國際學校轉本地學校

nunupipi

NKpa 發表於 21-5-26 15:56
我好單純，幼稚園想佢接觸多D英文環境，上小學想佢學好D中文，上高中出國入好D大學。

如果論教育方法，IS ...

諗法好似好易但實行係好難。如果你只係想小朋友識講同唔驚講英文,咁好多local kinder都做到。小學學好啲中文即想讀local?! 上高中出國入好啲大學，報大學除左考試仲要寫文同interview的，英文程度又要有返咁上下，除非係讀elite school. 有EK家長講過，唔好諗住小學LS，中學IS，就可以拎曬LS同IS既長處

benjibenji

nunupipi 發表於 21-5-26 22:56
諗法好似好易但實行係好難。如果你只係想小朋友識講同唔驚講英文,咁好多local kinder都做到。小學學好啲中 ...

係，聽過身邊一些家長講佢哋俾小朋友入讀LS小學原因主要係學好中文，打好學術基礎(佢哋理解冇功課就即係冇嘢學)，然後升中搏吓派到Band 1第一線名校，而兩手準備Plan B報定國際學校做Backup如果派得唔好就跳船轉IS，進可攻退可守⋯⋯眼中IS主要只係英文領先LS一兩年，學術大幅落後於LS，方便海外升學而已，亦覺得LS採用活動教學其實就跟IS差不多⋯⋯
我反而覺得佢哋冇真係了解LS及IS嘅分別或真正意義，只知學術或語言而忽略了小朋友的思維及學習模式甚至視野。派到好嘢我就繼續Buy你LS，派唔到我咪執死雞跳去IS⋯⋯世界邊有咁著數，你得到一些就當然會失去一些，除非上午LS下午IS你就拎曬，不過到時咪失去曬玩同瞓嘅時間好慘。
今時今日我相信仲有唔少家長仲係當IS係LS升中派位唔好嘅救生艇㗎。

honeymelonkids

benjibenji 發表於 21-5-27 00:58
係，聽過身邊一些家長講佢哋俾小朋友入讀LS小學原因主要係學好中文，打好學術基礎(佢哋理解冇功課就即係冇 ...

好同意你嘅分析, 身邊有家長除咗係升中時當IS係後備, 仲有家長係去到LS小四時，因為唔想玩呈分呢個遊戲，所以就會喺 呢個時候幫小朋友轉IS。 家長本身都唔係特別欣賞IS嘅教育模式, 只不過係為學好英文同埋用IS作踏腳石，去升外國高中或大學。

964000

honeymelonkids 發表於 21-5-27 02:18
好同意你嘅分析, 身邊有家長除咗係升中時當IS係後備, 仲有家長係去到LS小四時，因為唔想玩呈分呢個遊戲， ...

其實更多係考小一不順，臨時求祈報IS為水泡，但個心又對LS念念不忘，入咗IS又覺得不符期望（因為未了解清楚IS), 搞到兩頭唔到岸。

Jane1983

見到大家的討論，有點感想。

上面有網友講過，有父母為佢絞盡腦汁，籌謀讀local名校定IS，年年比得起6位數字學費，再加無限愛心，呢位小朋友基本上係人生贏家。無論讀邊間學校都好，佢自己唔screw up，都應該有幾好前途。

作為父母，盡咗力就好，兒孫自有兒孫福。佢識投胎過我呢。

NKpa

nunupipi 發表於 21-5-26 22:56
諗法好似好易但實行係好難。如果你只係想小朋友識講同唔驚講英文,咁好多local kinder都做到。小學學好啲中 ...

唔難。幼稚園浸英文係最易最受用，相反，學中文就太早。我係反對揠苗助長。

英文在小學階段會比IS拋離，除非愛上閱讀英文課外書。呢樣好靠家長俾空間小朋友，放棄追逐分數心態，拒絕晒時間補習。

如果中二/中三放洋，一年之間英文寫作會追上同學，大前提係英文有閱讀基礎。

缺點係，在小學階段享受唔到IS的開放、活潑的教育，而且要忙功課、甚至忙活動，小朋友要搞掂咁多野係唔簡單 (唔好講"掂"，keep住有動力、平衡到時間已經好好)

調返轉頭睇，LS投入大成效唔特別多(但未至於所謂扼殺學習興趣，打擊信心，消滅創意云云)，點解要搞咁多野，唔一路由IS幼稚園，幸幸福福讀到中學畢業呢？

如果有足夠財力，我贊成，仲會由IS小學起每日補返一個鐘中文 "校外課程" (即係有系統的補習班)。LS中文堂時數多，中文比IS好係正常，點解IS學生唔自己出面補返時間？要追返中文，最緊要夠細開始，掌握多D中文字。

咁，我小朋友錯過左IS小學，係咪有遺憾呢？可能好彩佢應付到LS小學，都好充實好開心，出國之後都算開眼界，中學都感受到西方教育的好處。所以，條條大路通羅馬，岩自己行就得。

siufan15

回覆 Jane1983 的帖子

Well said

nunupipi

NKpa 發表於 21-5-27 11:20
唔難。幼稚園浸英文係最易最受用，相反，學中文就太早。我係反對揠苗助長。

英文在小學階段會比IS拋離， ...

