荃灣/葵涌區中學一問

rclamlam

mrs_lee,

好難講你甥仔能唔能夠上到band 1, 因為有部份小學呢個成績都係band 1, 但係以葵青/荃灣區來計, 呢個成績多數係band 2頭.

聖芳濟係荃灣區男校, band 2中學.

如果係band 2生, 除左可以選擇聖芳濟之外, 我會建議揀梁省德/李城壁.

rclamlam

kimmy,

通常band 1生好少係自行會先揀王少清, 所以我都唔清楚以往有無面試, 以前何傳耀係唔駛面試, 今年開始都需要啦, 以我所知無咩中學係唔需要面試.

sorlo

mrs_lee

你可以參考上年派位成績　上年伍季明上午校及下午校分別有42%　及41%入band 1組別

詳程伍季明小學　－　Please click here


希望幫到你

mrs_lee

rclamlam, sorlo, 多謝你們的回覆和資料。

我看過聖芳濟的資料，它初中開辦四班，是否因為收生不理想，所以未能開辦五班？另外，聽說學校容許學生穿波鞋返學，校規是否太鬆呢？有些擔心這間學校的校風。

rclamlam

mrs_lee,

咁我無留意聖芳濟一向開5班定4班, 不過看來佢校舍都應該開唔到5班架, 好多中學都係得4班, 唔係因為收生不足.

著得波鞋返學唔一定係校風有問題, 你都係親身去看下.

kimmy1154

Mrs Lee,

我所知2005-06聖芳濟有22A成績in HKCEE, 九龍華仁書院都可以著得波鞋返學, 但聞說有BK's Mom 說過有囝囝不要選聖芳濟, 我都想知是否學生質素不好or校風問題, 希望有聖芳濟mom俾資料同意見俾我

mrs_lee

kimmy1154，
我都記得有BK's Mom 說過有囝囝不要選聖芳濟，所以真係好煩惱呀！

opiaopia

我個仔今年讀小六成績不太好,應屬band 2尾 或band 3頭, 佢好易受人影響,好擔心佢變壞。應選荃灣/葵涌區邊間中學較合適。
請賜教!
  
  

rclamlam

mrs_lee,

我聽以前小學老師講, 聖芳濟唔係所講咁差架, 老師都會建議band 2頭至中既揀呢間學校, 如果小朋友鐘意讀男校, 我覺得唔差架, 不過我會揀男女校多o的, 因為青少年成長男女看既野唔同, 而且到通適好多時都需要做project, 有女仔意見點都好少少.

如果真係怕同女仔爭既, 呢間我以講band 2生唔錯既選擇.

rclamlam

荃灣區可以揀聖芳濟, 廖寶珊, 林百欣, 葵青區可以揀荔景天主教, 李賢堯, 顧超文, 不過真係要確定係band 2定band 3, 因為選校真係有所不同.

opiaopia 寫道:
我個仔今年讀小六成績不太好,應屬band 2尾 或band 3頭, 佢好易受人影響,好擔心佢變壞。應選荃灣/葵涌區邊間中學較合適。
請賜教!
  
  

opiaopia

如果梁省得有無机,又或青衣有間燕京書院
    

rclamlam

OPIAOPIA,

我看入梁省德只會統一派位先有機會啦, 如果咁樣不如真係考慮青衣燕京書院, 因為我聽朋友講宜家燕京升緊, 校風都唔錯, 我都有朋友個仔入左呢間中學.

RT

係呀, 睇返梁省德上年有成7個爭1個位, 都好搶手,我睇今年都會成為band1生既後補位喇.
燕京我個仔同學既家姐讀緊, 以前校風好差, 依家好左好多.
聖方濟雖然感覺上成績退步左, 但畢竟辦學都有40年歷史, 加上同九濟同系,我覺得係band2男生既首選

MouMaMa

T.K.

學校派了一張小六學生證, 你有無留意在右上角有一個括號, 內有一個5位數字編號, 請問你是否由7字開頭呀, 如果你唔係, 我真係暈得一陣陣啦, 我好似聽到校長話今年有7萬幾個升中學生, 如果這個就是隨機號碼, 咁就慘啦. 我都有問班主任有關這個編號, 班主任答我:"唔係卦, 不知道, 好似有另外一個卦", 她又說隨機號碼, 學校是不知道的.        

RT

MouMaMa 寫道:
T.K.

學校派了一張小六學生證, 你有無留意在右上角有一個括號, 內有一個5位數字編號, 請問你是否由7字開頭呀, 如果你唔係, 我真係暈得一陣陣啦, 我好似聽到校長話今年有7萬幾個升中學生, 如果這個就是隨機號碼, 咁就慘啦. 我都有問班主任有關這個編號, 班主任答我:"唔係卦, 不知道, 好似有另外一個卦", 她又說隨機號碼, 學校是不知道的.        

你係咪講緊教統局個張存根呀??我都係7字頭喎,不過應該唔係隨機編號,因為隨機編號係冇人知,只係教統局知, 如果唔係既,到時的家長一早知號碼排得前, 咁咪唔使去面試??

mrs_lee

rclamlam,
如果band2頭至中，可選擇那些男女校？thx!

rclamlam

MouMaMa

隨機編號係連教統局都唔會知邊個學生係咩編號架, 係電腦自動加入去, 所有印上去既number係另外一個意思, 唔好咁擔心.

rclamlam

mrs_lee,

我會博伍若瑜/全完, 全完去年都收30%band 2生, 所以機會都好大架, 再揀既我會揀梁省德/李城壁/吳祥川/蘇浙/荔景天主教.

MouMaMa

rclamlam, RT,

聽到你們這樣說, 都安心了一些. Thanks a lot!

cj712644

RT:

係呀, 梁省德上年自行收生唔單止搶手, 有成7個爭1個位,聽校長講, 放榜日之後, 仲收到四百幾人叩門添呀 !!

不過, 讀得呢間要預左辛苦, 因校風唔單止嚴, 學校仲好
谷學生的成績&體育添. 田徑隊訓練要跑城門水塘架.

聽朋友講, 聖方濟轉左校長之後更差,band 2 生最好唔好揀呢間, 因荃灣區仲有其他好選擇.

RT 寫道:
係呀, 睇返梁省德上年有成7個爭1個位, 都好搶手,我睇今年都會成為band1生既後補位喇.
燕京我個仔同學既家姐讀緊, 以前校風好差, 依家好左好多.
聖方濟雖然感覺上成績退步左, 但畢竟辦學都有40年歷史, 加上同九濟同系,我覺得係band2男生既首選