德萃小學

kkhhmmbb

billylaw 發表於 18-6-17 23:54
無錯。。。之後可以行番學了，雖然我知呢個價錢係其他區可能有其他選擇，但我唔想小朋友要搭車跨區番學
...

聽朋友講SH校車都好貴，可以行返學慳返唔少，中午又方便吃飯

Vanadium

kkhhmmbb 發表於 18-6-17 22:42
同意，根據我係美國讀書時的觀察，能入名校的都係好認真讀書的人，個個都刻苦用功，再加上天份。
同先生一 ...

就好似未必個個buy李氐家族咁多錢仍咁慳家，朝7晚10咁工作，但亦無理由話人地咁生活有問題，仲要係佢身家同生意又真係做得大過好多人，一言一談都滿有影響力。

傳統轉國際何止容易，仲係win晒，我識個個經得傳統洗禮，一去到國際或外國都係攞盡最top果批成績。國際或輕鬆開返傳統? 見唔少外國老師話見香港學生能坐得咁定已嚇親，小朋友玩慣莫講讀，連坐定都難。

其實我成堆朋友，就係怕仔女辛苦而去讀輕鬆學校後既慘淡結果，不過講得多就會令識既人知我講緊佢地唔係幾好所以費事提。

billylaw

kkhhmmbb 發表於 18-6-17 23:57
聽朋友講SH校車都好貴，可以行返學慳返唔少，中午又方便吃飯

係，好貴，大埔去大埔都要二千幾，如果沙田去好似三千幾

kkhhmmbb

Vanadium 發表於 18-6-18 00:06
就好似未必個個buy李氐家族咁多錢仍咁慳家，朝7晚10咁工作，但亦無理由話人地咁生活有問題，仲要係佢身家 ...

明白的，身邊朋友的孩子都很小，但是能想像到輕鬆慣了長大之後都係點。根據我自己了解的，外國也有不少家長為孩子讀書搬屋。想讀好學校想小朋友成績好都係要付出好多。
但係如果家長只係希望小朋友能健康成長而唔睇以後升大學成績，我覺得依家輕鬆點也無可厚非，大家目標不一樣。做父母的總想給最好的俾自己孩子，但是何為之‘最好’每人的定義都不同。

kkhhmmbb

billylaw 發表於 18-6-18 00:23
係，好貴，大埔去大埔都要二千幾，如果沙田去好似三千幾

沙田去要3000幾其他學校一個月學費，其實點解會咁貴，係咪因為少人讀。

billylaw

kkhhmmbb 發表於 18-6-18 00:40
沙田去要3000幾其他學校一個月學費，其實點解會咁貴，係咪因為少人讀。
...

咁就唔知。。。不過真係超級貴，如果要俾三千車費，我就唔會讀啦

billylaw

kkhhmmbb 發表於 18-6-18 00:39
明白的，身邊朋友的孩子都很小，但是能想像到輕鬆慣了長大之後都係點。根據我自己了解的，外國也有不少家 ...

其實又未必話想小朋友輕鬆，而係辛苦黎唔知為乜。。。好似我女背默咁，背課文默出黎，有乜意思？連標點都係背。。。要小朋友識字，識寫句子，根本唔係咁，佢地識左標點用法，亦不雖死背。。數學有d題目見到，亦係操開練習先會識做，題型根本課堂無教亦無教小朋友如何思考搵到答案。。咁樣情況下，補習令小朋友做左默書考試機器，真有意思？

kkhhmmbb

billylaw 發表於 18-6-18 00:51
其實又未必話想小朋友輕鬆，而係辛苦黎唔知為乜。。。好似我女背默咁，背課文默出黎，有乜意思？連標點都 ...

我小朋友今年才上小一，我都暫時未諗到咁長遠，見步行步先暫時我對學校的要求就是校風好，老師有愛心，小朋友喜歡返學。

Vanadium

billylaw 發表於 18-6-18 00:51
其實又未必話想小朋友輕鬆，而係辛苦黎唔知為乜。。。好似我女背默咁，背課文默出黎，有乜意思？連標點都 ...

我聽過有人講咁係會訓練到小朋友既記憶力同處事既謹慎程度。

其實我原都有懷疑使唔使咁挑剔，但又見到過得到咁挑剔既，似乎升中後又真係讀得幾好咁，我惟有相信小學老師既專業知識，可能咁真係有用。

至於數學既難題，我反而覺得本係想考小朋友能否應用知識既高思考題，係想分邊啲學生係真係叻果啲，係咁當然上堂未必會教，但家長又不忍心仔女被考驗天聰與能力，結果買作業同搵補習狂操，情況如早年學能測驗一樣 。

呢啲操法即使高分左係徒然既，因小朋友智能係無提升，只係repeater，將曾經做過既野做返出黎，不過家長總喜歡欺騙自己，不忍接受現實。

sun329shine

billylaw 發表於 18-6-17 14:40
小女黎緊會插班小二。。。。主要係想佢兩文三語講得好，成績其次。都問過幾個有小朋友讀緊ge家長，德萃應 ...

SH 不是行IB嗎？

supermom1

sun329shine 發表於 18-6-18 06:52
SH 不是行IB嗎？

一定不會行DSE，未知什麼學制

mamaishere

Vanadium 發表於 18-6-18 00:06
就好似未必個個buy李氐家族咁多錢仍咁慳家，朝7晚10咁工作，但亦無理由話人地咁生活有問題，仲要係佢身家 ...

