荃灣/葵涌區中學一問

rclamlam

點解學校講理科分數收生係高於文科?

sorlo

因為通常理科的學生成績會比文科高

T.K.

rclamlam 寫道:
TK

唔一定, 我一定會試下, 因為阿女舊年都有同學係band 2考到全完, 不過佢地係荃灣網, 唔知係自行收定係跨區11個學位入, 但係點都叫有機會, 就算自行入唔到, 統一派位揀第一志願都好大機會, 而且你可以試下伍若瑜.

rclamlam,
咁你覺得如果自行揀全完, 而全完響自行收生時好緊, 會唔會失左一個機會呢?
如果自行唔揀全完, 統一派位先揀佢第一志願, 你點睇?
不過, 好多人話自行揀果間應該統一派位亦揀果間第一位.
我知全完響區內校風, 但功課多唔多, 難唔難?  有D怕亞囡入到但跟唔到!
好煩! 好煩! 唔識揀, 諗唔通....  
請各高人出手幫忙, 指點吓啦!
唔該曬   
TK

sorlo

我咁諗:

伍若瑜同全完係band 2生大抽獎既首選, 因為二間都有收band 2生, 我呀囡讀世德   band 2生都係頭志願揀陳siu 民, 伍若瑜, 或者全完 (三間都有收band 2生) 但係band 2生自行分配既机會我相信不大

rclamlam

TK,

你唔需要擔心住啦, 小朋友好容易適應到中學生活.

其實係自行入到既機會就唔大, 如果你揀同級或底於自己囡囡banding既中學你又會唔想, 所以自行揀band 1中中都可以試下, 收就機會真係唔大架啦.

你想囡囡讀到咩中學先, 今年明報本書未出, 暫時唔知去年收生情況, 如陳兆民雖然話有收band 2生, 但係都係唔超過5%既位, 即係約8個度, 伍若瑜就聽校長講約有10%係band 2生, 即係約16個度, 全完就唔知, 以去年看收band 2生應該係25%, 即係幾拾人, 因為全完係開5班中一.

以你囡囡情況我覺係統一派位入到機會會大於自行收生, 唔好奇望咁大呀.

要提你, 陳兆民/伍若瑜自行收生係要去學校取表, 要帶埋成績去(5,6年級), 佢地看左覺得符合要求先會派表架.

yuyumama

今年中學學位分配是新制，已預印學生資料的「中一自行分配學位申請表」(每名學生兩份，每位學生可申請兩間中學)，不需要去學校取表，所以亦不會再有「 看過小學成績表才派表」的情況，但學校收表時會否「 看過小學成績表才收表」呢？我想應該不會，因為申請表是由教統局發出的，情況即如小學自行申請階段，學校一定要收表。當然，收生則另作別論了。

中學學位分配的資料可參看櫺囹桼的【中學學位分配(完)】

sorlo

yes, 看過小學成績才收表, 其實不再作準, 因為有許多小學, 會將校內分數提高，　等長成績表好睇的~~~但係名次就唔show 出來

NancyFelix

yuyumama 寫道:
今年中學學位分配是新制，已預印學生資料的「中一自行分配學位申請表」(每名學生兩份，每位學生可申請兩間中學)，不需要去學校取表，所以亦不會再有「 看過小學成績表才派表」的情況，但學校收表時會否「 看過小學成績表才收表」呢？我想應該不會，因為申請表是由教統局發出的，情況即如小學自行申請階段，學校一定要收表。當然，收生則另作別論了。

中學學位分配的資料可參看櫺囹桼的【中學學位分配(完)】

Hi yuyumama,

唔一定架, rclamlam講得啱.  睇下呢到伍若瑜的要求 :
http://www.twghwyyms.edu.hk/document/F1Self0708.pdf
報之前最好先問清楚心儀的學校穩陣d呀.   政府嗰張只列有簡單的姓名, 學校,....等的個人資料咋. 中學校的表要填的嘢多好多架.

rclamlam

唔係喎, 我看學校網都要帶成績表去架.

yuyumama 寫道:
今年中學學位分配是新制，已預印學生資料的「中一自行分配學位申請表」(每名學生兩份，每位學生可申請兩間中學)，不需要去學校取表，所以亦不會再有「 看過小學成績表才派表」的情況，但學校收表時會否「 看過小學成績表才收表」呢？我想應該不會，因為申請表是由教統局發出的，情況即如小學自行申請階段，學校一定要收表。當然，收生則另作別論了。

中學學位分配的資料可參看櫺囹桼的【中學學位分配(完)】

rclamlam

阿女以前係成績係唔會看到名次.

sorlo 寫道:
yes, 看過小學成績才收表, 其實不再作準, 因為有許多小學, 會將校內分數提高，　等長成績表好睇的~~~但係名次就唔show 出來

sorlo

但係有的學校，　完全唔比小朋友知個名次，　真係奇怪

rclamlam

我都唔係幾明, 好似我同事話佢個仔間小學係唔會講比佢地知名次, 只會首30名先知, 其他既都係只會話比佢地知banding, 唔會講實係band頭定尾.

