全唔同，實非上策。同時發現那些數碼鋼琴音色及 touching 都好正，於是心動了，但位置 ? 得到老公的支援，解決了。。又發現其實是可放下成副 traditional piano 的，又有免息分期。。

於是大方向是traditional piano 了 !!

我倆四處格價又向 Miss 及 朋友取意見，但怕女兒不知會學多久 真是心煩意亂  

可幸在 BK 得到不少有用的資訊，又有其他媽咪分享經驗。
知道二手琴亦是個好選擇。結果我在琴倉用了萬五元買了副 日本製造的Display Kawai BL50 (由我跟 budget 選model 再由Miss 親自彈及 check)。我好滿意，琴倉有回收服務保證，這令我放下了心頭大石。又有多種分期付款供選擇。

我在整個過程學會了好多好多，由最初茫無頭緒至落實購買，歷時五個月。我體會到做個精明消費者不簡單，又因每人的價值觀不同，在聽取意見時須冷靜過濾看看是否適合套用在自己身上。我體會到以下 : -

- Tom Lee, very professional .. 佢地好細心講解推介(連琴頂都打開埋)，普通一個 Sales 都彈得手好好的琴給我們示範 (我當時話想買國產英雄牌咋    )
- 其他一手琴行只落力推介特價詳情，及付款方式。
- 二手琴店， d 琴實在好舊 ，但有些老闆都好好人，教埋我選琴。
- 琴倉,差別好大，有些看完廣告打電話上去問又話冇貨返，只得全新貨 :-x 但有些則貨源好足，好細心講解二手琴和 display 琴的分別。

以上純屬個人意見。



    

ShirleyLeung

由 maymaymaymay 於 2004-01-20 21:02:37
commission:
如果我冇記錯commission既分佈係：
TomLee:
miss介紹tomlee既學生買琴 -- 5%
miss介紹非tomlee既學生買琴 -- 7%
教師協會介紹 -- 10%
以琴行身份介紹 >10%

各位BK朋友: 恭喜發財, 今年勝舊年!

講開commission, 其實Tom Lee賣的琴都並非全部有commission的. 正如我剛剛買的一部, 就沒有上述提到的各類折扣了(即指介紹人得commission, 買家獲折扣, 兩家happy那種, 即使我都講齊晒上述各類介紹人, 但個sales 話要視乎哪一個牌子的琴而定, 而非全部都有).

Zoey

MrsLee,

恭喜妳終於買左部琴呀          , 用萬五蚊我都 prefer 買二手, 唔會買新琴, 我都覺得妳既選擇是對的!  部琴黎左未呀?  新既一年希望 Carmen 琴藝大進          !

ShirleyLeung

茵茵,

個sales話, 部琴已經減了10%(因為好似係tomlee 50週年, 所以額外有5% off, 優惠至31/12, 但接近31/12的前兩週, 再突然減多5%, 總共10%, 都算幾多了), 所以其他任何折扣都不適用, 唯一可以減的就係我放棄要DVD機贈品, 減多$1,000.

係啦, 我想問下, 在tom lee買琴係咪張琴dung(bench)唔跟同一隻牌子架? 初時個sales冇講, 我梗係認為係同一牌子啦, 一set咁嘛, 所以亦沒有特登問清楚, 點知事後當所有手續都搞好後, 安排送琴時才告訴我bench係"某意大利名廠bench"%@*&!#? :-x

茵茵, 妳係咪真係sure所有牌子都有老師折扣嫁? 如果真係有, 再加上bench一事, 我就直情俾tom lee呃了@%!?# :-x

MrsLee

Dear Zoey,

Thank you ~~

部琴一月到了，音色很好! 我好滿意，以呢個價錢買到呢個 grading (差點到U3 喎) 的日本琴而且琴內的 parts 都好新淨。而家 Carmen 是我的小老師...我已會彈三幾枝歌仔了。

不過二手琴唔係個個人接受到的...有朋友亦情願貴點買部新U1 ($3xxxx) ... hehe

祝大家新年進步，加油 !