想訪問一下畢業左既小朋友家長，KV , LH , SC , York

hand_hand

hand_hand 發表於 21-7-28 09:19
舉手贊成我都係LH用家小朋友PN讀到K3剛畢業呢四年來, 真心冇投訴, 學校全部安排我都好滿意
就以疫情為例,  ...

補充, 小朋友讀的分校, 每個學生大部份有幾個offer在手

好多都考到直資、私校

都有唔少入到名津: Maryknoll, Marymount, St Joseph (Wan Chai), 喇沙 etc.

成績非常亮麗

hkcsty

回覆 hand_hand 的帖子

如打算叩LS就 KV, otherwise LH但近年LH咁多分校，會出現自己人互爭局面！

lovelovebabe

其實 York 啲小朋友出來有好多直私offer, 小朋友又真係讀得好開心，費用多但係只是相對provide的課程和考cert費用逐樣加埋的大數，呢啲課程好多其他學校小朋友課餘都會出去讀， 點解成日比人批評佢唔好呢？ 如果佢人人都收，但train出來的孩子們有唔錯offer, 唔係好好咩？

Jean1769

lovelovebabe 發表於 21-7-29 07:59
其實 York 啲小朋友出來有好多直私offer, 小朋友又真係讀得好開心，費用多但係只是相對provide的課程和考ce ...

係唔鍾意就唔鍾意㗎啦

收得多大B又話、乜人都收又話

Moonlight819

karkarsam 發表於 21-1-5 10:55
回覆 apple1990 的帖子

如果唔係York用家，請不要那麼主觀說第一間飛起York。當然KV, LH, SC係名幼，升小 ...

很多不是用家的人常說有些學校的負評，其實他們根本不太認識學校！

pokipoki

Moonlight819 發表於 21-7-29 18:04
很多不是用家的人常說有些學校的負評，其實他們根本不太認識學校！

係lor，我小朋友同同事都有siblings讀York，如果佢地父母唔係覺得york唔好的話，又點會比多一個小朋友讀呢間

兔兔小馬甲

hkcsty 發表於 21-7-28 13:38
回覆 hand_hand 的帖子

如打算叩LS就 KV, otherwise LH但近年LH咁多分校，會出現自己人互爭局面！

開多一間分校，都係收多100個學生，講到互爭，應該係所有同屆嘅考生爭，而唔係本校學生爭，除非所有直資同私校都限制左每個學校入入學名額

darkgard

soha2018 發表於 21-1-5 11:19
謝謝回覆。

都聽聞KV 好嚴格，請教一下有冇咩例子可分享。

我兩個女都讀KV, 我唔覺得佢嚴格。

我兩個女，大女讀書一般般，細女讀書比較好。

可以話你知，兩個女見家長時，老師都係話佢地：幾好丫。

除非你追住問。佢地先會再詳細講。絕對唔會話你小朋友「唔得」「要補習」。

課程就唔係淺，但係唔算好深，好似外界咁講。反而，好多上位中嘅幼稚園，教得仲深。

我只可以話，讀KV, 係家長「氣氛」好好，大家目標好一致。學校&老師完全無俾壓力你。係家長自己有追求。

肯定嘅係，叩門的話，KV係sure win.

darkgard

darkgard 發表於 21-7-30 15:49
我兩個女都讀KV, 我唔覺得佢嚴格。

我兩個女，大女讀書一般般，細女讀書比較好。

再講，睇你家庭本身有無能力，如果一心私校，仲要係國際，咁KV未必啱你。因為小朋友會偏向安靜，英文未必夠York 勁。

但係，如果你都考慮名津，咁KV 就啱你。中文好—》 大部分津校都係中文，中文唔得，基本上乜都科都死。叩門，當然又係KV win.

又咁講，香港地，有邊個小朋友唔叻英文，但係呢，中文科，好多小朋友升上小一都會死中文。

hkcsty

兔兔小馬甲 發表於 21-7-30 11:01
開多一間分校，都係收多100個學生，講到互爭，應該係所有同屆嘅考生爭，而唔係本校學生爭，除非所有直資同 ...

當多100個平時訓練模式一樣，學術水平同你個小朋友差不多，學校學位又無多到，大家都係報果堆熱門直私，競爭自然更激烈！

QQali

名幼上到小學都係靠小朋友嘅資質，我小朋友班有幾個名幼一齊上…其實都有啲真係讀極都唔高分，有啲冇外補都科科90尾100分兼級頭

EasyTrendyMum

993rs 發表於 21-1-11 10:27
其實樓主個 post 已講左係「訪問」，加上一直覺得「冇前設」唔緊要，做家長點都會有對「教育方向」既目標 ...

