家有自閉傾向的小朋友......

janet7903

stellacl

THANK 教路。
我都要支持先得了，我試過唔理佢，由佢訓地發脾四，佢訓了一會就起返身。

kmwun

而家成日要提住仔仔，第一o係公眾場所唔使o甘大聲講o野；第二係唔好手指指；第三人地守唔守並唔重要，唔使大大聲講出o黎，最重要係自己守規矩．

有時真係俾佢攞命，舊年生日時，仔仔同我講完生日快樂即時加句：媽咪已經由3x歲"提升"到3x歲:cry: ．讀咗幾年書果然好識講o野，數口亦好好．不過就俾我嚴重警告只可以o係屋企講，出咗門口就唔可以提．

[quote]
Dr.T 寫道:
雖然距今已有十數年,但當年我的自閉症學生的表現回想依然令我忍唆不禁...

話說當日有一班有錢太太來參觀學校, 而社工姑娘將"貴賓"帶到我的課室時, 向各學生提示"你們一齊叫姐姐早晨好嗎?" 當班中眾人正大聲講"姐姐早晨"之際, 學生甲舉手問:"點解d姐姐o甘老o既?"...身為班主任的我同社工姑娘忍笑忍得幾辛苦
  

kmwun

好同意stellacl嘅意見．我仔仔開始發脾氣時，我會盡量即刻提醒佢發脾氣無用，要講俾媽咪知．當然重要堅持佢發脾氣唔會攞到要嘅o野，甚至要罰，例如媽咪唔會講故事俾發脾氣嘅小朋友聽；但如果小朋友肯嘗試表達就會適當獎勵o下．

stellacl 寫道:
janet7903

隨住小朋友的年齡長大, 自己懂得表達既時候, 訓地發脾氣既次數也會減少.  最主要是看他是因為什麼而訓地, 了解他訓地原因才對正才藥最重要, 當佢知道原來你明白他訓地的原因, 幫佢表達出來, 下次他也會懂得把原因說出來的.

janet7903

kmwun
我又試下先。
THANK!!

janet7903

早晨!!
我昨天終於買了"玩具反斗城"的HOUSE了，但是是原價買的$499.90。
卓卓好鍾意玩上下梯級，佢連PILLOW都要上梯級呀，真是激四呀。   :-|

承承媽媽

Janet,

你個仔都玩得好得意呀! :  :
我個仔就鍾意將佢地行樓梯,跟住跌落街呀!幾殘忍呀!   

kmwun

上星期六同仔仔搭巴士，到站前其他乘客先打鐘，仔仔o既固執行為又發作，因為打唔到鐘又叫又喊，已經唔算係驚天動地啦，只可以一邊勸一邊落車，佢都o係落車前伸手打多次鐘．到我落左車企o係行人路，聽到車上一個女人話”mut個細路o甘曳架！”巴士關門開走．我好唔開心！我唔開心唔係覺得難堪，唔係覺得仔仔令我尷尬．我理解位女士只係無知，我稔佢重覺得自己好大義澟然，我好想同佢解釋小朋友o既問題，我只係嬲架車開走無得解釋，直情係無仇報！

我會同朋友分享呢件事，一來呻下，二來希望聽到的人可以思考一下，一件事可能並非表面見到o甘簡單，我地可以試下慎言，多d包容！

JOANNA722

kmwun
講起搭車, 上個月同啊仔坐地鐵, 我個仔好trouble, 佢見隻門開左, 就會坐去坐邊(正確係不是坐, 脆在位上, 望向出面), 開右就去右, 一日, 我同佢放學, 有個男人坐第一個位訓覺, 我個仔一上車就脆係佢側邊(第二個位), 他見到我個仔立即過對面坐及訓, 點知下一站啊仔行過對面又係佢側邊, 然後佢起身行過第二個車卡, 臨走時贈我一句, .....同隻狗出街都好過.  我當然有嬲, 不過我沒有說什麼, 因我諗這麼沒修養的人跟他說只是徒然.

