Chatroom for St. Teresa's School Parents

Junior-Fan

Thank you, toffeeli.

其實最終個問題係：只要係我同佢做既野，佢就好妞拎，如食飯、換衫、沖涼...，工人或daddy同佢做，會快好多。其實對佢黎講，我係最有"威嚴"，賞罰都由我，吾明為何仍不斷試我底線，好似食飯咁，己經能夠自己食好耐，但個餐我係度的話，佢食食下就想我feed，我吾feed佢就喊，但我從不妥協，一輪角力，都係佢自己食，到第二餐又黎過，好似係都要我屈服咁！但工人或daddy同佢食，半個hr搞掂。

以前有時我未返到，工人會叫佢做功課，好快搞掂。依家不能假手於人麻，所以晚晚我都好折墮！

其實尋晚做完功課，我才諗到個方法，我話佢係老師我係學生，叫佢教我寫字，咁佢肯每字寫一個在街簿上，然後到我寫，我每一筆都刻意寫錯問佢岩吾岩，叫佢幫我寫返岩，佢都肯。之後我叫"老師"可吾可以寫多個呀？佢話：吾可以，老師寫一個架渣，你照住寫la，功課自己做麻。"老師"走埋tim！

(等我今晚角力完同佢玩得din D， 睇下有冇改善先)

toffeeli

Junior-Fan,

我個仔叫佢做野要講氣氛，就係唔迫得!氣氛好，真係效果唔同!自己都唔駛勞氣，成間屋D氣氛都無咁緊張。

好似我先生話齋，個仔細個你就迫得、罵得，大個D佢就識自己開門走....始終要找D呀仔接受的方法，太多磨擦都唔係長遠辦法。無法喇，D男人得個講，道理就有，但係晚晚"出手"果個咪又係呀媽!! EQ 小D都唔掂  


toffeeli

Jennifer

我個女的成績都OK喇.............只是美勞差些,係呢,各位妳們的K1小朋友的美勞成績如何呀?
我想知律動是否指唱歌時所做的動作呀?

Junior-Fan,
我個女昨日放學話俾我知有個男同學哭著搵媽咪,但佢沒有話有女同學打個男同學,所以我唔知邊個啱咯...................
反而佢話今日有個男同學把玩具倒落地下而被老師罸,老師仲話唔俾佢返學,個男同學驚到哭出來,妳個仔仔有冇話俾妳知呀?
講開又講,起初我個女學寫字都經歷過妳現在的情況,我都同佢角力了一段時間,現在寫字好了很多..............靜靜話妳知,佢有一次見過一個k2的師兄的寫字,跟著我便常常同佢講,那個哥哥的字寫得好靚,因為佢知道自己是在"叻叻學校"讀書;如果唔俾心機讀書和寫字,老師便唔會俾妳係呢間"叻叻學校"讀書,(因為有時佢在街上見到一些染了顏色頭髮的少年,我便會藉此告訴佢,因為佢地唔肯讀書,所以便會變成這樣,所以妳要珍惜在這間"叻叻學校"讀書的機會);再加上見到妳個仔插班,我便乘機話俾佢聽那個小朋友都鍾意讀"叻叻學校",所以佢宜家時時寫字時都會同自己講,寫字唔靚唔駛喊,俾些信心自己就會寫到喇......................  :  :
希望以上的小小分享可以助妳早日找到一個令妳仔仔可以享受寫字樂趣的方法;記住,不要氣餒,有我們一班與妳一起同行的媽咪嘛!   

Longman

STS 對美勞都要求好高架！我大囡美勞又係麻麻，我曾經問過老師，老師話美勞雖然係副科但學校對美勞亦會要求好高。她還說全班得二個小朋友美勞取 tick 咋。她說油圖畫有少少出

Jennifer

Longman,

Thanks for your sharing!

kamen

Jennifer,

律動是指唱歌時所做的動作，我個女律動都係Ｏ左，老師話佢怕羞唔敢做，美勞就ＯＫ。

Junior-Fan,
我個女寫字初初都係要大家角力，試過幾次駡到佢喊，之後經這裏媽媽提点，寧願佢開開心心寫字好過佢寫得好好，再加Ｄ

Longman

我兩個囡囡都係怕羞，不敢在人前唱歌做動作。
我也想替她們參加些課外活動提昇自信心，請問你們有甚麼提議？
兒童舞台劇可行嗎？有沒有其他建議？謝謝！

Junior-Fan

多謝各位指點。我都吾想鬧，怕有反效果。尋日寫"8"，老師話佢完全寫吾到，成個字都要捉住手寫。其實老師吾講我都知我仔寫吾到要轉彎的筆劃，"8"對佢來說真係好難好難。尋日我都係捉住佢手寫，吾想免強而傷感情，最多比人遲d才寫得好。