所以又係去返老問題：覺得中文英文程度係點先夠，IS同LS既分別係咪淨係中英文同使唔使做功課，個個把尺唔同。我以前係好buy local 名校, 因為小朋友既性格係完美主義同內向，讀LS會比自己好大壓力，所以1516下幫佢報IS。佢讀左IS後性格好大轉變，肯挑戰自己對外向左好多，IS對於我嚟講唔係淨係學業上咁簡單，仲關乎親子關係同佢全人發展。每個小朋友都唔同，夠竟佢可唔可以讀LS都充實開心，真係要試過先知。

重頭再揀，我都會比佢由幼稚園開始讀IS，因為我覺得性格塑造比language更多重要，當然經濟上唔容許就另計。

conniewktang

NKpa 發表於 21-5-27 11:20
唔難。幼稚園浸英文係最易最受用，相反，學中文就太早。我係反對揠苗助長。

英文在小學階段會比IS拋離， ...

你個小朋友可能在LS完全冇任何問題，但作為前線教育工作者，在local b1英中，地區較有名津校，的確見不少學生越來越被DSE打沉，沒自信，沒創意，不喜歡讀書，其他學校也不少。（即使級頭成績好，應付到，成績超前，不代表喜歡讀書或有興趣讀書，每年見唔少！）
至於學中文問題，用閱讀去學中英文，我小朋友1歲已開始，4歲已可自己看懂中文書同英文書，我覺得幼稚園開始學中丶英文都是良機，唔會覺得學中文太早，也不覺揠苗助長，因為沒刻意認字，有興趣自然學得快，中丶英亦言。
我小朋友LS讀到小五，入IS中學部Grade Six, 我又唔覺我仔啲英文同同學差好遠喎，佢小學只讀津校，雖然地區一線，但並非Elite School.

NKpa

conniewktang 發表於 21-5-27 22:26
本帖最後由 conniewktang 於 21-5-27 22:30 編輯

你個小朋友可能在LS完全冇任何問題，但作為前線教育工 ...

我明白你地。IS係好。

我指幼稚園學中文太早係要四五歲小朋友練習寫字，我認為六歲先寫唔會遲，可能係個人經驗。

家長陪幼兒讀書係好好親子活動，令佢地鍾意書。我唔會期望四歲可以認到讀過的中文字。你小朋友好叻。

conniewktang

NKpa 發表於 21-5-27 22:44
我明白你地。IS係好。

我指幼稚園學中文太早係要四五歲小朋友練習寫字，我認為六歲先寫唔會遲，可能係個 ...

我仔12月早產超細B，讀地區保良局券幼，佢學校K1下學期學寫字，那時他才剛三歲，但一樣ok。到K3，也一樣有中丶英文默書（當然沒名幼深），但他可應付到。
所以那時一直唔覺LS不適合（我自己也讀LS), 上P4, 發覺佢如其他LS學生一樣，由多發問及好奇心強，被LS訓練成乖乖上堂，不敢問老師又凡事追求model answer的學生，為了1-2分而不開心，績優又如何呢？所以完小五（其實仔果間津小已經非常關愛，學術又好，仲係小班），入了IS中學部，覺得眼界大開，真的很合適佢，人也開朗活潑返，又回復往日的多發問及喜歡explore事物的性格，最重要空閒及休息時間多了，在IS每天做運動，睡得更甜，人越來越開心，充滿正能量！IS中學部功課壓力是有的，但佢manage到，忙得來很開心！
有人說記性好讀LS好，可考DSE好，但我覺得唔一定，我仔的記性都比普通人好，讀LS當然沒有問題，但去讀IS, 要成日寫嘢，初初一個月未習慣，但好快已沒問題。IS一樣多quizzes或tests, 所以記性好一樣有好處，上堂留心，功課認真做，tests就覺好易應付。
坦白講，我覺得我仔係可以拿曬LS及IS的好處！真的很感恩！
但如果可以從來，我絕對會幼稚園已讓他讀IS!

Osiana

nunupipi 發表於 21-5-27 12:57
所以又係去返老問題：覺得中文英文程度係點先夠，IS同LS既分別係咪淨係中英文同使唔使做功課，個個把尺唔 ...

好多家長仲以為讀得到 LS再轉 IS係兩邊著數都拎晒。佢地係唔會明白究竟 IS 好嘅精髓係邊度。 以佢地嘅唸法及思維，大家討論的空間好細。

IS 唔係英文學校咁簡單，又唔係只是有無功課嘅討論。

conniewktang

Osiana 發表於 21-5-28 02:00
好多家長仲以為讀得到 LS再轉 IS係兩邊著數都拎晒。佢地係唔會明白究竟 IS 好嘅精髓係邊度。 以佢地嘅唸法 ...