我未有個仔時, 見到d好頑皮小朋友, 大叫的都覺得好討厭, 心諗d啊媽點教仔, 現在.. 原來看野不是只看表面, 只嘆社會未能做到多d人認識這症.

mamee

kmwun
其實我仔仔都有呢啲問題, 仔仔就唔喜歡按鐘, 佢鍾意不停留意同埋講我聽[道門開左呀], 又或者留意交通燈係邊(佢鍾意睇柱形野) 佢會話[媽咪媽咪, 交通燈呀交通燈呀].

我唯有順道話: 係呀, 大廈/診所/學校..道門開左喎
又或者話: 有人出入咪開門囉
對話看似無乜野, 不過一個車程上係講N咁多次.

JOANNA722
我都知你仔仔細啲. 不過可以的話, 就唔好陪佢走黎走去. 俾一兩件玩具佢拿住/偷偷地食少少零食(我知會罰錢), 又得唔得呢?
以前我會同仔仔講: 你見唔見, 個個人選左位坐低左就唔會轉位.
你慢慢教, 我都知好難.

mamee

hinhinmummy

kwun, joanna

世上的人目光點看我們的小朋友都好, 最緊要做媽媽的錫個小朋友, 比關懷佢地law.  慶幸軒軒從來不會這樣.

你們有無收到協康同心會係2月27日攪旅行的單張? 你們去不去呀?

sjmama

各位:
我的兒子也有類似的問題,他非常喜歡看趟門開合,包括電梯門,地鐵火車的趟門,廁所門..... 所以也引起許多問題,與別人怪異的目光,評論
我們只能一方面教他明白社會規矩,另一方面也真希望社會上對這類型的孩子有多些認識, 包容.所以,有時候孩子鬧情緒時,不妨告訴身旁的人, 例如: 對不起, 他的情緒控制有障礙,他正努力學習......
看過"與光同行"這套漫畫嗎?書中主角媽媽也是要"教育"社區的人認識光仔的自閉症問題,這樣孩子才容易被其他人接受,今後的路可能好走些.
讓我們一起努力吧!

janet7903

我仔仔上車只是逛街外景，唔鍾意坐地鐵，因為無景睇。

janet7903

我仔卓文，有時突然間講D有意思的新單字或句子出黎，但只聽過一次咋喎，咁是否有進步呀？

kmwun

Dear all

原來o甘多小朋友對開門關門有興趣，我仔仔不單只睇重會用兩隻手扮門開關，重會配埋音．而家開始試吓限制仔仔只可以o係屋企做鍾意o既事．

JOANNA722

我都覺得要稔d辦法等小朋友坐定d．但我仔仔坐地鐵都係跪好少坐，成日要提佢唔好整到隔籬．

janet7903

先豐富小朋友o既database，講多o的等佢地就算未識用都明白，至少唔陌生．

janet7903

sjmama

與光同行出左第七集了。

sjmama

謝謝!我今天會去買

janet7903

kmwun

多謝你的意見。

janet7903

承承媽媽

承承現在玩圖咭進度如何呀？

請問可否教我點樣玩呀？
請問這排同承承玩些什麼來訓練他呀？

我這排要訓練卓卓坐耐些呀，所以都有比D玩具佢玩：
夾衣夾、入棋子、畫直線、穿珠仔等等，我想找一些可以坐低玩又可以訓練他的玩意。切玩具物開始唔玩了，唔玩LEGO，大屋都有玩的，但就只係上落梯极。

janet7903

大家的小孩近況如可呀？

卓卓都有少少進步了，我現在開始訓練他如廁，最麻煩是佢唔鐘意坐成人馬桶用的加廁坐，又唔鍾意坐兒童馬桶。
呢兩日試下硬佢坐兒童馬桶用一些野分散佢注意，都坐到一兩分鐘的，但成功VEE VEE的只有一次。

承承媽媽

Janet,

說來慚愧，皆因我最近搬屋，所以忙到嘔晒泡，無時間幫仔仔做training,不過言語治療師話阿仔對認圖咭的興趣不太,依家反而直接教佢認實物. 不過承承依家最叻係讚自己,做完一樣o野會話'叻仔喎~~',好好笑o架!