07/08年度升小四 – 得閑入o黎傾下啦

肥仔媽咪

原文章由 fatkk 於 08-2-1 13:30 發表
asinai & 肥仔媽咪,

謝謝你們的回應!
都唔係好暢順, 希望佢都係暫時性啦!我會襯新年假幫佢'餃'好佢!

唔駛客氣, 現今做父母嘅除了要照顧佢嘅學業最重要係關心佢嘅情緒, 免得乜都唔講擺係心度搞到有事發生就唔好, 或者你同佢傾下心事先啦!

阿切

原文章由 肥仔媽咪 於 08-1-3 11:25 發表

阿切,

你囡小五即係要分精英班? 原本學校係有幾多班架?

係呀 , 總共有 5 班 ..... 有兩班精英班

阿切

原文章由 gabriela0407 於 08-1-14 00:15 發表


Hello 阿切 你好, 恭喜你女女咁好成績, 叻女!!
我想請教點樣才叫/算 " 放手" 呢, 可指導下我嗎, 謝謝!!!

我大女性格一向好獨立, 佢有好主見, 知道咩要做 ..... 可惜佢有一條大懶筋 .... 加上我要跟緊 d 剛升小一既妹妹, 我只會叫佢溫習, 無督住佢黎溫 ....

carollam310

阿女返埋5號就放新年假lu~~

:恭: :喜: :發: :財:

fp

原文章由 carollam310 於 08-2-1 17:24 發表
阿女返埋5號就放新年假lu~~

:恭: :喜: :發: :財:

my son started holiday today la!

fatkk

肥仔媽咪,
其實囝囝細細個到一路都係開心B,近呢1、2 EQ係差D,都係要身&心2方面夾攻解決呢個問題。

原文章由 肥仔媽咪 於 08-2-1 13:43 發表

唔駛客氣, 現今做父母嘅除了要照顧佢嘅學業最重要係關心佢嘅情緒, 免得乜都唔講擺係心度搞到有事發生就唔好, 或者你同佢傾下心事先啦!

fatkk

yoghurt,
我都覺得P4 D野深曬,尤其係D閱讀理解(中&英)、english writing..不過人地話P5仲堅 !


阿切,
好"善霧"你有個大囡囡咁自動自覺, 我大囝叫少D都唔得 !

原文章由 阿切 於 08-2-1 16:27 發表


我大女性格一向好獨立, 佢有好主見, 知道咩要做 ..... 可惜佢有一條大懶筋 .... 加上我要跟緊 d 剛升小一既妹妹, 我只會叫佢溫習, 無督住佢黎溫 ....

fatkk

昨天見老師及取成績表, 囝囝主科的成绩都OK, 而最差是PE, 佢又係生得細粒D同埋又瘦, 體尼要多D操吓!

見老師時 - 佢都有讚吓佢及話佢只係有時都幾鍾意傾計......不過唔記得問吓老師點解操行比 "乙", 因他P3上學期都試過拿 "乙", 但那時老師有清楚話我知佢點解"乙"及希望我提點囝囝改善吓.....似乎乙係麻麻地.....同埋係BK度見P5 &P6 D家長話操行乙好似好大件事感,講到好似乙係無學校收感...個心'羅羅聯'唔知好唔好call老師又問吓呢?我但我HB又叫我唔好煩老師…會覺得呢D家長好麻煩咪仲有反效果。

唔知大家可否比D意見我, 謝!