你一口咬定傳統比國際好，國際家長又唔識諗又老襯，就好似vegetarian係咁同食葷者講食素健康對身體好，你哋班人食完肉食到口味太重又有毒素會有ABCDE咁多害處，咁鬼蠢明知咁多問題仍然食肉，我就醒呢由始至終都buy素，有先見之明，世事都被我看透。但對食葷者而言，我哋人生在世就係想享受無局限嘅佳餚美食，同朋友分享和牛龍蝦沖繩豬都不知增添多少生活情趣。健康飲食重要，但不代表要素食才健康，有節制地食葷再補多幾條菜一樣健康，人生更豐富更精彩。食肉不代表要瘋狂食到有病先後悔，正如國際學校並唔係你諗到咁自由放任得閒無嘢做，上課時間比傳統學校坐定定聽書充實多了。

mamaishere

mamaishere 發表於 18-6-18 08:10
你一口咬定傳統比國際好，國際家長又唔識諗又老襯，就好似vegetarian係咁同食葷者講食素健康對身體好，你 ...

再講，國際學校黃金檔期係幼稚園小學，最開心最多活動最多創意腦筋社交訓練都係呢個時候進行。中學由傳統轉入國際當然好過無，但首先要知道好多所謂名校生英文程度同社交能力不達標一樣入唔到，入到亦未必有位，除非唔介意二三線國際。再說，國際中學已經開始變忙，好多功課projects，亦有好多活動要兼顧，其實同傳統嘅分別亦開始縮小。加上要融入IS圈子亦不容易，青春期唔再似小學生咁包容同自己不同文化嘅新同學，最後又係傳統同返傳統轉校做朋友。你啱，到頭來如果你用考試分數去衡量成功，傳統熟悉考試技巧高分啲大勝，但不見得其他同學喺呢十幾年嘅得著俾考得高分啲嘅少。

poonseelai

mamaishere 發表於 18-6-18 08:24
再講，國際學校黃金檔期係幼稚園小學，最開心最多活動最多創意腦筋社交訓練都係呢個時候進行。中學由傳統 ...

唔洗勞氣，明就明，唔明就唔明，我身邊仍有親友覺得國際學校/ib school 上到中學都仲係不用讀，hea 下就上到大學(我都想)

billylaw

sun329shine 發表於 18-6-18 06:52
SH 不是行IB嗎？

不是行ib，係本地課程，但除左中文常識用普通話，其他用英文教

billylaw

poonseelai 發表於 18-6-18 08:43
唔洗勞氣，明就明，唔明就唔明，我身邊仍有親友覺得國際學校/ib school 上到中學都仲係不用讀，hea 下就上 ...

實情上d家長都反映話德萃課程唔係淺的，只不過唔洗重覆抄寫死記咁解，我都拭目以待

Vanadium

mamaishere 發表於 18-6-18 08:10
你一口咬定傳統比國際好，國際家長又唔識諗又老襯，就好似vegetarian係咁同食葷者講食素健康對身體好，你 ...

你係咪讀國際學校出生? 好奇怪你一而再再而三誤會人地講咩 。

依家係你地講到傳統十惡不赦，我睇傳統既教學結果唔似係咁，先講下傳統既優點，或佢可能可做到一啲效果會被大家忽略。傳統教學係有佢缺點，但係有限資源下，已做得不錯，何需講到傳統下個個有問題呢?

其實出問題既好多時係啲家長而唔係教育系統 。

國際學校我識唔少朋友仔女讀，由幼稚園上到中學畢業，但始終中國家庭長大，讀書都係沉實勤力，都好好成績，部份都大學畢業，但表現係咪好outgoing好talkative，唔係囉，性格都天生嘛 。畢業後咪又係同傳統學生一齊競爭工作，無優勢喎，識有啲都搵唔到野做，話之你英文好好都無用 。

佢地大都話最差成績果堆大都係鬼仔鬼妹，當然叻同勤力都有 。

教育同學校只係外圍影響，好多學習唔係係學校發生，人既能力最終係天資同家庭影響最大，叻既小朋友，就算行下街，都會觀察學到好多野。

tping614

billylaw 發表於 18-6-18 09:16
實情上d家長都反映話德萃課程唔係淺的，只不過唔洗重覆抄寫死記咁解，我都拭目以待
...

我去開放日睇過幼稚園課程都唔淺 k2已經有重組句子 k3閱讀理解、成語 數學中數、英數都有學 學校話預備班小朋友上小一較易適應 因為而家大部分小學都深 但係問返讀緊既家長 個個都話唔辛苦 算happy 同輕鬆 功課係學校老師同佢地一齊做左 d程度深過我仔而家間私幼

tping614

tping614 發表於 18-6-18 10:19
我去開放日睇過幼稚園課程都唔淺 k2已經有重組句子 k3閱讀理解、成語 數學中數、英數都有學 學校話預備班 ...

我未睇過小學課程 下次開放日都想去了解下

Vanadium

tping614 發表於 18-6-18 10:19
我去開放日睇過幼稚園課程都唔淺 k2已經有重組句子 k3閱讀理解、成語 數學中數、英數都有學 學校話預備班 ...

K2重組句字? 唔係就係以下被人鬧變態呢間嘛?

http://hd.stheadline.com/news/realtime/hk/1239099/

原來德萃講黎講去都係玩比人行快一步、拔苗助長既教育策略，仲係度討論咩happy school咩國際教育模式，真係得啖笑。