多謝用心分享的家長，對於一年後先睇post做功課的家長好有幫助。作為家長的直覺，我都覺得用訪問 同 完全唔透露少少關於自己小朋友的情況係有點怪。

dmchu

回覆 soha2018 的帖子

我兩個小朋友，一個已經上了小學，當年乃SC學生；一個現在讀K3，是LH的學生。
如果以課程設計來說，SC是螺旋式的教學，即教學的主題在3年課程裡重覆出現，但廣度和深度會漸次增加，所以到K3時主題相關的通識其實相當不錯。在考小的標準來說，我自己覺得SC的中文和數學略淺，到K3才慢慢跟考小的要求接軌，學校做合十破十的練習是非常不錯的，只是那個階段已是考小的高峯期。由於很早就有Show and Tell練習，雖然都是家長發功，但畢竟要在班裡公開說話，在胆量訓練和演說技巧一定有幫助。

LH的整個學習目標讓我有一個感覺，就是幾乎都圍繞考小，準備升讀直私小學。他們有課程主任做校本課程設計，中英數都非常平均，到K3的主題學習深度亦不下於SC，但更重要是強調學生在課堂的參與。上面好像有家長提到SC的教學比KV活，我覺得LH比SC是更活。小朋友在課堂的參與是非常多的，除了要求他們多講多發表之外，他們透過極多的活動和遊戲，加深小朋友對相關主題的認知和記憶，所以小朋友一般都比較自信多話，也很喜歡上學，並且學習成效也很高。對升小的支援，LH是非常多的，除了啟迪班外，家長的分享會也不少，升小成績是極之亮麗是不難理解。在K3面試中，有幸跟某些直資的校長傾談，他們都認同LH的活動教學，亦不諱言指會收不少LH學生。不過學校和家長之間投考直私的氛圍實在很重，未必所有人都會喜歡這種氛圍。另外就是小朋友如果最終上傳統小學，在較被動的模式中學習，會不會較難適應？

我們的個人經驗是，兩間學校最最最大的分別，是教學團隊的質素。可能是我們運氣一般，在SC遇到的老師在教學的熱情都比較低，尤其是NET，有經常缺課的，也有在錄在家學習Video時木口木面，而且非常低質素的教學表現的，對此我是感到非常驚訝的。這或許是是很個別的例子，但卻很真實。

相反LH的可能是學校較小，校長對教學團隊的要求都很高，你一看他們的教材和教學Video，就知道他們有多用心準備去教。在家長日你會見到老師有厚疊疊的筆記，逐一記下要跟每一個家長講甚麼，而且觀察都很仔細，很多事情都會留意到，然後也很懂怎麼幫忙。老師的心機，小朋友也會感覺到。

Amymichelle

阿女已經係中學生,細佬已K3！再選擇都係會KV,其實真係每個家庭自己嘅需要!我女都讀過York N班,佢係商業化，但係百貨應百客,各取所需冇問題！York英文真係好好! KV一定唔及佢!

chingnono

amazinggrace13 發表於 21-1-9 02:31
我是前KV用家，超感激學校用心的栽培小朋友。老師非常有經驗，知道點可以教和motivate 學生。學術、禮貌、 ...

Well-said(emoji)
KV 用家，working parents, 仔仔今年K3, 考到DBSPD
多謝KV 打好學生學術基礎，品德的培養

Vana

其實用考到咩小學來比較幼稚園係冇乜意思，每間學校都有人入到名校， 每間學校 even LH / KV 都有大把人零 offer

但如果純粹討論升小嘅支援 就一定係LH ， 我其實好欣賞LH 家長， 基本上係透明度非常高， 真係考完嗰間學校行出門口就已經開始喺班 group 分享考咗啲咩..... 我諗真係冇乜邊間學校做到

KV 就銜接小學好， 我都好出奇點解我仔識咁多中文字， 教中文都似小學咁教法呢樣真係好好

但如果論各方面完善嘅程度 我覺得LH 真係最盡善盡美

我三個小朋友讀過三間唔同幼稚園，三間都係名幼，但如果只畀我揀一間我都係揀LH