有冇p1(2006) 家長,請進

NKW

hoho1230,
妳亞仔上次唔舒服先影響考試,下次加油.

係啦,妳地有冇發現每個小朋友的名次都紀錄係成績表到?
咁其實會領到家長同小朋友唔開心.

joyhc

但是如果没有紀錄名次的話，各位媽媽又會有好奇心想知，知道咗，好的話固然開心，不好的又會很失落，這些都是人之常情，咁，你話啦，又想知，又怕知，所以你話老師都很難做的﹗
不過，始終名次都是一個紀錄啫﹗不用太過放在心上﹗
大家都努力努力啊﹗

maggkiki

其實佢地又冇正式係成績表上寫名次, 只用鉛筆mark係後面, 如果唔係我問, 我都唔會知, 班主任仲話睇

joyhc

hello, 各位，
我想問吓，我今天聽到一個驚人的消息：
事由是我公司的同事問我有冇聽到話學校近日有一件事，話有一對高年級的兄妹欺負一個二年級的女仔，例如：唔俾佢去廁所，同埋做狀要插佢對眼等，搞到個女仔發惡夢，話好驚，話俾佢媽咪知，咁佢媽咪返學校投訴，而學校的反應和態度則是漠不關心咁，令到個女仔的家長十分不滿，搞到差d 要上新聞咁ah，唔知各位有冇聽過此事呢﹖是否是真的呢﹖

NKW

咁恐怕?!冇聽過喎!試下問下人先.其實我都好驚呢d 集體欺壓或玩分化的行為.這是很嚴重的事, 對小朋友有深遠的影響.睇過女王的教室就知.不如問下高小前輩.

想問問有關課外活動的問題: (第一期只選了一樣課外活動)
第二期課外活動通告已出,若想選擇多項好大可能撞時間,咁又話名額有限需要抽籤,(原因開班太少?)咁可唔可以來過大包圍,抽中了再放棄?萬一只選一樣心儀的課外活動而又抽唔中, 咁就連次選的機會都沒有.
請問您們點揀?

joyhc

係啊﹗都唔知個囡如果遇到同類事情時，會怎樣處理，雖然平時佢睇個樣都是大大隻，應該唔會俾人"蝦'，但是其實實際個人就一D用都冇，俾人哋搶佢 D 嘢，都唔敢出聲。
不過我都覺得可能這次是個別事件，因為我都覺得一年級 D老師都很負責，有交待﹗

希望只是謠言啦﹗

carayan

大家好，恭喜大家新一年事事順利，仔女醒醒目目，學業進步！
好耐冇上嚟喇，先同大家分享一個好消息，我生咗喇，細B仔o係2月12日出世，重7磅11安士，因要餵食全人奶所以晚冕唔夠瞓   ，而家阿大B放完假開始返學要睇佢D功課， 真係想死。   
另外我阿仔個班有同學仔轉校，阿仔話因同學仔媽咪話佢唔乖(我估係因怕其他曳的同學你教壞)，因阿仔個班B班同F班出咗名好曳，佢琴日先有同學仔特登係小息係阿仔個柜桶攞咗佢個筆盒，收係其他同學的柜桶(老師放學後逐個揾先揾到今日比反阿囝)，我已經無計上次阿囝d筆套比人撕咗個名留係筆盒，但d筆套就唔見晒，而且上次家長日聽d媽咪話d小朋友惡意傷害同學仔同向老師吐口水及駁嘴等，想請問你哋囝囡個班有無咁情況？

hoho1230

Carayan, 恭喜晒, 真係替你高興, 你終於決定自己生定係開刀呀? 希望BB健康快樂.  亦順祝各位媽咪都青春美麗, 身體健康, 心想事成, 仔仔女女聽教聽話.

