私立學校收費及辦學質素的再思

Felix223

hundred100 發表於 18-6-13 10:03
呢個都係該學校另類之處，呢個post一路行緊，個網頁都有滴嘢跟住變。有人睇得好實。我係路人，人地鐘意咩 ...

認同。所以熟真熟假，家長自己衡量。

JforJessie

無論一個人或一間學校，當你著眼於你不喜歡嘅部分，佢就係差，當你著眼於你欣賞嘅部分, 佢就係好。

問心，見到一啲留言內容，我都會有反感，但我會去嘗試理解每個人留言嘅原因，不作批判。世界有趣在於多元，世界融和在於尊重與接納。

mcl203

JforJessie 發表於 18-6-13 12:05
無論一個人或一間學校，當你著眼於你不喜歡嘅部分，佢就係差，當你著眼於你欣賞嘅部分, 佢就係好。

問心， ...

但你似乎唔多分享就讀津校所得既？～～～

Soundervolt

RunningPig 發表於 18-6-13 11:40
贊成，其實嗰個同男神校有關的校董，根據幾個好朋友的訊息，係舊生圈子的口碑真麻麻。
...

呢位校董只係佢依家嘅拍檔喺觀塘某校高中時搵佢過去幫神校攞兩年獎牌嘅預製金牌學生，佢離開舊校就畫清界線隻字不提，只週圍自居男神校舊生。走位之快真係佢田徑強項。

另一個喺舊校時最大功績除咗令學校稱霸學界之外，仲有漠視教師、學生、舊生、家長反對，為迎合校董會而將男神校轉為直資，服務對象十分清晰。

不過佢地對男神校嘅光環仲仍然十分眷戀，淨係睇佢哋嘅網頁都略知一二。其實唔係好明，點解喺新校工作崗位但仍然提及過往同其他學校嘅關係？ 校網又唔知會唔會好快更改呢？

BTW 中文文法都搞錯.....應該係”拔萃男書院前校長”，而唔係”前拔萃男書院校長”。

18-6-14 01:16 上傳

下載附件 (109.97 KB)

JforJessie

mcl203 發表於 18-6-13 12:08
但你似乎唔多分享就讀津校所得既？～～～

有人問我會講呀！我同舊校關係OK，走時我都喊晒，退學信內衷心感謝學校俾嘅機會，亦有介紹俾適合嘅家長。

mcl203

JforJessie 發表於 18-6-13 12:28
有人問我會講呀！我同舊校關係OK，走時我都喊晒，退學信內衷心感謝學校俾嘅機會，亦有介紹俾適合嘅家長。 ...

好野主動D分享俾其他網友知，咪可以避免單向式力捧某校既誤會囉～～～

Felix223

JforJessie 發表於 18-6-13 12:28
有人問我會講呀！我同舊校關係OK，走時我都喊晒，退學信內衷心感謝學校俾嘅機會，亦有介紹俾適合嘅家長。 ...

咁其實什麼原因可以令你會決定轉校？
可以再詳細分享

miriam

Soundervolt 發表於 18-6-13 12:13
本帖最後由 Soundervolt 於 18-6-13 12:32 編輯

呢位校董只係佢依家嘅拍檔喺觀塘某校高中時搵佢過去幫 ...

慶幸男神校前校長係我囡中學創校校長黎啫, 可能佢玩得好鬼開心, 將男神校都要轉做埋體校掛.

好彩你有 CAP 圖, 可能轉頭又唔同左.

JforJessie

mcl203 發表於 18-6-13 12:40
好野主動D分享俾其他網友知，咪可以避免單向式力捧某校既誤會囉～～～
...

我無力捧學校，只係回答查詢，講我知嘅嘢同我小朋友嘅情況。

如果我讚舊校，一樣會有人攞升band 1 率嚟講，無事不想起爭端。

ivabrother

miriam 發表於 18-6-13 10:50
路人甲路過搭訕

我唔得閒不停睇住個網頁, 只知有部份野係 hkpapa 講完之後係改左.