邊個唔想自己老豆係李嘉誠？大把錢！讀IS唔係話讀就讀，也要屋企有財力，唔係個個隨時afford到㗎，鬼唔知IS由幼稚園讀起，讀埋小學丶中學最好，在有心冇力的情況下，只可先讀LS, 到適合時機才轉IS, 唔係個個好似你咁幸福，小朋友想讀IS就隨時讀！經濟考慮都係主因，什麼中丶英文，什麼學科成績，我唔care, 以小朋友的資質，在那里讀也冇所謂，只想盡力比最好嘅佢，叻嘅小朋友其實讀什麼學校也讀到！

poonseelai

conniewktang 發表於 21-5-28 06:30
邊個唔想自己老豆係李嘉誠？大把錢！讀IS唔係話讀就讀，也要屋企有財力，唔係個個隨時afford到㗎，鬼唔知I ...

點解又講埋經濟條件？我細過根本冇資源去選擇，所以父母唔洗煩什麼LS/IS，有書讀就得。LS 一樣培養好多人材，不單係叻嘅學生，一個社會係需要各式各樣人材

conniewktang

poonseelai 發表於 21-5-28 06:59
點解又講埋經濟條件？我細過根本冇資源去選擇，所以父母唔洗煩什麼LS/IS，有書讀就得。LS 一樣培養好多人 ...

我只是想講，我也知道我仔讀IS係最好，但我哋沒可能由幼稚園就比佢讀起，因為好貴，所以升中才讀，而唔係plan定如何拿盡LS及IS的好處才去讀IS(雖然我發覺我仔嘅case是有拿到2邊的好處), 因我一早知讀IS是好！但如果讀咁耐，由Kg至IBDP, 未必afford到！
我也同意LS也有其作用，培育各種人材，我們這一輩大部分也是讀LS的，一樣人材輩出，貢獻社會。
感覺有些小朋友一直讀開IS的家長，好似好唔鍾意LS轉IS的學生，事實上，LS 上的學生中文根基係好，數學基礎也較穩（朋友補IS數理說）。至於LS學生在IS追返英文, 我覺得英文易學過中文，一點也不是問題。小朋友仲細，11/12歲adapt去IS的思考方法同mode of study, 不是問題，適應也快，唯一遺憾的是miss了IS幼稚園同小學的愉快學習階段，冇辦法㗎，唔係個個都咁有財力由頭讀到尾，我自己就好知足，見小朋友在IS讀得開心，又適合，如魚得水，已很足夠。

poonseelai

conniewktang 發表於 21-5-28 07:22
本帖最後由 conniewktang 於 21-5-28 07:25 編輯

我只是想講，我也知道我仔讀IS係最好，但我哋沒可能由 ...

我又睇唔到話唔喜歡由LS 轉IS 的評論喎。每人有每人選擇，無須同人哋交代，討論學制又加入經濟條件，根本無得討論。你覺得孩子受惠於兩個制度，咪ok囉。身邊總有成功和無咁成功轉 IS的例子，除了孩子適應能力，父母心態都好重要，自少入IS, 但用LS思維同尺度，就變成而家補習的風氣

nunupipi

NKpa 發表於 21-5-27 22:44
我明白你地。IS係好。

我指幼稚園學中文太早係要四五歲小朋友練習寫字，我認為六歲先寫唔會遲，可能係個 ...

可以認下字先，寫就揀筆劃少既試下，我跟EK家長介紹下買左漢字500，我小朋友讀緊kinder學得幾好。中文難學，真係要靠接觸得多。

conniewktang

poonseelai 發表於 21-5-28 07:32
我又睇唔到話唔喜歡由LS 轉IS 的評論喎。每人有每人選擇，無須同人哋交代，討論學制又加入經濟條件，根本 ...

這個帖並非完全討論學制，樓上都有人講經濟原因轉返LS, 經濟也是決定讀乜學制一個重要因素。
我又從來冇諗過自小入IS都要補習喎，咁同讀LS有乜分別？LS入IS初頭就話學校短期比EAL, 幫下啲英文，適應了，都唔會長期比。

964000

conniewktang 發表於 21-5-28 06:30
邊個唔想自己老豆係李嘉誠？大把錢！讀IS唔係話讀就讀，也要屋企有財力，唔係個個隨時afford到㗎，鬼唔知I ...

就算有財力，還要有足夠資訊和胸襟去接受新的東西，因為我們大部份人都是傳統出身，對IS都不太認識及好多誤解，亦放不下傳統名校帶來的安全感, 覺得好難作決定。

conniewktang

964000 發表於 21-5-28 07:46
就算有財力，還要有足夠資訊和胸襟去接受新的東西，因為我們大部份人都是傳統出身，對IS都不太認識及好多 ...

同意