大個囝!大個囡!升班喇~~九龍禮賢幼稚園k2

禧媽媽

glory
haha.....似呀  
樂樂既志願係地鐵司機,問我點解(渣)地鐵都要識字?

禧禧既志願係(渣)水喉~即刻消防員, 佢又係問我, 點解救火要識字呀? 我就只有答佢, 你唔識字, 隊長叫你去B座16樓~你點去呀?? 唔通仲問人, 16點寫呀 ??   佢先唔出聲咋!

glory

   答得好   

我既答案係~~地鐵咁多外國遊客, 會問職員d地方點去, 問著你唔識答點算, 仲有前面車頭d掣都有英文寫住點控掣, 唔識睇點算.......點知, 比阿仔反問d字寫係邊樹?? :tongue:

禧媽媽

glory
haha......你答得妙, 點知...樂樂仲妙  
你咪搵日, 同樂樂行到月台"站頭"睇下囉, 每站停果陣, 站長都會企出黎, 襯開門果陣~望得幾多得幾多 不過應該睇唔到d英文字啵  
我指住16樓~容易d姐  

禧媽媽

glory
樂樂做公文功課順利 ?

glory

禧媽媽
<<不過應該睇唔到d英文字啵>> 呢個答案唔收貨 :tongue: 樂樂真係好鍾意睇住架地鐵開走, 荔景轉車到青衣, 如時間唔趕就一定企最前, 當列車駛離青衣時就會跳下跳下咁同司機叔叔拜拜, 下次你離開青衣月台時, 見到個小朋友唔捨得走果個可能就係樂樂
尋晚好順利呀, 阿仔一按個計時器就拿拿臨做, 我提佢都要寫靚d, 唔靚刷完又寫仲浪費時間, 可能有虛線/影比佢跟住寫, 又比學校要寫既字細, 又可同時間比賽, 寫得幾開心, 希望晚晚係咁就好lu

禧媽媽

glory
好~下次有機會到青衣月台時, 望下見唔見樂樂先  

可能新鮮感~我都希望可以令樂樂感興趣  

glory

禧媽媽
樂樂好大機會都係新屎坑 佢本性怕做練習

yykid

Glory and 禧媽媽,

見妳哋講我的志願講得咁開心，其實我之前都有問個佢，佢既答案係"我乜都唔想做，淨係要爸爸和媽媽"

講開做工課，我昨日就嘗試Glory妳的提議-唔好係咁刷佢啲工課，所以昨日終於無喊啦，我會keep住remind自已唔好要求咁高。大家一起努力吧！

禧媽媽

glory, yykid
尋晚我同禧禧講 : 你記住讀多d書, 第時大個做消防員, 賺多d$返黎, 跟住買間屋比我住, 知唔知道呀？
跟住禧禧好快咁答我 : 到我做消防員果陣, 你都~老啦   激c我啦! 唔洗咁"晒"我呀  

禧媽媽

仲有 ~ 我想8掛問下你地,
平時帶番黎d功課, 有幾多個貼紙 ?
仲有d家課會唔會油埋顏色架 ?  

禧媽媽

祖安
彤彤星期5返黎, 有冇"靜雞雞"收埋條~彩圈頸鍊, 送比你呀?

佢話係周老師教佢地, 返到屋企收埋佢先, 跟住"靜雞雞"送比媽咪+幫佢載住   好好禮物!!

yykid

Friday night to tired so I did not ask Anson to finish his homework and my maid helped me to look after it.  Found out the result was quite good.  
Shall I leave it to my maid?

I also received the 彩圈頸鍊 for 2 days (Thurs and Fri).  But Anson passed it to me when he got off the school bus so no surprise but still very sweet.

yykid

For the paper homework, I did not color it as it only wrote to write down the word only, right.......

williamwong88

禧媽媽 寫道:
仲有 ~ 我想8掛問下你地,
平時帶番黎d功課, 有幾多個貼紙 ?
仲有d家課會唔會油埋顏色架 ?  

如果d字寫得靚,最多就係3個印仔和加多一個小公仔貼紙.
應該唔使油埋顏色,但有時d工作紙係會叫小朋友油顏色的.