可以詳細講下有d咩改變嗎？除左之前提過嘅常識科之外。

Carca

http://www. #### .com/270335/24parent/%E5%BE%B7%E8%90%83%E5%B9%BC%E7%A8%9A%E5%9C%92%E5%89%B5%E8%BE%A6%E4%BA%BA%E5%BE%90%E9%A3%9B/
[p=34, null, left]曾遇過不少人因喜歡小朋友而投身教育行業，但喜歡至要一連生五名孩子確實少見，因為在香港的教育環境下，生兒育女的確需要很大勇氣。家有五名小孩，可想像得到家庭生活除了熱鬧，孩子間的爭拗應該不少。

[p=34, null, left]德萃幼稚園和德萃小學的校董及創辦人之一徐飛（Terry，原名徐潤容），最近剛榮升第五任父親，這名「多仔公」再添一名幼子，現有三女兩子，覺得對待子女一定要公平：「不能與其他兄弟姐妹作比較。做錯要鬧，做得好要讚，賞罰分明，孩子才會服。」

長幼有序 賞罰要分別[p=34, null, left]現時 Terry大、二女就讀瑪利諾修院學校（小學部），三女、四仔則讀德萃幼稚園。「德萃未成立前，兩名女兒已經讀瑪利諾……不轉校了（德萃），既然她們都讀到，為甚麼要轉校？」

[p=34, null, left]Terry笑指每個孩子的性格都不一樣，對着不同孩子要用不同方法，最重要的是公平對待：「大女 Viena性格比較怕醜，二女 Athena即較古靈精怪，不時會欺負家姐。每次我和太太發現後，都會告訴大女，做姐姐的不一定要讓妹妹；亦會教育妹妹，不能因為姐姐的年紀比她大，所有好處都應要讓給她。

[p=34, null, left]「有時講太多道理小朋友未必會明，我贊成爸媽在適當的時候要給予孩子懲罰，可以責罵他們，但用字一定要正確，不能與其他兄弟姐妹作比較。做錯要鬧，做得好要讚，賞罰分明，孩子才會服。」

[p=34, null, left]Terry口中的讚不是流於表面，他笑說家中有個不成文規定，只要有孩子做了好事，他便會設計一張獎狀，並要求所有家庭成員出席頒獎典禮，拍手咐和：「旁人可能覺得這個方法很白痴，但事實上是可行的。所有小朋友都喜歡被大人稱讚、肯定，而孩子看見原來做了好事就會有人鼓掌，那麼他們的心態就會變得積極正面起來。」

[p=34, null, left]運動員出身的 Terry是田徑好手，子女多少也有遺傳到他的運動細胞。閒時他會帶孩子做運動「放電」，強身健體：「我深信音樂是用來陶冶性情，運動則是伴一生。小朋友可以透過運動加強社交能力，學習堅持和體育精神，是孩子不能缺少的品德教育。」

[p=34, null, left]要讓孩子愛上運動並非易事，Terry建議爸媽可以多陪伴他們接觸不同的運動，即使孩子扭計，也不要輕易妥協：「要記住小朋友是不會做錯，只是做得未夠好，多以鼓勵他們，至少要讓孩子主動去嘗試，也要分清楚到底他們是不喜歡做運動，還是有其他原因，才能對症下藥。」

讓尊重文化在校園蔓延[p=34, null, left]德萃幼稚園於2015年成立，老師以有愛心見稱，短短數年已受不少家長青睞。喜歡小朋友的 Terry為了實踐個人的教學理想，當年毅然退出運動員生涯，創立了德萃幼稚園，並請來前拔萃男書院校長張灼祥出任校監、前基督堂幼稚園校長 Gae Fielding出任榮譽校長，務求為學生營造一個理想的學習環境：

[p=34, null, left]「小朋友的世界應該是充滿好奇心，經常坐不定，而且知識是無窮無盡的，既然我們可以用一半時間去教識學生學術上的知識，為何還要逼他們留在課室留心聽課？」

[p=34, null, left]「現在大多數學校都不夠與時並進，所謂優質的教育最重要的是懂得尊重小朋友，從前『嚴師出高徒』和過份催谷孩子那一套可能不太適合。」

[p=34, null, left]一半時間用來學習，另一半則採用活動教學，是Terry一直以來堅持理念：「透過不同的活動，學生可以學習到如何尊重別人、團隊精神、解難能力等等，也可以讓他們知道何謂中國的傳統美德，這都是課本上學不到的事。老實說，當年所學的『sin、cos、tan』（三角涵數），相信很多爸媽都未必記得如何運用，但個人修養、道德觀、待人處事的方式卻是畢生受用的。」

[p=34, null, left]Terry指，學校需要有「尊重」文化：「每次老師在演講完畢後都會鼓勵學生發問，即使問題有多天馬行空，老師都會盡量解答，而且還要有眼神接觸，讓學生知道自己是備受肯定的。」

