創價 2006 K1 ~~ PART 2

Oscar媽

Oscar 成日都有講 Ma Lee Ma Lee Home 變.都有動作架!!

liwoodma

係啦...我仔就係拿一條毛巾蓋在個碗上, 然後就諗magic spell, 再揭開條毛巾.....

靜精媽咪

WATHT ,

hello , 我女兒開學到現在都仲係哭,我剛剛先帶完佢上校車~不過聽老師講佢好過開學果時.....但我問個女仲咩哭?點解唔鐘意上學?叫佢講比我知,佢既理由只係話好驚,要我同佢一齊番,一齊坐校車~ 佢日日都係咁哭,我開頭好擔心的,見到個女哭,我有時都忍唔住!但睇到依度既媽咪說法,我又明白真的唔需要太擔心^^~ 因為依家仲係適應期來的..比喻我個女咁...佢係我自己湊的,佢之前除了番playgroup之外,就好少同小朋友玩~因為我地之前住既附近都冇咩小朋友...所以變了好被動同內向~現在又要上學,開始接觸咁多小朋友同埋一個新環境,仲要現在係學校不是想玩果樣玩具就可以玩~屋企點玩都可以,所以有了比較~
我感受到妳既擔心~ 妳囡囡會唔會可能眼訓?佢幾點訓?
又或者妳囡囡會唔會見到有其他小朋友哭話要媽咪,她又被感染到好掛住妳同daddy,婆婆?妳有冇打比囡囡老師問一下個情況,這點好緊要的,因為老師會觀察小朋友再加上妳囡囡之前都冇事,是近這星期先哭...妳有冇問女女同學點蝦佢ah?
一定要對症下藥,我覺得最緊要問老師希望佢能留意幫忙了解一下~ 因為我個囡開學果幾日哭得最緊要,係學校嘔足3日,於是我個心又茅哂,之後請老師幫忙留意一下情況再話我知~
老師很樂意幫忙的~
至於到我個女上校車時,我會比校車早幾mins到,因為唔想一行到車站就要即上校車,好似仲驚咁~我會果幾mins時間自己就會抱住佢,之後一路同佢傾計,同佢玩下話"槳糊筆"痴乜野好呀? 痴校車..hehe~之後要佢上校車,有時架車到又會話:妳睇下今日校車依依 唔見左既???然後我個囡又會裝下架車...又時等車果時,見到其它校車,我又會同佢講: 綺靜妳睇下依架校車都冇我地創價幼稚園架車車咁靚既,妳坐上去一定好多小朋友望住好靚靚架~
記住唔好咁擔心呀~大家一齊努力!
多d交流一下分享下~  

jessieoh

滐滐星期日因為支氣炎入咗2日醫院, 今日出院, 埋單9千几, 住2日啫~無諗過咁貴, 好彩有買保險咋

昨睌李慧慈老師仲打電話問候滐滐, 我乘機問吓滐滐番學的情況。個傻豬上普通話堂竟然 , 可能第一次見國語人, 又唔知佢講咩, 後來李老師坐在滐滐身旁鼓勵佢, 佢就慢慢適應過來了。雖然返咗2星期學, 李老師都好似好了解滐滐咁, 知道佢要觀察一輪, 先敢去嘗試

好鐘意李慧慈老師, 人又靚又好人    

b_B

Oscar媽 & liwoodma,
咩原來學校有得訂普通話vcd咩...aiya....我又蒙下蒙下咩都唔知tim..... 係咩黎? 幾時話有得訂架?

我亞仔都成日變magic俾我地睇.
好鬼搞笑~ 有時話變走左個ball (其實係丟左個ball落地), 有時自己隻手明明巳經攞住個coin, 又話自己變左出黎, 好好笑~

candy9996,
please check PM. thanks.

syc2003

WATHT,

今日接囡囡校車時見到潼潼 (因為佢今日坐在靠車門的那一邊窗,佢係短頭髮夾髮夾的),唔覺佢有什麼不開心,囡囡同車上的小朋友揮手說再見時,仲見到潼潼都有好開心咁揮手說再見喎,所以我諗情況可能都不是太壞.

你有沒有問婆婆接她校車時她的情況怎樣?

我都有問囡囡今天有沒有同學仔 cry,佢都話無.

其實若果你有問題想知,我都建議你打電話回校問老師,起碼可以讓老師知道你囡囡的情況多加了解及留意.

