何文田維記 - 升K2傾傾

Cyrusmum

大家今個星期安排咗啲乜比小朋友做呀? 我就好彩咁橋日日都有啲節目, 加上星期尾會去長隆個動物園, 所以唔駛煩惱點安排節目佢Cyrus!

nokmom

老公&我會放三日假陪諾諾&妹妹. 可能有兩日過澳門啦, 未決定呀

Cyrusmum,
依你所講,佢地上堂真係幾緊迫喎  :wink: 至於Guided Reading,暫時都係自己個班,遲d唔知會唔會去第二班呢?

fiancawong

我冇假放呀   
博博成日問我妳聽日係唔係放假, 因為通常佢放我都放

Cyrusmum

nokmom,
唔知係咪咁橋我嗰日睇到既情況係咁多嘢, 我聽另一班既媽咪講, 佢睇足3個鐘, 但就覺得好似冇做過啲乜咁!

fiancawong,
唔緊要啦! 其實諗諗吓佢哋只係比其他人放多咗4日啫! 4日都好易過啫!

Cyrusmum

眨吓眼又放完假啦! 玩得多, 唔同話個小朋友, 自己都有啲唔想返學添! 不過另一方面又想佢快啲返咗, 特我多返啲自由時間!

fiancawong

我都係咁話, 真係眨下眼就放完假, 博博就病咗幾日, 又嘔又發燒, 唔知呢d算唔算好彩, 可以俾佢多d休息

cyrusmum,
聽妳講上星期去咗長隆動物園, 好唔好玩呀, 滙報下呀,  係上個禮拜先同博博做咗回鄉證, 咁就可以遲d帶博博去長隆玩下

Cyrusmum

fiancawong,
今次我哋覺得好好玩呀! 不過Cyrus最鐘意唔係去到動物園, 而係長隆既歡樂世界, 因為入面有好多啱佢哋玩既遊戲, Cyrus簡直玩到唔捨得走! 問佢Disneyland, Ocean Park定歡樂世界好玩, 佢話一定係歡樂世界啦! 加上閒日上去冇乜人, 樣樣都唔多駛排隊, 有啲遊戲仲可以連玩幾次! 可能Cyurs好鐘意玩啲機動遊戲, 所以佢真係玩得好盡興呀! 到咗夜晚睇馬戲, 我哋一家都覺得好精采同緊張刺激!
第二日去既動物園, 其實都有好多動物睇, 不過可能半年前我哋去深圳動物園時, 都睇過差唔多, 所以就冇乜特別驚喜! 但係我就覺得啲幾處地方真係幾啱小朋友去, 不過就到既話就最好係閒日, 唔駛同人迫同樣樣都挑隊嘛!

fiancawong

Cyrusmum,
聽妳咁講又真係幾好玩

Cyrusmum

fiancawong,
我都覺得揀今個月去幾好, 有啲會濕身既遊戲都仲可以玩, 但又唔會太熱! 到12月就難講啲, 有時12月啲天氣都仲好暖!

nokmom,
你個guided reading進行成點呀?

SybilChang,
點解啲排都唔見你入嚟既?

仲有各位下星期Parent's Day你哋見幾點呀? 我就被排咗4pm!

fiancawong

下星期

Cyrusmum

fiancawong,
你就好啦! 編咗係上午, 咁就唔等足一日, 去街又唔係, 見完至去又唔係! :cry:
你一講25/11, 我個腦就即時飄過啲嘢, 總係覺得我嗰日有啲嘢做, 但又醒唔起係乜事, 日曆又冇寫低! 不如就暫定嗰日先, 睇吓其他媽咪得唔得啦! 再唔係, 我哋或者可以等到12月, 當係Christmas Party都得!

SteffiGraf

Cyrusmum,
真係唔好意思, 因為好耐無上嚟, 所以而家至睇到你個message. 唔該哂你幫我睇埋Kristie呀, 亦都要讚吓Cyrus咁醒目. 我前兩年去觀課時佢都係唔係太concentrate架, 所以你話Kristie主動答問題同好乖好定, 我都覺得有D意外呀! 我諗Cyrus上堂時未必係魂遊嘅, 可能係見到媽咪係度先至會分心啫, 等我下次去觀課時幫你留意吓. 果日Kristie真係話我知係學校夾親隻手指呀, 但係我又睇唔到有明顯傷痕, 以為佢又想詐嬌, 所以無理佢添, 諗返起都有D內疚. 聽Ms. Au講, 佢地D時間真係幾緊迫架, 不過D小朋友又好似適應到.