尊重不是空口講白話[p=34, null, left]曾經有一系列的政府廣告，標榜「子女好與壞，在乎溝通與關懷」，但原來在Terry心中，子女好與壞，還在乎家校溝通與關懷：「每一位家長都有不同的教育理念，有的會認為我們教的不太深，有的會反映功課不夠多，這些都是辦學者最大的阻力，因此我們在面試時，都會確定家長與校方的理念一致，才能事半功倍。

[p=34, null, left]「小朋友在成長階段，最能夠影響他們的是爸媽、老師和同學，但由於香港的生活過於急促，很多爸媽為口奔馳而缺乏與孩子的相處時間，變相學校也會缺少了家長的支援，欠缺溝通。」Terry強調，孩子需要的不只是物質，還有關懷和尊重，所有正確的價值觀都是由爸媽和學校傳遞，缺一不可。

[p=34, null, left]「尊重不應是『空口講白話』，我曾經遇過一個個案，某科工作紙要求學生在水果、蔬菜、魚和肉中揀選出自己最愛的食物，有一位學生指自己並不愛吃這四種食物，不知如何選擇。相信有不少家長為了讓孩子有功課交，都會叫他們隨便選一樣了事。但有一位媽媽，寫了一張字條給老師，指孩子不喜歡吃這四種食物，認為不應強逼孩子做選擇，因此只交了一張空白的工作紙，並感謝老師讓她正視孩子揀飲擇食的問題。」

[p=34, null, left]「這位媽媽為孩子做了一個很好的示範，尊重從來都是雙向的，孩子只要感受到自己備受尊重，自然就學懂如果尊重別人。」

[p=34, null, left]Terry今年將成立「香港兒童基金會」，主要幫助基層小朋友實現夢想，為孩子建構一個快樂的童年。

JforJessie

Felix223 發表於 18-6-13 12:49
咁其實什麼原因可以令你會決定轉校？
可以再詳細分享

1. 我小朋友太愛英文，舊校課程同佢能力不配合

2. 我小朋友數學需要學快啲，對科學有濃厚興趣

3. 私談後發現自己教育方針同校長差距比較大

4. 小朋友係細B，小一面試表現只有waiting但最後都wait唔到，當時已知小朋友方向係新派英文直資同西化環境

5. 因為想盡快返返英語環境，諗住下學期轉住先，學期尾用上學期成績同獎項再試其他學校，點知阿仔超愛而家學校，我都覺得幾好，佢發揮大咗好多，又感受到老師質素同處事嘅分別，就決定唔轉。而且我同我好多朋友都認同朱校長理念，而家都幾期待，朋友們好有興趣，有啲朋友今年都同子女報咗插班。

kkhhmmbb

其實大家都係成年人，自己肯定有自己的諗法。能夠選一間學校去就讀一定唔會只睇一次參觀的印象或者網上言論又或者係宣傳內容，肯定係綜合學校環境學費路程等等成個package去睇的。能選擇入讀一定係學校有某D方面好吸引個家長而去馬一間新學校，如果有成績亮麗又免費又近又適合自己小朋友的學校，正常家長都會選擇吧，但有時就是沒有更好的選擇。所以我覺得已經選擇入讀的還是一定會入讀的。除非突然有其他更好選擇

BostonRedSox

Soundervolt 發表於 18-6-13 12:13
本帖最後由 Soundervolt 於 18-6-13 12:32 編輯

呢位校董只係佢依家嘅拍檔喺觀塘某校高中時搵佢過去幫 ...

邊個喺徐非?

除非唔喺徐潤X?

Carca

回覆 BostonRedSox 的帖子

改左名~~

mcl203

JforJessie 發表於 18-6-13 13:12
我無力捧學校，只係回答查詢，講我知嘅嘢同我小朋友嘅情況。

如果我讚舊校，一樣會有人攞升band 1 率嚟講 ...

明白，咁宜家新校有沒有甚麼未達你既要求，或者叫不足，定或已達完美級別，可否分享多D呢？ ～～～

JforJessie

mcl203 發表於 18-6-13 13:55
明白，咁宜家新校有沒有甚麼未達你既要求，或者叫不足，定或已達完美級別，可否分享多D呢？ ～～～ ...