LULU-MAK

好耐無上嚟, 大家好, 係到同大家拜個早年, 祝大家 '心想事成'
我聽日都跟公司d同事,老細..一齊去印尼耶加達行吓..玩吓, relex吓, 近排我都有d小問題唔係好開心, 都係個寶貝女係學校同同學, 老師既問題, 不過暫時都舒緩到, 希望過埋依個假期, 亞囡個情緒會好返.
其實, 亞囡自從上佐小四後, 都好驚個班主任, 初初開學果幾個月, 亞囡自己覺得做錯小小野, 都已經好驚好担心, 直至到11月開家長會, 我同班主任反映, 叫佢幫幫手同個囡傾吓, 希望亞囡能夠開心上學, 依件事好似好佐一段事期, 亦係一月頭的家長日(即係攞成績表)老師都有講亞囡係學校確係乖佐, 希望亞囡繼續keep住. 點知由上星期三開始, 亞囡由放學開始喊, 食飯喊, 做功課喊, 瞓覺前又喊, 起身返學又喊, 我問做mug事, 佢就話d同學聽到佢講老師是非, 常常攞依d事嚟威脅佢, 話會講比老聽, 所以佢好驚, 亞囡要求要先同老師講呢d事件, 但老師只答...ok!我無問題, 我會原諒你, 但亞囡話原來有幾件事情要講, 但老師沒有時間比我個囡, 我個囡覺得好內疚, 一定要同老師講先可以放下心頭大石, 件事都攪了好幾日, 啱啱又撞正放假, 亞囡件心事就越滾越大, 仲竟然同我地d大人講, 話有把聲音成日係佢耳邊不停教佢做壞事, 再加上佢成日好驚佢身邊可能有老師, 同學偷聽到佢講既野, 我已經解釋佐好耐, 亞囡都不停礸牛角尖, 成日就將無做過既事就以為自己做佐, 我好驚亞囡會SHORT, 我都終於忍唔住, 我都喊出嚟, 好彩我身邊有好多朋友幫我同我個囡, 有個朋友佢上嚟屋企同亞囡傾了好耐, 好似將亞囡個雪變細佐, 依家我地就觀察吓佢個情況, 睇吓呢個假期會唔會好返.

肥仔媽咪

LULU-MAK,

聽你講完都戥你囡唔開心, 好彩你有朋友幫你, 有時朋友開解佢效用會好過你講一百句, 小朋友成長路真係有好多事情我們一路行一路學, 希望你們出外散散心後所有事都一掃而空!:)

祝大家新年快樂! 身體健康! 心想事成!

fatkk

Dear P4 moms

:恭: :喜: :發: :財: !
心想事成!
fatkk

carollam310

話甘快就過左新年..小姐今日返學lu..不過返無幾耐又放復活節假

NIC媽咪

原文章由 carollam310 於 08-2-18 13:16 發表
話甘快就過左新年..小姐今日返學lu..不過返無幾耐又放復活節假

係呀返學lu,囝聽日測英文,21號測數學,3月3號小考,搵左補習姐姐今晚開始幫囝溫.

肥仔媽咪

原文章由 carollam310 於 08-2-18 13:16 發表
話甘快就過左新年..小姐今日返學lu..不過返無幾耐又放復活節假

係啦! 一開學啲評估接踵而來 , 好彩考埋試先至放復活節假!

阿切

lulu, 你女女依家無事呀嘛 ??? 我都發展佢地呢個階段, 好多類似既事發生, 我女都成日返黎同我講佢 d 同學仔成日打小報告俾老師 .......

fp

lulu,

I also want to know if your daughter is ok now.  my son
didn't happen as your case, may be boy's not mature than girl's and I found he got more best classmate than
p.3 and he has told more school matters to me now. I felt
he's happier school life than before.

Vin

hello~~
各位仲記得我嘛?

我個女又係成日同我講佢啲同學點樣對佢唔好~~
例如我個女剪咗新髮型, 都會俾人話佢一餐~~
有時佢轉述返啲同學同佢講過嘅說話我聽,
我都會覺得.....嘩~~乜你啲同學把口咁刻薄~~~
而家啲小朋友大部份都有啲....邪惡.
都好少會見到啲品性善良嘅小朋友~~
唉~我個女間學校起碼有8成以上嘅人係新移民~~

肥仔媽咪

就算男校都有架, 不過睇下群邊班人咋! 我仔都話佢有啲同學成日分黨分派叫啲friend埋堆


LULU-MAK,

係啦, 你囡囡最近好啲未呀? 希望佢情緒已經好返, 有時間上來告之聲吧!

Mandy0203

原文章由 阿切 於 08-3-7 21:46 發表
lulu, 你女女依家無事呀嘛 ??? 我都發展佢地呢個階段, 好多類似既事發生, 我女都成日返黎同我講佢 d 同學仔成日打小報告俾老師 .......

唔知係唔係呢個階段的小朋友都係咁?有時我個女都有同我講有同學成日打小報告...LULUMAK,你個女心情如何呀?