乜有家長怕小朋友學壞要轉校咁嚴重嗎? 我個仔係讀F班架, 有時聽亞仔講學校d, 我都覺得有部份小朋友都幾曳, 我個仔唔見文具係家常便飯, 問佢點解, 佢就話d小朋友話鍾意就

joyhc

Carayan,
      真是恭喜晒啊﹗我覺得你很勇敢啊﹗
       有一個小朋友，有d時候已經想死啦﹗現時還要應付二個小朋友，實在是很偉大啊﹗我老公都想生多一個小朋友，但我就有很多的憂慮同考慮﹗所以都一直拖到現在還未開工﹗不過你要努力啊，頂住啊﹗做女人是辛苦d的，因為樣樣嘢都要上身：包括生同教﹗
        我個囡是讀 C 班的，聽佢平時講D 嘢，覺得佢哋果班同學仔都還好，並不是有太多曳的小朋友，只是有一個小朋友是留班的，會有一些過火些的行為，例如：我個囡話佢會豎"中指"等，我都有教個囡直接同佢講咁樣是很不禮貌的行為，叫佢不要再做﹗但個囡始終還細，都有些害怕，猛咁問：可以咁直接講的嗎﹖但我鼓勵佢，如果同學仔做咗些影響你的行為，就必須講清楚﹗所以，小朋友真是要由細教起，一D都唔可以放鬆的﹗
        不過我覺得民生的校風應該已經算比較好的啦，其他學校可能有更曳的小朋友呢﹗

      

NKW

恭喜妳呀carayan, 下午已經想同妳傾計嫁喇, 不過返工後忙到不得了.唯有初十二同大家拜年, 恭祝大家豬肥屋潤,老公同仔女都聽教聽話.

點呀妳?痛唔痛呀?開刀?睇嚟幾精神喎,細B仔重7磅11安士,勁呀!仲餵食全人奶,妳好叻同偉大呀. 有冇家人幫手湊BB呀?坐月好好休息吓,因為就嚟到大B測驗喇!
(唔係想嚇妳,只想妳放鬆d,唔好弄壞身體.)

我囡個班無妳所講嘅情況咁離譜喎,惡意傷害同學仔同向老師吐口水及駁嘴等, 係咪唔想係到讀書?

祝細B仔健康活潑,大B哥精乖醒目.

kaayee

hoho1230,

我個仔都係讀1F, 都有你咁既情況, 成日攞番去d野, 一去冇回頭, 佢話d同學鍾意, 有時就話佢送比佢地, 有時就話佢地搶, 呢樣野都令到我好頭痛, 我都聽過P.1F係全級最曳!

kaayee

maggkiki

恭喜晒carayan!     祝bb怏高長大! 妳自己都要保重, 爭取多d時間休息, 因為要湊2個真係都幾辛苦架!

joyhc, 我個女都係C班, 佢又係人地恰佢都唔出聲果d人, 所以我時不時都有問佢有冇人恰佢和邊d同學曳, 以佢所講曳的人都只是上上

hoho1230

kaayee,

原來你都有咁既情況, 我相信可能係某幾個男同學比較貪心. 昨天我再問亞仔有無人叫佢送, 佢就向我訴苦話d同學夾硬要人俾佢, 唔係佢想俾, 咁我話你可以拒絕嘛, 佢又話唔敢, 跟住又話有個同學前後

joyhc

MAGGKIKI

有關小食的問題，我都有同老師傾過，因為我個囡有排直情不取帶小食返學校，因為佢話，有很多小朋友都會走過來叫請食嘢的，如果唔俾的話，有時就趁佢行開的時候，自己去拿來食，搞到佢自己都冇得食。咁我問佢：你唔帶小食，肚餓點算啊，個囡好搞笑咁話我知：冇嘢食，又肚餓的，咩行開吓，去吓廁所，食吓手指 LAW。 唉，聽完又好笑又心疼﹗不過我都是同類事件發生了很多次，才打電話給 MISS WONG 的，老師話：佢都有留意到，所以在課堂上講過，又教 D 小朋友行開的時候，要將小食盒蓋好，不要去引誘其他人來食。不過始終是一些只有 7 OR 8 歲的小朋友，所以亦不可以要求得太高﹗只是不斷咁教自己個囡要學識保護自己啦﹗

kaayee

hoho1230,

我個仔既情況同你一模一樣, 都唔知係咪個仔自己扮慷慨送比人, 番到黎驚我駡, 就話人地夾硬要攞, 惟有教佢say no, 但佢仲未學識! 我個仔都係怕事既人, 唔敢反抗!

kaayee

maggkiki

joyhc

咁你個女而家仲有冇帶野返去食呀?  為左咁而唔帶咪好慘, 因為返全日學會肚餓架!