好呀！咁問好客觀



1. 津校課外活動平好多，規模大嘅學校課外活動會有多啲選擇，呢樣目前係做唔到。

2. 校舍主樓係細，課室有限，恐怕不易擴建（就算得亦需龐大費用）。但旁邊圖書館嗰啲屋仔我覺得幾有味道的。

3. 目前用作活動嘅羽毛球場地面係有啲披口，未有翻新，不過無即時危險。希望泳池完工後會翻新埋籃球場。（個人我就覺得無必要起泳池嘅，可能無咩可以起，整啲嘢增值下校園）

4. 希望快啲發展出各種校隊，希望唔駛另外收費。

5. 圖書館十係細啲，但得嗰度可以用，有啲書放咗喺Atrium（小禮堂)同課室。呢樣暫時對我小朋友影響不大，學校正對面就係大型公共圖書館。用二手圖書同校務處用二手櫃，我認為完全符合環保同善用資源嘅原則。

6.希望下學年起硬件會逐步改善。

6.我對選校嘅要求，係真正尊重小朋友，

JforJessie

上面有啲嘢唔知點解改唔到⋯

7. 我對選校嘅要求，係真正尊重小朋友，不用權威打壓，聆聽佢哋嘅心聲，陪伴佢哋用適合佢哋嘅步伐學習，幫佢哋建立內在信心，培養獨立思考同價值觀，然後盡情發展自己所長。

ericaivan

JforJessie 發表於 18-6-13 14:23
上面有啲嘢唔知點解改唔到⋯

7. 我對選校嘅要求，係真正尊重小朋友，不用權威打壓，聆聽佢哋嘅心聲，陪伴 ...

其實我選學校都同J for Jessie 差唔多，我唔要一間得老師話冇學生講，要有語境，俾佢地試多d 唔同的嘢。我由day 1都話這間學校的硬件真係唔得，不過陳校長話要俾時間佢地，咁都明白，新校冇理由全部嘢齊晒，學校細對阿女真係唔係咁大影響，我有同阿女講不如考cky,佢有去，但係佢話佢好鐘意現在，其實小朋友好簡單，唔需要學校大，只需要有啱的同學同老師。其實這間學校都有收唔好的學生，不是指成績，是他會不停諗方法嚇或者傷害其他同學，要老師或校長全程監察。我會覺得對其他小朋友不公平，點解佢要咁多人睇住佢先冇意外發生呢？無論如何，個小朋友都退了學，這樣做對其他小朋友先叫安全。而新校長都私下講過佢唔係只重成績，佢亦要學生係有紀律。其實讀得這間學校的家長個個都只為俾仔女另一條開心讀書的路。你地可能覺得我地用小朋友前途博，我又唔覺得冇record 係一件壞事，有record亦唔等於到你小朋友那屆一定係咁，間間學校都會有機會轉校長，轉了唔一定差，或者佢會再行前一大步，我只知道我生小朋友出來要佢開開心心咁成長，亦要學到嘢。阿女讀的私校幼稚園時，我選那間，身邊都係好多家長話這間學校唔值這個錢，又唔谷，又唔見有什麼好成績。但係我地信佢的教學理念，我地班家長到了K3尾，冇個家長話唔值，在一個完全冇谷的情況下，佢地自己寫到一版有多的英文，佢係未必串啱字，但係在外國教育都係咁細只會睇佢結構，阿女可以寫到啱subject, object, verb等，知道邊度係句子完結，亦識第一個字要大楷，我地已經好開心，可能你覺得我要求低。但係由k3班主任得知，佢話佢教了廿幾年書，佢地成班英文水平已經有小三，因為佢見過小五，小六的學生都未必啱這些嘢，對一個5歲幾小朋友，唔駛家長幫手已經有這樣成績已經好好，到了小學，這度老師都係鼓勵佢地寫不同的嘢，亦唔會好似津校咁，規定佢地要點作。

ericaivan

每間學校都有不同的人啱，不要對你杯茶套去其他人度，我知有些小朋友適合讀谷的學校，但是我同阿女都唔係，亦知道津校都有hapoy school, 但是又冇我地想佢細個學好語言的。大家可以提出不同疑問，我地用家都會將自己知的嘢同大家分享，而不同不停講到這間學校好似一定會死咁。對學校的老師同學生都不公平。總之我地會覺得讀書唔係只有一個方法，不停讀書，做功課，考試先學到嘢，會有不同方法令到小朋友有興趣，佢地就會用好少時間學到佢想知的嘢。我都同新校長講過其實我地係唔主張俾小朋友用電子教材，佢有解釋過，咁小女仲有時間觀望，咪再看看先。