老師又講我知，大家唸天主經時，可能因為佢吾識，首經又幾長，我仔東張西望吾專心，有時仲離座，老師叫我多D同佢讀天主經。其實我一開學己經有，但似乎佢對經文不感興趣，我諗住先放下，同佢唱下兒歌先，佢己懂了好幾首了。昨晚我又再讀天主經，但佢寧願自己背唐詩都吾so我！唉！

Jennifer:
我仔冇講我知有同學倒玩具(其實佢好間中至會講少少)，不過我問佢，佢話有wor。但佢尋日話我知校車放學去入油 : 。佢係超級車迷，呢D就好記得講我聽！

我仔兩日都冇食茶點呀，我問佢點解吾食，佢話有兩個吾食(即有兩個同學吾食)，我問邊兩個？佢話自己同隔離位女同學吾食，我話人地吾食咁你可以食架！佢話同學吾食佢都吾食！ K型！你女有冇食晒茶點呀？

toffeeli

Longman,

你的囡囡現在有甚麼課外活動?

toffeeli

Longman

我假日通常和囡囡四出遊玩，所以無參加好多課外活動，只是參加了一些手工班 & 泥膠班咋！

Jennifer

Junior-Fan,
我個女好多時都食唔晒茶點,但我只俾好少佢,可能佢見有小朋友唔食所以都冇食晒,我知有時係因為唔夠時間,所以俾茶點佢帶返學都好頭痛............ :-|  :-|
佢係咪病完而冇胃口呀?
各位媽咪,妳們通常會俾乜嘢小朋友帶茶點呀?有時真係諗到頭到爆,唉........................   

toffeeli

Longman 寫道:
我假日通常和囡囡四出遊玩，所以無參加好多課外活動，只是參加了一些手工班 & 泥膠班咋！

Hi Longman,

Is it because your daughters can play with each other, so they do not need to join others and as such they are so shy?

I have a friend who has a daughter who is very bright but shy when she was young. She then sent her to join a choir. She told me her daughter had improved significantly. The choir also let her daughter the MC for several performance and they were good experience. Her girl is now in the secondary school and she is still staying in the choir.

Probably activities which may interact with other children or having some sort of performance infront of audience may help.

Regards,
toffeeli

toffeeli

[quote]
Jennifer 寫道:
Junior-Fan,
我個女好多時都食唔晒茶點,但我只俾好少佢,可能佢見有小朋友唔食所以都冇食晒,我知有時係因為唔夠時間,所以俾茶點佢帶返學都好頭痛............ :-|  :-|
佢係咪病完而冇胃口呀?
各位媽咪,妳們通常會俾乜

kamen

可能我個女係pm，比較餓，通常佢都食哂，而且佢覺得食緊要過玩，茶点包括腸仔包、麵包、雞旦仔、oreo、cookies、馬仔、手指餅等等。

Junior-Fan

Jennifer:

我仔好返架la，鼻水都冇晒，所以吾係冇胃口law我諗。我通常比biscuts佢，但今日比左兩粒棉花糖，又睇下食吾食！

大家過年去邊度玩呀？難得我老公大陸都有假，我地去台灣呀。

Nonna

junior-fan

我囡囡2歲半, 連大陸都未去過. 真羨慕妳 ! 在3年幾內我倆公婆都冇去過旅行, 等囡囡大d一齊去就好啦 !


nonna

toffeeli

nonna,

我都係個仔4歲先同佢出遠門，D行李真係好誇張，佢就不之幾開心!

大陸太細我都唔係敢帶佢去，怕D衛生，有起事都唔知點找醫生。

不過見D鬼佬帶D好細個BB去一齊都幾鬼開心。

帶小BB去旅行其實都得，最緊要帶手推車!

toffeeli

Nonna

toffeeli,

               祝旅程愉快 !

nonna.
                  

kamen

我上年三月帶左個女(當時３歲幾)去馬來西亞，一行五人(有公公、婆婆、Ｄａｄｄｙ、ｍＵｍｍｙ、小公主)，四個大人照顧一個小孩子，都ok啦！佢就好開心。之前都同佢去過長隆野生動物園，住係長隆酒店、同白老虎食早餐和lunch。

toffeeli

Hi Longman,

Happy Birthday to your big princess. How did you celebrate with her?

May I send my best wishes to big princess and your family.

toffeeli