其實呢個問題一開學冇耐我就發現, 起初我諗住比阿女帶d零食, 如點心麵, 旦糕, 餅乾, 蝦條等, 點知佢又係有時返黎同我講話好多人叫佢請食, 起初都唔為意, 咪一齊分享

maggkiki

del

Zoey

首先恭喜 carayan, 祝妳 bb 快高長大, 身體健康, 聰明伶俐        !  真係橋, 妳細 b 還跟我老公同一日生日        .

對於學校一些行為操行有問題既學生, 我都覺得應該多加留意, 加以輔導或糾正, 累勸不改, 實有嚴懲既必要, 免得影響其他同學上學既情緒        !  所以若果妳地覺得自己小朋友在學校有甚麼問題出現, 或者不妨跟老師說一說, 因可能有些事情, 老師也未必了解得很清楚.

至於發生得最多既 '遺失事件', 我女小一既時候都有試過, 這幾年就很少發生, 因為我已經比阿女改用晒最最最普通既文具     :    , 亦當然時時要吩咐好佢用完既東西要放番好, 才離開座位, 雖然或者有些好似斬腳趾避沙蟲, 但小朋友還未太懂保護自己財物既時候, 所以還是樸素簡單便算了          !  零食就只帶 bread & cake, 既有益又唔會有人搶     :     , 間唔中亦都會帶些紫菜, candies 番去請同學仔        !  不過點都好, 小朋友在學校有問題, 最緊要識得番屋企話比媽咪知            .

joyhc

DEAR ZOEY + ALL MAMI

我都經常去高小地帶取經的，在你同其他幾個媽咪的身上取經，知道你們的小朋友都有參加很多的活動，我在此有些問題想請教吓：
1) 時間方面可以怎樣安排啊﹖我現時成日都覺得時間唔夠用。
2) 可以怎樣推動你的小朋友呢﹖
我個囡成日的節奏很慢，在做功課的時候，經常是寫二個字，又玩一陣間，因為放學的時候，只有一個工人姐姐陪住佢，咁樣就將成個做功課的時間拖長咗，如果我陪在她旁邊的時候，並不需要太久的時間即可完成。但我要返工+OT，不可以抽咁多的時間陪佢，我有同佢傾談同分析過，講道理的時候，佢表現得很明白，並答應我一定會改，但到時到候佢又是故態復萌，唉，實在令我很困擾﹗佢現時已大個囡，我唔想成日咁駡佢或打佢，而造成不好的影響和後果﹗
可唔可以教吓我，我還可以用咩方法改變佢﹖﹗

十分的感謝﹗

carayan

首先多謝各位媽咪的關心，十分的感謝。NKW：我最後係半痳開刀生細B的，雖然傷口係痛D，不過可以係第一間抱到細B的確好開心。而家我奶奶係我屋企伴我坐月，除咗要ONCALL做奶媽    ，個大B都好多O野跟，要跟功課、默書外重有因多了細老，他變得比較樓計，老公要返功有幫唔到太多，希望過多兩個月會好D，今次測驗我都係盡量同阿仔温習，希望OK喇！
另外阿仔個班比較曳的同學仔的事，佢班主任係知o架﹐因係開學無幾奈個同學仔己無得小息，後來因多次事件好以已被記小過，佢班主任講佢知班中有小部份男同學比較曳，已特別注意，不過這批學生成績都非常好，有時連佢都無奈唔知點話佢地，你o地話係咪死得。