袓安

禧媽媽 寫道:
祖安
彤彤星期5返黎, 有冇"靜雞雞"收埋條~彩圈頸鍊, 送比你呀?

佢話係周老師教佢地, 返到屋企收埋佢先, 跟住"靜雞雞"送比媽咪+幫佢載住   好好禮物!!

禧媽媽
彤彤將條彩圈送左俾婆婆喇

袓安

禧媽媽 寫道:
仲有 ~ 我想8掛問下你地,
平時帶番黎d功課, 有幾多個貼紙 ?
仲有d家課會唔會油埋顏色架 ?  

禧媽媽
通常係1張貼紙+3個印囉~ 有時仲會加句鼓勵既說話

cky040223

各位禮賢家長,你地好,想請教下你地點解會為小朋友選呢間幼稚園?因為我都想幫我個報出年k1,所以想從實際情況了解多d,希望你地可以提供下意見.
另外,我見校舍係同小學一齊,是否完成k3,就有機會升禮賢小一?
謝謝.

瀅瀅媽咪

HI,各位
我昨天返家長班, 參觀我女課室, 見到我女d圖畫貼堂, 好開心呀! 不過唔記得帶相機, 而且發現課室門口放了張新全體相, 是在公園拍的, 今年只得2位班主一同拍照, 冇園長,主任和其他老師, 好似有d冷清, 不過我女果班未影呀, 因為唔齊人, 希望星期日有得睇la, 妳們有冇返家長班呀! :

glory

禧媽媽
'彩圈頸鍊'??阿仔連續兩日帶左兩條, 每條得三/四圈既紙圈返來, 我以為普通勞作咋, 原來咁有意思架, 阿仔真係無心肝我返到來提都無提
阿仔d功課通常都只有兩個印或者三個印, 好似印像中無收過貼紙 只係老師有時係某一個字旁邊打粒星, 我宜家同阿仔行獎勵計劃, 如老師在字角上有粒星或老師有評語讚賞的話, 就送一個貼字比佢, 累積有二十個時我會送份禮物比佢作鼓勵
樂樂只係做要寫既字無填色, 一寫完字就'9秒9'離開張檯

yykid
有時諗下佢地都幾辛苦, 幼兒班同低班既轉變都好大, 日日要交功課, 而且又岩岩學寫字, 只要佢筆順岩d字唔太離譜就算, 好似個'土'字, 樂樂最下條橫線寫得好歪, 老師就用紅筆寫住, 我比返樂樂睇提佢下次要寫番直d, 有時佢寫得唔靚, 我就揀一兩個佢寫得比較可以入目既讚下佢, 話佢都有d字都寫得幾好(按住良心講無法), 希望都鼓勵下佢
不過樂樂寫字好唔專心, 每寫一個字每一劃都望住我, 一係就攪下筆攪下刷膠碎, 見佢咁唔專心就同佢講不如媽咪行開少少, 你自己專心D做, 但樂樂以為我唔理佢就即刻喊, 又要 乙水 番佢先可繼續做, 真係比佢激C..
如比工人睇功課, 我覺得有時都沒有辦法, 好像你地要輪班, 放工返到去Anson都可能已經訓左覺, 或者第二朝叫Anson寫一次比你睇, 睇下筆順岩唔岩, 同埋留意工人會唔會執住Anson隻手寫

祖安
彤彤好叻呀, 功課有貼紙 , 樂樂d功課唔好有咁多老師再寫一次比佢睇既紅筆就好lu  

glory

williamwong88
記得好似你小朋友曾計劃轉下午班, 是嗎? 最後有無轉到呢? 大仔小一適應嗎?

瀅瀅媽
咁好有新全班相, 下次有機會去學校都要望下至得, 另外我無返家長班

cky040223
我揀這間學校是因為老師很有愛心, 又注重小朋友既德育, 課程唔算深, 小朋友返學好開心....有四班幼稚園, 升小學時有三班小一, 收兩班自己學生, 一班外來生, 幼稚園生一樣要interview