Oscar媽

b_B,

開學前開家長會既時候咪派左 d 輔助教學既 vcd, 裡面有普通話,英文喎...

b_B

WATHT,
唔好咁擔心ｌａ，呢個係適應期，比多小小時間你小朋友ｌａ，每個小朋友都好唔同．

我個仔以前番ｎｕｒｓｅｒｙ既時候都係咁架，成日話唔想番學，向番學前，又話肚痛，又話眼目訓，總之佢就剩係想拖．．．．我用盡生平最大既耐性，氹佢番學，又盡量講下佢學校有趣既事，幚下佢結交一下學校既同學仔（我個仔比較慢熱），又講下自己以前番幼稚園既情況佢知　（我亞仔好有興趣知），一段時間之後就好好多．

另外，學校８�１９派果本家長須知內，都有講解，不妨一看．努力！！

Oscar媽

jessieoh,

滐滐好 d 未呀!!天氣唔好時冷時熱..小朋友好難適應...你入邊間醫院呀!!係 3 月時 oscar 因為發高燒都入左沙田仁安4日埋單都係萬一蚊到....

b_B

Oscar媽，
哦∼　我醒起ｌａ，係唔係有幾張ｏｒｄｅｒ　ｓｈｅｅｔ，到番學第一日就要交俾ｔｅａｃｈｅｒ果ｄ呀？
咁我有訂到ｌａ∼　因為果排屋企好ｂｕｓｙ，完全無睇到係咩，就訂左先算．．錯有錯著．

thanks~

Oscar媽

b_B,

係呀!!就係個幾張 ｏｒｄｅｒ　ｓｈｅｅｔ啦!!!

jessieoh

Oscar媽

浸會囉~ 仲以為6000有找添, 不過應該claim足, 唔使自已比 :

滐滐e家無事啦, 有心有心

Oscar媽

jessieoh,

滐滐無事就好啦!!幾時可以返學呀!!! oscar 上星期都冇返過學呀!!

BoboB

WATHT & 靜精媽咪,

我個仔開頭一個星期都係喊住話唔返學, 但係一放學就好開心, 但每一天返學之前都會話好驚, 好眼訓之類.....
一個星期之後, 佢開始習慣了, 現在換衫都完全無扭計, 我既方法係:
1)返學之前比佢睇一陣卡通片, 到差不多夠鐘就同電視講bye bye
2)出門口之前, 比佢選一樣玩具陪佢落樓, 不過話比佢聽唔可以放落書包, 要放落媽咪個袋, 佢會安心出門口, 但不會讓他帶回學校
3)佢話眼訓, 我說會抱住他訓一陣, 就是在出門口落樓的時間了, 一路抱住落樓, 叫佢訓一陣之後上車問姨姨訓唔訓得
每天如是, 之後佢返學冇再喊了, 可能多了安全感, 覺得返學前可以嗲下媽咪, 佢上了車都冇再喊了, 今天還在車上和我bye bye添! 不過有時都仍然會講一兩句唔返學, 媽咪陪我一齊之類既說話, 但我都會說"好好, 媽咪抱你返學".

我諗到遲d, 再習慣d, 就唔使再抱啦. 慢慢來, 小朋友需要的只是時間適應, 千祈唔好同佢一齊喊, 如果唔係佢就以為返學係慘事, 唔係開心事.

mimicheng

candy9996
光陰似箭,唔經唔覺,無做嘢差不多半年

好快我哋２年後又要同仔仔選小學
祝各位媽咪 仔仔囡囡身體健康

billysim

[quote]
jessieoh 寫道:
滐滐星期日因為支氣炎入

靜精媽咪

BoboB,

Thanks u 呀~
我今日好開心呀,今日我老公自己去接個女放學,番離話我知老師話綺靜今日好叻呀,冇哭了..仲有得踏單車~
  依種感覺真係好~希望不是短暫啦..

WATHT

To all mama,

好多謝你們的分享!我會努力去幫女兒克服, 希望快喲過咗適應period, 有時都覺得自己幾大壓力,公司又有，先生又緊張女兒，和婆婆、先生在教導女兒時總出現分歧,自己又唔可以做一個全職媽咪(不過我知無本事, 由於無耐性、唔bored得)，星期六我巳司同經理request早走出席家長會，到時我都想與老師談談。

syc2003,
麻煩哂你幫我留意!13姨昨天放學時都話潼 潼只哭了一陣,話唔捨得婆婆，但其實返學前在家扭計又講要與我一起上班,所以都唔知幾畤真,同埋好少講學校裡的事,學到什麼,不過好彩女女已经能唱到成首校歌,如果唔知怎算？唔知又冇留心上課？

thanks a lot for all mama!

jessieoh

Oscar媽

滐滐今日應該可以返學啦

上次住醫院oscar有冇 , 滐滐抽血時 得好可憐, 佢好無助咁望住我, 攪到我都一売眼淚。d護士ee好叻, 話同滐滐捉虫仔, 佢先唔敢動。抽完血就嘔, 因為 太勁啦

第一晚我留係醫院陪滐滐, 半夜好多bb , 根本睡不著, 跟住一早仲要趕返工, 攪到我都病埋一份

liwoodma

Good Morning...

Jessieoh

咁你自己都要保重身體呀....唔係點有精神照顧仔仔呀?