sorlo

咁唔公開既學校，　真係要佢自己先知囉，　咁樣成績靚一靚都無用啦

yuyumama

以下是教統局發放中學學位分配辦法的資料：

有意向參加中學學位分配辦法的中學申請中一自行分配學位的學生/家長必須使用教統局於2006年11月下旬經小學派發的中一自行分配學位申請表。

申請表共有四聯：教統局存根、學校存根、家長存根及選校次序(「1」代表學生的首選學校；「2」代表次選學校)。學生/家長應根據選校意願，在申請表填上申請中學名稱，撕下及保留印有選校次序的一聯，然後在申請期間把中一自行分配學位申請表(包括教統局存根、學校存根及家長存根)，以及申請學校所需文件，直接交往申請中學。

學生最多可以向全港任何兩所參加中學學位分配辦法的中學提出申請，並只須向教統局表明選校次序，而毋須向學校申明選校意願。

家長必須在申請期間把中一自行分配學位申請表，連同申請學校所需文件，直接交往申請中學。學校經核實及確認有關申請後，會在中一自行分配學位申請表的教統局存根、學校存根及家長存根填上學校名稱及編號，以及蓋上校印，並即時把家長存根發回申請人，以作記錄。

根據上述資料，學校只會核實及確認有關申請，而不可「 看過小學成績表才派表」，「學生/家長必須使用教統局於2006年11月下旬經小學派發的中一自行分配學位申請表」，所以如學校仍用舊制，可能它不清楚新制；或方法「另類」！但這可能有問題：如果學校不派發「自己學校表格」，但家長仍遞交「教統局的中一自行分配學位申請表」，學校可否拒絕？如拒絕的話，我想這是違反教統局的指引。


上述資料的網址：
http://www.emb.gov.hk/index.aspx?langno=2&nodeID=5812

T.K.

rclamlam 寫道:
TK,

你唔需要擔心住啦, 小朋友好容易適應到中學生活.

其實係自行入到既機會就唔大, 如果你揀同級或底於自己囡囡banding既中學你又會唔想, 所以自行揀band 1中中都可以試下, 收就機會真係唔大架啦.

你想囡囡讀到咩中學先, 今年明報本書未出, 暫時唔知去年收生情況, 如陳兆民雖然話有收band 2生, 但係都係唔超過5%既位, 即係約8個度, 伍若瑜就聽校長講約有10%係band 2生, 即係約16個度, 全完就唔知, 以去年看收band 2生應該係25%, 即係幾拾人, 因為全完係開5班中一.

以你囡囡情況我覺係統一派位入到機會會大於自行收生, 唔好奇望咁大呀.

要提你, 陳兆民/伍若瑜自行收生係要去學校取表, 要帶埋成績去(5,6年級), 佢地看左覺得符合要求先會派表架.

rclamlam,

多謝你嘅提醒!
全完話十二月中會在網上公告自行收生嘅詳情.
其實學校睇左成績覺得符合要求先會派表係好嫁, 起碼唔洗明明唔收都要學生浪費左一個自選機會.  

今年明報本書我都經亞囡學校訂左, 不過唔知幾時先派

在BK真係遇到好多有心嘅家長 ~ 就正如你, 給我好多資料及意見!  在職媽媽真係唔知咁多其他學校嘅事, 朋友介紹我上 BK 令我獲益不少!
   
TK    

T.K.

sorlo 寫道:
我咁諗:

伍若瑜同全完係band 2生大抽獎既首選, 因為二間都有收band 2生, 我呀囡讀世德   band 2生都係頭志願揀陳siu 民, 伍若瑜, 或者全完 (三間都有收band 2生) 但係band 2生自行分配既机會我相信不大

sorlo,
多謝你嘅意見, 我都同意你嘅諗法.   
但自行分配如果只係揀band 2學校, 如果好彩入左, 就無機會大抽獎入band 1 尾 band 2 頭嘅學校.
所以, 自行分配點揀好難決擇   
TK

rclamlam

TK,

所以你應該揀有收BAND 2學生既BAND 1中中試下, 唔得既都預左, 得既係派彩.

kimmy1154

1/12 王少清升中講座, 公開自行分配學位不需耍面試, 升中最緊要睇學業成績, 自行派60位. 請問還有咩中學唔需耍面試?

binbindog

30/11果日去聽咗一個由教統局主辦, 有關新學制(334)既講座, 去到高中一(中四)果時, 係唔會再分文科or理科, 而係除主科(中.英.數.通識), 再在其他20科內再選修最少2-3個科目, 再加其他學習經歷.

而將來要考果個香港中學文憑考試, 除了計公開考試成績之外, 亦會有一個校本評核要計分, 而第一屆既考生, 數學科係唔需要計考本評核.

mrs_lee

幫外甥仔問：
他成績屬band2。他老豆正考慮聖芳濟，（我已經脫節，因為我個仔已經讀中三，又唔熟果區）我見很少人提這間學校，所以想問：
1) 聖芳濟是間怎樣的學校？
2) 有什麼其他建議？
謝謝！