聽妳講長隆咁好玩, 我都想帶仔仔囡囡去玩吓, 你係自己去定跟團呀? 我假期淨係去過Disneyland咋, 不過有一日有個朋友結婚, 仔仔囡囡要做花仔花女, 我都搞咗成日, 好彩佢兩個果日無扭計, 又好合作, 真係一額汗呀.

我Parents Day編咗係上午, 仔仔8:15am, 囡囡就8:30am, 我未試過見咁早架, 可能係第一個, 不過D時間又安排得幾好, 唔洗去兩次.

Fiancawong,
咁博博係屋企有無話悶呀? 好彩唔使返學等佢可以休息多D. 遲d同佢去長隆玩補返數啦.

Cyrusmum

SteffiGraf ,
你哋咁好既, 安排咗係啲唔阻既時間度既, 不過可能老師見我哋冇事忙, 所以乜時間都得啦!
你填咗幾時去觀課呀? 咁到時真係麻煩你幫我留意吓Cyrus丫! 我都相信我係度, 同佢平日表現實有啲唔同! 你又唔駛內疚既! Kristie嗰日隻手指都係小事啫! 佢都係詐吓嬌啫!

fiancawong

SteffiGraf,
博博其實幾鍾意留係屋企, 可以睇佢喜歡的卡通影片, 如果平時落去會所已經可以滿足到佢, 佢都幾悶得

nokmom

嘩,有一排無check呢度,我地個topic跌到敢後添! 我諗因最近係報kindergarten的時候...

cyrusmum,

guided reading仲未開始阿，我諗佢地未有時間編卦

fiancawong,

諾諾寫字叫做好ｄ啦，不過要佢自己自動寫就好難喇 佢里排ｄ濕疹差左好多，手腳都抓到損晒，今日先同佢去睇醫生．

我星期五調左８：３０見呀，因為老公要返工. christmas　gathering 都好喎, 我地可能十二月底搬, 如果想再來我clubhouse 都可以架

Cyrusmum

fiancawong,
我都覺得聖誕節攪幾好呀! 你哋有冇邊日得呀?

nokmom,
你搬呀? 咁搬得近唔近學校呀? 如果係咁臨搬前去多一次你個會所都好喎!
個Guided Reading唔係11月開始既咩? 嗰日我班個老師攪錯咗, 仲問我幾時得閒!

nokmom

我地會搬去君頤峰呀,話近唔近,話遠唔遠. 上次ms jessica 都話個Guided Reading係11月開始, 不過唔知點解仲未叫我,唔通唔洗我去?

敢既然老師問,你會唔會去幫手guided reading呢？  :wink:

SteffiGraf

fiancawong,
咁博博都幾易話為喎, 如果我兩個小朋友都係咁就好喇, 因為每逢菲傭放假個日, 我同老公簡直係”疲於奔命”呀.
我都覺得家長日見8點幾真係幾早吓, 不過可以慳返唔使請假都幾好.
我仔仔返緊Pre-nursery, A1呀, 希望遲D可以帶埋佢去你地D gathering啦.

Cyrusmum

nokom,
君頤逢峰個會所係咪仲好呀? 係咪有一大片草地可以比小朋友跑嚟跑去? 不過你哋會唔會係聖誕節前搬呀?
個Guided Reading我都冇去briefing, 另來一驚自己唔掂, 害到啲小朋友, 二驚自己抽唔到咁多時間, 所以至冇報名! 老師一問我時, 我就即刻話我報名喎! 咁佢睇清楚都知自己攪錯咗!

SteffiGraf ,
你見咁早, 咁到時我哋就碰唔到面啦! 唯有等旅行見啦!

SybilChang

咁多位哈佬,

好耐都冇上唻傾吓, 近日好忙,連 TY 都要揾人幫手陪...

上次攪濕地公園團嘅媽咪現想安排12月24日下午 5-8:00pm 在港景峯攪 X'mas Party, 大概 $60-80 / 人全包, 請問大家有無興趣??  請於本週通知人數或建議, 如能幫忙策劃更正, 等你消息!

S.